ﺧﻮﺍﺑﻮﮞ ﮐا ﻧﮕﺮ

ﻋﻘﯿﻞ ﺻﺎﺣﺐ ﺍﭘﻨﯽ ﻭﺍﺋﻒ ﺍﻭﺭ ﻣﺮﯾﻢ ﮐﮯ ساتھ ﻟﻨﺪﻥ ﺭﻭﺍﻧﮧ ﮨﻮ ﮔﺌﮯ ﺗﮭﮯ۔ ﺭﻭﺍﻧﮕﯽ ﺳﮯ ﺗﯿﻦ ﺭﻭﺯ ﻗﺒﻞ ﮨﯽ ﺩﻝ ﺁﻭﯾﺰ، ﻋﻘﯿﻞ ﻣﻨﺰﻝ ﻣﯿﮟ ﭼﻠﯽ ﺁﺋﯽ ﺗﮭﯽ، ﺟﮩﺎﮞ ﻣﺮﯾﻢ ﺯﯾﺎﺩﮦ ﻭﻗﺖ ﺍﺳﮯ ﺍﭘﻨﮯ ساتھ ﺭﮐﮭﮯ ﮨﻮﺋﮯ ﺍﺱ ﺳﮯ ﺁﺯﺭ ﮐﯽ ﺑﺎﺗﯿﮟ ﮐﺮﺗﯽ ﺭﮨﯽ ﺗﮭﯽ۔ ﺍﺳﯽ ﺭﻭﺯ ﻭﮦ ﻣﻮﻣﯽ ﮐﻮ ﺁﺯﺭ ﮐﮯ ﺧﻮﺍﺑﻮﮞ ﮐﮯ ﻧﮕﺮ ﺍُﺱ ﮐﮯ ﺯﯾﺮ ﺗﻌﻤﯿﺮ ﺗﺎﺝ ﻣﺤﻞ ﻣﯿﮟ ﻻﺋﯽ ﺗﮭﯽ، ﺟﺲ ﮐﮯ ﺑﺎﺭﮮ ﻣﯿﮟ ﺻﺮﻑ ﻣﺮﯾﻢ ﮨﯽ ﺟﺎﻧﺘﯽ ﺗﮭﯽ۔ ﺍﺱ ﻧﮯ ﻣﻮﻣﯽ ﮐﻮ ﺁﺯﺭ ﮐﮯ ﮐﻤﺮﮮ ﻣﯿﮟ ﺍﺱ ﮐﮯ ﻟﺌﮯ ﺭﮐﮭﯽ ﭼﯿﺰﯾﮟ ﺍﻭﺭ ﻭﮦ ﺗﺼﻮﯾﺮ ﺑﮭﯽ ﺩﮐﮭﺎﺋﯽ، ﺟﺲ ﺳﮯ ﻣﻮﻣﯽ ﮐﯽ ﺑﺪﮔﻤﺎﻧﯿﺎﮞ ﺁﺯﺭ ﮐﮯ ﻟﺌﮯ ﺑﮍﮬﯽ ﺗﮭﯿﮟ۔
ﺗﺎﺝ ﻣﺤﻞ ﻣﯿﮟ ﺍﯾﮏ ﻣﺮﺗﺒﮧ ﭘﮭﺮ ﻣﻮﻣﯽ ﮐﯽ ﺣﺎﻟﺖ ﺷﺪﯾﺪ ﺑﮕﮍ ﮔﺌﯽ ﺗﮭﯽ، ﺗﺒﮭﯽ ﻣﺮﯾﻢ ﮐﻮ ﻣﺠﺒﻮﺭﺍً ﺳﻮﯾﺪ ﮐﻮ ﮐﺎﻝ ﮐﺮ ﮐﮯ ﺍﺳﮯ ﻭﮨﺎﮞ ﺑﻠﻮﺍﻧﺎ ﭘﮍﺍ۔ ﻭﮦ ﺍﯾﮏ ﺿﺮﻭﺭﯼ ﻣﯿﭩﻨﮓ ﻣﯿﮟ ﻣﺼﺮﻭﻑ ﺗﮭﺎ، ﻣﺮﯾﻢ ﮐﯽ ﮐﺎﻝ ﭘﺮ ﭘﮩﻠﯽ ﻓﺮﺻﺖ ﻣﯿﮟ ﻭﮨﺎﮞ ﭘﮩﻨﭽﺎﺍﻭﺭ ﭘﮭﺮ ﺩﻭﻧﻮﮞ ﻣﻞ ﮐﺮ ﺍﺳﮯ ﮨﺎﺳﭙﭩﻞ ﻻﺋﮯ۔ ﺳﻮﯾﺪ ﻧﮯ ﺍﭘﻨﺎ ﺳﯿﻞ ﺁﻑ ﮐﺮ ﺩﯾﺎ ﺗﮭﺎ ﺟﺲ ﺳﮯ ﻋﺒﯿﺮﮦ ﮐﯽ ﺍُﻟﺠﮭﻦ ﺑﮍﮬﯽ ﺗﮭﯽ۔ ﻭﮦ ﺩﻥ ﻣﯿﮟ ﺟﺐ ﺗﮏ ﺍﺳﮯ ﭘﭽﺎﺱ ﻓﻮﻥ ﻧﮩﯿﮟ ﮐﺮ ﻟﯿﺘﯽ ﺗﮭﯽ، ﺍﺳﮯ ﺳﮑﻮﻥ ﻧﮩﯿﮟ ﻣﻠﺘﺎ ﺗﮭﺎ۔ ﺁﺝ ﮐﻞ ﺗﻮ ﻭﯾﺴﮯ ﺑﮭﯽ ﻭﮦ ﺗﺨﻠﯿﻖ ﮐﮯ ﻋﻤﻞ ﺳﮯ ﮔﺰﺭ ﺭﮨﯽ ﺗﮭﯽ۔
ﻟﮩٰﺬﺍ ﺳﻮﯾﺪ ﺧﻮﺩ ﮨﯽ ﺳﺎﺭﺍ ﺩﻥ ﺍﺱ ﺳﮯ ﺭﺍﺑﻄﮯ ﻣﯿﮟ ﺭﮨﺘﺎ ﺍﻭﺭ ﺍﺳﮯ ﺧﻮﺵ ﺭﮐﮭﻨﮯ ﮐﯽ ﮨﺮ ﻣﻤﮑﻦ ﮐﻮﺷﺶ ﮐﺮﺗﺎ۔ ﺗﺎﮨﻢ ﺍﺱ ﺭﻭﺯ ﻣﻮﻣﯽ ﮐﯽ ﺣﺎﻟﺖ ﮨﯽ ﺍﺗﻨﯽ ﺑﮕﮍ ﮔﺌﯽ ﺗﮭﯽ ﮐﮧ ﺍﺳﮯ ﻣﺠﺒﻮﺭﺍً ﻋﺒﯿﺮﮦ ﮐﯽ ﺧﻔﮕﯽ ﺳﮯ ﺑﭽﻨﮯ ﮐﮯ ﻟﺌﮯ ﺍﭘﻨﺎ ﺳﯿﻞ ﺁﻑ ﮐﺮﻧﺎ ﭘﮍﺍ۔ ﺩﻥ ﮐﮯ ﺑﻌﺪ ﺷﺎﻡ ﺑﮭﯽ ﮈﮬﻞ ﮔﺌﯽ ﺗﮭﯽ۔
ﻋﺒﯿﺮﮦ ﮐﯽ ﻃﺒﯿﻌﺖ ﺑﮕﮍﻧﺎ ﺷﺮﻭﻉ ﮨﻮ ﮔﺌﯽ۔ ﺍﺩﮬﺮ ﻣﺮﯾﻢ ﺟﻮ ﺍﭘﻨﺎ ﺳﺎﻣﺎﻥ ﺑﮭﯽ ﭘﯿﮏ ﮐﺮ ﭼﮑﯽ ﺗﮭﯽ، ﺗﺎﺝ ﻣﺤﻞ ﮐﯽ ﺍﺩﮬﻮﺭﯼ ﺗﻌﻤﯿﺮ ﮐﮯ ﺑﺎﺭﮮ ﻣﯿﮟ ﺳﻮﯾﺪ ﮐﻮ ﺳﺐ کچھ ﺑﺘﺎﺗﮯ ﮨﻮﺋﮯ ﺑﻮﻟﯽ۔
”ﯾﮧ ﮔﮭﺮ ﻣﻮﻣﯽ ﮐﯽ ﺯﻧﺪﮔﯽ ﻣﯿﮟ ﺑﮩﺖ ﺍﮨﻤﯿﺖ ﺭﮐﮭﺘﺎ ﮨﮯ ﺳﻮﯾﺪ ﺑﮭﺎﺋﯽ! ﺍﺳﯽ ﻟﺌﮯ ﺍﺱ ﮐﯽ ﻃﺒﯿﻌﺖ ﺍﺗﻨﯽ ﺧﺮﺍﺏ ﮨﻮﺋﯽ۔ ﺁﭖ ﺩﻋﺎ ﮐﯿﺠﺌﮯ، ﺍﺳﮯ ﺳﮑﻮﻥ ﮐﯽ ﺯﻧﺪﮔﯽ ﺗﻮ ﻧﺼﯿﺐ ﻧﮩﯿﮟ ﮨﻮﺋﯽ، ﺳﮑﻮﻥ ﮐﯽ ﻣﻮﺕ ﮨﯽ ﻧﺼﯿﺐ ﮨﻮ ﺟﺎﺋﮯ۔“ ﻭﮦ ﺍﺯﺣﺪ ﺁﺯﺭﺩﮦ ﺗﮭﯽ۔ ﺳﻮﯾﺪ ﮔﮩﺮﯼ ﺳﺎﻧﺲ ﺑﮭﺮ ﮐﺮ ﺭﮦ ﮔﯿﺎ۔
ﺭﺍﺕ ﺧﺎﺻﯽ ﺗﺎﺧﯿﺮ ﺳﮯ ﻭﮦ ﮔﮭﺮ ﻭﺍﭘﺲ ﻟﻮﭨﺎ ﺗﻮ ﭼﻮﮐﯿﺪﺍﺭ ﺳﮯ ﺣﺎﻻﺕ ﮐﺎ ﭘﺘﮧ ﭼﻼ۔ ﻋﺒﯿﺮﮦ ﮐﯽ ﻃﺒﯿﻌﺖ ﺑﮕﮍ ﮔﺌﯽ ﺗﮭﯽ ﺍﻭﺭ ﺭﺍﺣﯿﻠﮧ ﺑﯽ ﺍﺱ ﺳﮯ ﺭﺍﺑﻄﮯ ﮐﯽ ﺗﻤﺎﻡ ﺗﺮ ﮐﻮﺷﺶ ﮐﮯ ﺑﻌﺪ ﻧﺎﮐﺎﻡ ﮨﻮ ﮐﺮ ﺍﮐﯿﻠﯽ ﮨﯽ ﺍﺳﮯ ﮨﺎﺳﭙﭩﻞ ﻟﮯ ﮔﺌﯽ ﺗﮭﯽ۔ ﺳﻮﯾﺪ ﮐﮯ ﭘﺎﺅﮞ ﺗﻠﮯ ﺳﮯ ﺯﻣﯿﻦ ﻧﮑﻠﯽ ﺗﮭﯽ۔ ﺗﮭﮑﻦ ﺳﮯ ﭼﻮﺭ ﺍﺱ ﻧﮯ ﭼﻮﮐﯿﺪﺍﺭ ﺳﮯ ﮨﺎﺳﭙﭩﻞ ﮐﺎ ﭘﻮﭼﮭﺎ ﺍﻭﺭ ﻓﻮﺭﺍً ﮔﺎﮌﯼ ﻧﮑﺎﻝ ﻟﯽ۔
ﻋﺒﯿﺮﮦ ﺍﺑﮭﯽ ﻟﯿﺒﺮ ﺭﻭﻡ ﺳﮯ ﺑﺎﮨﺮ ﺗﮭﯽ۔
ﮈﺍﮐﭩﺮﺯ ﮐﮯ ﻣﻄﺎﺑﻖ ﺍﺱ ﮐﯽ ﮈﻟﯿﻮﺭﯼ ﺑﻐﯿﺮ ﻣﯿﺠﺮ ﺁﭘﺮﯾﺸﻦ ﮐﮯ ﻣﻤﮑﻦ ﻧﮩﯿﮟ ﺗﮭﯽ۔ ﻭﮦ ﺭﻭ ﺭﮨﯽ ﺗﮭﯽ ﺟﺐ ﺳﻮﯾﺪ ﺁﺯﺭ ﺍﺱ ﮐﮯ ﭘﺎﺱ ﭘﮩﻨﭽﺎ۔
”ﺑﯿﮧ! ﺑﯿﮧ! ﺍﯾﻢ ﺳﻮﺭﯼ۔ ﻣﯿﮟ ﺍﯾﮏ ﻣﺴﺌﻠﮯ ﻣﯿﮟ ﭘﮭﻨﺲ ﮔﯿﺎ ﺗﮭﺎ۔ ﺳﯿﻞ ﮐﮯ ﺳﮕﻨﻞ ﺑﮭﯽ ﮐﺎﻡ ﻧﮧ ﮐﺮ ﺭﮨﮯ ﺗﮭﮯ۔ ﺗﻢ ﭨﮭﯿﮏ ﮨﻮ ﻧﺎ؟“
” ﺍﺑﮭﯽ ﺗﻮ ﭨﮭﯿﮏ ﮨﮯ۔ ﻣﮕﺮ ﮈﺍﮐﭩﺮﺯ ﻧﮯ ﮈﻟﯿﻮﺭﯼ ﮐﮯ ﻟﺌﮯ ﻣﯿﺠﺮ ﺁﭘﺮﯾﺸﻦ ﮐﺎ ﮐﮩﺎ ﮨﮯ۔“ ﺭﺍﺣﯿﻠﮧ ﺑﯽ ﮐﮯ ﻟﮩﺠﮯ ﻣﯿﮟ ﮨﻠﮑﯽ ﺳﯽ ﺧﻔﮕﯽ ﺗﮭﯽ۔ ﻭﮦ ﺑﮭﯽ ﭘﺮﯾﺸﺎﻥ ﮨﻮ ﮔﯿﺎ۔
”ﻟﯿﮑﻦ ﺍﺱ ﺳﮯ ﭘﮩﻠﮯ ﺗﻮ ﮈﺍﮐﭩﺮﺯ ﺳﺐ ﭨﮭﯿﮏ ﮨﮯ ﮐﯽ ﺭﭘﻮﺭﭦ ﺩﯾﺘﮯ ﺭﮨﮯ ﮨﯿﮟ۔“
”ﮈﺍﮐﭩﺮﺯ ﮐﺎ ﮐﯿﺎ ﮨﮯ۔ ﺟﺐ ﭼﺎﮨﯿﮟ ﺳﯿﺎﺳﺖ ﺩﺍﻧﻮﮞ ﮐﯽ ﻃﺮﺡ ﺍﭘﻨﺎ ﺑﯿﺎﻥ ﺑﺪﻝ ﻟﯿﮟ۔ ﺗﻤﮩﺎﺭﮮ ﭘﺎﭘﺎ ﺷﮩﺮ ﺳﮯ ﺑﺎﮨﺮ ﮨﯿﮟ۔ ﻣﯿﮟ ﺍﮐﯿﻠﯽ ﻋﻮﺭﺕ ﮐﯿﺎ ﮐﯿﺎ ﮐﺮﻭﮞ؟“
”ﺍﯾﻢ ﺳﻮﺭﯼ ﻣﻤﺎ! ﻣﯿﮟ ﻭﺍﻗﻌﯽ ﺍﯾﮏ ﻣﺴﺌﻠﮯ ﻣﯿﮟ ﭘﮭﻨﺲ ﮔﯿﺎ ﺗﮭﺎ۔ ﻭﮔﺮﻧﮧ ﺁﭖ ﺗﻮ ﺟﺎﻧﺘﯽ ﮨﯿﮟ، ﻣﯿﺮﯼ ﺑﯿﮧ ﻣﯿﮟ ﻣﯿﺮﯼ ﺟﺎﻥ ﮨﮯ۔ “
ﻋﺒﯿﺮﮦ ﮐﮯ ﺩﻭﻧﻮﮞ ہاتھ ﺍﭘﻨﮯ ﮨﺎﺗﮭﻮﮞ ﻣﯿﮟ ﻟﯿﺘﮯ ﮨﻮﺋﮯ ﺍﺱ ﻧﮯ ﭘﮭﺮ ﺍﺳﮯ ﺍﭘﻨﯽ ﻣﺤﺒﺖ ﮐﺎ ﯾﻘﯿﻦ ﺩﻻﯾﺎ ﺗﮭﺎ۔ ﺗﺒﮭﯽ ﮈﺍﮐﭩﺮﺯ ﻧﮯ ﺁﭘﺮﯾﺸﻦ ﮐﺎ ﺍﻋﻼﻥ ﮐﺮ ﺩﯾﺎ۔
”ﺑﯿﮧ! ﭘﻠﯿﺰ ﮐﻮﺋﯽ ﭨﯿﻨﺸﻦ ﻣﺖ ﻟﯿﻨﺎ۔ ﺍﻟﻠﮧ ﮨﮯ ﻧﺎ ﮨﻤﺎﺭﮮ ساتھ۔ ﻭﮦ ﺳﺐ ﺑﮩﺘﺮ ﮐﺮﮮ ﮔﺎ۔
ﺟﺐ ﺗﮏ ﻣﯿﮟ ﺯﻧﺪﮦ ﮨﻮﮞ، ﻣﯿﺮﯼ ﺑﯿﮧ ﮐﻮ ﻣﻌﻤﻮﻟﯽ ﺳﯽ ﺗﮑﻠﯿﻒ ﺑﮭﯽ ﻧﮩﯿﮟ ﭼﮭﻮ ﺳﮑﺘﯽ۔ ﻣﯿﮟ ﻣﯿﮟ ﯾﮩﯿﮟ ﮨﻮﮞ۔ ﺑﺲ ﺟﻠﺪﯼ ﺳﮯ ﺟﺎﺅ ﺍﻭﺭ ﮨﻤﺎﺭﺍ ﺑﮯ ﺑﯽ ﻟﮯ ﺁﺅ۔“ ﻟﯿﺒﺮ ﺭﻭﻡ ﺳﮯ ﺑﺎﮨﺮ ﻭﮦ ﺍﺳﮯ ﺣﻮﺻﻠﮧ ﺗﮭﻤﺎ ﺭﮨﺎ ﺗﮭﺎ۔ ﺍﺱ ﭘﺮ ﺑﮯ ﺗﺤﺎﺷﺎ ﭘﯿﺎﺭ ﻟﭩﺎ ﺭﮨﺎ ﺗﮭﺎ۔
ﺍﺳﯽ ﭘﻞ ﻋﺒﯿﺮﮦ ﻧﮯ ﻟﺐ ﮐﮭﻮﻟﮯ ﺗﮭﮯ۔
”ﺳﻮﯾﺪ! ﺍﯾﻢ ﺳﻮﺭﯼ۔ ﻣﯿﮟ ﻧﮯ ﺗﻤﮩﯿﮟ ﺑﮩﺖ ﺗﻨﮓ ﮐﯿﺎ ﮨﮯ۔ ﺗﻤﮩﯿﮟ ﭘﻮﺟﻨﮯ ﮐﯽ ﺣﺪ ﺗﮏ ﭼﺎﮨﻨﮯ ﮐﮯ ﺑﺎﻭﺟﻮﺩ ﺑﮍﮮ ﺍﻣﺘﺤﺎﻥ ﻟﺌﮯ ﮨﯿﮟ ﺗﻢ ﺳﮯ۔ ﺁﺝ ﺍﻣﺘﺤﺎﻥ ﺩﯾﻨﮯ ﮐﯽ ﺑﺎﺭﯼ ﻣﯿﺮﯼ ﮨﮯ۔ ﻣﻢ ﻣﺠﮭﮯ ﻣﻌﺎﻑ ﮐﺮ ﺩﯾﻨﺎ۔
ﻣﯿﮟ ﻧﮯ ﻣﯿﮟ ﻧﮯ ﺗﻤﮩﯿﮟ ﺩﻝ ﺁﻭﯾﺰ ﺳﮯ ﺩُﻭﺭ ﺭﮐﮭﺎ۔ ﺍﭘﻨﮯ ﺍﻟﻠﮧ ﮐﯽ ﮔﻨﮩﮕﺎﺭ ﮨﻮﺋﯽ ﺍﭘﻨﮯ ﭼﮭﻮﭨﮯ ﻇﺮﻑ ﺳﮯ ﻣﺠﺒﻮﺭ ﺍﺱ ﮐﮯ ﺍﺣﮑﺎﻣﺎﺕ ﮐﯽ ﻧﺎﻓﺮﻣﺎﻧﯽ ﮐﯽ۔ ﻭﮦ ﻭﮦ ﮨﺮ ﭼﯿﺰ ﭘﺮ ﻗﺎﺩﺭ ﮨﮯ ﺁﺯﺭ! ﻭﮦ ﻧﻮﺍﺯﻧﺎ ﺑﮭﯽ ﺟﺎﻧﺘﺎ ﮨﮯ ﺍﻭﺭ ﻟﯿﻨﺎ ﺑﮭﯽ۔ ﺍﮔﺮ ﺍﮔﺮ ﻣﯿﮟ ﻭﺍﭘﺲ ﻧﮧ ﺁ ﺳﮑﯽ ﺗﻮ ﭘﻠﯿﺰ“
”ﭼﭗ ﮐﺮ ﺟﺎﺅ ﺑﯿﮧ! ﻧﮩﯿﮟ ﺗﻮ ﻣﯿﺮﺍ ﺩﻝ ﭘﮭﭧ ﺟﺎﺋﮯ ﮔﺎ۔ ﻣﯿﮟ ﻧﮯ ﮐﮩﺎ ﻧﺎ، ﺗﻤﮩﯿﮟ کچھ ﻧﮩﯿﮟ ﮨﻮ ﮔﺎ۔ ﺗﻢ ﻣﯿﺮﯼ ﺯﻧﺪﮔﯽ ﮨﻮ ﺑﯿﮧ! ﻣﯿﺮﮮ ﻟﺌﮯ ﺟﯿﻮ ﮔﯽ۔“ ﺍﺱ ﭘﺮ ﺟﮭﮑﺎ ﺍﺱ ﮐﮯ ﺩﻭﻧﻮﮞ ﮨﺎﺗﮭﻮﮞ ﮐﻮ ﺍﭘﻨﮯ ﮨﺎﺗﮭﻮﮞ ﮐﯽ ﻣﻀﺒﻮﻁ ﮔﺮﻓﺖ ﻣﯿﮟ ﻟﺌﮯ ﻭﮦ ﺍﺳﮯ ﭘﯿﺎﺭ ﮐﺮ ﺭﮨﺎ ﺗﮭﺎ۔
ﻋﺒﯿﺮﮦ ﭘُﺮﺳﮑﻮﻥ ﺳﯽ، ﻟﺒﻮﮞ ﭘﺮ ﭘﮭﯿﮑﯽ ﺳﯽ ﻣﺴﮑﺮﺍﮨﭧ ﺳﺠﺎﺋﮯ ﻟﯿﺒﺮ ﺭﻭﻡ ﻣﯿﮟ ﭼﻠﯽ ﮔﺌﯽ۔ ﺳﻮﯾﺪ ﺁﺯﺭ ﺍﺱ ﻟﻤﺤﮯ ﺩﻝ ﺁﻭﯾﺰ ﺟﻌﻔﺮﯼ ﮐﺎ ﺩﺭﺩ ﺑﮧ ﺧﻮﺑﯽ ﺳﻤﺠﮫ ﺳﮑﺘﺎ ﺗﮭﺎ۔ ﻣﮕﺮ ﺍﺳﮯ ﺍﺱ ﭘﺮ ﻏﺼﮧ ﺁ ﺭﮨﺎ ﺗﮭﺎ۔ ﻧﮧ ﺍﺱ ﮐﯽ ﺣﺎﻟﺖ ﺑﮕﮍﺗﯽ، ﻧﮧ ﻭﮦ ﺍﺗﻨﯽ ﺩﯾﺮ ﺗﮏ ﺍﭘﻨﯽ ﻋﺒﯿﺮﮦ ﺳﮯ ﺩُﻭﺭ ﺭﮨﺘﺎ۔ ﺍﺱ ﮐﮯ ﻟﺐ ﻣﺴﻠﺴﻞ ﺩﺭﻭﺩ ﭘﺎﮎ ﮐﺎ ﻭِﺭﺩ ﮐﺮ ﺭﮨﮯ ﺗﮭﮯ۔
ﺍﺱ ﻧﮯ ﮈﺍﮐﭩﺮ ﺳﮯ ﮐﮩﮧ ﺩﯾﺎ ﺗﮭﺎ ﮐﮧ ﻭﮦ ﺍﻧﮩﯿﮟ ﻣﻨﮧ ﻣﺎﻧﮕﯽ ﺭﻗﻢ ﺍﺩﺍ ﮐﺮﮮ ﮔﺎ، ﻣﮕﺮ ﺍﺱ ﮐﯽ ﺑﯿﻮﯼ ﮐﻮ کچھ ﻧﮩﯿﮟ ﮨﻮﻧﺎ ﭼﺎﮨﺌﮯ۔
ﺗﻘﺮﯾﺒﺎً ﺗﯿﻦ ﮔﮭﻨﭩﮯ ﮐﮯ ﺑﻌﺪ ﺁﭘﺮﯾﺸﻦ ﺭﻭﻡ ﮐﺎ ﺩﺭﻭﺍﺯﮦ ﮐﮭﻼ ﺗﮭﺎ ﺍﻭﺭ ﺍﺳﮯ ﺻﺤﺖ ﻣﻨﺪ ﺑﯿﭩﮯ ﮐﯽ ﻭﻻﺩﺕ ﮐﮯ ساتھ ساتھ ﺑﯿﻮﯼ ﮐﯽ ﺯﻧﺪﮔﯽ ﮐﯽ ﻧﻮﯾﺪ ﻣﻠﯽ ﺗﮭﯽ۔
ﺍﻟﻠﮧ ﺭﺏ ﺍﻟﻌﺰﺕ ﮐﮯ ﺣﻀﻮﺭ ﻣﺎﻧﮕﯽ ﮔﺌﯽ ﺍﺱ ﮐﯽ ﺩﻋﺎﺋﯿﮟ ﺭﺩ ﻧﮩﯿﮟ ﮨﻮﺋﯽ ﺗﮭﯿﮟ۔
ﻭﮦ ﺧﻮﺵ ﺗﮭﺎ۔ ﺍﺗﻨﺎ ﺧﻮﺵ ﮐﮧ ﮨﺎﺳﭙﭩﻞ ﮐﮯ ﭘﻮﺭﮮ ﻋﻤﻠﮯ ﮐﻮ ﺍﺱ ﻧﮯ ﭘﯿﺴﻮﮞ ﺳﮯ ﺧﻮﺵ ﮐﺮ ﺩﯾﺎ ﺗﮭﺎ۔
ﻋﺒﯿﺮﮦ ﮐﻤﺮﮮ ﻣﯿﮟ ﺷﻔﭧ ﮨﻮﻧﮯ ﮐﮯ ﺑﻌﺪ ﮨﻮﺵ ﻣﯿﮟ ﺁﺋﯽ ﺗﻮ ﺍﺱ ﮐﯽ ﺧﻮﺷﯽ ﮐﺎ ﺑﮭﯽ ﮐﻮﺋﯽ ﭨﮭﮑﺎﻧﮧ ﻧﮩﯿﮟ ﺗﮭﺎ۔ ﮔﻮ ﺟﺴﻢ ﺍﺑﮭﯽ ﺩﺭﺩ ﮐﮯ ﺣﺼﺎﺭ ﻣﯿﮟ ﺗﮭﺎ، ﻣﮕﺮ ﻭﮦ ﺍﭘﻨﮯ ﺑﭽﮯ ﮐﻮ ﻓﻮﺭﯼ ﻓﯿﮉ ﮐﺮﻭﺍﻧﮯ ﮐﯽ ﺧﻮﺍﮨﺶ ﻣﻨﺪ ﺗﮭﯽ۔ ﺭﺍﺣﯿﻠﮧ ﺑﯽ ﮐﮯ ﭘﺎﺅﮞ ﻣﺎﺭﮮ ﺧﻮﺷﯽ ﮐﮯ ﺯﻣﯿﻦ ﭘﮧ ﻧﮧ ﭨﮑﺘﮯ ﺗﮭﮯ۔ ﺟﺎﻧﮯ ﮐﯿﻮﮞ ﺍﺱ ﻣﻮﻗﻊ ﭘﺮ ﺍﻥ ﮐﯽ ﺁﻧﮑﮭﯿﮟ ﭘﮭﺮ ﺳﮯ ﻓﻀﯿﻠﮧ ﺑﯽ ﮐﻮ ﯾﺎﺩ ﮐﺮ ﮐﮯ ﺁﺑﺪﯾﺪﮦ ﮨﻮ ﮔﺌﯽ ﺗﮭﯿﮟ۔
”ﺳﻮﯾﺪ! ﺍﻟﻠﮧ ﺭﺏ ﺍﻟﻌﺰﺕ ﻧﮯ ﮨﻢ ﭘﺮ ﺑﮍﺍ ﮐﺮﻡ ﮐﯿﺎ ﮨﮯ۔ ﻣﯿﺮﮮ ﺑﯿﭩﮯ ﮐﺎ ﻭﺍﺭﺙ ﺩﻧﯿﺎ ﻣﯿﮟ ﺁ ﮔﯿﺎ۔ ﺑﺲ ﺍﺏ ﯾﮩﺎﮞ ﺳﮯ ﻓﺎﺭﻍ ﮨﻮ ﮐﺮ ﺗﻢ ﭘﮩﻼ ﮐﺎﻡ ﺍﺱ ﻟﮍﮐﯽ ﮐﻮ ﻃﻼﻕ ﺩﯾﻨﮯ ﮐﺎ ﮐﺮﻭ ﮔﮯ۔ ﺟﻮ ﻧﮧ ﭼﺎﮨﺘﮯ ﮨﻮﺋﮯ ﺑﮭﯽ ﮨﻤﺎﺭﯼ ﭘُﺮﺳﮑﻮﻥ ﺯﻧﺪﮔﯽ ﻣﯿﮟ ﮔﮭﺲ ﺁﺋﯽ ﮨﮯ۔ “
ﺭﺍﺣﯿﻠﮧ ﺑﯽ ﮐﺎ ﺍﺷﺎﺭﮦ ﺩﻝ ﺁﻭﯾﺰ ﮐﯽ ﻃﺮﻑ ﺗﮭﺎ۔ ﺳﻮﯾﺪ ﮐﯽ ﻧﮕﺎﮦ ﻋﺒﯿﺮﮦ ﮐﯽ ﻧﮕﺎﮦ ﺳﮯ ﻣﻠﯽ ﺍﻭﺭ ﭘﮭﺮ ﻓﻮﺭﺍً ﺟﮭﮏ ﮔﺌﯽ۔
”ﭨﮭﯿﮏ ﮨﮯ ﺍﻣﯽ! ﻣﯿﺮﮮ ﺑﯿﭩﮯ ﮐﻮ ﺩﯾﮑﮭﯿﮟ، ﺍﯾﮏ ﺍﯾﮏ ﻧﻘﺶ ﻣﯿﺮﺍ ﭼﺮﺍﯾﺎ ﮨﮯ ﺍﺱ ﻧﮯ۔“
”ﮨﻮﮞ۔ ﺍﺱ ﻣﯿﮟ ﺗﻮ ﮐﻮﺋﯽ ﺷﮏ ﻧﮩﯿﮟ۔ ﺑﮩﻮ ﮐﻮ ﮔﮭﺮ ﮐﺐ ﺗﮏ ﻟﮯ ﺟﺎ ﺳﮑﯿﮟ ﮔﮯ؟“
”ﺁﺝ ﮨﯽ ﻟﮯ ﭼﻠﺘﮯ ﮨﯿﮟ۔ ﻣﯿﮟ ﺍﭘﻨﯽ ﺑﯿﮧ ﮐﻮ ﻣﺰﯾﺪ ﯾﮩﺎﮞ ﺍﺱ ﺑﺴﺘﺮ ﭘﺮ ﻧﮩﯿﮟ دیکھ ﺳﮑﺘﺎ۔“ ﭘُﺮﺷﻮﻕ ﻧﮕﺎﮨﻮﮞ ﺳﮯ ﺍﺳﮯ ﺩﯾﮑﮭﺘﺎ ﮨﻮﺍ ﻭﮦ ﺍُﭨﮭﺎ ﺍﻭﺭ ﮈﺍﮐﭩﺮﺯ ﺳﮯ ﺑﺎﺕ ﮐﺮﻧﮯ ﮐﮯ ﻟﺌﮯ ﮐﻤﺮﮮ ﺳﮯ ﺑﺎﮨﺮ ﻧﮑﻞ ﮔﯿﺎ۔ ﺗﺒﮭﯽ ﺭﺍﺣﯿﻠﮧ ﺑﯽ، ﻋﺒﯿﺮﮦ ﮐﮯ ﻗﺮﯾﺐ ﺁﺋﯽ ﺗﮭﯽ۔
”ﻋﺒﯿﺮﮦ! ﺳﺐ ﭨﮭﯿﮏ ﮨﮯ ﻧﺎ ﺑﯿﭩﯽ؟“
” ﮨﻮﮞ، ﺑﺲ ﺩﺭﺩ ﺑﮩﺖ ﮨﻮ ﺭﮨﺎ ﮨﮯ ﺍﻭﺭ ﭨﺎﻧﮕﯿﮟ ﺑﮭﯽ ﺳُﻦ ﺳﯽ ﻣﺤﺴﻮﺱ ﮨﻮ ﺭﮨﯽ ﮨﯿﮟ۔“
”ﮐﻤﺰﻭﺭﯼ ﮨﮯ ﻧﺎ۔ ﭼﻠﻮ، ﻣﯿﮟ ﺩﺑﺎ ﺩﯾﺘﯽ ﮨﻮﮞ۔“
”ﻧﮩﯿﮟ۔“ ﻭﮦ کچھ ﭘﺮﯾﺸﺎﻥ ﺳﯽ ﺗﮭﯽ۔ ﺁﭘﺮﯾﺸﻦ ﮐﮯ ﺑﻌﺪ ﺳﮯ ﺑﻠﯿﮉﻧﮓ ﺍﯾﮏ ﻣﻨﭧ
ﮐﮯ ﻟﺌﮯ ﺑﮭﯽ ﻧﮩﯿﮟ ﺭُﮐﯽ ﺗﮭﯽ۔ ﺍﻭﺭ ﯾﮧ ﺑﺎﺕ ﺍﺱ ﻧﮯ ﺳﻮﯾﺪ ﮐﻮ ﺑﺘﺎﺋﯽ ﺗﮭﯽ۔
”ﻣﯿﮟ ﮈﺍﮐﭩﺮﺯ ﺳﮯ ﺑﺎﺕ ﮐﺮﺗﺎ ﮨﻮﮞ۔ ﺗﻢ ﭨﯿﻨﺸﻦ ﻣﺖ ﻟﻮ۔“ ﺍﭘﻨﺎﺋﯿﺖ ﺳﮯ ﺍﺱ ﮐﺎ ہاتھ ﺗﮭﭙﺘﮭﭙﺎ ﮐﺮ ﻭﮦ ﭘﮭﺮ ﺭﻭﻡ ﺳﮯ ﺑﺎﮨﺮ ﻧﮑﻞ ﮔﯿﺎ ﺗﮭﺎ۔ ﮈﺍﮐﭩﺮ ﻓﺮﺯﯾﻦ ﻧﮯ ﺍﺱ ﮐﯽ ﺷﮑﺎﯾﺖ ﭘﺮ ﻋﺒﯿﺮﮦ ﮐﺎ ﭼﯿﮏ ﺍﭖ ﮐﯿﺎ ﺗﻮ ﭨﮭﭩﮏ ﮔﺌﯽ۔
”ﺳﻮﺭﯼ ﻣﺴﭩﺮ ﺳﻮﯾﺪ! ﮨﻤﯿﮞﺂﭖ ﮐﯽ ﻭﺍﺋﻒ ﮐﺎ ﺩﻭﺑﺎﺭﮦ ﺁﭘﺮﯾﺸﻦ ﮐﺮﻧﺎ ﭘﮍﮮ ﮔﺎ۔ ﻣﯿﺮﺍ ﺧﯿﺎﻝ ﮨﮯ ﮈﺍﮐﭩﺮ ﻧﺎﮨﯿﺪ ﺫﻣﮧ ﺩﺍﺭﯼ ﺳﮯ ﺍﭘﻨﺎ
ﻓﺮﺽ ﺍﻧﺠﺎﻡ ﻧﮩﯿﮟ ﺩﮮ ﺳﮑﯿﮟ۔ ﻓﻮﺭﯼ ﭼﺎﺭ ﺑﻮﺗﻞ ﺧﻮﻥ ﮐﺎ ﺍﻧﺘﻈﺎﻡ ﮐﯿﺠﺌﮯ ﭘﻠﯿﺰ۔ “
ﮈﺍﮐﭩﺮ ﻓﺮﺯﯾﻦ ﺍﺱ ﮐﮯ ﺍﯾﮏ ﻗﺮﯾﺒﯽ ﺩﻭﺳﺖ ﮐﯽ ﺑﮭﺎﺑﯽ ﺗﮭﯿﮟ، ﺗﺒﮭﯽ ﺍﻧﮩﻮﮞ ﻧﮯ ﻭﮦ ﺑﺎﺕ ﺑﺘﺎ ﺩﯼ ﺗﮭﯽ، ﺟﻮ ﻋﻤﻮﻣﺎً ﺍﻧﺴﺎﻧﯿﺖ ﮐﮯ ﯾﮧ ﻣﺴﯿﺤﺎ ﺍﭘﻨﯽ ﻏﻠﻄﯿﺎﮞ ﺍﻭﺭ ﮔﻨﺎﮦ ﭼﮭﭙﺎﻧﮯ ﮐﮯ ﻟﺌﮯ ﺍﭘﻨﯽ ﺑﮯ ﺍﺣﺘﯿﺎﻃﯽ ﮐﺎ ﺷﮑﺎﺭ ﮨﻮﻧﮯ ﻭﺍﻟﮯ ﻣﺮﯾﻀﻮﮞ ﮐﻮ ﮐﺒﮭﯽ ﺑﺘﺎﻧﮯ ﮐﺎ ﺭِﺳﮏ ﻣﻮﻝ ﻧﮩﯿﮟ ﻟﯿﺘﮯ۔ ﺳﻮﯾﺪ ﮐﮯ ﭼﮩﺮﮮ ﮐﯽ ﮨﻮﺍﺋﯿﺎﮞ ﺍﯾﮏ ﻣﺮﺗﺒﮧ ﭘﮭﺮ ﺍُﮌﯼ ﺗﮭﯿﮟ۔
ﺁﭘﺮﯾﺸﻦ ﮐﮯ ﺩﻭﺭﺍﻥ ﮈﺍﮐﭩﺮ ﻧﺎﮨﯿﺪ ﻧﮯ ﺫﺭﺍ ﺳﯽ ﻻﭘﺮﻭﺍﺋﯽ ﮐﮯ ﺑﺎﻋﺚ ﻏﻠﻂ ﺁﻧﺖ ﮐﺎﭦ ﮐﺮ ﻋﺒﯿﺮﮦ ﮐﯽ ﺯﻧﺪﮔﯽ ﮐﻮ ﺧﻄﺮﮮ ﺳﮯ ﺩﻭﭼﺎﺭ ﮐﺮ ﺩﯾﺎ ﺗﮭﺎ، ﺟﺲ ﮐﺎ ﭘﺘﮧ ﺍﻧﮩﯿﮟ ﺗﯿﺴﺮﮮ ﺭﻭﺯ ﻟﮕﺎ ﺗﮭﺎ، ﺟﺐ ﻋﺒﯿﺮﮦ ﮐﮯ ﺁﺩﮬﮯ ﺟﺴﻢ ﮐﺎ ﺧﻮﻥ ﺑﮩﮧ ﮔﯿﺎ ﺗﮭﺎ۔
ﺭﺍﺣﯿﻠﮧ ﺑﯽ، ﺩﻝ ﺁﻭﯾﺰ ﺟﻌﻔﺮﯼ ﮐﻮ ﺳﻮﯾﺪ ﮐﯽ ﺯﻧﺪﮔﯽ ﺳﮯ ﺑﮯ ﺩﺧﻞ ﮐﺮﻧﺎ ﭼﺎﮨﺘﯽ ﺗﮭﯿﮟ ﻣﮕﺮ ﮐﺎﺗﺐِ ﺗﻘﺪﯾﺮ ﻧﮯ ﺍﺱ ﺳﮯ ﻗﺒﻞ ﮨﯽ ﮐﮩﺎﻧﯽ ﺍﭘﻨﯽ ﺭﺿﺎ ﺳﮯ ﺗﺮﺗﯿﺐ ﺩﮮ ﮈﺍﻟﯽ ﺗﮭﯽ۔ ﺳﻮﯾﺪ ﺧﻮﻥ ﮐﺎ ﺍﻧﺘﻈﺎﻡ ﮐﺮ ﺭﮨﺎ ﺗﮭﺎ ﺍﻭﺭ ﺍﺩﮬﺮ ﺩﻭﺑﺎﺭﮦ ﺁﭘﺮﯾﺸﻦ ﮐﮯ ﺩﻭﺭﺍﻥ ﻋﺒﯿﺮﮦ ﺯﻧﺪﮔﯽ ﮐﯽ ﺑﺎﺯﯼ ﮨﺎﺭ ﮔﺌﯽ۔ ﻣﻠﮏ ﻣﯿﮟ ﺭﻭﺯﺍﻧﮧ ﮈﺍﮐﭩﺮﺯ ﮐﯽ ﻻﭘﺮﻭﺍﺋﯽ ﮐﮯ ﺑﺎﻋﺚ ﭘﯿﺶ ﺁﺗﮯ ﺣﺎﺩﺛﺎﺕ ﻣﯿﮟ ﻭﮦ ﺑﮭﯽ ﺍﯾﮏ ﻣﻌﻤﻮﻟﯽ ﺳﺎ ﺣﺎﺩﺛﮧ ﺗﮭﺎ ﺟﺲ ﺳﮯ ﮐﮩﯿﮟ ﮐﺴﯽ ﻣﻠﮑﯽ ﻧﻈﺎﻡ ﻣﯿﮟ ﮐﻮﺋﯽ ﻓﺮﻕ ﻧﮩﯿﮟ ﭘﮍﺍ ﺗﮭﺎ۔ ﻣﮕﺮ ﺍﺱ ﺍﯾﮏ ﺣﺎﺩﺛﮯ ﻧﮯ ﮐﺴﯽ ﺍﯾﮏ ﺷﺨﺺ ﺳﮯ ﺍﺱ ﮐﮯ ﺯﻧﺪﮦ ﺭﮨﻨﮯ ﮐﺎ ﻣﻘﺼﺪ ﮨﯽ ﭼﮭﯿﻦ ﻟﯿﺎ ﺗﮭﺎ۔ ﻧﮧ ﮐﮩﯿﮟ ﮐﻮﺋﯽ ﺁﺳﻤﺎﻥ ﭘﮭﭩﺎ، ﻧﮧ ﺻﺪﺍﺋﮯ ﺍﺣﺘﺠﺎﺝ ﺑﻠﻨﺪ ﮨﻮﺋﯽ ﺍﻭﺭ ﺳﻮﯾﺪ ﮐﯽ ﺑﯿﮧ ﺍﭘﻨﮯ ﺳﺎﺭﮮ ﺍﺭﻣﺎﻥ ﺩﻝ ﻣﯿﮟ ﻟﺌﮯ ﺍﺳﮯ ﺍﭘﻨﯽ ﻣﺤﺒﺖ ﮐﯽ ﻧﺸﺎﻧﯽ ﺩﮮ ﮐﺮ ﮨﻤﯿﺸﮧ ﮐﮯ ﻟﺌﮯ ﺍﺑﺪﯼ ﻧﯿﻨﺪ ﺳﻮ ﮔﺌﯽ۔ ﺳﻮﯾﺪ ﮐﺘﻨﮯ ﮨﯽ ﺩﻧﻮﮞ ﺗﮏ ﭼﻮﺑﯿﺲ ﮔﮭﻨﭩﮯ ﮐﻤﺮﮮ ﻣﯿﮟ ﺑﻨﺪ ﭘﮍﺍ ﺭﻭﺗﺎ ﺭﮨﺎ ﺗﮭﺎ۔ ﮈﺍﮐﭩﺮ ﻧﺎﮨﯿﺪ ﮐﮯ ﺧﻼﻑ ﺍﺱ ﻧﮯ ﺍﯾﻒ ﺁﺋﯽ ﺁﺭ ﮐﭩﻮﺍ ﮐﺮ ﺍﺳﮯ ﻋﺒﺮﺕ ﻧﺎﮎ ﺳﺰﺍ ﺑﮭﯽ ﺩﻟﻮﺍﺋﯽ ﺗﮭﯽ ﻣﮕﺮ ﺍﺱ ﮐﮯ ﺑﺎﻭﺟﻮﺩ ﻭﮦ ﺩﻝ ﺟﻮ ﭘﮭﭧ ﭼﮑﺎ ﺗﮭﺎ، ﺩﻭﺑﺎﺭﮦ ﮐﺴﯽ ﻃﻮﺭ ﻧﮧ ﺳﻞ ﺳﮑﺎ۔
ﺭﺍﺣﯿﻠﮧ ﺑﯽ ﺍﺱ ﺍﭼﺎﻧﮏ ﺣﺎﺩﺛﮯ ﺳﮯ ﺍﻟﮓ ﺑﺴﺘﺮ ﮐﯽ ﮨﻮ ﮐﺮ ﺭﮦ ﮔﺌﯽ ﺗﮭﯿﮟ۔ ﺍﯾﺴﮯ ﻣﯿﮟ ﺩﻝ ﺁﻭﯾﺰ ﺟﻌﻔﺮﯼ ﻧﮯ ﺳﻮﯾﺪ ﺁﺯﺭ ﮐﮯ ﺑﯿﭩﮯ ﮐﻮ ﺳﻨﺒﮭﺎﻻ ﺗﮭﺎ۔ ﺯﻣﺎﻧﮯ ﮐﮯ ﺳﺮﺩ ﻭ ﮔﺮﻡ ﺳﮯ ﺑﮯ ﻧﯿﺎﺯ، ﻭﮦ ﻧﯿﻢ ﭘﺎﮔﻞ ﺳﯽ ﻟﮍﮐﯽ، ﺍﺱ ﻧﻨﮭﮯ ﮐﻮﻣﻞ ﺳﮯ ﭘﮭﻮﻝ ﮐﻮ ﺭﻭﺗﮯ دیکھ ﮐﺮ ﺗﮍﭖ ﺍُﭨﮭﯽ ﺗﮭﯽ۔ ﺳﻮﯾﺪ ﺍُﺱ ﺭﻭﺯ ﺩﺭﺩ ﺳﮯ ﭘﮭﭩﺘﮯ ﺳﺮ ﺳﮯ ﻣﺠﺒﻮﺭ ﮨﻮ ﮐﺮ ﮐﻤﺮﮮ ﺳﮯ ﺑﺎﮨﺮ ﻧﮑﻼ ﺗﻮ ﺍﭘﻨﮯ ﺑﯿﭩﮯ ﮐﻮ ﺍﺱ ﮐﻢ ﮔﻮ ﺳﯽ ﻟﮍﮐﯽ ﮐﯽ ﺁﻏﻮﺵ ﻣﯿﮟ ﺳﮑﻮﻥ ﺳﮯ ﺳﻮﺗﮯ دیکھ ﮐﺮ ﭨﮭﭩﮏ ﮔﯿﺎ۔ ﺩﻝ ﺁﻭﯾﺰ ﻧﮯ ﮨﻠﮑﯽ ﺳﯽ ﺁﮨﭧ ﭘﺮ ﺳﺮ ﺍﭨﮭﺎ ﮐﺮ ﺩﯾﮑﮭﺎ، ﻭﮦ ﺳﺮﺥ ﺁﻧﮑﮭﻮﮞ ﺍﻭﺭ ﺑﮭﯿﮕﮯ ﮨﻮﺋﮯ ﭼﮩﺮﮮ ﮐﮯ ساتھ ﺍﺳﮯ ﮨﯽ دیکھ ﺭﮨﺎ ﺗﮭﺎ۔
”ﺁﺯﺭ“! ﺍﺱ ﮐﮯ ﻟﺐ ﮨﻠﮯ ﺗﮭﮯ۔ ﺳﻮﯾﺪ ﺁﺯﺭ ﮐﮯ ﺍﻧﺪﺭ ﮐﻮﺋﯽ ﺳﺴﮏ ﺍُﭨﮭﺎ۔
”ﮨﺎﮞ۔ ﻣﯿﮟ ﺁﺯﺭ ﮨﯽ ﮨﻮﮞ۔ ﻭﮦ ﺁﺯﺭ ﺟﻮ ﻣﺮ ﭼﮑﺎ ﮨﮯ۔“ ﺩﻝ ﺁﻭﯾﺰ ﺍﺱ ﮐﮯ ﻗﺮﯾﺐ ﺁﺋﯽ ﺗﮭﯽ ﺍﻭﺭ ﭘﮭﺮ ﺑﮩﺖ ﺍﭘﻨﺎﺋﯿﺖ ﺳﮯ ﺍﺱ ﻧﮯ ﺍﭘﻨﺎ ہاتھ ﺍﺱ ﮐﯽ ﻃﺮﻑ ﺑﮍﮬﺎﯾﺎ ﺗﮭﺎ۔
”ﺁﺅ ﻣﯿﮟ ﺳﻼ ﺩﻭﮞ۔“ ﺍﺱ ﻧﮯ ﺁﻓﺮ ﮐﯽ ﺗﮭﯽ۔
ﺳﻮﯾﺪ ﺟﻮ ﺑﮯ ﺳﮑﻮﻧﯽ ﺳﮯ ﺗﻨﮓ ﺁ ﭼﮑﺎ ﺗﮭﺎ، ﺍﺱ ﮐﯽ ﺁﻓﺮ ﭘﺮ ﺁﻧﺴﻮ ﭘﯿﺘﮯ ﮨﻮﺋﮯ ﭘﻠﮑﯿﮟ ﻣﻮﻧﺪ ﮔﯿﺎ۔ ﻋﺒﯿﺮﮦ ﮐﮯ ﺑﻌﺪ ﺍﺱ ﺭﺍﺕ ﭘﮩﻠﯽ ﺑﺎﺭ ﻭﮦ ﺑﮩﺖ ﭘُﺮﺳﮑﻮﻥ ﮨﻮ ﮐﺮ ﺳﻮﯾﺎ ﺗﮭﺎ۔ ﺩﻝ ﺁﻭﯾﺰ ﮐﯽ ﺁﻏﻮﺵ ﮐﮯ ﻟﻤﺲ ﻧﮯ ﺍﺳﮯ ﺍﯾﮏ ﻋﺠﯿﺐ ﺳﮯ ﺳﺮﻭﺭ ﺳﮯ ﻣﺘﻌﺎﺭﻑ ﮐﺮﻭﺍﯾﺎ ﺗﮭﺎ۔ ﺟﺒﮑﮧ ﻭﮦ ﭼﭗ ﭼﺎﭖ ﺑﮯ ﺁﻭﺍﺯ ﺩﻝ ﮨﯽ ﺩﻝ ﻣﯿﮟ ﺭﻭﺗﯽ ﺭﮨﯽ۔
۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔
ﺳﻮﯾﺪ ﺁﺯﺭ ﮐﯽ آنکھ ﮔﮩﺮﯼ ﻧﯿﻨﺪ ﺳﮯ ﮐﮭﻠﯽ ﺗﮭﯽ۔
ﺍﺱ ﮐﺎ ﺩﻭ ﺳﺎﻟﮧ ﺑﯿﭩﺎ ﺍﺱ ﮐﮯ ﺳﯿﻨﮯ ﺳﮯ ﻟﮕﺎ ﻣﺰﮮ ﮐﯽ ﻧﯿﻨﺪ ﺳﻮ ﺭﮨﺎ ﺗﮭﺎ۔ ﻣﮕﺮ ﺩﻝ ﺁﻭﯾﺰ ﺍﭘﻨﯽ ﺟﮕﮧ ﭘﺮ ﻧﮩﯿﮟ ﺗﮭﯽ۔ ﻭﮦ ﺍُﭨﮭﺎ ﺗﮭﺎ ﺍﻭﺭ ﺑﺴﺘﺮ ﭼﮭﻮﮌ ﮐﺮ ﺑﯿﮉ ﺭﻭﻡ ﺳﮯ ﻣﻠﺤﻘﮧ ﭨﯿﺮﺱ ﮐﯽ ﺟﺎﻧﺐ ﭼﻼ ﺁﯾﺎ ﺗﮭﺎ، ﺟﮩﺎﮞ ﺍﺱ ﮐﯽ ﺗﻮﻗﻊ ﮐﮯ ﻋﯿﻦ ﻣﻄﺎﺑﻖ ﺳﺎﺩﮦ ﺳﮯ ﮐﭙﮍﻭﮞ ﻣﯿﮟ ﻣﻠﺒﻮﺱ ﺩﻝ ﺁﻭﯾﺰ ﺟﻌﻔﺮﯼ ﺧﺎﻣﻮﺵ ﮐﮭﮍﯼ، ﺫﺭﺍ ﺳﺎ ﺳﺮ ﺍﭨﮭﺎﺋﮯ ﺍﻭﭘﺮ ﺁﺳﻤﺎﻥ ﮐﻮ دیکھ ﺭﮨﯽ ﺗﮭﯽ۔ ﻭﮦ ﮔﮩﺮﯼ ﺳﺎﻧﺲ ﺑﮭﺮﺗﺎ ﺁﮔﮯ ﺑﮍﮬﺎﺍﻭﺭ ﭼﭙﮑﮯ ﺳﮯ ﺍﺱ ﮐﮯ ﭘﮩﻠﻮ ﻣﯿﮟ ﺟﺎ ﮐﮭﮍﺍ ﮨﻮﺍ۔
”ﺩﻝ ﺁﻭﯾﺰ“! ﺑﮭﺮﭘﻮﺭ ﻣﺤﺒﺖ ﮐﮯ ساتھ ﺑﮩﺖ ﻗﺮﯾﺐ ﺳﮯ ﭘﮑﺎﺭﺍ ﺗﮭﺎ ﺍُﺱ ﻧﮯ۔ ﻭﮦ ﺍُﺱ ﮐﯽ ﭘﮑﺎﺭ ﭘﺮ ﭼﻮﻧﮏ ﮐﺮ ﭘﻠﭩﯽ۔
”ﺍﺏ ﺑﮭﯽ ﺍﺱ ﺳﺘﺎﺭﮮ ﮐﻮ ﺭﺍﺕ ﻣﯿﮟ ﺍُﭨﮫ ﺍُﭨﮫ ﮐﺮ ﺗﻼﺵ ﮐﺮﺗﯽ ﮨﻮ ﭘﺎﮔﻞ“!
”ﻧﻦ ﻧﮩﯿﮟ۔“ ﻭﮦ ﺫﺭﺍ ﺳﯽ ﻧﺮﻭﺱ ﮨﻮﺋﯽ ﺗﮭﯽ۔ ﭘﮭﺮ ﺳﺮ ﺟﮭﮑﺎﺗﮯ ﮨﻮﺋﮯ ﻧﻢ ﻟﮩﺠﮯ ﻣﯿﮟ ﺑﻮﻟﯽ۔ ” ﻭﮦ ﺳﺘﺎﺭﮦ ﺟﺴﮯ ﺩﯾﮑﮭﻨﮯ ﮐﯽ ﻣﯿﮟ ﻋﺎﺩﯼ ﺗﮭﯽ، ﻭﮦ ﺗﻮ ﮐﺐ ﮐﺎ ﭨﻮﭦ ﭼﮑﺎ۔“ ﭘﻠﮏ ﺟﮭﭙﮑﻨﮯ ﮐﮯ ساتھ ﮨﯽ ﺍﺱ ﮐﯽ آنکھ ﺳﮯ ﺍﯾﮏ ﺁﻧﺴﻮ ﭨﻮﭦ ﮐﺮ ﮔﺮﺍ ﺗﮭﺎ۔ ﺳﻮﯾﺪ ﺁﺯﺭ ﻧﮯ ہاتھ ﺑﮍﮬﺎ ﮐﺮ ﺍﺳﮯ ﺍﭘﻨﮯ ﺣﺼﺎﺭ ﻣﯿﮟ ﻟﮯ ﻟﯿﺎ۔
”ﭘﮭﺮ ﯾﻮﮞ ﮔﮩﺮﯼ ﻧﯿﻨﺪ ﺳﮯ ﺍُﭨﮫ ﮐﺮ ﯾﮩﺎﮞ ﮐﺴﮯ ﺗﻼﺵ ﮐﺮ ﺭﮨﯽ ﮨﻮ؟“ ﺍﺱ ﮐﺎ ﻟﮩﺠﮧ ﮔﻤﺒﮭﯿﺮ ﮨﻮﺍ ﺗﮭﺎ۔ ﺩﻝ ﺁﻭﯾﺰ ﺍﺱ ﮐﮯ ﻣﻀﺒﻮﻁ ﺑﺎﺯﻭ ﭘﺮ ﺳﺮ ﭨﮑﺎ ﮐﺮ ﺳﮑﻮﻥ ﺳﮯ ﭘﻠﮑﯿﮟ ﻣﻮﻧﺪ ﮔﺌﯽ۔
”ﺍﯾﮏ ﻧﺌﮯ ﺳﺘﺎﺭﮮ ﮐﻮ ﺁﺯﺭ! ﺟﺲ ﮐﯽ ﺭﻭﺷﻨﯽ ﮐﮯ ﻟﺌﮯ ﺍﺱ ﭨﻮﭨﮯ ﮨﻮﺋﮯ ﺳﺘﺎﺭﮮ ﻧﮯ ﻗﺮﺑﺎﻧﯽ ﺩﯼ ﺗﮭﯽ۔“ ﺍﺱ ﮐﮯ ﻟﮩﺠﮯ ﮐﯽ ﻧﻤﯽ ﺳﻮﯾﺪ ﺁﺯﺭ ﮐﺎ ﺩﻝ ﺟﮑﮍ ﮔﺌﯽ ﺗﮭﯽ۔ ﺍﺱ ﻧﮯ ﺫﺭﺍ ﺳﯽ ﮔﺮﺩﻥ ﮔﮭﻤﺎ ﮐﺮ ﺍﯾﮏ ﻧﻈﺮ ﺳﺎﻣﻨﮯ ﻟﮕﮯ ﻭﺍﻝ ﮐﻼﮎ ﭘﺮ ﮈﺍﻟﯽ، ﺟﮩﺎﮞ ﺭﺍﺕ ﮐﮯ ﺑﺎﺭﮦ ﺑﺠﻨﮯ ﻣﯿﮟ کچھ ﮨﯽ ﺳﯿﮑﻨﮉﺯ ﺑﺎﻗﯽ ﺗﮭﮯ۔
”ﺩﻝ ﺁﻭﯾﺰ۔“ ﺍﺱ ﺑﺎﺭ ﺍﺱ ﮐﯽ ﭘﮑﺎﺭ ﻣﯿﮟ
ﺯﯾﺎﺩﮦ ﻣﺤﺒﺖ ﺗﮭﯽ۔ ﻭﮦ ﺁﮨﺴﺘﮧ ﺳﮯ ﺍﺱ ﮐﮯ ﺑﺎﺯﻭ ﺳﮯ ﺳﺮ ﺍُﭨﮭﺎ ﮔﺌﯽ۔
”ﮨﻮﮞ۔“
”ﮨﯿﭙﯽ ﺑﺮﺗﮫ ﮈﮮ ﭨﻮ ﯾﻮ۔“ ﻭﮦ ﭼﻮﻧﮑﯽ ﺗﮭﯽ ﺍﻭﺭ ﺣﯿﺮﺍﻧﯽ ﺳﮯ ﺍﺳﮯ ﺩﯾﮑﮭﻨﮯ ﻟﮕﯽ ﺗﮭﯽ۔
”ﺁﭖ ﮐﻮ ﮐﯿﺴﮯ ﯾﺎﺩ ﺭﮨﺎ ﮐﮧ ﺁﺝ“
”ﯾﺎﺩ ﺭﮨﺘﺎ ﻧﮩﯿﮟ ﺍﭼﮭﯽ ﻟﮍﮐﯽ! ﯾﺎﺩ ﺭﮐﮭﻨﺎ ﭘﮍﺗﺎ ﮨﮯ۔“
”ﺍﭼﮭﺎ ﺗﻮ ﭘﮭﺮ ﭘﭽﮭﻠﮯ ﺳﺎﻝ ﯾﺎﺩ ﮐﯿﻮﮞ ﻧﮩﯿﮟ ﺭﮐﮭﺎ؟“ ﺍﺱ ﻧﮯ ﮔﻠﮧ ﮐﯿﺎ ﺗﮭﺎ۔ ﻭﮦ ﮔﮩﺮﯼ ﺳﺎﻧﺲ ﺑﮭﺮ ﮐﺮ ﺭﮦ ﮔﯿﺎ۔
”ﭘﭽﮭﻠﮯ ﺳﺎﻝ ﻣﯿﮟ ﺁﺯﺭ ﮐﺐ ﺗﮭﺎ ﺩﻝ ! ﭘﭽﮭﻠﮯ ﺳﺎﻝ ﺗﻮ ﻣﯿﮟ ﺳﻮﯾﺪ ﺗﮭﺎ۔ ﻋﺒﯿﺮﮦ ﮐﺎ ﺳﻮﯾﺪ۔“
” ﮨﻮﮞ۔ ﺁﭖ ﻣﺮﺩ ﻟﻮﮒ ﺑﮍﮮ ﺑﮯ ﻭﻓﺎ ﮨﻮﺗﮯ ﮨﯿﮟ۔ ﻓﻘﻂ ﭼﻨﺪ ﺩﻧﻮﮞ ﻣﯿﮟ ﺍﺱ ﻟﮍﮐﯽ ﮐﻮ
ﺑﮭﯽ ﺑﮭﻮﻝ ﺟﺎﺗﮯ ﮨﯿﮟ ﺟﻮ ﺁﭖ ﮐﯽ ﺧﻮﺷﯽ ﮐﮯ ﻟﺌﮯ ﺍﭘﻨﯽ ﺟﺎﻥ ﭘﺮ ﮐﮭﯿﻞ ﺟﺎﺗﯽ ﮨﮯ۔“ ﺍﺱ ﮐﺎ ﻣﻘﺼﺪ ﺳﻮﯾﺪ ﮐﻮ ﮨﺮﭦ ﮐﺮﻧﺎ ﻧﮩﯿﮟ ﺗﮭﺎ ﻣﮕﺮ ﻭﮦ ﮨﺮﭦ ﮨﻮ ﮔﯿﺎ ﺗﮭﺎ۔
” ﺻﺤﯿﺢ ﮐﮩﺘﯽ ﮨﻮ ﺗﻢ۔ ﻣﯿﮟ ﺧﻮﺩ ﺑﮭﯽ ﺳﻮﭼﺘﺎ ﮨﻮﮞ ﺗﻮ ﺧﻮﺩ ﺳﮯ ﺷﺮﻣﻨﺪﮔﯽ ﮨﻮﺗﯽ ﮨﮯ ﮐﮧ ﻣﯿﮟ ﺍﺱ ﮐﮯ ﺑﻌﺪ ﺯﻧﺪﮦ ﮐﯿﻮﮞ ﺭﮨﺎ۔
ﻣﺮ ﮐﯿﻮﮞ ﻧﮩﯿﮟ ﮔﯿﺎ ﺍﺱ ﮐﮯ ساتھ۔ ﻣﮕﺮ ﮐﯿﺎ ﮐﺮﻭﮞ ﮐﻮﺋﯽ ﺧﻮﺩ ﮐﺶ ﺣﻤﻠﮧ،، ﮐﻮﺋﯽ ﺑﻢ ﺩﮬﻤﺎﮐﮧ، ﮐﻮﺋﯽ ﮐﺎﺭ ﺍﯾﮑﺴﯿﮉﻧﭧ ﻣﺠﮭﮯ ﻧﮕﻠﺘﺎ ﮨﯽ ﻧﮩﯿﮟ۔“ ﻭﮦ ﺍﻧﺪﺭ ﺳﮯ ﺍﺏ ﺑﮭﯽ ﺯﺧﻤﯽ ﺗﮭﺎ۔ ﺩﻝ ﺁﻭﯾﺰ ﺗﮍﭖ ﮐﺮ ﺭﮦ ﮔﺌﯽ۔
”ﺍﯾﻢ ﺳﻮﺭﯼ ﺁﺯﺭ! ﻣﯿﺮﺍ ﮐﮩﻨﮯ ﮐﺎ ﻭﮦ ﻣﻄﻠﺐ ﻧﮩﯿﮟ ﺗﮭﺎ۔ ﭘﭽﮭﻠﮯ ﺩﻭ ﺳﺎﻝ ﻣﯿﮟ ﺟﯿﺴﮯ ﮨﻢ ﺍﯾﮏ ﺩﻭﺳﺮﮮ ﮐﮯ ﻗﺮﯾﺐ ﺁﺋﮯ ﮨﯿﮟ، ﺟﯿﺴﮯ ﮨﻢ ﻧﮯ ﺗﻘﺪﯾﺮ ﮐﮯ ﻟﮑﮭﮯ ﭘﺮ ﺻﺒﺮ ﮐﺮﺗﮯ ﮨﻮﺋﮯ ﺍﯾﮏ ﺩﻭﺳﺮﮮ ﮐﻮ ﺳﻤﺠﮭﺎ ﮨﮯ، ﻭﮦ ﻣﯿﮟ ﮨﯽ ﺟﺎﻧﺘﯽ ﮨﻮﮞ۔
ﺑﮩﺖ ﻧﺎﺯ ﺍﭨﮭﺎﺋﮯ ﮨﯿﮟ ﭘﭽﮭﻠﮯ ﺩﻭ ﺳﺎﻝ ﻣﯿﮟ، ﻣﯿﮟ ﻧﮯ ﺁﭖ ﮐﮯ۔ ﺍﭘﻨﺎ ﺁﺯﺭ ﺳﻤﺠﮫ ﮐﺮ ﺑﮩﺖ ﺧﯿﺎﻝ ﺭﮐﮭﺎ ﮨﮯ ﺁﭖ ﮐﺎ۔ ﺍﻭﺭ ﺁﭖ ﻧﮯ ﺑِﻨﺎ ﻣﺠﮫ ﭘﺮ ﺍﻭﺭ ﻣﯿﺮﯼ ﺩﯾﻮﺍﻧﮕﯽ ﭘﺮ ﺗﺮﺱ ﮐﮭﺎﺋﮯ ﺫﺭﺍ ﺫﺭﺍ ﺳﯽ ﺑﺎﺕ ﭘﺮ ﺑﺮﮨﻢ ﮨﻮ ﮐﺮ، ﺑﮯ ﻗﺼﻮﺭ، ﺑﮯ ﺣﺴﺎﺏ ﺗﮭﭙﮍ ﻣﺎﺭﮮ ﮨﯿﮟ۔
ﺩﻭ ﺳﺎﻝ ﻟﮓ ﮔﺌﮯ ﻣﺠﮭﮯ ﺍﺱ ﺣﻘﯿﻘﺖ ﮐﺎ ﯾﻘﯿﻦ ﮐﺮﻧﮯ ﻣﯿﮟ ﮐﮧ ﻣﯿﮟ ﺟﺴﮯ ﺍﭘﻨﺎ ﺁﺯﺭ ﻋﺒﺎﺱ ﺳﻤﺠﮫ ﺭﮨﯽ ﮨﻮﮞ۔ ﻭﮦ ﺁﺯﺭ ﻋﺒﺎﺱ ﻧﮩﯿﮟ ﮨﮯ۔ ﻭﮦ ﺻﺮﻑ ﺳﻮﯾﺪ ﺁﺯﺭ ﮨﮯ۔ ﻋﺒﯿﺮﮦ ﮐﺎ ﺳﻮﯾﺪ ﺁﺯﺭ۔ ﻣﺠﮭﮯ ﻣﺤﺒﻮﺏ ﮐﮯ ساتھ ساتھ ﺷﻮﮨﺮ ﮐﺎ ساتھ ﺑﮭﯽ ﺑﭩﺎ ﮨﻮﺍ ﮨﯽ ﻣﻼ۔ ﺍﻭﺭ ﺍﺏ ﺟﺒﮑﮧ ﮨﻤﯿﮟ ﺍﯾﮏ ﮨﯽ دکھ ﻣﯿﮟ ﺟﯿﺘﮯ ﮨﻮﺋﮯ ﺍﮌﮬﺎﺋﯽ ﺳﺎﻝ ﮨﻮ ﮔﺌﮯ ﮨﯿﮟ، ﻣﯿﮟ ﯾﮧ ﺟﺎﻥ ﮔﺌﯽ ﮨﻮﮞ ﮨﻤﺎﺭﮮ ﻟﺌﮯ ﺍﭘﻨﮯ ﻣﺎﺿﯽ ﮐﻮ ﯾﮑﺴﺮ ﻓﺮﺍﻣﻮﺵ ﮐﺮ ﺩﯾﻨﺎ ﻣﻤﮑﻦ ﻧﮩﯿﮟ۔ ﻟﯿﮑﻦ ﺍﮔﺮ ﺍﺳﯽ ﮈﮬﺐ ﺳﮯ ﺟﯿﻨﺎ ﻧﺼﯿﺐ ﭨﮭﮩﺮﺍ ﺗﻮ ﮐﯿﻮﮞ ﻧﺎ ﺭﺏ ﮐﯽ ﺭﺿﺎ ﻣﯿﮟ ﺭﺍﺿﯽ ﮨﻮ ﮐﺮ ﻣﯿﮟ ﺁﭖ ﮐﮯ ﻟﺌﮯ ﺁﭖ ﮐﯽ ﻋﺒﯿﺮﮦ ﺑﻦ ﺟﺎﺅﮞ ﺍﻭﺭ ﺁﭖ ﺁﭖ ﻣﯿﺮﮮ ﻟﺌﮯ ﻣﯿﺮﮮ ﺁﺯﺭ۔“ ﻭﮦ ﺳﻨﺠﯿﺪﮦ ﺗﮭﯽ۔ ﺁﺯﺭ ﻧﮯ ﺳﺮ ﺑﯿﮉ ﮐﯽ ﭘﭩﯽ ﺳﮯ ﭨﮑﺎ ﺩﯾﺎ۔
”ﺳﻮ ﺟﺎﺅ ﺩﻝ ﺁﻭﯾﺰ! ﻣﺠﮭﮯ ﻧﯿﻨﺪ ﺁ ﺭﮨﯽ ﮨﮯ۔“
”ﻣﮕﺮ ﻣﺠﮭﮯ ﻧﯿﻨﺪ ﻧﮩﯿﮟ ﺁ ﺭﮨﯽ ﭘﭽﮭﻠﮯ ﮐﺌﯽ ﺳﺎﻟﻮﮞ ﺳﮯ۔ “
ﺍُﺱ ﮐﯽ ﺁﻭﺍﺯ ﭘﮭﺮ ﺑﮭﺮّﺍﺋﯽ ﺗﮭﯽ۔ ﺳﻮﯾﺪ ﺁﺯﺭ ﺧﺎﻣﻮﺵ ﻟﯿﭩﺎ ﺭﮨﺎ۔
ﻋﺒﯿﺮﮦ ﮐﯽ ﺭﺣﻠﺖ ﮐﮯ ﺑﻌﺪ ﺍﺱ ﻟﮍﮐﯽ ﻧﮯ ﺟﯿﺴﮯ ﺍﺱ ﮐﯽ ﺑﮑﮭﺮﯼ ﺫﺍﺕ ﮐﻮ ﺳﻤﯿﭩﺎ ﺗﮭﺎ۔ ﻭﮦ ﻭﺍﻗﻌﯽ ﺍﺱ ﮐﺎ ﻣﻌﺘﺮﻑ ﺗﮭﺎ۔
ﺍﺱ ﻧﮯ ﻧﮧ ﺻﺮﻑ ﺳﻮﯾﺪ ﮐﯽ ﻧﻔﺮﺕ ﺳﮩﯽ ﺗﮭﯽ، ﺑﻠﮑﮧ ﺍﺱ ﮐﮯ ﺍﻭﺭ ﻋﺒﯿﺮﮦ ﮐﮯ ﺑﯿﭩﮯ ﮐﮯ ﻟﺌﮯ ﺍﭘﻨﺎ ﻏﻢ ﺑﮭﯽ ﺑﮭﻮﻝ ﮔﺌﯽ ﺗﮭﯽ۔
ﻭﻗﺖ ﮐﮯ ساتھ ساتھ ﺍﺱ ﮐﺎ ﭘﺎﮔﻞ ﭘﻦ ﺑﮭﯽ ﺟﺎﺗﺎ ﺭﮨﺎ ﺗﮭﺎ۔ ﺁﺯﺭ ﻋﺒﺎﺱ ﮐﯽ ﺫﺍﺕ ﺳﮯ ﺍﺱ ﮐﯽ ﺩﯾﻮﺍﻧﮕﯽ ﻣﯿﮟ ﺑﮭﯽ ﮐﻤﯽ ﺁﺗﯽ ﮔﺌﯽ ﺗﮭﯽ۔ ﮨﺮ دکھ، ﮨﺮ ﺣﻘﯿﻘﺖ ﺳﮯ ﺑﮯ ﻧﯿﺎﺯ ﮨﻮ ﮐﺮ ﺍﺱ ﻧﮯ ﺍﭘﻨﯽ ﺯﻧﺪﮔﯽ ﮐﺎ ﻣﺤﻮﺭ ﺻﺮﻑ ﻧﻨﮭﮯ ﺳﻌﺪ ﮐﻮ ﺑﻨﺎ ﻟﯿﺎ ﺗﮭﺎ۔
ﺟﻮ ﺍﺱ ﻣﺎﮞ ﮐﺎ ﺑﯿﭩﺎ ﺗﮭﺎ، ﺟﺴﮯ ﺍﺱ ﻟﮍﮐﯽ ﺳﮯ ﻧﻔﺮﺕ ﺗﮭﯽ۔ ﻣﮕﺮ ﭘﮭﺮ ﺑﮭﯽ ﻭﮦ ﺍﭘﻨﯽ ﺫﺍﺕ ﮐﻮ ﭘﺲ ﭘﺸﺖ ﮈﺍﻟﮯ، ﺳﮕﯽ ﻣﺎﮞ ﮐﯽ ﻃﺮﺡ ﺍﺳﮯ ﭘﺎﻝ ﺭﮨﯽ ﺗﮭﯽ، ﻟﺒﻮﮞ ﭘﺮ ﺧﺎﻣﻮﺷﯽ ﮐﺎ ﻗﻔﻞ ﻟﮕﺎﺋﮯ، ﺑِﻨﺎ ﮐﺴﯽ ﻭﺍﮦ ﻭﺍﮦ ﮐﯽ ﺗﻤﻨﺎ ﮐﺌﮯ ﺍﺱ ﻧﮯ ﺭﺍﺣﯿﻠﮧ ﺑﯽ ﺟﯿﺴﯽ ﭘﺘﮭﺮ ﻋﻮﺭﺕ ﮐﺎ ﺩﻝ ﺑﮭﯽ ﺟﯿﺖ ﻟﯿﺎ ﺗﮭﺎ۔
ﭘﻮﺭﮮ ﺩﻭ ﺳﺎﻝ ﺑﻌﺪ ﺳﻮﯾﺪ ﺁﺯﺭ ﮐﻮ ﺍﭘﻨﯽ ﺯﻧﺪﮔﯽ ﻣﯿﮟ ﺍﺱ ﮐﯽ ﺍﮨﻤﯿﺖ ﮐﺎ ﺍﺣﺴﺎﺱ ﮨﻮﺍ ﺗﮭﺎ۔ ﻋﺒﯿﺮﮦ ﻧﮯ ﮨﺎﺳﭙﭩﻞ ﻣﯿﮟ ﺁﭘﺮﯾﺸﻦ ﺳﮯ ﭘﮩﻠﮯ ﺟﻮ ﭼﻨﺪ ﺑﺎﺗﯿﮟ ﺍﺱ ﺳﮯ ﮐﯽ ﺗﮭﯿﮟ، ﻭﮦ ﺑﺎﺗﯿﮟ ﺍﺏ ﺍﺱ ﮐﮯ ﺍﻧﺪﺭ ﻧﺌﮯ ﺍﺣﺴﺎﺳﺎﺕ ﮐﻮ ﺟﻨﻢ ﺩﮮ ﺭﮨﯽ ﺗﮭﯿﮟ۔ ﺩﻝ ﺁﻭﯾﺰ ﺟﻌﻔﺮﯼ ﻧﮯ ﺍﺱ ﺳﮯ ﭘﭽﮭﻠﮯ ﺩﻭ ﺳﺎﻝ ﮐﮯ ﮐﺴﯽ ﻟﻤﺤﮯ ﮐﺎ ﺣﺴﺎﺏ ﻧﮩﯿﮟ ﻟﯿﺎ ﺗﮭﺎ ﻣﮕﺮ ﺍﺏ ﻭﮦ ﺧﻮﺩ ﮐﻮ ﺗﻌﻠﻖ ﻧﺒﮭﺎﻧﮯ ﮐﮯ ﺑﺠﺎﺋﮯ ﺗﻌﻠﻖ ﮐﻮ ﻣﻀﺒﻮﻁ ﺑﻨﺎﻧﮯ ﮐﮯ ﻟﺌﮯ ﺗﯿﺎﺭ ﮐﺮﺗﮯ ﮨﻮﺋﮯ ﺍﭘﻨﺎ ﺍﺣﺘﺴﺎﺏ ﮐﺮ ﺭﮨﺎ ﺗﮭﺎ ﺗﻮ ﺩﻝ ﺁﻭﯾﺰ ﻧﺎﻣﯽ ﺍﺱ ﻟﮍﮐﯽ ﮐﮯ ﺑﮩﺖ ﺳﮯ ﻗﺮﺽ ﺍﺱ ﭘﺮ ﻭﺍﺟﺐ ﮨﻮ ﺭﮨﮯ ﺗﮭﮯ۔ ﻭﮦ ﺑﮯ ﭼﯿﻨﯽ ﺳﮯ ﭘﮩﻠﻮ ﺑﺪﻝ ﺭﮨﺎ ﺗﮭﺎ۔ ﺟﺒﮑﮧ ﻭﮦ ﺑﯿﮉ ﮐﮯ ﺍﯾﮏ ﮐﻮﻧﮯ ﭘﺮ ﭨﮑﯽ ﺑﮩﺖ ﺍُﺩﺍﺳﯽ ﺳﮯ ﭘﻠﮑﯿﮟ ﻣﻮﻧﺪ ﮔﺌﯽ ﺗﮭﯽ!
۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔ ۔
ﺍﮔﺮ ﯾﮧ ﺟﺎﻥ ﺟﺎﺅ ﺗﻢ، ﮐﻮﺋﯽ ﮐﯿﺴﮯ ﺍُﺟﮍﺗﺎ ﮨﮯ ﮐﻮﺋﯽ ﮐﯿﺴﮯ ﺑﮑﮭﺮﺗﺎ ﮨﮯ
ﺗﻮ ﻣﯿﺮﮮ ﭘﺎﺱ ﺁﻧﺎ ﺗﻢ، ﻣﯿﺮﯼ ﺑﻨﺠﺮ ﮨﻮﺋﯽ ﺁﻧﮑﮭﻮﮞ ﻣﯿﮟ ﺟﻠﮯ ﺧﻮﺍﺏ ﮐﻮ ﺗﮑﻨﺎ، ﺍﻥ ﮐﺎ ﻣﺮﺛﯿﮧ ﺳﻨﻨﺎ ﺍﮔﺮ ﺍﯾﺴﺎ ﻣﻤﮑﻦ ﻧﮩﯿﮟ ﺗﻮ ﻣﯿﺮﯼ ﺯﻧﺪﮔﯽ ﮐﯽ ﮈﺍﺋﺮﯼ ﮐﻮ ﮐﮭﻮﻝ ﮐﺮ ﭘﮍﮬﻨﺎ ﮐﮧ ﺍﺱ ﮐﮯ ﮨﺮ ﻭﺭﻕ ﭘﺮ ﺁﻧﺴﻮﺅﮞ ﺳﮯ ﺑﺎﺕ ﻟﮑﮭﯽ ﮨﮯ
ﺟﻮ ﺗﻢ ﺳﮯ ﮐﮩﮧ ﻧﮩﯿﮟ ﭘﺎﺋﯽ، ﻭﮨﯽ ﮨﺮ ﺑﺎﺕ ﻟﮑﮭﯽ ﮨﮯ
ﺗﻤﮩﺎﺭﯼ ﭼﺎﮨﺘﻮﮞ ﮐﮯ ﻧﺎﻡ ﺍﭘﻨﯽ ﺫﺍﺕ ﻟﮑﮭﯽ ﮨﮯ
ﺍﮔﺮ ﯾﮧ ﮈﺍﺋﺮﯼ ﭘﮍﮪ ﮐﺮ ﺑﮭﯽ ﺗﻢ ﺍﻧﺠﺎﻥ ﺑﻨﺘﮯ ﮨﻮ
ﺗﻮ ﺍﺱ ﮐﺎ ﮨﮯ ﯾﮩﯽ ﻣﻄﻠﺐ ﻣﯿﺮﯼ ﺳﺐ ﺍﻟﺘﺠﺎﺋﯿﮟ ﺑﺲ ﮨﻮﺍﺅﮞ ﻣﯿﮟ
ﻣﻌﻠﻖ ﮨﯿﮟ ﺍﺑﮭﯽ کچھ ﻭﻗﺖ ﺑﺎﻗﯽ ﮨﮯ، ﺑﺪﻝ ﺟﺎﺅ، ﭘﮕﮭﻞ ﺟﺎﺅ ﮐﮩﯿﮟ ﺍﯾﺴﺎ ﻧﮧ ﮨﻮ، ﯾﮧ ﻭﻗﺖ ﮨﺎﺗﮭﻮﮞ ﺳﮯ ﻧﮑﻞ ﺟﺎﺋﮯ ﮨﻤﺎﺭﯼ ﺁﺭﺯﻭﺋﯿﮟ ﺍﭘﻨﺎ ﺭﺳﺘﮧ ﮨﯽ ﺑﺪﻝ ﺟﺎﺋﯿﮟ ﻭﮦ ﮐﻤﺮﮮ ﻣﯿﮟ ﻧﮩﯿﮟ ﺗﮭﯽ۔ ﻣﮕﺮ ﺍُﺱ ﮐﯽ ﮈﺍﺋﺮﯼ ﺿﺮﻭﺭ ﺳﻮﯾﺪ ﮐﮯ ﮨﺎﺗﮭﻮﮞ ﻣﯿﮟ ﺗﮭﯽ، ﺟﺲ ﻧﮯ ﺑﯿﺪﺍﺭ ﮨﻮﺗﮯ ﮨﯽ ﺍﺳﮯ ﺍﭘﻨﮯ ﮐﺎﻣﻮﮞ ﻣﯿﮟ ﺍُﻟﺠﮭﺎ ﮐﺮ ﺭﮐﮫ ﺩﯾﺎ ﺗﮭﺎ۔
ﻣﻮﻣﯽ ﮐﯽ ﮈﺍﺋﺮﯼ ﻣﯿﮟ ﺗﺤﺮﯾﺮ ﺗﺎﺯﮦ ﻧﻈﻢ ﺑﺎﺭ ﺑﺎﺭ ﭘﮍﮬﻨﮯ ﮐﮯ ﺑﻌﺪ ﻣﺒﮩﻢ ﺳﺎ ﻣﺴﮑﺮﺍﺗﮯ ﮨﻮﺋﮯ ﻭﮦ ﺁﺋﯿﻨﮯ ﮐﮯ ﺳﺎﻣﻨﮯ ﺁﯾﺎ ﺍﻭﺭ ﺍﭘﻨﯽ ﺗﯿﺎﺭﯼ ﮐﻮ ﻓﺎﺋﻨﻞ ﭨﭻ ﺩﯾﻨﮯ ﻟﮕﺎ۔
”ﺁﭖ ﮐﮩﯿﮟ ﺟﺎ ﺭﮨﮯ ﮨﯿﮟ؟“ ﻣﻮﻣﯽ ﻧﺎﺷﺘﮧ ﻟﮯ ﮐﺮ ﮐﻤﺮﮮ ﻣﯿﮟ ﺁﺋﯽ ﺗﻮ ﭘﻮﭼﮫ ﺑﯿﭩﮭﯽ۔
” ﮨﻮﮞ۔ ﺑﮩﺖ ﺿﺮﻭﺭﯼ ﮐﺎﻡ ﮨﮯ۔ ﺗﻢ ﺍﯾﺴﺎ ﮐﺮﻭ، ﻣﯿﺮﯼ ﻭﺍﭘﺴﯽ ﺗﮏ ﺷﺎﻡ ﻣﯿﮟ ﺍﭼﮭﯽ ﻃﺮﺡ ﺗﯿﺎﺭ ﮨﻮ ﺟﺎﻧﺎ۔ ﺁﺝ ﺗﻤﮩﺎﺭﯼ ﺳﺎﻟﮕﺮﮦ ﮐﯽ ﺧﻮﺷﯽ ﻣﯿﮟ ﺑﮩﺖ ﺯﺑﺮﺩﺳﺖ ﺳﺮﭘﺮﺍﺋﺰ ﺩﯾﻨﮯ ﻭﺍﻻ ﮨﻮﮞ ﻣﯿﮟ ﺗﻤﮩﯿﮟ۔“
”ﻟﯿﮑﻦ ﯾﮧ ﻧﺎﺷﺘﮧ“
”ﯾﮧ ﺗﻢ ﮐﺮﻭ ﮔﯽ۔ ﺍﻭﺭ ﭼﻠﻮ، ﺷﺎﻡ ﻣﯿﮟ ﺑﺘﺎﺅﮞ ﮔﺎ۔ ﺑﺎﺋﮯ“! ﺍﺱ ﮐﮯ ﮔﺎﻝ ﭘﺮ ﮨﻠﮑﯽ ﺳﯽ ﭼﭩﮑﯽ ﻟﯿﺘﮯ ﮨﻮﺋﮯ ﻭﮦ ﺍﭘﻨﮯ ﺑﯿﭩﮯ ﮐﻮ ﺟﮭﮏ ﮐﺮ ﭘﯿﺎﺭ ﮐﺮﺗﺎ، ﮐﻤﺮﮮ ﺳﮯ ﺑﺎﮨﺮ ﻧﮑﻞ ﮔﯿﺎ ﺗﮭﺎ۔ ﻣﻮﻣﯽ ﮔﮭﺮ ﮐﮯ ﮐﺎﻡ ﮐﺎﺝ ﺳﮯ ﻓﺎﺭﻍ ﮨﻮ ﮐﺮ ﺍﺑﮭﯽ ﺍﭘﻨﮯ ﺑﯿﭩﮯ ﮐﻮ ﺗﯿﺎﺭ ﮐﺮ ﺭﮨﯽ ﺗﮭﯽ، ﺟﺐ ﻭﮦ ﻭﺍﭘﺲ ﭼﻼ ﺁﯾﺎ۔
”ﺗﻢ ﺍﺑﮭﯽ ﺗﯿﺎﺭ ﻧﮩﯿﮟ ﮨﻮﺋﯿﮟ؟“
”ﻧﮩﯿﮟ ﻭﮦ، ﻣﯿﮟ“
”ﺑﺲ ﮐﻮﺋﯽ ﻭﺿﺎﺣﺖ ﻧﮩﯿﮟ۔“ ﻭﮦ ﺭُﻭﭨﮫ ﮐﺮ ﺍﭘﻨﮯ ﺑﯿﮉ ﺭﻭﻡ ﮐﯽ ﻃﺮﻑ ﺑﮍﮬﺎ ﺗﮭﺎ ﺟﺐ ﻭﮦ ﭘﺮﯾﺸﺎﻥ ﺳﯽ ﭘﯿﭽﮭﮯ ﻟﭙﮑﯽ۔
”ﺳﻮﯾﺪ! ﻣﯿﺮﯼ ﺑﺎﺕ ﺳﻨﯿﮟ۔ ﻣﯿﮟ ﺍﺻﻞ ﻣﯿﮟ ﺁﭖ ﮨﯽ ﮐﺎ ﺍﻧﺘﻈﺎﺭ ﮐﺮ ﺭﮨﯽ ﺗﮭﯽ۔ ﺁﭖ ﺳﮯ ﮈﺭﯾﺲ ﭘﺴﻨﺪ ﮐﺮﻭﺍﻧﺎ ﺗﮭﺎ۔“ ﺍﭘﻨﯽ ﭘﺮﯾﺸﺎﻧﯽ ﺍﻭﺭ ﺭﻭﺍﻧﯽ ﻣﯿﮟ ﻭﮦ ﺟﺎﻥ ﮨﯽ ﻧﮧ ﺳﮑﯽ ﮐﮧ ﺍﺱ ﻧﮯ ﮐﯿﺎ ﮐﮩﺎ ﮨﮯ۔ ﺳﻮﯾﺪ ﺧﻮﺷﮕﻮﺍﺭ ﺣﯿﺮﺕ ﺳﮯ ﭘﯿﭽﮭﮯ ﭘﻠﭩﺎ۔
”ﮐﯿﺎ ﮐﮩﺎ؟ ﭘﮭﺮ ﺳﮯ ﮐﮩﻨﺎ ﺫﺭﺍ ﭘﻠﯿﺰ۔“
”ﻣﻢ ﻣﯿﮟ ﺗﯿﺎﺭ ﮨﻮ ﮐﺮ ﺁﺗﯽ ﮨﻮﮞ۔“ ﮔﮭﺒﺮﺍ ﮐﺮ ﮐﮩﺘﯽ ﻭﮦ ﻓﻮﺭﺍً ﮐﻤﺮﮮ ﺳﮯ ﺑﮭﺎﮒ ﮔﺌﯽ ﺗﮭﯽ۔
ﮨﻠﮑﮯ ﭘﮭﻠﮑﮯ ﮐﺎﻡ ﻭﺍﻟﮯ ﮐﭙﮍﻭﮞ ﻣﯿﮟ ﮨﻠﮑﯽ ﭘﮭﻠﮑﯽ ﺗﯿﺎﺭ ﮨﻮ ﮐﺮ ﺟﺲ ﻭﻗﺖ ﺳﻮﯾﺪ ﮐﯽ ﮨﺪﺍﯾﺖ ﭘﺮ ﻭﮦ ﺑﺎﮨﺮ ﮔﺎﮌﯼ ﮐﯽ ﻃﺮﻑ ﺁﺋﯽ، ﺳﻮﯾﺪ ﺳﯿﻞ ﻓﻮﻥ ﭘﺮ ﮐﺴﯽ ﺳﮯ ﺑﺎﺗﻮﮞ ﻣﯿﮟ ﻣﺼﺮﻭﻑ ﺗﮭﺎ۔ ﺩﻝ ﺁﻭﯾﺰ ﮐﮯ ﮔﺎﮌﯼ ﻣﯿﮟ ﺑﯿﭩﮭﺘﮯ ﮨﯽ ﺍﺱ ﻧﮯ ﻓﻮﻥ ﺁﻑ ﮐﺮ ﺩﯾﺎ۔
”ﮐﺲ ﮐﺎ ﻓﻮﻥ ﺗﮭﺎ؟“
”ﻣﯿﺮﯼ ﺍﯾﮏ ﺩﻭﺳﺖ ﮐﺎ۔ ﺑﮩﺖ ﭘﺴﻨﺪ ﮐﺮﺗﯽ ﮨﮯ ﻣﺠﮭﮯ۔ ﺳﻮﭼﺎ ﭼﻠﻮ ﺁﺝ ﺗﻢ ﺳﮯ ﺑﮭﯽ ﻣﻠﻮﺍ ﮨﯽ ﺩﻭﮞ۔“ ﺍﺱ ﮐﯽ ﺁﻧﮑﮭﻮﮞ ﻣﯿﮟ ﺷﺮﺍﺭﺕ ﺗﮭﯽ۔ ﺩﻝ ﺁﻭﯾﺰ ﮐﮯ ﻟﺒﻮﮞ ﮐﻮ ﭼﭗ ﻟﮓ ﮔﺌﯽ۔
”ﺁﺅ۔“ ﺗﻘﺮﯾﺒﺎً ﺑﯿﺲ ﻣﻨﭧ ﺑﻌﺪ ﮔﺎﮌﯼ ﺍﯾﮏ ﺟﮭﭩﮑﮯ ﺳﮯ ﺭُﮐﯽ ﺗﻮ ﺳﻮﯾﺪ ﮐﯽ ﺁﻭﺍﺯ ﭘﺮ ﺍﺱ ﻧﮯ ﺳﺮ ﺍﭨﮭﺎﯾﺎ۔ ﻣﮕﺮ ﯾﮧ ﮐﯿﺎ، ﮔﺎﮌﯼ ﺳﮯ ﻗﺪﻡ ﺑﺎﮨﺮ ﺭﮐﮭﺘﮯ ﮨﯽ ﺍﺱ ﮐﺎ ﺟﺴﻢ ﺟﯿﺴﮯ ﭘﺘﮭﺮ ﮨﻮ ﮔﯿﺎ ﺗﮭﺎ۔
”ﯾﮧ ﯾﮧ ﺁﺯﺭ ﻋﺒﺎﺱ“
” ﮨﻮﮞ، ﯾﮧ ﺍﺳﯽ ﮐﺎ ﺗﺎﺝ ﻣﺤﻞ ﮨﮯ۔ ﻭﮦ ﺗﺎﺝ ﻣﺤﻞ، ﺟﺲ ﺳﮯ ﺍﺱ ﮐﮯ ﮨﺰﺍﺭﻭﮞ ﺧﻮﺍﺏ ﺟﮍﮮ ﺗﮭﮯ ﻣﮕﺮ ﺑﮯ ﺭﺣﻢ ﻣﻮﺕ ﻧﮯ ﺍﺳﮯ ﺍﺗﻨﯽ ﻣﮩﻠﺖ ﮨﯽ ﻧﮧ ﺩﯼ ﮐﮧ ﻭﮦ ﺍﺱ ﺧﻮﺍﺑﻮﮞ ﮐﮯ ﻧﮕﺮ ﮐﻮ ﺗﮑﻤﯿﻞ ﺗﮏ ﭘﮩﻨﭽﺎ ﺳﮑﺘﺎ۔ ﻣﺠﮭﮯ ﻣﺮﯾﻢ ﻧﮯ ﺍﺱ ﮐﮯ ﺑﺎﺭﮮ ﻣﯿﮟ ﺑﺘﺎﯾﺎ ﺗﮭﺎ۔ ﺍﺳﯽ ﺳﮯ ﯾﮧ ﺑﮭﯽ ﭘﺘﮧ ﭼﻼ ﮐﮧ ﯾﮧ ﻣﺤﻞ ﻣﯿﺮﯼ ﻣﻮﻣﯽ ﮐﮯ ﻧﺎﻡ ﮨﮯ۔ ﺍﺳﯽ ﻟﺌﮯ ﺻﺮﻑ ﺍﻭﺭ ﺻﺮﻑ ﺗﻤﮩﺎﺭﯼ ﺧﻮﺷﯽ ﮐﯽ ﺧﺎﻃﺮ ﻣﯿﮟ ﻧﮯ ﺍﺱ ﺍﺩﮬﻮﺭﯼ ﻋﻤﺎﺭﺕ ﮐﻮ ﺁﺯﺭ ﮐﯽ ﺍُﻣﻨﮕﻮﮞ ﺍﻭﺭ ﺧﻮﺍﺑﻮﮞ ﮐﮯ ﻋﯿﻦ ﻣﻄﺎﺑﻖ ﻣﮑﻤﻞ ﮐﺮﻭﺍ ﻟﯿﺎ ﮨﮯ ﺍﻭﺭ ﺍﺏ ﻣﯿﺮﯼ ﻣﻮﻣﯽ ﮔﮍﯾﺎ ﺍﺳﯽ ﻣﺤﻞ ﻣﯿﮟ ﺭﮨﮯ ﮔﯽ۔ ﮐﯿﻮﮞ، ﮨﮯ ﻧﺎ ﺷﺎﻧﺪﺍﺭ ﮔﻔﭧ ﺍﻭﺭ ﺳﺮﭘﺮﺍﺋﺰ۔“ ﻭﮦ ﻣﺴﺮﻭﺭ ﺗﮭﺎ۔ ﻣﻮﻣﯽ ﻭﮨﯿﮟ ﮐﮭﮍﮮ ﮐﮭﮍﮮ ﺭﻭ ﭘﮍﯼ۔
” ﺍﺭﮮ ﯾﮧ ﮐﯿﺎ ﮐﺮ ﺭﮨﯽ ﮨﻮ؟ ﺍﺑﮭﯽ ﮐﻮﺋﯽ ﭘﺎﺱ ﺳﮯ ﮔﺰﺭﮮ ﮔﺎ ﺗﻮ ﺳﻤﺠﮭﮯ ﮔﺎ، ﻣﯿﮟ ﺍﺗﻨﯽ ﺧﻮﺏ ﺻﻮﺭﺕ ﻟﮍﮐﯽ ﮐﻮ ﮐﮉﻧﯿﭗ ﮐﺮ ﻻﯾﺎ ﮨﻮﮞ۔ ﺍﻧﺪﺭ ﭼﻠﻮ۔ ﭘﮭﺮ ﺟﻮ ﺩﻝ ﭼﺎﮨﮯ ﮐﺮ ﻟﯿﻨﺎ۔“ ﻭﮦ ﻟﭙﮏ ﮐﺮ ﭘﺎﺱ ﺁﯾﺎ ﺗﮭﺎ ﺟﺒﮑﮧ ﺍﺱ ﮐﯽ ﺑﺎﻧﮩﻮﮞ ﻣﯿﮟ ﻣﻘﯿﺪ ﺍُﺱ ﮐﺎ ﺑﯿﭩﺎ ﺑﮭﯽ ﮨُﻤﮏ ﮐﺮ ﻣﻮﻣﯽ ﮐﯽ ﻃﺮﻑ ﺁﻧﺎ ﭼﺎﮦ ﺭﮨﺎ ﺗﮭﺎ۔ ﻭﮦ ﺳﻮﯾﺪ ﺳﮯ ﺑﭽﮯ ﮐﻮ ﻟﮯ ﮐﺮ ﭼﭗ ﭼﺎﭖ ﺍﻧﺪﺭ ﺑﮍﮪ ﺁﺋﯽ۔ ﺗﺒﮭﯽ ﻭﮦ ﺍﺱ ﮐﮯ ساتھ ﭼﻠﺘﮯ ﮨﻮﺋﮯ ﺑﻮﻻ ﺗﮭﺎ۔
” ﮐﻞ ﻣﺎﮞ ﺍﻭﺭ ﺑﺎﺑﺎ ﺑﮭﯽ ﺷﮩﺮ ﺁ ﺭﮨﮯ ﮨﯿﮟ ﺍﻭﺭ ﺁﺝ ﺁﺝ ﺭﺍﺕ ﻣﯿﮟ ﮐﺴﯽ ﺑﮭﯽ ﻭﻗﺖ ﻋﻘﯿﻞ ﺍﻧﮑﻞ، ﺁﻧﭩﯽ ﺍﻭﺭ ﻣﺮﯾﻢ ﮐﯽ ﺁﻣﺪ ﺑﮭﯽ ﻣﺘﻮﻗﻊ ﮨﮯ۔ ﺳﺐ ﯾﮩﯿﮟ ﺁﺋﯿﮟ ﮔﮯ ﺗﻢ ﺳﮯ ﺩﻭ ﺩﻭ ہاتھ ﮐﺮﻧﮯ ﮐﮯ ﻟﺌﮯ۔“
”ﻣﺠﮫ ﺳﮯ ﺩﻭ ﺩﻭ ہاتھ ﮐﯿﻮﮞ؟“ ﻭﮦ ﺑﻮﻟﯽ ﻧﮩﯿﮟ ﺗﮭﯽ ﻣﮕﺮ ﺍُﺱ ﻧﮯ ﺍُﻟﺠﮭﻦ ﺁﻣﯿﺰ ﻧﮕﺎﮨﻮﮞ ﺳﮯ ﺳﻮﯾﺪ ﮐﻮ ﺩﯾﮑﮭﺎ ﺿﺮﻭﺭ ﺗﮭﺎ، ﻭﮦ ﺍﺱ ﮐﮯ ساتھ ﭼﻠﺘﮯ ﭼﻠﺘﮯ ﺭُﮎ ﮐﺮ ﻣﺴﮑﺮﺍ ﺩﯾﺎ۔
” ﭘﭽﮭﻠﮯ ﺩﻭ ﺳﺎﻟﻮﮞ ﻣﯿﮟ ﻣﯿﺮﯼ ﺳﺎﻟﮕﺮﮦ ﭘﺮ ﺗﻢ ﻧﮯ ﻣﺠﮭﮯ ﺳﻮﺍﺋﮯ ﺍﯾﮏ ﭘﯿﺎﻟﯽ ﭼﺎﺋﮯ ﮐﮯ ﺍﻭﺭ کچھ ﺑﮭﯽ ﻧﮩﯿﮟ ﺩﯾﺎ ﮨﮯ۔ ﺍﯾﮏ ﮐﯿﻮﭦ ﺳﯽ، ﭘﯿﺎﺭﯼ ﺳﯽ ﺑﯿﭩﯽ ﺑﮭﯽ ﻧﮩﯿﮟ ﺩﯼ ﺗﻮ ﺩﻭ ﺩﻭ ہاتھ ﮐﺮﻧﺎ ﺗﻮ ﻓﺮﺽ ﮨﻮﺍ ﻧﺎ ﺍﻥ ﭘﺮ۔“ ﻭﮦ ﺍﺏ ﭘُﺮﺷﻮﻕ ﻧﮕﺎﮨﻮﮞ ﺳﮯ ﺍﺱ ﮐﯽ ﻃﺮﻑ دیکھ ﺭﮨﺎ ﺗﮭﺎ۔ ﻣﻮﻣﯽ ﮐﺎ ﺩﻝ ﺯﻭﺭ ﺳﮯ ﺩﮬﮍﮎ ﺍُﭨﮭﺎ۔
” ﭼﻠﻮ ﯾﮩﯿﮟ ﮐﯿﮏ ﮐﺎﭨﺘﮯ ﮨﯿﮟ۔ ﭘﮭﺮ ﻣﯿﮟ ﺗﻢ ﺳﮯ ﺍﭘﻨﯽ ﭘﺴﻨﺪ ﮐﯽ ﭨﺮﯾﭧ ﻟﻮﮞ ﮔﺎ۔ ﺍﺱ ﮐﮯ ﺑﻌﺪ ﭘﮭﺮ ﺍﭘﻨﮯ ﮨﺎﺗﮭﻮﮞ ﺳﮯ ﻭﮦ ﻧﯿﮑﻠﺲ ﭘﮩﻨﺎﺅﮞ ﮔﺎ، ﺟﻮ ﺳﻌﺪ ﮐﯽ ﭘﯿﺪﺍﺋﺶ ﭘﺮ ﺑﮍﯼ ﭼﺎﮦ ﺳﮯ ﮐﺴﯽ ﺍﻭﺭ ﮐﮯ ﻟﺌﮯ ﺧﺮﯾﺪﺍ ﺗﮭﺎ ﺍﻭﺭ ﭘﮭﺮ ﻣﮩﻤﺎﻧﻮﮞ ﮐﻮ ﻟﯿﻨﮯ ﺍﯾﺌﺮﭘﻮﺭﭦ ﺟﺎﺋﯿﮟ ﮔﮯ، ﭘﮭﺮ ﺍﺱ ﮐﮯ ﺑﻌﺪ“ ﻣﻮﻣﯽ ﮐﺎ ہاتھ ﺗﮭﺎﻣﮯ ﭼﮩﺮﮦ ﺍﺱ ﮐﮯ ﻗﺮﯾﺐ ﮐﺌﮯ ﻭﮦ ﺍﺳﮯ ﺍﭘﻨﯽ ﭘﻼﻧﻨﮓ ﺑﺘﺎ ﺭﮨﺎ ﺗﮭﺎ ﺍﻭﺭ ﻭﮦ ﮐﺎﻧﭗ ﺭﮨﯽ ﺗﮭﯽ۔ ﺳﺮ ﺍﭨﮭﺎ ﮐﺮ ﺳﻮﯾﺪ ﮐﯽ ﻧﮕﺎﮨﻮﮞ ﻣﯿﮟ ﺩﯾﮑﮭﻨﺎ ﺍﺱ ﮐﮯ ﻟﺌﮯ ﺩﺷﻮﺍﺭ ﮨﻮ ﮔﯿﺎ ﺗﮭﺎ۔
”ﺳﻮﯾﺪ! ﻣﻢ ﻣﯿﮟ“ ﺫﺭﺍ ﺳﯽ ﮨﻤﺖ ﮐﺮﺗﮯ ﮨﻮﺋﮯ ﺍﺱ ﮐﮯ ﻟﺒﻮﮞ ﻧﮯ ﮨﻠﮑﯽ ﺳﯽ ﺟﻨﺒﺶ ﮐﺮﻧﮯ ﮐﯽ ﮐﻮﺷﺶ ﮐﯽ ﺗﮭﯽ ﺟﺐ ﺳﻮﯾﺪ ﻧﮯ ﺍﭘﻨﺎ ہاتھ ﺍﺱ ﮐﮯ ﮨﻮﻧﭩﻮﮞ ﭘﺮ ﺭﮐﮫ ﺩﯾﺎ۔
”ﺍﺏ ﻧﮩﯿﮟ ﻣﻮﻣﯽ! ﮐﻮﺋﯽ ﺍﯾﮑﺴﮑﯿﻮﺯ، ﮐﻮﺋﯽ ﺑﮩﺎﻧﮧ ﻧﮩﯿﮟ۔“ ﻭﮦ ﺍﭘﻨﺎ ﮐﻨﭩﺮﻭﻝ ﮐﮭﻮ ﺭﮨﺎ ﺗﮭﺎ۔ ﻣﻮﻣﯽ ﮔﮭﺒﺮﺍ ﮐﺮ، ﺳﺮﺳﺮﯼ ﺳﯽ ﺍﯾﮏ ﻧﮕﺎﮦ ﺍﺱ ﭘﺮ ﮈﺍﻟﺘﯽ، ﺳﺮ ﺟﮭﮑﺎ ﮔﺌﯽ ﮐﮧ ﺍﺏ ﻭﺍﻗﻌﯽ ﻓﺮﺍﺭ ﮐﯽ ﺳﺎﺭﯼ ﺭﺍﮨﯿﮟ ﻣﺴﺪﻭﺩ ﮨﻮ ﭼﮑﯽ ﺗﮭﯿﮟ۔ ﻭﮦ ﺗﺎﺝ ﻣﺤﻞ ﺟﮩﺎﮞ ﺁﺯﺭ ﻋﺒﺎﺱ ﮐﮯ ﺧﻮﺍﺏ ﺩﻓﻦ ﺗﮭﮯ، ﺍﺳﯽ ﺗﺎﺝ ﻣﺤﻞ ﻣﯿﮟ ﺍﯾﮏ ﻧﺌﯽ ﺯﻧﺪﮔﯽ، ﺍﭘﻨﮯ ﻧﺌﮯ ﺧﻮﺍﺑﻮﮞ ﮐﮯ ساتھ ﺍﺱ ﮐﯽ ﻣﻨﺘﻈﺮ ﺗﮭﯽ ﺍﻭﺭ ﺍﺳﮯ ﺍﺱ ﺑﺎﺭ ﺧﻮﺍﺑﻮﮞ ﮐﯽ ﺍُﻧﮕﻠﯽ ﺗﮭﺎﻡ ﮐﺮ ﺍﻥ ﮐﮯ ﭘﯿﭽﮭﮯ ﭼﻠﻨﺎ ﺗﮭﺎ۔
۔۔۔۔۔۔۔۔۔۔۔۔۔۔۔ ۔۔۔۔۔۔۔