میں جو تنہا کبھی چپکے سے بھی رونا چاہوں
تو دل کے دروازے کی زنجیر ہلا دیتا ہے۔۔۔
ابھی تھوڑی دیر پہلے والے صاف آسمان کو یکدم کالے رنگ کے بادلوں نے گھیر لیا تھا سرسراتی ہواٶں نے زور پکڑا تھا اور آندھی کی شکل اختیار کر لی تھی ہر چیز گرد کی صورت یہاں وہاں اڑ رہی تھی۔۔۔۔۔چیزوں کے یہاں وہاں گرنے سے عجیب سا شور پیدا ہو گیا تھا۔۔۔۔۔۔۔دن میں ہی شام کا گمان ہو رہا تھا یکدم پورے کوٹھے میں اندھیرہ چھا گیا تھا۔۔۔۔۔شاید بجلی والوں نے یہ موقع غنیمت جانا تھا یا کوٸی فیڈر ٹرپ ہوا تھا۔۔۔۔۔۔
باہر ہواٸیں ذور پکڑ رہی تھی اور اندر اس کا دل کسی سہمے بچے کی طرح اندیشوں کو جھٹک رہا تھا اس نے اپنے کمرے کی کھڑکی سے پردہ کھسکایا باہر نیم اندھیرہ ہو رہا تھا۔۔۔۔۔اسے گرد اڑتی ہوٸی دیکھاٸی دی۔۔۔۔۔۔ہوا بے رحمی سے چیزوں کو یہاں وہاں پٹخ رہی تھی
اس نے پردہ دوبارہ برابر کیا دوپٹہ سیٹ کیا چہرے پہ پریشانی کے آثار نمایاں تھے
تھکے تھکے قدم اٹھاتی ساتھ والے کمرے تک گٸ
ہلکی سی دستک دی۔۔۔۔۔
اور اندر چلی گٸ
اندر تیکے کے ساتھ ٹیک لگا کے بیٹھی۔۔۔۔۔۔نگار بیگم نے ایک سرسری نگاہ اس کے چہرے پہ ڈالی وہ چہرے سے فکرمند لگ رہی تھی۔۔۔۔۔۔
”کیا ہوا ہے زری۔۔۔۔۔۔“؟ کیوں پریشان ہیں۔۔“؟
انہوں نے ناک چڑا کر پوچھا
”وہ اماں جان بازار گٸ تھی ۔۔۔۔۔ابھی تک واپس نہیں آٸی باہر موسم بھی خراب ہو گیا ہے۔۔۔۔۔۔“
اس نے فکرمندی سے کہتے ہوۓ کھنکنیوں سے کھڑی سے باہر دیکھا
جہاں ہواٸیں ذور پکڑ کے آندھی کی شکل اختیار کر چکی تھی۔۔
”ہاں ہم نے جہاں آراء کو فون کیا تھا لیکن اس کا نمبر بند تھا۔۔۔۔۔۔“
انہوں نے عام سے لہجے میں کہا تو زری کا دل مذید گھبرا گیا
اسے پتہ تھا کچھ بھی ہو جاۓ وہ اپنا نمبر نہیں بند کرتی تھی۔۔۔۔۔
”اور ویسے بھی موسم خراب ہے کہیں رک گٸ ہو گی تھوڑی دیر کے لیے آجاۓ گی۔۔۔۔۔“
انہوں نے اسے بہلا کے جیسے جان چھڑانی چاہی۔۔۔۔
وہ مرے مرے قدموں سے جانے لگی
جب رانی عجلت سے کمرے میں آٸی اور آتے ہی زرپاش سے ٹکراٸی
زرپاش نے خود کو بامشکل سنبھالا
موم بتی کی مدہم روشنی میں۔۔۔۔۔۔اس نے دیکھا رانی دھواں دھواں چہرے کے ساتھ اس کے سامنے کھڑی تھی
زری کو یوں اپنے سامنے کھڑا دیکھ کے وہ اس سے لپٹ گٸ
زرپاش کے دل کو یکدم کچھ ہوا جیسے کسی نے اس کے دل کو مٹھی میں جھکڑ لیا ہو
کچھ غلط ہونے کے احساس نے اس کے سوچنے سمجھنے کی صلاحیتیں مفلوج کردی
نگار بیگم یکدم اس کے قریب آٸی
”کیا ہوا رانی سب حیریت تو ہے۔۔۔۔۔۔“؟
وہ وہی کھڑے پریشان لہجے میں اس سے باز پرس کرنے لگی
”زرپاش۔۔۔۔۔۔۔۔جہاں آراء جی نہیں رہی۔۔۔“
اس نے رندھی ہوٸی آواز میں کہا اور زری کو لگا جیسے یہ چھت اس کے سر پہ آن گرا ہے۔۔۔۔۔کسی نے جیسے پگھلا ہوا سیسہ اس کے کانوں میں انڈھیل دیا ہے
باہر بجلی ذور سے کڑکی اور چھم چھم مینہ برسنے لگا جیسے وہ کسی ایسی ہی خبر کے انتظار میں تھا۔۔۔۔۔
وہ ہونقوں چہرہ لیے رانی کو دیکھ کے رہ گٸ۔۔۔۔۔
جیسے اس کے الفاظ سلب کر لیے گۓ تھے
نگار بیگم نے بے یقینی سے رانی کو دیکھا۔۔۔۔۔
”یہ کیسا مذاق ہے۔۔۔“
وہ رانی کو پرے دھکیل کے کچھ ایسے ذور سے دھاڑی کے کوٹھے کے در و دیوار لرز اٹھے۔۔۔۔۔۔
سب طواٸفیں اپنے حجروں سے نکل کے نگار بیگم کے کمرے کی طرف بھاگی۔۔۔۔۔۔
یکدم پورا کوٹھا روشن ہو گیا تھا
اور زرپاش کی حالت غیر ہو رہی تھی۔۔۔۔۔۔۔
ہر آنکھ اشکبار تھی مگر جیسے سب کے ہونٹ سل گۓ تھے کوٸی بھی موت کی وجہ جاننے کی جرأت نہیں کر رہا تھا
اسی لمحے نگار بیگم کی اس ملازمہ پر نظر پڑی ۔۔۔۔۔جو جہاں آراء کے ساتھ گٸ تھی اور اب وہ ہی اس کی موت کی خبر لاٸی تھی
جو منہ پہ دوپٹہ رکھ کے اپنی سسکیوں کا گلا گھوٹنے کی کوشش کر رہی تھی۔۔۔۔۔
”کیا ہوا جہاں آراء کو۔۔۔۔۔۔“؟
آخر یہ ہمت نگار بیگم نے کر ہی لی تھی
لہجے میں دکھ ہلکورے لے رہا تھا اتنے سالوں کا ساتھ تھا۔۔۔۔۔۔
”وہ ان کا ایکسیڈینٹ ہوا ۔۔۔۔۔“
وہ بامشکل بول پاٸی پھر رونے لگی۔۔۔۔۔۔
وہ ملازمہ خاص تھی جہاں آراء کی
”یہ کیا بکواس ہے ہاں۔۔۔۔“؟
اس نے پاس کھڑی ملازمہ کو دھکیلا۔۔۔۔۔
اور سنجیدگی سے بولی۔۔۔۔۔
وہ آنسو پونچتی ہوٸی لڑکھڑاٸی۔۔۔۔۔
”زری بی بی یہی سچ ہے۔۔۔۔۔“
اس نے پلو سے آنکھیں صاف کرتے ہوۓ رندھی ہوٸی آواز میں کہا۔۔۔۔۔
”بکواس بند کرو۔۔۔۔۔۔سنا تم نے۔۔۔۔۔وہ مارکیٹ تک گٸ ہیں ابھی واپس آجاٸیں گی۔۔۔۔۔۔۔“پھر میں سب کی شکایت لگاٶں گی کہ کیسے سب مجھے پریشان کر رہے تھے۔۔۔۔۔“
وہ سب کو سناتے ہوۓ منہ بسور کے بیٹھ گٸ۔۔۔۔۔
نگار بیگم نے نم آنکھوں سے اسے دیکھا تھا۔۔۔۔۔
اسی لمحے کسی کے قدموں کی چاپ سن کے سب اس طرف متوجہ ہوۓ تھے۔۔۔۔۔
اس نے سر اٹھانے کی زحمت نہیں کی تھی
”نگار بیگم ڈیڈ باڈی آگٸ ہے۔۔۔۔۔۔“آپ کفن دفن کے انتظامات دیکھ لیں ایک نظر۔۔۔۔۔“
ٹھہرے ہوۓ لہجے میں اس نے ایک نظر بیڈ پہ منہ بسور کے بیٹھی زرپاش کو دیکھا تھا
یہ الفاظ سنتے ہی وہ ہذیانی کیفیت میں اٹھی تھی۔۔۔
”یہ کیا بک رہے ہو تم ہاں تمہیں شرم نہیں آتی میری ماں کے بارے میں ایسی بات کرتے ہوۓ۔۔۔۔۔۔“
اس نے آگے بڑھ کے اس کا گریبان پکڑ لیا۔۔۔۔۔
”وہ نہیں مر سکتی سنا تم نے۔۔۔۔“
انہوں نے کہا تھا کہ وہ واپس آٸینگی اور تم کہہ رہے ہو ڈیڈ باڈی۔۔۔۔۔۔“
اس نے اب کی بار چلا کے سختی سے کہا تھا
”زری۔۔۔۔۔۔“میری بات سنو۔۔۔
اس نے نرمی سے کہتے ہوۓ اسے دونوں شانوں سے تھاما۔۔۔۔
اس نے اس کا ہاتھ جڑک دیا
”ہٹو پیچھے۔۔۔۔۔میں تمہاری اب کسی بات میں نہیں آٶں گی تم ہی ہمارے دشمن ہو ہمیں خوش نہیں دیکھ سکتے اب جھوٹی کہانیاں گڑھ رہے ہو۔۔۔۔۔“
اس نے اسی طرح اس کا گریبان پکڑے ہوۓ تڑت کے کہا
آنکھیں خشک تھی۔۔۔۔
”نہیں مر سکتی وہ۔۔۔۔“
”نہیں مر سکتی۔۔۔۔۔“
وہ چلا رہی تھی
اور وہاج سے اسے سنبھالنا مشکل ہو رہا تھا۔۔۔۔۔
اس نے اسے شانوں سے پکڑ کے ایک ذور دار تھپڑ اس کے گال پہ جھڑ دیا۔۔۔۔
ماحول میں سکوت چھا گیا
وہ گال پہ ہاتھ رکھ کے بے یقینی سے۔۔۔۔اسے دیکھنے لگی
”مر گٸ ہیں وہ ۔۔۔۔۔اب واپس نہیں آٸیں گی باہر لاش پڑی ہے ان کی سنھالو خود کو ہوش میں آٶ۔۔۔۔
التجاٸیہ لہجے میں کہتے ہوۓ۔۔۔۔۔۔اسے شانوں سے پکڑ کر جھنجھوڑا تھا۔۔۔۔۔
اس نے ایک نظر وہاج کو دیکھا تھا
پھر اس کے سینے کے ساتھ جالگی تھی
”اماں جان چھوڑ کے چلی گٸ مجھے۔۔۔۔۔“
اس نے کانپتی ہوٸی آواز میں کسی سہمے ہوۓ بچے کی طرح کہا
وہ اس کے ریشمی بالوں پہ ہاتھ پھیرتے ہوۓ اسے کسی بچے کی طرح بہلا رہا تھا۔۔۔۔
باہر بارش ابھی بھی برق رفتاری کے جاری تھی
اور اندر اس کی آنکھیں برس رہی تھی۔۔۔۔
تم نے جانچا ہے محض لوگوں کو
تم نے دلوں میں کب جھانکا ہے۔۔۔۔۔۔
شام کے گہرے ساۓ کسی آسیب کی طرح۔۔۔۔۔۔اس کوٹھے کے اردگرد منڈلا رہے تھے آج وہ بتیاں نہیں چمک رہی تھی کوٹھا ویران پڑا تھا۔۔۔۔۔۔آج ڈھول کی تھاپ کے بجاۓ محض آہ و زاری اور سسکیوں کی آواز آرہی تھی کوٸی گلا پھاڑ کے رو رہا تھا۔۔۔۔۔۔
”کوٸی بین کر رہا تھا۔۔۔۔۔
ایک طرف کونے میں نگار بیگم سفید رنگ کی ساڑھی پہنے بیٹھی تھی چہرہ آج میک آپ سے عاری تھا۔۔۔۔۔۔
وہ نزاکت سے اپنے آنسو صاف کر رہی تھی
درمیان میں جہاں آراء کے میت کی چارپاٸی پڑی ہوٸی تھی۔۔۔۔۔۔
کفن کے ہالے میں اس کا ذرد چہرہ ۔۔۔۔۔مردہ آنکھوں سے زری دیکھے جارہی تھی
ملجگا لباس بکھرے بال سوجی ہوٸی متورم آنکھیں۔۔۔۔۔۔اسے کسی چیز کا ہوش نہیں تھا۔۔۔۔۔۔
وہ پتہ نہیں ان کے چہرے پہ کیا کھوج رہی تھی
یہ وہی طواٸف تھی۔۔۔۔۔۔جو جب ذندہ تھی تو اس کی ایک جھلک کے لیے لوگ مرتے تھے۔۔۔۔۔۔در حقیقت وہ عورت تھی اور حیثیت اس کی نہیں اس کے جسم کی تھی آج وہ مردہ تھی۔۔۔۔۔۔وہ طواٸف تھی رقاصہ تھی اس کے جنازے میں شراکت تو دور۔۔۔۔۔نمازِ جنازہ پڑھانے سے لوگ انکاری تھے۔۔۔۔۔۔
اس مشکل وقت میں ایک وہاج ہی تھا جو ہر کام بخوشی با خوبی سر انجام دے رہا تھا۔۔۔۔۔۔
اس نے لوگوں کی زبان پہ اپنی ماں کے لیے اتنے ہتک آمیز جملے سنے تھے کہ۔۔۔۔۔۔کہ جہاں آراء کو اکثر لگتا تھا کہ جب وہ مر جاٸینگی تو ان کا جنازہ پڑھنے والا کوٸی نہیں ہو گا۔۔۔۔۔۔ان کے جنازے کو کندھا دینے والا کوٸی نہیں ہو گا۔۔۔۔۔
دنیا انہیں طواٸف کہتی تھی لیکن زرپاش نے انہیں رات کو جاگ جاگ کے اللہ کے حضور روتے ہوۓ دیکھا تھا۔۔۔۔۔
تب ہی ان کے چہرے پہ ایک ٹھہرا ہوا سکون تھا۔۔۔۔۔
”نگار بیگم۔۔۔۔۔۔۔جنازہ لے کے جانے کا وقت ہو گیا ہے۔۔۔“
سڑھیاں چڑ کے اوپر آتے وہاج نے ایک نظر جہاں آراء کے میت کے ساتھ لپٹی زرپاش کو دیکھتے ہوۓ سنجیدگی سے کہا۔۔۔۔۔۔
”وہ بھی اسی ذمانے کا مرد ہے۔۔۔۔۔۔وہ کیوں نہیں کرہت کھا رہا وہ کیوں۔۔۔۔۔ایک نارمل انسان کی طرح جہاں آراء کے لیے سب کچھ کر رہا ہے۔۔۔۔۔“
اس نے سر جھکاۓ ہوۓ سوچا تھا
”ہاں لے جاٶ جنازہ۔۔۔۔۔“
انہوں نے زرپاش سے نظریں چراتے ہوۓ اجازت دی تھی۔۔۔
وہ یکدم آگے بڑھا تھا ساتھ کچھ اور لوگ بھی تھے جو شاید اسی کے توسط سے آۓ تھے
”خبردار۔۔۔۔۔“کوٸی بھی آگے نہیں بڑھے گا۔۔۔۔۔“
وہ تیزی سے اٹھ کھڑی ہوٸی تھی
دونوں بازو پھیلا کے چارپاٸی کے آگے کھڑی ہو گٸ تھی
”میری اماں جان کو کوٸی ہاتھ بھی نہیں لگاۓ گا
وہ چیخی تھی
وہاج نے ناگواری سے اسے دیکھا تھا۔۔۔۔
پھر رانی کو اور نگار بیگم کو اشارہ کیا تھا
وہ تیزی سے اس طرف بڑھی اور اسے دونوں طرف سے پکڑ لیا
وہ جنازے کو کندھا دے کے لے کے جانے لگا
وہ جنازے کے پیچھے جانا چاہتی تھی
لیکن اسے مضبوطی سے دونوں نے تھام رکھا تھا
پہلی بار اس کے منہ سے دلخراش چیخ نکلی تھی۔۔۔۔۔۔
پھر وہ گلا پھاڑ کے رونے لگی تھی
پہلی بار جہاں آراء نے زرپاش کے رونے کی آواز سنی تھی اور وقت رخصت جو آخری آواز انہوں نے سنی تھی۔۔۔۔۔۔
وہ زری کے رونے کی تھی۔۔۔۔۔
”اماں جان۔۔۔۔۔۔کدھر جارہی ہیں اپنی زری کو اکیلا چھوڑ کے “۔
وہ دہاٸیاں دے رہی تھی
لیکن یہاں اس کے آنسوٶں سے پگھلنے والا کوٸی بھی موجود نہیں تھا
یکدم وہ تیورا کے گری اور بے ہوش ہو گٸ
تمام عورتیں اس کی طرح لپکی تھی
سنو آہٹ نہیں کرنا
ابھی ہی درد سویا ہے۔۔۔۔۔
جولاٸی کے اواٸل دنوں کی چلچلاتی دھوپ میں۔۔۔۔۔دھوپ اپنا سایہ ذمین پہ بکھیر رہی تھی حبس بھری اس ہوا میں سانس لینا محال تھا۔۔۔۔۔۔
بے چینی سے یہاں وہاں چکر کاٹتے وہاج نے تیسری بار بند دروازے کو دیکھا تھا۔۔۔۔۔
یکدم دروازہ کھلا تھا اور رانی باہر نکلی تھی
ایک کاٹ دار نگاہ وہاج پر ڈالی اور آگے بڑھنے لگی جب وہاج نے اس کا راستہ روک لیا
”ہوش آیا اس کو۔۔۔۔۔۔“؟
لہجے میں فکرمندی تھی
وہ تپش بھری نظروں سے اسے گھور کر رہ گٸ
بخار اتر گیا ہے ڈاکٹر کہہ رہی ہے تھوڑی دیر تک ہوش آجاۓ گا۔۔۔۔۔۔“
وہ نپے تلے انداز میں بتاتی اپنا اندرونی خلفشار چھپاتی آگے بڑھ گٸی
وہ تھکے تھکے انداز میں کھڑا نچلا لب کچلنے لگا۔۔۔۔۔
آج تیسرہ روز تھا اور زری کو ہوش نہیں آیا تھا۔۔۔۔۔۔
پتہ نہیں جہاں آراء کی موت کے بعد اسے اس لڑکی سے ہمدردی ہو گٸی تھی
کم ازکم وہ تو یہی سمجھا تھا۔۔۔۔۔
یکدم دروازہ کھلا۔۔۔۔۔۔
اور نگار بیگم کمرے سے باہر آٸی
ایک اچنٹی نگاہ۔۔۔۔۔وہاج پر ڈالی
”نگار بیگم مجھے آپ سے بات کرنی ہے
سنجیدہ انداز میں کہتے ہوۓ اس نے ان کی طرف پیش قدمی کی تھی
جو مغرور سے انداز میں کھڑی تھی
”جہاں آراء جی کے آخری الفاظ تھے کہ میں زرپاش سے نکاح کر لوں۔۔۔“
اس نے سنجیدگی سے کہہ کے ان کے تاثرات جانچنے کی کوشش کی۔۔۔۔۔۔
ان کے چہرے پہ ساۓ لہرانے لگے۔۔۔۔۔
البتہ وہ اپنے تاثرات چھپا گٸی ۔۔۔۔۔۔
”وہ تمہیں ایسا نہیں کہہ سکتی وہ تمہیں سخت نا پسند کرتی تھی“
انہوں نے نحوت سے کہا۔۔۔۔۔
”میرے پاس ثبوت بھی ہے ۔۔۔۔۔“لیکن وہ ثبوت میں زرپاش کے سامنے پیش کروں گا۔۔۔۔۔۔“
وہ استہزاٸیہ مسکرایا
اور ان کے تن بدن میں آگ لگا گیا۔۔۔۔۔
وہ ان کے ارادے بھانپ چکا تھا۔۔۔۔۔
”کچھ بھی کرنے سے پہلے یہ بات یاد رکھیۓ گا کہ اگر جہاں آراء مر گٸی ہے تو اب اس کا کوٸی نہیں رہا اس دنیا میں آپ اس سے الٹا سیدھا کچھ بھی کروا لینگی۔۔۔۔۔۔“جب تک وہاج ذندہ ہے کوٸی تیڑھی آنکھ سے بھی اسے دیکھنے کی جرأت نہیں کرسکتا ۔۔۔۔۔“
وہ انگارے اگلتی نظروں سے انہیں دیکھتے ہوۓ انگلی اٹھا کے تنبہہ کر کے آگے بڑھ گیا
اس کی نظروں میں ایسا کچھ تھا کہ وہ سہم کے رہ گٸی۔۔۔۔۔۔
”اندر کمرے میں وہ پژمردہ چہرہ لیے چھت کو گھور رہی تھی۔۔۔۔۔۔“
پاس بیٹھی ذرینہ ہمدردانہ نظروں سے اسے دیکھ رہی تھی
”صبر کریں بی بی جی۔۔۔۔۔“
زرینہ نے کانپتی ہوٸی آواز میں کہا۔۔۔۔
ساتھ ہی پھر دوپٹے میں چہرہ چھپا کے رونے لگی۔۔۔۔۔
زرپاش خاموش رہی۔۔۔۔۔۔۔
”صبر نہیں آتا مجھے۔۔۔۔۔شکوہ کرنے کو دل چاہتا ہے۔۔۔۔۔۔کہ میں ہی کیوں اللہ ہر چیز مجھ سے کیوں لے لیتا ہے۔۔۔۔۔“
وہ کہنیوں کے بل اٹھی اور پیچھے بیڈ کے ساتھ ٹیک لگا لی۔۔۔۔
اور تڑپ کر گویا ہوٸی۔۔۔۔۔
”زری بی بی اللہ بہترین حکمت عملی کرنے والا ہے۔۔۔۔۔۔“
حوصلہ رکھیں۔۔۔۔۔
اللہ بہتر کرے گا
وہ اسے تسلی دینے لگی
وہ خاموش ہو گٸی
”زری بی بی ہے تو یہ۔۔۔۔۔۔وقت نہیں ایسی بات کرنے کا لیکن ۔۔۔۔۔۔مجھے لگتا ہے جتنا جلدی آپ کو بتایا جاۓ بہتر ہے۔“
وہ رازداری سے اس کے قریب ہوٸی
”جہاں آراء بی بی کے آخری الفاظ تھے کہ ۔۔۔۔۔۔وہاج آپ سے شادی کر لیں۔۔۔۔۔۔“
یہ الفاظ کسی بم کی طرح اس کے اعصابوں پر گرے اسے حیرت کا شدید جھٹکا لگا
وہ یکدم اس طرف متوجہ ہوٸی
”ہاں زری بی بی جہاں آراء بی بی نے وہاج صاحب کو کسی مرد کے ساتھ دیکھا تھا۔۔۔۔۔وہ بہت بے چین ہو گٸی تھی۔۔۔۔۔۔اسی لیے وہ وہاج صاحب سے بات کرنا چاہتی تھی لیکن قسمت نے یاری نہ کی۔۔۔۔۔۔“
وہ دکھ سے اسے ساری کہانی سنا رہی تھی۔۔۔۔
وہ پرسوچ نظروں سے بس اسے دیکھ رہی تھی
”اور جہاں آراء بی بی کا سانس بھی وہاج صاحب کی گود میں نکلا۔۔۔۔۔۔“
یہ نۓ انکشاف تھے جو اس لمحے اس پر ہوۓ تھے
”جہاں آراء نے وہاج کو کس مرد کے ساتھ دیکھا تھا۔۔۔۔۔اور ۔۔۔۔۔وہ وہاج سے کیوں بات کرنا چاہتی تھی۔۔۔۔۔“؟اور آخری لمحے انہوں نے کیوں وہاج سے شادی کا کہا۔۔۔۔۔۔“؟
بہت سے سوال تھے لیکن جواب صرف۔۔۔۔۔وہاج کے پاس تھا۔۔۔۔۔
شاید یہی اس کا اندازِ محبت ہو
وہ میرا ہمدم تھا ستم گزار بھی تھا
جس لمحے وہ اس کے کمرے میں داخل ہوا تھا۔۔۔۔۔شام کے ساۓ گہرے ہو چکے تھے کوٹھے میں ہنوز سکوت تھا۔۔۔۔۔۔دور کہیں مغرب کی آذانیں فضا میں رس گھول رہی تھی۔۔۔۔۔چھت کے ساتھ لٹکتا پنکھا فل اسپیڈ سے چل رہا تھا وہ بیڈ کراٶن کے ساتھ ٹیک لگا کے آنکھیں موندے لیٹی تھی اس کے قدموں کی چاپ سن کے اس نے فٹ سے آنکھیں کھولی تھی
سامنے سرمٸ رنگ کے کاٹن کے سوٹ اوپر واسکوٹ پہنے ایک شانِ بے نیازی سے اس کے سامنے کھڑا تھا
اس سے یکسر مختلف جیسا وہ پچھلے دنوں تھا
وہ پھر وہی پرانا والا مغرور وہاج بن گیا تھا
ایک اچنٹی نگاہ اس کے ذرد چہرے پہ ڈال کے وہ کرسی کھینچ کے قریب بیٹھ گیا۔۔۔۔۔
”طبیعت کیسی ہے اب تمہاری۔۔۔۔۔“؟
اس نے لاپرواہی سے پوچھا۔۔۔۔۔
”ٹھیک ہوں اب۔۔۔۔۔“
وہ نحیف سا مسکراٸی
اس نے محض سر ہلانے پہ اکتفا کیا۔۔۔۔۔
”اماں جان نے آخری دفعہ آپ کو کس کے ساتھ دیکھا تھا۔۔۔۔۔“؟
وہ آہستہ آواز میں سوالیہ لہجے میں بولی تھی
وہ چونکا تھا۔۔۔۔۔
”کیوں۔۔۔۔۔“؟
بھنویں اچکا کے پوچھا گیا تھا۔۔۔۔۔
”کیوں کے اس کے بعد وہ آپ سے کچھ بات کرنا چاہتی تھی۔۔۔۔۔“
اس نے گہری نظروں سے اسے گھورتے ہوۓ جیسے اسے آگاہ کیا
خلافِ توقع وہ ذور سے ہنسا۔۔۔۔۔۔۔
زرپاش کو وہ اس وقت سخت زہر لگا تھا۔۔۔۔۔
تم یہ بات۔۔۔۔۔۔لے کے بیٹھ گٸ ہو۔۔۔۔۔میرے پاس تمہارے لیے اس سے بھی بڑی خبر ہے۔۔۔۔۔۔۔“
وہ مسکراتے ہوۓ ڈراماٸی انداز میں بولا
وہ ناگواری سے اسے دیکھ کے رہ گٸ
ایک لمحے محسوس ہوتا تھا کہ وہ بہت ہمدرد ہے اور اگلے ہی لمحے وہ تماشاٸی بن جاتا تھا۔۔۔۔۔۔
وہ کبھی اسے سمجھ نہیں پاٸی تھی
”آپ کی امی کی آخری خواہش تھی کہ آپ ہم سے شادی کر لیں۔۔۔۔۔“
بظاہر سنجیدگی سے بھی کہتے ہوۓ وہ کہیں سے بھی سنجیدہ نہیں لگ رہا تھا۔۔۔۔۔
”اب دیکھو پہلے یہ میری خواہش تھی اب یہ آپ کی امی حضور کی آخری خواہش بھی بن گٸ ہے اب بھی اگر تم انکار کرو تو تم نہایت کوٸی خودسر لڑکی ہو۔۔۔۔۔“
اس نے برا سا منہ بنا کے ۔۔۔۔۔اسے۔۔۔۔۔۔شرم دلانی چاہی۔۔۔۔
”میرا کام تھا تمہیں آگاہ کرنا آگے تمہاری مرضی
وہ بال اس کے کوٹ میں ڈال کے اٹھ کھڑا ہوا۔۔۔۔۔۔
ابھی وہ دروازے تک ہی پہنچا تھا کہ اس کے الفاظ اس کی سماعتوں کے ساتھ ٹکراۓ۔۔۔۔
”ہم تیار ہیں آپ تیاری کرواٸیں نکاح کی ہم آج ابھی اور اسی وقت نکاح کریں گے۔۔۔۔۔اگر آج نہیں تو پھر کبھی نہیں۔۔۔۔۔“
وہ مضبوط لہجے میں ۔۔۔۔۔۔گویا ہوا۔۔۔۔
”جو حکم سرکار کا۔۔۔۔۔“
وہ دل و جاں سے مسکرایا
اور پھر واقعی ہی۔۔۔۔۔۔۔ایک گھنٹے کے اندر اندر اس نے سارے انتظامات مکمل کرواۓ تھے۔۔۔۔۔۔
نگار بیگم چاہ کے بھی کچھ نہیں کر سکی تھی
اور نکاح کے ان تین بولوں سے وہ دونوں ایک دوسرے کی ذندگی میں شامل ہو گۓ تھے
اس کا دل ہر احساس سے عاری تھا۔۔۔۔۔۔
نکاح کے بعد۔۔۔۔۔وہ جانے لگا تو۔۔۔۔۔۔نگار بیگم نے بے اسے حیرت سے دیکھا۔۔۔۔۔۔
”آپ کدھر جا رہے ہیں۔۔۔۔۔“
”حویلی۔۔۔۔۔۔“
اس نے جھنجھلاہٹ سے کہا۔۔۔۔۔
”اور زرپاش کدھر رہے گی۔۔۔۔۔“؟
ان کے لہجے میں ہنوز حیرت تھی۔۔۔۔۔
”کیا مطلب کدھر رہے گی۔۔۔۔۔“؟یہی رہے گی جدھر پہلے رہتی تھی۔۔۔۔۔
کمرے کے اندر کھڑی زرپاش دم سادھے اس شخص کے الفاظ سن رہی تھی جو کچھ دیر پہلے اس کی ذندگی میں شامل ہوا تھا۔۔۔۔۔۔
”لیکن اب تو اس کی شادی ہو گٸ ہے۔۔۔۔۔“؟
نگار بیگم اپنی بات پہ ذور دے کے بولی
”تو شادی ہونے کا یہ مطلب تو نہیں ہے کہ میں اسے بیوی کا درجہ دے دوں۔۔۔۔۔“
وہ ڈھٹاٸی سے بولا
تو اندر کھڑی زرپاش کی آنکھیں برس پڑی۔۔۔۔۔۔
وہ یہی رہے گی۔۔۔۔۔کبھی کبھی آکے مل لوں گا
تیزی سے کہہ کے وہ سڑھیاں اتر گیا۔۔۔۔۔
نگار بیگم بے یقینی سے اسے جاتا دیکھتی رہی۔۔۔۔
اور زرپاش نے کھڑکی کا پردہ ہٹا کے گاڑی کا دروازہ کھول کے اندر بیٹھتی وہاج کو درد بھری نظروں سے دیکھا
پہلے وہ اپنا نہیں تھا تو اس کی بے رخی تکلیف بھی نہیں دیتی تھی اور آج۔۔۔۔۔زرپاش۔۔۔۔۔۔کو لگا کسی نے اس کی روح نکال لی ہے۔۔۔۔
پتہ نہیں اب وہ کیا کرنا چاہ رہا تھا
وہ وہی صوفے پہ ڈھ گٸی
