(Last Updated On: )
کیڈا ظُلم کتوئی راہے چھوڑ ڈتو اِی متھے کوئی اِلزام تاں لیندوں چھوڑ نہ ویندوں
بل فرض جے کوئی مجبوری ہاوی مینوں کلیاں بہہ سمجھیدوں چھوڑ نہ ویندوں
لڑ چُھٹ ویندے کر چُپ ویندے وت بیشک کر کنڈ ویندوں زہر نہ پلیندوں
تھئی ساہ بیوسؔ دے ختم ویندے پچھے غیر دی سیج سجیندوں جشن منیدوں
گھٹ زہر د ا پیندا آں
کل ماہی مل پوسی اِسے آس تے جینداں آں
نِت دِل کوں آہداں کل ماہی آہسی بس اَج دا ڈیں ہے کوئی دُکھ نہ راہسی
نِت میں نویں گل تے دل کوں ولینداں ہاں ہک بہہ تو ود کے بہانے بنڑینداں
منتاں کرینداں تے قسماں وی چینداں وت دل کوں آہداں کل ماہی آہسی
ڈیں جو اُبھرا دا اِے آ رَاہ تے باہنداں طعنے تے مہنڑے لوکاں دے سانداں
دُنیا کوں وَسدا تینڈا جو رہنداں آں وَت دِل کوں آہداں کل ماہی آہسی
جاں شام تھیندی وَل گھر نوں میں وِینداں پلکاں تے ہنجواں دِے ڈیوے بلینداں
گھر دے اَندھیراں وِچ یاداں گلینداں ہاں وَت دِل کوں آہداں کل ماہی آہسی
جاں آس ڈھلدی تڑٹ آس وِیندی نیندر وی دل کُوں دِلاسے نی ڈیندی
تاراں دِی جِل مِل تَن کوں سڑیندی وَت دِل کوں آہداں کل ماہی آہسی
