دِلاں دِے تاجر او دُینا والو میں دِل وَچینداں کوئی خریدے ہتھاں تے چا کے میں ہر گلی وِچ ودا پھرینداں کوئی خریدے
میں تنگ ہاں اِس توں اِے محتھوں تنگ اِے میں رَاہ دَا سنگ ہاں اِے کیں دِے سنگ اِے
نیلام گھر وِچ نیلام اِس کوں پیا کرینداں کوئی خریدے دِلاں دِے تاجر او دُینا والو میں دِل وَچینداں کوئی خریدے
ڈکھاں دِی اَگ تے جلا کے ڈیکھو
ہجر دِی دُھپ تے سِکا کے ڈیکھو
کوئی دَغا نہیں جفا دِی سولی تے چاہ ٹھگینداں کوئی خریدے
دِلاں دِے تاجر او دُینا والو میں دِل وَچینداں کوئی خریدے
جاں کیں کوں ڈِھدا اِے پُھلاں دِی چھاں تے صد ا نہیں ڈینڈا وَفا دے ناں تے
پیار اُلفت دِے لال چیکوں پیا گلینداں کوئی خریدے دِلاں دِے تاجر او دُینا والو میں دِل وَچینداں کوئی خریدے
ہے پُھل توں نازک وَفا دَا موتی حیا تُو پُر ہے حیا دَا موتی
کتھے وی آکھو نمائش کیتی میں آ رکھینداں کوئی خریدے دِلاں دِے تاجر او دُینا والو میں دِل وَچینداں کوئی خریدے
نہ مال و دولت نہ زر دَا شوق اے خلوص دِی ہک نظر دَا شوق ہے
اِسے نظر دے بیوس اِشارے تے مفت ڈینداں کوئی خریدے دِلاں دِے تاجر او دُینا والو میں دِل وَچینداں کوئی خریدے
