ڈیٹھا ڈھولے کوں غیراں دے نال

تر پیار پریت دے پانڑیاں تے اِک وار وصال دی چھل وچ آ
نظری پوہ ہجر دے ٹوپیاں وچ آسمان توں ڈھا کے تھل وچ آ
یا خاب دی تڑٹی ہوئی ونگ وچ آیا ہنج دے تپدے تھل وچ آ
توں آ تاں سہی چن مظہرؔ دا جہڑے رنگ وچ آ جہڑی گل وچ آ

ڈیٹھا ڈھولے کوں غیراں دے نال ساڈے کپڑاں کوں بھاہ لگ گئی
اُونہوں آیا نہ ساڈا خیال ساڈے کپڑاں کوں بھاہ لگ گئی

اُونہوں چنگی طرح پتہ کئیں نوں اُس دے نال اَساں ڈیکھ نہ سکدے
کوئی ڈیوے اُونہوں چھلا ڈیوے کوئی رومال اَساں ڈیکھ نہ سکدے
ودا ہالے وہ کریندا اِے پڑتال ساڈے کپڑاں کوں بھاہ لگ گئی
ڈیٹھا ڈھولے کوں غیراں دے نال ساڈے کپڑاں کوں بھاہ لگ گئی

ساڈی اَکھیں دے سامنے اُلفت دَا اِظہار کریندا اِے
ساکوں ساڑن لئی او نال کسے دے پیار کریندا اِے
اَجا سمجھی وَددا اِے ساکوں بھال ساڈے کپڑاں کوں بھاہ لگ گئی
ڈیٹھا ڈھولے کوں غیراں دے نال ساڈے کپڑاں کوں بھاہ لگ گئی

جہیڑا کل تائیں ساڈا ہئی اللہ جانے اَج کیوں لگدا اِے پرایا
ساکوں پکیاں رپوٹاں ہِن اِس دے بارے اُونہوں جئیں سمجھایا
اَساں پچھیا تے گل گیا ٹال ساڈے کپڑاں کوں بھاہ لگ گئی
ڈیٹھا ڈھولے کوں غیراں دے نال ساڈے کپڑاں کوں بھاہ لگ گئی

اَج پہلی وَاری مظہرؔ بوئے اُتے گئے آں سانوں ٹورس رُوا کے
ہِک بوہا نِس کھولا ڈوجھا گلاں وی کریندا ریہائے غیراں نال باہ کے
دِل ڈُکھیا تے تھیا برا حال ساڈے کپڑاں کوں بھاہ لگ گئی
ڈیٹھا ڈھولے کوں غیراں دے نال ساڈے کپڑاں کوں بھاہ لگ گئی