مینوں بابلا وے تیرے گھروں ٹور کے گُڈیاں پٹولے ر ُونڑ گے
جَنج ویکھ کے گلی دے وِچو میری ویر باری اُولے رُونڑ گے
مِینوں نہیں سی پَتا ہونا وِیراں تُوں جُد ا سِی گُڈیاں پٹولیاں دَا کرنا وِیاہ سِی
اَن سیتے جہیڑے باری وچ رِہ گے او نِکے نِکے چُولے رُونڑ گے
کمنیاں کنداں اَج رُونڑاں اِے بنیرے نے بابلا وے وینڑ پاونڑیں اَج وہیڑے تیرے نے
تیری گلی وِچ جنہاں نال کیڈی اوے کُریاں دِے ٹولے رُون گے
تیرے گھروں جانڑ دِیاں سوچاں نہیں سِی سوچیاں میں جنہاں ویڑیاں اِچ پھیر دی ساں پوچیاں
جدوں ٹُر ہاں گی وِیراں نوں رُوندا چڈ کے اِے وہیڑے گونگے بولے رُونٹر گے
گوٹھے دِیاں چُنیاں تے نِکی یاں پَراندِیاں صادقؔ میں جاندی واری جِنہاں وِچ سانبھیاں
میں او جہیڑاں صندوقاں وِچ رَکھیاں تُو جدوں و ِی اُو کھولے رُونڑ گے
مینوں بابلا وے تیرے گھروں ٹور کے گُڈیاں پٹولے ر ُونڑ گے
جَنج ویکھ کے گلی دے وِچو میری ویر باری اُولے رُونڑ گے
