(Last Updated On: )
ماہی ملنڑاں سی سانوں کل رات ہائے اے او مُکی سی دُو واں دی گل بات
تے ملاقات فیر نہ ہوئی
رَب جانڑیں او کیوں نہیں آیا دِل وِچ چھڑیا دَرد وسایاں
دِن ڈبیا تے پہ گئی اک رات ایہو مُکی سی دُو واں دی گل بات
تے ملاقات فیر نہ ہوئی
پہلے تے اِنج نہیں سی ہویا مر جانڑاں دل اے نہ رویا
اکھاں چھم چھم لائی برسات ایہو مُکی سی دُو واں دی گل بات
تے ملاقات فیر نہ ہوئی
وعدہ کر کے پُل گیا ہونا پیار اِچ تیرے اِنج وی رونڑاں
پلے ہنجواں دی پئی اے سوغات ایہو مُکی سی دُو واں دی گل بات
تے ملاقات فیر نہ ہوئی
دِل دِیاں گلاں دِل وچ رہیاں نوویاں آساں لانڑیاں پئیاں
بریؔ ملدا تے ہوندی شب رات ایہو مُکی سی دُو واں دی گل بات
تے ملاقات فیر نہ ہوئی
