نی جِیدے ہتھ وِچ کل سی ہتھ تیرا دس بانکیے نارے کون سی او
جِس کھلرے تیرے مُکھڑے تے او سن وال سوارے کون سی او
جِس پا کے باہواں گل تیرے لئے پیار ہُلارے کون سی او
نی جنہوں ویکھ کے کملے صادقؔ دے او روئے نین وچارے کون سی او
نی ہتھ اوہدے وِچ ہتھ سی تیرا کھلرے ہوئے سَن سارے وال
کل او کون سی تیرے نال او کل کون سی تیرے نال
نی جوڑا کُھلیا تیرا نی کجل ڈُلیا تیرا نہ ایویں پردے پانی نہ ایویں قسماں کھا نی
میں اکھیں ویکھیا تینوں نتُوں سچی ڈس وے مینوں کِدے نال دُکھ سُکھ پھولے کھلو کے کندھ دے اوہلے
کند دے کول کھلو کے جِس نُوں نیڑے نیڑے ہو کے جِس نوں
دسدی پئی سیں دِل دا حال کل او کون سی تیرے نال
نی تینوں سوچ نہ آئی پیار دی خاک اُڑائی کھڑے سو دونویں کلے کی چھڈیا ای میرے پلے
کی میرا قدر تُوں پایا میں تینوں پیار سکھایا جدوں تو ویکھیا مینوں چال وی بُھل گئی تینوں
اپنڑیں وی نہ ہوش سی تینوں دُوروں آوندا ویکھ کے مینوں
بدل گئی سی تیری چال کل او کون سی تیرے نال
میں تینوں جانڑ گیا ہاں خوب پہچانڑ گیا واں پیار نہ آیا تینوں تُوں روگی کیتا مینوں
میرے نال چال تُوں چلی غیر نال پھریں تُوں کلی تُوں سائیاں اِدھر لائیاں مُحبتاں اُدھر پایئاں
غیر دی بانہہ تُوں گل وچ پائی پیار میرے دی خاک اُڑائی
کرنا سی کُج آپ خیال کل او کون سی تیرے نال
تُوں پیریں جھانجھراں پائیاں تُوں ہتھیں مہندیاں لائیاں روپ تینوں واہ واہ چڑیا نی ہتھ تُوں غیر دا پھڑیا
نی آوے سمجھ نہ تینوں میں ہنڑ کی آکھاں تینوں ہونٹ وی لال سی تیرے نی کھلرے وال سی تیرے
کالیاں زُلفاں مُکھ تے پا کے جھانجھراں دے نال پیر سجا کے
ٹُر دی پئی سیں ٹور کمال کل او کون سی تیرے نال
غیر نال پیار تُوں پایا تے مینوں دِلوں بُھلایا نی کر کے مینوں روگی تُوں رہ گئی غیراں جوگی
نی مارے بول شریکاں تُو لایاں عشق نوں لیکاں نیں پھڑ کے غیر دا پلہ تُو چھڈ گئی مینوں کلہ
رہ گیا اے جہڑا کلمکلا تُو ہی دَس ہنڑ صادقؔ جھلا
کہڑے کھوہ وچ مارے چھال کل او کون سی تیرے نال
