مینوں ہنجواں دی ندی وچ روہڑیا مکھ سجنڑاں نے میرے ولوں موڑیا
وچھوڑیاں نی کند کر کے سجنڑوں ہائے وچھوڑیاں نی کند کر کے
ایتھے وسدے نے ویری سارے پیار دے بازی دل والی جہیڑے ایتھے ہار دے
او ربا کتھے جانٹر کملے کملے ہائے او ربا کتھے جانٹر کملے
دُکھ لگیاں نے کنہوں میں سناواں میتھوں رُس گیاں سکھاں دیا ں چھاواں
دلاں دے جانی دور ٹر گے سجنڑوں ہائے دلاں دے جانی دور ٹر گے
ایسا لٹیا کسے نے بُھلی پا کے پھٹ دل تے وچھوڑیاں دے لا کے
تے فیر نہیں جے حال پچھیا سجنڑوں ہائے تے فیر نہیں جے حال پچھیا
کلے رونے آں کنداں دے نال لگ کے کوئی ٹر گیا سُکھ ساڈے ٹھگ کے
تے دُکھ ساڈی جولی پا گیا سجنڑوں ہائے تے دُکھ ساڈی جولی پا گیا
سانوں دتتیاں نے لمبیاں جدائیاں نہیں او سجنڑاں نے لا کے نبھایاں
نصیباں اُتھے کاہدئے شکوئے سجنڑوں ہائے نصیباں اُتھے کاہدئے شکوئے
بنڑے صادقاؔ او اپنڑیں بیگانے اساں دکھاں نال پا لے یارانے
تے سکھ ساڈے کی لگدے سجنڑوں ہائے تے سکھ ساڈے کی لگدے
