اللہ کریسی چنگیاں وے مکھ ویسن تنگیاں ڈھولنا دِل چھوٹا نہ کر وے ڈھولنا
کہیہ ہویا مکھ موڑ گئے ہِن رشتے ناطے طور گئے ہِن
میں جو تیڈی سنگیاں وے مُک ویسن تنگیاں ڈھولنا
دل چھوٹا نہ کر وے ڈھولنا
تیڈے نال ہِن میڈیاں شاناں مُندری چھلا والی گانا
تیڈے توں نئیں چنگیاں وے مُک ویسن تنگیاں ڈھولنا
دل چھوٹا نہ کر وے ڈھولنا
حا ل وَنجا کے بہاونڑ نالوں بُک بُک نیر وھاوںڑ نالوں
سُرمہ پا کر کنگھیاں وے مُک ویسن تنگیاں ڈھولنا
دل چھوٹا نہ کر وے ڈھولنا
لنگھیاں نوں کر اُولے ماہی گاہ ہُن پیار دے ڈھولے ماہی
جو لنگھیاں سو لنگھیاں وے مُک ویسن تنگیاں ڈھولنا
دل چھوٹا نہ کر وے ڈھولنا
دل میڈا توں توڑ نہ ماہی محلاں دی میکوں لوڑ نہ ماہی
میں تیڈے رنگ رلیاں وے مُک ویسن تنگیاں ڈھولنا
دل چھوٹا نہ کر وے ڈھولنا
اللہ سائیں کرم کریسی آس دا کاسہ آپ بھریسی
ہنڑ دُعائیں منگیاں وے مُک ویسن تنگیاں ڈھولنا
دل چھوٹا نہ کر وے ڈھولنا
