ممتا بھری آغوش

مورے نے تڑپ کر اسے اپنے سینے سے لگا لیا۔۔۔
ایک بات یاد رکھو بیٹا۔۔۔
انہوں نے اسکے چہرے کو تھامتے ہوئے کہا۔۔۔
سحر آنکھوں سے نمی صاف کرنے کی خاطر پلکیں جھپکا گئی۔۔۔
دو آنسو موتیوں کی طرح ٹوٹتے اسکے رخسار پر بہ نکلے۔۔۔
مورے نے نرمی سے انہیں صاف کیا۔۔۔
اور بولیں۔۔۔
” دیکھو بیٹی۔۔۔ خدا کہ ہر کام میں حکمت ہوتی ہے۔۔۔ ہم اسکے فیصلوں سے انکار نہیں کر سکتے ۔۔۔ اور نا اسکے کئے ہوئے فیصلوں کو جھٹلا سکتے ہیں۔۔۔ لیکن ہمارا ایمان اس بات پر پختہ ہونا چاہئے۔۔ کہ وہ جو بھی فیصلہ کرتا ہے۔۔۔ اس میں ہماری بھلائی ہوتی ہے۔۔۔ بس۔۔۔ اس بات پر پختہ یقین کر لو گی۔۔۔ تو شوھر کے روپ میں شام عالم کا ساتھ زندگی میں تمھیں بہت دلفریب اور خوبصورت لگے گا۔۔۔۔”
انکی باتیں اسکے کانوں میں رس گھولتی جا رہی تھیں۔۔۔
سحر کو اپنے دل و دماغ پر سکون چھاتا ہوا محسوس ہوا۔۔۔۔
انکی گود میں ہی سر رکھے وہ نیند کی گہری وادیوں میں اتر گئی۔۔۔۔
مورے نرمی سے مسکراتے ہوئے اسکے بالوں میں انگلیاں پھیرنے لگیں۔۔۔۔
سحر بیٹی۔۔۔۔ یہ رکھ لو۔۔۔ انہوں نے اسکے ہاتھ میں ایک چمکتی ہوئی چیز پکڑائی۔۔۔ اسکی شیپ ستارے کی طرح تھی۔۔۔۔
اسکے اندر سے روشنی نکل نکل کر مورے کے وجود کی چمک میں اضافہ کر رہی تھی۔۔۔۔
ہممم۔۔ مورے۔۔۔
سحر نے نیند میں ہی اسے اپنے ہاتھ میں پکڑ لیا۔۔۔
مورے نے جھک کر اسکا ماتھا چوما۔۔۔۔
اور جانے کے لئے اٹھ کھڑی ہوئیں۔۔۔۔
انکی آنکھیں بار بار نم ہو رہی تھیں۔۔۔ بار بار مڑ کر وہ سوئی ہوئی سحر کی طرف دیکھتی تھیں۔۔۔۔ دل تھا کہ چین نہیں پا رہا تھا۔۔۔
مگر انکی ہمّت ختم ہو گئی تھی۔۔ طاقتیں جیسے ختم ہو گئی تھیں۔۔۔۔۔
آخری بار انہوں نے مڑ کر سحر کی طرف دیکھا۔۔۔ اور آنکھیں موندے وہاں سے غائب ہوگئیں۔۔۔۔
دو آنکھیں انہیں وہاں سے جاتا دیکھ کر چمک اٹھی تھیں۔۔۔۔
سحر کا بازو نیچے لڑھک گیا۔۔۔۔ ستارہ اسکے ہاتھ سے جدا ہوتا گیا۔۔۔۔
    
وہ ہاری ہوئی چال چلتا صوفے تک آیا۔۔۔
اور ڈھیلے سے انداز میں اس پر گر پڑا۔۔۔
سب کچھ باتوں کو چھوڑ کر بس اسے یہی یاد تھا
کہ اسکی گڑیا جسے وہ بچپن سے لے کر آج تک بھلا نہیں پایا تھا۔۔۔وہ کسی اور کو دل دے بیٹھی تھی۔۔۔
وہ ایسا کیسے کر سکتی تھی۔۔۔۔
بالوں کو انگلیوں میں پھنساۓ وہ شدید بے چینی کا شکار تھا۔۔۔۔
سر میں اٹھتی درد کی ٹیسیں اسے مزید اذیت میں مبتلا کر گئیں۔۔۔
اسکی نظریں اس بند دروازے کی طرف اٹھیں۔۔۔ جہاں وہ دشمن جان سوئی ہوئی تھی۔۔۔۔
ایک نگاہ ڈال کر وہ چہرہ پھیر گیا۔۔۔
سر کو دونوں ہاتھوں سے تھامے وہ وہیں صوفے پر لیٹ گیا۔۔۔
بیشک وہ اذیت بھرے لمحات تھے۔۔۔۔
     
کہاں گئی تھیں مورے آپ۔۔۔؟
وہ جسے ہی قلعے میں داخل ہوئیں۔۔۔
اور اپنے کمرے میں پہنچیں۔۔۔ آہن جو وہاں پہلے سے موجود تھا۔۔۔۔
ان سے پوچھنے لگا۔۔۔۔
سحر سے ملنے۔۔۔!
وہ تھکی تھکی آواز میں بولیں۔۔۔۔
آہن کے ماتھے پر پڑی سلوٹوں میں اضافہ ہوا۔۔۔۔
“اور کیوں گئی تھیں۔۔۔۔؟”
وہ احتیاط بھرے انداز سے پوچھتا ہوا بولا۔۔۔۔
مورے نے ایک نظر اسے دیکھا۔۔۔ اور بغیر جواب دئے بستر پر لیٹنے لگیں۔۔۔۔
“تھکی ہوئی لگ رہی ہیں۔۔۔ پیر دبا دوں۔۔۔؟”
اسنے ایک اور کوشش کرنا چاہی۔۔۔۔
مگر مورے خاموش رہیں۔۔۔۔
“بہت پیار کرتا ہوں آپ سے۔۔۔۔! اور آپکو کھونا نہیں چاہتا۔۔۔۔ انسان بہت برے ہوتے ہیں۔۔۔۔سانپ سے بھی برے۔۔۔ کہیں آپکو بھی ڈس نا لیں۔۔۔۔”
وہ جھکی نظریں لئے بولا۔۔۔۔
مورے چونک کر اسے دیکھنے لگیں۔۔۔۔
انسان برے نہیں ہوتے۔۔۔!
وہ قطعی لہجےمیں بولیں۔۔۔ 
“آپ کہتی ہیں تو مان لیتا ہوں۔۔۔۔”
وہ اپنی عاجزی کو برقرار رکھتا ہوا بولا۔۔ ۔۔
میرا بچا۔۔۔۔!
مورے کی اداسی ایک دم جیسے غائب ہوگئی۔۔۔
انہوں نے بازو پھیلاۓ۔۔۔
اور آگے بڑھ کر اسے ممتا بھری آغوش میں لے لیا۔۔۔۔
انکے ساتھ لگے آہن کا پورا جسم برے طریقے سے کانپ رہا تھا۔۔ 
مورے۔۔۔۔!
اسنے انہیں پکارا۔۔۔۔
جی بیٹے۔۔۔۔انکی شہدسے گوندھی آواز پر آہن کا دل ایک بار پھر کانپا۔۔۔۔
مگر شیطان کا بس اس پر چل پڑا۔۔۔۔
تھکی ہوئی ہیں۔۔۔۔ ایک مشروب لایا ہوں آپکے لئے۔۔۔۔ پی کر تھکن رفع ہو جائے گی۔۔۔۔
اسنے ایک لال مشروب انکو دیا۔۔۔ 
جسکو دیکھتے ہی مورے کو خود پر سے کنٹرول ختم ہوگیا۔۔۔
ایک جھٹکےسے گلاس تھامے وہ اسے ختم کر گئیں۔۔۔۔۔
آہن کے چہرے پر زہریلی مسکراہٹ چھا گئی۔۔۔۔
اسنے مورے کو دیکھا۔۔۔۔ جو اب آنکھیں ملتی اب اس گلاس کو دیکھ رہی تھیں
جسے انہیں یقین نا ہو کہ وہ کیا کر چکی تھیں۔۔۔
الو اور سور کا خون ہے مورے۔۔۔۔ آہن کی جان۔۔۔۔!
وہ جھٹکے سے ان سے الگ ہوتا ہوا زھریلے لہجے میں بولا۔۔۔۔
مورے بے یقینی سے اسے دیکھتیں گلہ پکڑتی بستر سے نیچے جا گریں۔۔۔۔
انہیں نیچے گرتا دیکھ کر ایک لمحے کو وہ پھر سے کانپ گیا تھا۔۔۔
آ۔۔آہن۔۔۔۔!
مورے درد سے کراہتی با مشکل بولیں۔۔۔۔ 
آہن پنچوں کے بل بیٹھا۔۔۔
اور ایک تنفر بھری نگاہ مورے کے بری طرح تڑپتے وجود پر ڈالی۔۔۔
“اسی کو پکاریں نا جسکے حوالے میرا شکار کر دیا۔۔۔”
وہ سنگ دلی سے بولا۔۔۔۔
مورے نے بند ہوتی آنکھوں سے اسے دیکھا ۔۔۔۔
کک۔۔۔کیا مم۔۔۔مطلب۔۔شش۔۔شکار۔۔۔؟
انکا تڑپتا وجود جسے تھم گیا تھا۔۔۔۔
“سحر میرا شکار اور کون۔۔۔۔”
ہاہا۔۔۔ طنزا ہنستے ہوئے اسنے مورے کو دیکھا۔۔۔۔
جو ساکت مگر بے بس اور خوف زدہ نگاہوں سے اسے دیکھ رہی تھیں۔۔۔
وہ دھیرے سے ہنستا انہیں ساری حقیقت بتلا گیا۔۔۔۔ مورے کو لگا جیسے انکے کان انہیں دھوکا دے رہے ہوں۔۔۔۔
یہ کیسے ہو سکتا تھا۔۔۔۔
مگر۔۔۔۔ مگر وہ بھی ۔۔۔وہ بھی اپنی بہن کی طرح نکلا تھا۔۔۔
انکے منہ سے اب جھاگ نکلنے لگا۔۔۔۔
وہ شیطانی غلاظت سہ نہیں پا رہی تھیں۔۔۔
نا کوئی طاقتوں کا زور نا کوئی راستہ بچنے کا۔۔۔۔!
بچی تھی تو بے بسی۔۔۔۔!
آ۔۔۔آ۔۔۔آہن۔۔۔
انہوں نے اذیت نا قابل برداشت پا کر اسکے پیر پکڑ لئے۔۔۔۔
عرش و فرش کانپ اٹھے تھے۔۔۔۔
یہ منظر دیکھ کر۔۔۔ مگر اس سفاک پر کو اثر نا ہوا۔۔۔۔
جھٹکے سے اپنے پیر چھڑا کر اسنے مورے کے ہاتھوں کو مسل ڈالا۔۔۔۔ 
“””پرسکون بستر پر سوئی سحر تڑپ کر اٹھی تھی۔۔۔
تائی جان۔۔۔
شام نے جیسے نیند میں بولا تھا۔۔۔”””
سحر۔۔۔۔!
انکے لبوں سے آخری لفظ ادا ہوا۔۔۔ انکی آنکھیں ایک جگہ پر ٹھہر گئیں ۔۔۔ آہن کے چہرے پر کڑواہٹ پھیل گئی۔۔۔
مورے کے چہرے سے جھاگ صاف کرنے کے لئے وہ جوں ہی جھکا۔۔۔۔
یہ دیکھ کر اسے گویا کرنٹ لگا۔۔۔
مورے کا وجود روشنی میں تبدیل ہوتا وہاں سے غائب ہوگیا۔۔۔۔
چمکتا ہوا ستارا اپنی چمک کھو چکا تھا۔۔۔
سحر نیند میں کہیں رو رہی تھی۔۔۔۔
کہیں کوئی وجود اپنا فرض ادا کئے پر سکون ہو چکا تھا۔۔۔
آہن گھٹنوں کے بل زمین پر آ گرا۔۔۔۔
اپنے مقصد میں کامیاب ہو کر بھی وہ ناکام ہو چکا تھا۔۔۔
کیوں کہ ناکامی تو اسکا اب مقدّر بن چکی تھی۔۔۔۔
وہ تینوں سر جھکاۓ اس عجیب سے کوٹھڑی نما کمرے میں بیٹھے تھے۔۔۔
سامنے سفید داڑھی والا شخص جس کے چہرے پر نور دیکھنے کے لائق تھا۔۔۔ بغور انہیں دیکھ رہا تھا۔۔۔
شام نے کاشی اور شانی کو ساری صورت حال بتائی تھی۔۔۔
اور پھر کاشی کے مشورے پر انکا ارادہ کسی عامل کی مدد لینے کا بن گیا ۔۔۔۔ کیوں کہ وہ نا تو ان عجیب و غریب طاقتوں کا مقابلہ کر سکتے تھے۔۔۔ اور ہی سحر کو شام پھر سے کھونے کی غلطی کر سکتا تھا۔۔۔۔
انہیں یہ بزرگ راستے میں ہی ملا ۔۔۔
نا جانے کیا طاقت تھی اس میں۔۔۔ کہ شام بنا کہے اسکے ساری پریشانی اس سے شئیر کرتا چلا گیا۔۔۔۔
اپنی بیوی کو لے کر سب سے پہلے کسی محفوظ مقام پر لے جاؤ۔۔۔۔
بابا کی آواز پر شام سمیت ان تینوں نے چونک کر انہیں دیکھا۔۔۔۔
مگر کدھر بابا۔۔۔؟
شام پریشانی سے بولا۔۔۔
کہیں بھی۔۔ بس جس جگہ تم اب رہ رہے ہو وہاں سے اسے نکال کے لے جاؤ۔۔۔۔
وہ خطرے میں پڑ سکتی ہے۔۔۔
بابا جی کی اس بات پر شام کو کرنٹ لگا۔۔۔۔ وہ بھلا سحر کو کس کہ سہارے چھوڑ کہ آیا تھا ۔۔۔
اگر اسے اب تک کوئی نقصان پہنچا چکا ہو تو۔۔۔؟
وہ تیزی سے جانے کے لئے اٹھا۔۔۔۔۔کاشی اور شانی نے بھی اسکی تقلید کی ۔۔۔
رکو۔۔۔۔۔!
بابا کی بارعب آواز سن کر بے اختیار انکے قدم وہیں رک گئے۔۔۔۔۔
اپنی بیوی کو چھوڑ کر فورا میرے پاس آنا۔۔۔۔۔
میں تمھیں تمہارے دشمنوں سے بچاؤں گا۔۔۔۔
شام نے بے اختیار سر ہلایا اور تیزی سے باہر نکلتا چلا گیا۔۔۔۔
اس کے جانے کے بعد بزرگ نے دیکھتے ہی دیکھتے اپنا روپ بدلا۔۔۔۔۔
ہاں وہ موہن قلعہ کے بزرگوں میں سے ایک تھا۔۔۔۔۔۔۔۔۔!!
    
سحر ۔۔۔۔!
سنو۔۔۔۔۔۔۔۔!
وہ فریش ہو کر واشروم سے نکلی۔۔۔
اسکا ارادہ کمرے سے نکل کر باہر کا ماحول دیکھنے کا تھا۔۔۔۔ شام تو دوبارہ کمرے میں آیا ہی نہیں تھا۔۔۔
انسانوں کی عجیب و غریب چیزیں دیکھ کر اسکو حیرت کے ساتھ دلچسپی بھی ہو رہی تھی۔۔۔۔
اور کیا پتا اسی بہانے اسے یہاں سے بھاگنے کا موقع مل جاتا۔۔۔۔!!
جسے ہی اس نے کمرے سے باہر جانے کے لئے قدم بڑھاۓ۔۔۔
کہ اپنے نام کی پکار سن کر وہ چونک کر ادھر ادھر دیکھنے لگی۔۔۔۔
سامنے کھڑے آہن کو دیکھ کر اسکی خوشی سے چیخ نکل گئی۔۔۔
آہن۔۔۔۔!
وہ بے اختیار اسکے قریب جا کھڑی ہوئی۔۔۔
ہاں میں۔۔۔۔!
وہ مسکرایا۔۔۔
اور دو قدم آگے بڑھاۓ۔۔۔
اسکی پیش قدمی پر سحر بس دھیرے سے مسکراتی پیچھے ہونے لگی۔۔۔۔
اسکا دل عجیب طریقے سے دھڑکنے لگا تھا ۔۔ مورے کی باتیں دماغ میں گونجنے لگیں۔۔۔۔
تمھیں پتا ہے۔۔۔ کتنا تڑپا ہوں تمھارے لئے۔۔۔۔
وہ اپنی چال کو برقرار رکھتا ہوا بولا۔۔۔۔
سحر پیچھے ہٹتی ہوئی دیوار سے جا لگی۔۔۔۔
آہن۔۔۔۔!۔اسے اپنے قریب اتا دیکھ کر سحر بے اختیار گڑبڑا گئی۔۔۔۔
سحر۔۔۔۔۔!
سحر تم ٹھیک ہو۔۔۔؟
اس سے پہلے کہ آہن اسے کوئی جواب دیتا۔۔۔ باہر سے آنے والی آواز پر اسکے وجود میں گویا مرچیں لگ گیں۔۔۔۔
ضرور وہ لڑکا کسی بڑی ہستی سے مل کر آیا تھا۔۔۔۔
وہ تو سحر کو لینے اور اس لڑکے کا کام تمام کرنے آیا تھا۔۔۔۔۔
اسکی حالت اچانک خراب ہونے لگی۔۔۔
مورے کیسی ہیں۔۔۔۔؟
وہ بے تابی سے اسکی حالت سے بے خبر سوال کۓ جا رہی تھی۔۔۔۔
مر گئی ہیں مورے۔۔۔ اور اسکو مارا ہے تمھارے اس شوھر نے۔۔۔۔!
وہ جاتے جاتے بھی آگ لگانا نہیں بھولا تھا۔۔۔۔
سحر کو لگا اسے سننے میں غلطی ہو گئی ہے۔۔۔۔
سحر۔۔۔۔؟
شام اب دروازہ کھول رہا تھا۔۔۔
آہن یہ کیسا گھٹیا مذاق ہے۔۔۔۔وہ برہم ہوئی۔ ۔۔
یہ مذاق نہیں ہے۔۔۔سحر۔۔۔۔! یقین نا آے تو دیکھ لینا وہ تم سے ملنے نہیں آئیں گی۔۔۔۔
وہ کہتا ہوا وہاں سے چلا گیا۔۔۔۔۔
مجھے بھی لے جاؤ پلیز۔۔۔۔ وہ چلائ۔۔۔۔اسے لگا وہ پاگل ہو گئی ہے۔۔۔۔۔
دونوں ہاتھوں سے بال نوچے وہ وحشت سے ادھر ادھر دیکھنے لگی۔۔۔۔۔
سحر۔۔۔۔؟
کیا ہوا تم ٹھیک ہو۔۔۔؟
شام نے آگے بڑھ کر سحر کو کندھوں سے تھاما۔۔۔
سحر نے ایک نگاہ شام پر ڈالی۔۔۔۔ جو پریشانی سے اسے دیکھ رہا تھا۔۔۔۔
اگلے ہی لمحے اسکی حرکت پر شام بوکھلا گیا تھا۔۔۔۔
     
آقا۔۔۔۔!
یہ دیکھیں میرے جسم پر گھاؤ۔۔۔۔
اب تو اس مورے کو بھی مار دیا۔۔۔۔
اب وہ لڑکا کس کے ساۓ میں ہے۔۔۔؟
آہن بے بسی سے اپنے جسم پر پڑے زخم دکھا رہا تھا۔۔۔
جو شام کی وجہ سے اسے پڑے تھے ۔۔۔
دیکھ آہن۔۔۔۔!
اس شیطان نے ایک زخم پر ہاتھ رکھ کر اسے دبا ڈالا۔۔۔۔
آہن کی بے اختیار درد ناک چیخ نکل گئی۔۔۔
آقا؟
وہ با مشکل اپنا غصّہ دباتا ہوا بولا۔۔۔۔
اتنی جلدی ہار مان گیا آہن۔۔۔؟
جس میدان میں تو نے قدم رکھا ہے۔۔۔ یہاں تو اس سے بڑے بڑے گھاؤ تجھے پڑیں گے. 
اور تو ان خراشوں سے ڈر گیا۔۔۔۔؟ ڈرپوک۔۔۔!
وہ طنزیہ اس پر ہنسا۔۔۔۔
آہن کا چہرہ سرخ پڑ گیا۔۔۔۔
اپنا اور اپنی بہن کا سوچ۔۔۔۔ جس کے لئے ساری زندگی محنت کی ہے۔۔۔۔
اور تو اور اپنی ماں کو بھی مار دیا۔۔۔۔
اسکی آخری بات پر آہن کو گویا کرنٹ لگا۔۔۔۔
آہن۔۔۔۔ میرے بچے۔۔۔۔!
مورے کی آواز کانوں میں گونجنے لگی۔۔۔
آنکھوں میں مرچیں سی لگنے لگیں تھیں۔۔۔۔
مگر اب تو دل پر مہر لگ چکی تھی۔۔۔۔
وہ سامنے آگ سے نکلتے شعلوں کو گھورنے لگا ۔۔۔
    
تم نے ۔۔۔۔۔
تم نے میری مورے کو مار ڈالا۔۔۔۔
وہ کسی زخمی بلی کی طرف اس پر جھپٹ پڑی۔۔۔ 
شام جو اس حملے کے لئے تیار نہیں تھا۔۔۔۔اچانک بوکھلا گیا ۔۔ 
سحر۔۔۔۔!
وہ بے تحاشہ روتی ہوئ سحر کے دونوں ہاتھ قابو کرنے کی کوشش کرنے لگا۔۔۔۔
مگر اسے بھی راجو سے ٹریننگ ملی تھی ۔۔اتنی آسانی سے تو وہ اسکے قابو آنے والی نہیں تھی۔۔۔۔
آآا۔۔۔ سحر نے اسکے چہرے پر اپنے ناخنوں سے حملہ کیا۔۔۔۔
جس کے نتیجے میں ایک کھرونچ اسکے ماتھے اور آنکھ کے قریب آ چکی تھی۔۔۔۔
اب کی بار وہ بھی غضب ناک ہو چکا تھا۔۔۔۔
کیا بدتمیزی ہے یہ۔۔۔۔؟
جھٹکے سے اسکے دونوں ہاتھوں کو قابو کئے وہ غرایا۔۔۔۔
غصّے سے اب اسکے نقوش تن چکے تھے۔۔۔۔
مم۔۔۔ میری مورے کو مار کر تمھیں کیا ملا۔۔۔۔؟
وہ ہچکیاں لیتی با مشکل اتنا ہی کہ پائی۔۔۔۔
اسکی آواز میں جو درد تھا۔۔۔شام اس تکلیف کو محسوس کر سکتا تھا۔۔۔۔
اگلے ہی لمحے وہ نرم پڑ گیا۔۔۔۔
سحر۔۔۔۔!
میں نے ایسا کچھ نہیں کیا۔۔۔ میرا یقین کرو۔۔۔۔
اس نے اسکا چہرہ ہاتھوں میں تھامنے کی کوشش کی۔۔۔۔
مگر سحر نے نفرت سے انھیں جھٹک دیا۔۔۔۔
جھوٹ بول رہے ہو۔۔۔ تم بہت برے ہو۔۔۔۔ مر جاؤ تم۔۔۔۔!!
وہ پاگلوں کی طرح چیختی ہوئی بولی۔۔۔۔
سحر۔۔۔۔۔!
میری بات سنو۔۔۔۔
شام بے بس ہوا۔۔۔۔
چپ رہو تم۔۔۔۔۔
وہ چیخ چیخ کر روتی ہوئی گھٹنوں کے بل زمین پر گر گئی۔۔۔۔
شام نے ایک نظر اسکی خراب ہوتی حالت کو دیکھا۔۔۔۔
اسے سحر کو لے کر کسی محفوظ جگہ پر بھی جانا تھا ۔۔۔
اور اوپر سے اسکا یہ تماشا۔۔۔۔۔!
وہ شاید نہیں جانتا تھا۔۔۔وہ کس درد سے گزر رہی تھی۔۔۔۔
سحر اٹھو ہمیں یہاں سے نکلنا ہے۔۔۔۔
اسنے اسکا بازو پکڑ کر اسے اٹھانے کی کوشش کرتے ہوئے کہا۔۔۔۔
مگر وہ سختی سے اپنا بازو چھڑا کر پھر سے ہچکیوں کے ساتھ رونے لگی۔۔۔۔
شام کو وہ اس وقت کسی ضدی بچے کی طرح لگی۔۔۔۔
مگر وہ کونسا اتنے نخرے اٹھانے کا عادی تھا۔۔۔۔
لب بھینج کر اسنے نے ایک جھٹکے سے چیختی چلاتی سحر کو کندھے پر ڈالا۔۔۔۔۔
اور کمرے سے باہر نکل گیا۔۔۔۔
     
وہ تینوں لان میں بیٹھے شام کی چاۓ سے لطف اندوز ہو رہے تھے۔۔۔۔
ایک تو اس عالم کا کچھ پتا نہیں چلتا۔۔۔
دو دن سے گھر نہیں آیا۔۔۔۔ علی آپ اسے سمجھاتے کیوں نہیں ہیں۔۔۔۔
سدرہ بیگم روہانسی ہو کر بولیں۔۔۔
ارے سدرہ پریشان مت ہو۔۔۔ جوان لڑکا ہے۔۔۔
یہ دن ہیں اسکے مزے کرنے کے۔۔۔ اگر دوستوں کے ساتھ انجواۓ کر بھی رہا ہے۔۔۔ تو اس میں پریشانی کی کیا بات۔۔۔
عافیہ بیگم رسان سے انہیں سمجھاتی ہوئی بولیں۔۔۔۔
بھابی اس نے آپکو بتایا کہ وہ دوستوں کے ساتھ گھومنے گیا ہے۔۔۔۔؟
وہ بے تابی سے پوچھنے لگیں۔۔۔
انکے انداز پر عافیہ بیگم بے اختیار ہنس پڑیں۔۔۔۔ 
جی جی۔۔۔ اس نے مجھے بتا دیا تھا۔۔۔
انکے کہنے پر سدرہ بیگم نے بے اختیار سکون کی سانس لی۔۔۔۔
ارے بیگم۔۔۔۔!اگر آپ اسکے پیچھے مت پڑا کریں ہر بات پر
۔۔ تو وہ آپ سے بھی ہر بات شئیر کرے گا۔۔۔
آپ جو بال کی کھال اتارنے لگ جاتی ہیں۔۔۔۔
تو اسنے تو چڑھنا ہے ہی۔۔۔!
علی صاحب ہنستے ہوئے بولے۔۔۔۔
انکی بات پر سدرہ بیگم سر جھٹک کر رہ گئیں۔۔۔۔۔
مین گیٹ کھلنے اور گاڑی کے تیزی سے اندر داخل ہونے پر وہ تینوں چونکے۔۔۔
گاڑی سے باہر نکلنے والے شخص نے ٹھاہ سے دروازہ بند کیا۔۔۔۔ جو شام کی انٹری کا منہ بولتا ثبوت تھا۔۔۔۔
وہ تینوں سر جھٹک کر چاۓ پینے لگے۔۔۔۔
مگر ہی لمحے کسی لڑکی کے رونے کی آواز پر گویا انہیں کرنٹ لگا تھا۔۔۔۔
سامنے شام ایک لڑکی کو بازو سے کھینچتا ہوا آ رہا ہے۔۔۔۔
اسکے ماتھے پر ایک لمبی سی کھرونچ جما ہوا خون اور غصّہ دیکھ کر وہ تینوں خوف زدہ ہوگئے۔۔۔۔
اب پتا نہیں وہ کیا گل کھلا کر آیا تھا۔۔۔۔
سدرہ بیگم کے دماغ میں سب سے پہلے یہی خیال آیا۔۔۔۔
عافیہ بیگم کی نظریں اس لڑکی کی طرف تھیں۔۔۔۔
پکڑیں اسے۔۔۔۔۔!
شام نے طیش میں آ کر سحر کو عافیہ بیگم کی طرف دھکّا دیا۔۔۔۔
وہ جھٹکے سے انکی طرف آ گری۔۔۔۔
آپکی گڑیا۔۔۔۔۔!
وہ انکے سر پر بم پھوڑتا لمبے لمبے ڈگ بھرتا اندر چلا گیا۔۔۔۔
عافیہ بیگم نے بے اختیار جھک کر سحر کو اٹھایا۔۔۔۔ اور اسے اپنے سینے سے لگا لیا۔۔۔۔
وہ تو ویسے ہی کسی دلاسے کی منتظر تھی۔۔۔۔
بغیر پرواہ کۓ کہ وہ کون تھی۔۔۔۔ انکے سینے لگے بری طرح سے رونے لگی۔۔۔۔
سدرہ بیگم اور علی صاحب بس منہ کھولے ان دونوں کو دیکھے جا رہے تھے۔۔۔۔
گڑیا مم۔۔۔ میری بچی۔۔۔۔
عافیہ بیگم اسکے چہرے کو دیوانہ وار چومتیں اسے بے یقینی سے بلا رہی تھیں۔۔۔۔
جیسے انہیں یقین ہی نا آ رہا ہو کہ یہ انکی گڑیا تھی۔۔
سحر انکی باتوں انکی پکار کی پرواہ کئے بغیر بس رونے میں لگی ہوئی تھی۔۔۔۔
ہاں البتہ یہ تھا۔۔۔ کہ اس آغوش میں اسے وہی سکون مل رہا تھا۔۔۔ جو مورے کی گود میں اسے ملا کرتا تھا۔۔۔۔
مورے کی یاد تو ویسے ہی اسے خون کے آنسو رلا رہی تھی۔۔۔۔
بھابی۔۔۔۔۔؟
وہ دونوں آخر انہیں پکار اٹھے۔۔۔۔
عافیہ بیگم نے چونک کر انہیں دیکھا۔۔۔۔۔
اس سب میں وہ ان دونوں کو تو بھول گئی تھیں
۔۔۔۔
جی بھائی بھابی میں بتاتی ہوں۔۔۔۔
انہوں نے سہمی ہوئی سحر کو مزید خود سے چمٹا لیا۔۔۔۔
اور ایک نظر انہیں دیکھتے ہوئے اپنی بات کا آغاز کیا۔۔۔۔
وہ دونوں شاکڈ تھے۔۔۔۔!
     
فرسٹ ایڈ باکس اٹھا کر وہ بیڈ پر آ بیٹھا۔۔۔۔
زخم آنکھ کے قریب لگا تھا۔۔۔ اسکی قسمت اچھی تھی کہ بچاؤ ہوگیا۔۔۔۔
افف۔۔۔
سپریٹ سے زخم صاف کرتی ہوئے بے اختیار اسنے سسکاری بھری۔۔۔
یہ لڑکی مجھے واقعی ہی کہیں سے انسان نہیں لگتی۔۔۔
سنی پلاسٹ زخم پر لگاتے ہوئے وہ بڑبڑایا۔۔۔۔
اٹھ کر ہاتھ واش کرنے کے بعد اس نے ان دونوں یاروں کو خاص جگہ پر پہنچنے کا مسیج کیا۔۔۔ اور گاڑی کی کیز اٹھاۓ کمرے سے سے نکل گیا۔۔۔۔