میڈی ہر خوشی دا قاتل میڈے پیار کوں بھلا دے
میتھوں اپنٹری یاد کھس گھن میڈا زخمی دل ولا دے
جنہاں حسرتاں کوں تیڈی چاہت رولیندی رہی اے
ڈیہنہ رات تیڈے در تے میکوں جُکھیندی رہی اے
انہاں حسرتاں تے گل تے ہس کے چھری چلا دے
میڈی ہر خوشی دا قاتل میڈے پیار کوں بھلا دے
میڈی ہر خوشی دا قاتل
میڈے پیار دا تماشہ سرعام کرنڑاں ہاوی
بدنام کر ڈتوئی بدنام کرنا ہاوی
میڈی آس دے محل کوں ہْنڑ ڈیکھ نہیں توں ڈھا دے
میڈی ہر خوشی دا قاتل میڈے پیار کوں بھلا دے
میڈی ہر خوشی دا قاتل
تیڈا شوق تے ارادہ ہنڑ پورا تھی گیا ہے
ساری زندگی دا روونڑ میڈے نام لکھی گیا اے
خوشیاں دے گیت گا ہنڑ محفل دا رنگ سجا دے
میڈی ہر خوشی دا قاتل میڈے پیار کوں بھلا دے
میڈی ہر خوشی دا قاتل
میں کئیں کوں ہے رلایا میکوں تیں رولانڑوا آ
صلہ کیتیاں دا کیں توں میں وہ تاں پاونڑاں آ
تیڈا حق ہے کئیں دی خاطر میکوں دربدر رْلا ڈے
میڈی ہر خوشی دا قاتل میڈے پیار کوں بھلا دے
میڈی ہر خوشی دا قاتل
اْتھے پوری اتری شالا جتھے دل نثار کیتائی
جہیندے واسطے رلایائی کیندے نال پیار کیتائی
اْوندھے ناں کوں دل تے لکھ چاہ بیوسؔ دا ناں مٹا ڈے
میڈی ہر خوشی دا قاتل میڈے پیار کوں بھلا دے
میڈی ہر خوشی دا قاتل
