ﮔِﺪﮬﻮﮞ ﮐﯽ ﺣﮑﻤﺮﺍﻧﯽ

ﻣﻮﻣﯽ! ﺩﺭﺩ ﺗﻮ ﻧﮩﯿﮟ ﮨﻮ ﺭﮨﺎ؟“ ﺁﺯﺭ ﮐﺎ ﺍﺱ ﮐﮯ ﮐﻤﺮﮮ ﻣﯿﮟ ﭘﺎﻧﭽﻮﺍﮞ ﭼﮑﺮ ﺗﮭﺎ۔
ﻣﻮﻣﯽ ﮐﺎ ﺩﻝ ﺍﺱ ﮐﯽ ﺍﺱ ﺩﺭﺟﮧ ﺗﻮﺟﮧ ﭘﺮ ﺧﻮﺷﯽ ﺳﮯ ﺑﮭﺮ ﮔﯿﺎ۔
”ﻧﮩﯿﮟ۔“ ﻧﮕﺎﮦ ﺍﺱ ﮐﮯ ﭼﮩﺮﮮ ﭘﺮ ﺟﻤﺎﺋﮯ ﺟﻤﺎﺋﮯ ﺍﺱ ﻧﮯ ﻧﻔﯽ ﻣﯿﮟ ﺳﺮ ﮨﻼﯾﺎ ﺗﮭﺎ ﺟﺐ ﻭﮦ ﺑﻮﻻ۔
”ﺗﻮ ﭘﮭﺮ کچھ ﮐﮭﺎ ﮐﯿﻮﮞ ﻧﮩﯿﮟ ﺭﮨﯽ ﮨﻮ؟“
”ﻣﯿﺮﯼ ﻣﺮﺿﯽ۔“ ﻭﮦ ﺍﺳﮯ ﺗﻨﮓ ﮐﺮﻧﮯ ﮐﮯ ﻣﻮﮈ ﻣﯿﮟ ﺗﮭﯽ۔“ ﺁﺯﺭ ﻣﺴﮑﺮﺍ ﺩﯾﺎ۔
”ﻧﮩﯿﮟ ﺑﺎﺯ ﺁﺅ ﮔﯽ ﻧﺎ ﺗﻨﮓ ﮐﺮﻧﮯ ﺳﮯ؟“
”ﺍﻭﮞ ﮨﻮﮞ۔“ ﻧﻔﯽ ﻣﯿﮟ ﮔﺮﺩﻥ ﮨﻼﺗﮯ ﮨﻮﺋﮯ ﺍﺱ ﻧﮯ ﺁﺯﺭ ﮐﯽ ﻣﺴﮑﺮﺍﮨﭧ ﮔﮩﺮﯼ ﮐﯽ ﺗﮭﯽ۔
”ﺑﮩﺖ ﭘﭩﺎﺋﯽ ﮐﺮﻭﮞ ﮔﺎ ﺳﻮﭺ ﻟﻮ۔“
”ﺳﻮﭺ ﻟﯿﺎ۔“
”ﭼﻠﻮ ﭘﮭﺮ ﭨﮭﯿﮏ ﮨﮯ۔ ﻣﯿﺮﺍ ﺍﺭﺍﺩﮦ ﺁﺝ ﺗﻤﮩﯿﮟ کچھ ﺩﮐﮭﺎﻧﮯ ﮐﺎ ﺗﮭﺎ، ﻣﮕﺮ ﺗﻢ ﺗﻨﮓ ﮐﺮﻧﮯ ﺳﮯ ﺑﺎﺯ ﻧﮩﯿﮟ ﺁﺅ ﮔﯽ ﺗﻮ ﭘﮭﺮ ﻣﯿﮟ کچھ ﻧﮩﯿﮟ ﺩﮐﮭﺎﻧﮯ ﻭﺍﻻ۔“ ﺍﺏ ﻭﮦ ﺍﺳﮯ ﺑﻠﯿﮏ ﻣﯿﻞ ﮐﺮ ﺭﮨﺎ ﺗﮭﺎ۔ ﻣﻮﻣﯽ ﺍﺳﮯ ﺩﯾﮑﮭﺘﯽ ﺭﮦ ﮔﺌﯽ۔
”ﻣﯿﺮﺍ کچھ ﺑﮭﯽ ﮐﮭﺎﻧﺎ ﺗﻤﮩﺎﺭﮮ ﻟﺌﮯ ﺍﺗﻨﺎ ﺿﺮﻭﺭﯼ ﺗﻮ ﻧﮩﯿﮟ ﺁﺯﺭ!“ ﻭﮦ ﮐﮩﮯ ﺑﻐﯿﺮ ﻧﮩﯿﮟ ﺭﮦ ﺳﮑﯽ ﺗﮭﯽ۔ ﺟﻮﺍﺏ ﻣﯿﮟ ﺁﺯﺭ ﻧﮯ ﺍﯾﮏ ﮨﻠﮑﯽ ﺳﯽ ﭼﭙﺖ ﺍﺱ ﮐﮯ ﺳﺮ ﭘﺮ ﺭﺳﯿﺪ ﮐﺮ ﺩﯼ۔
”ﺗﻢ ﭘﺎﮔﻞ ﮨﻮ ﺍﻭﺭ کچھ ﻧﮩﯿﮟ۔ ﭼﻠﻮ ﺷﺎﺑﺎﺵ ﯾﮧ ﺳُﻮﭖ ﭘﯿﻮ۔ ﭘﮭﺮ ﻣﯿﮟ ﺗﻤﮩﯿﮟ ﺁﺅﭨﻨﮓ ﭘﺮ ﻟﮯ ﮐﺮ ﭼﻠﺘﺎ ﮨﻮﮞ۔“
”ﮐﯿﺎ ﻋﯿﻨﯽ ﺑﮭﯽ ساتھ ﺟﺎﺋﮯ ﮔﯽ؟“
”ﻧﮩﯿﮟ ﺍﺑﮭﯽ ﺻﺮﻑ ﮨﻢ ﺩﻭﻧﻮﮞ ﺟﺎ ﺭﮨﮯ ﮨﯿﮟ ﺍﻭﺭ ﺑﺲ۔“ ﮐﺘﻨﺎ ﻣﮩﺮﺑﺎﻥ ﮨﻮ ﺭﮨﺎ ﺗﮭﺎ ﻭﮦ ﺍﺱ ﭘﺮ۔ ﻣﻮﻣﯽ ﮐﮯ ﻟﺌﮯ ﺳﻮﺳﺎﺋﯿﮉ ﮐﺮﻧﮯ ﮐﯽ ﯾﮧ ﮐﻮﺷﺶ، ﺟﺲ ﮐﯽ ﻭﺟﮧ ﺍﺱ ﻧﮯ ﮐﺴﯽ ﮐﻮ ﺑﮭﯽ ﻧﮩﯿﮟ ﺑﺘﺎﺋﯽ ﺗﮭﯽ، ﺑﮩﺖ ﺳﻮﺩﻣﻨﺪ ﺭﮨﯽ ﺗﮭﯽ۔
ﺗﻘﺮﯾﺒﺎً ﺍﯾﮏ ﮔﮭﻨﭩﮯ ﮐﮯ ﺑﻌﺪ ﺁﺯﺭ ﺍﺳﮯ ﺧﻮﺩ ﺍﭘﻨﮯ ﮨﺎﺗﮭﻮﮞ ﺳﮯ ﺳُﻮﭖ ﭘﻼ ﮐﺮ ﺑﺎﮨﺮ ﮔﺎﮌﯼ ﺗﮏ ﻟﮯ ﺁﯾﺎ ﺗﮭﺎ۔
ﻣﺴﺰ ﻋﻘﯿﻞ ﺍﻭﺭ ﺁﺳﯿﮧ ﺑﯿﮕﻢ ﮐﮯ ساتھ ساتھ ﻣﺮﯾﻢ ﺍﻭﺭ ﻋﯿﻨﯽ ﺑﮭﯽ ﺍﺱ ﻭﻗﺖ ﻻﻥ ﻣﯿﮟ ﺑﯿﭩﮭﮯ، ﻣﻮﻣﯽ ﮐﮯ ﻧﺼﯿﺐ ﭘﺮ ﺭﺷﮏ ﮐﺮ ﺭﮨﮯ ﺗﮭﮯ۔ ﺁﺳﯿﮧ ﺑﯿﮕﻢ ﮐﺎ ﺍﺭﺍﺩﮦ ﺟﻠﺪ ﺍﺯ ﺟﻠﺪ ﺩﻭﻧﻮﮞ ﺑﯿﭩﻮﮞ ﮐﮯ ﻓﺮﺽ ﺳﮯ ﺳﺒﮑﺪﻭﺵ ﮨﻮ ﺟﺎﻧﮯ ﮐﺎ ﺗﮭﺎ ﺍﻭﺭ ﺍﺱ ﺳﻠﺴﻠﮯ ﻣﯿﮟ ﻣﻮﻣﯽ ﮐﮯ ﺑﻌﺪ ﺍﭘﻨﮯ ﺑﮍﮮ ﺑﯿﭩﮯ ﮐﮯ ﻟﺌﮯ ﺍﻥ ﮐﯽ ﻧﻈﺮ ﻋﯿﻨﯽ ﭘﺮ ﺗﮭﯽ، ﺟﺲ ﮐﮯ ﺩﻝ ﻣﯿﮟ ﺻﺮﻑ ﺍﻭﺭ ﺻﺮﻑ ﺁﺯﺭ ﮐﮯ ﻟﺌﮯ ﭘﯿﺎﺭ ﺗﮭﺎ، ﯾﺎﺳﺮ ﻋﺒﺎﺱ ﮐﮯ ﻟﺌﮯ ﻧﮩﯿﮟ۔ ﺗﺎﮨﻢ ﮔﮭﺮ ﻣﯿﮟ ﮐﻮﺋﯽ ﺑﮭﯽ ﺍﺱ ﺑﺎﺕ ﺳﮯ ﺁﮔﺎﮦ ﻧﮩﯿﮟ ﺗﮭﺎ۔ ﻣﻮﻣﯽ ﮐﻮ ﺍﯾﮏ ﻣﺪﺕ ﮐﮯ ﺑﻌﺪ ﺯﻧﺪﮔﯽ ﺑﮯ ﺣﺪ ﭘﯿﺎﺭﯼ ﻟﮓ ﺭﮨﯽ ﺗﮭﯽ۔
”ﺁﺯﺭ! ﺍﯾﮏ ﺳﻮﺍﻝ ﭘﻮﭼﮭﻮﮞ، ﺳﭻ ﺳﭻ ﺟﻮﺍﺏ ﺩﻭ ﮔﮯ؟“
”ﭘﻮﭼﮭﻮ۔“ ﺗﻤﺎﻡ ﻣﺼﺮﻭﻓﯿﺎﺕ ﺑﮭﻼﺋﮯ ﻭﮦ ﺻﺮﻑ ﺍُﺱ ﮐﺎ ﮨﻮ ﮐﺮ ﺭﮦ ﮔﯿﺎ ﺗﮭﺎ۔
”ﮐﯿﺎ ﺍﺏ ﺑﮭﯽ ﺗﻢ ﮐﺴﯽ ﺳﮯ ﭘﯿﺎﺭ ﻧﮩﯿﮟ ﮐﺮﺗﮯ؟“
”ﮐﺮﺗﺎ ﮨﻮﮞ۔“ ﺁﺯﺭ ﺍُﺱ ﮐﯽ ﺍُﻟﺠﮭﻦ ﺳﻤﺠﮫ ﺭﮨﺎ ﺗﮭﺎ، ﺗﺒﮭﯽ ﻣﺴﮑﺮﺍ ﺩﯾﺎ۔
”ﮐﺲ ﺳﮯ؟“
”ﯾﮧ ﺗﻤﮩﯿﮟ ﮐﯿﻮﮞ ﺑﺘﺎﺅﮞ؟ کچھ ﺗﻮ ﺳﯿﮑﺮﭦ ﺑﮭﯽ ﺭﮨﻨﮯ ﺩﻭ۔“
”ﮐﯿﻮﮞ ﮐﯿﺎ ﺍﺏ ﻣﯿﮟ ﺗﻤﮩﺎﺭﯼ ﺩﻭﺳﺖ ﻧﮩﯿﮟ ﺭﮨﯽ؟“
”ﺩﻭﺳﺖ ﮨﻮ، ﺍﺳﯽ ﻟﺌﮯ ﺗﻮ ﺑﺘﺎ ﻧﮩﯿﮟ ﺭﮨﺎ۔ ﺗﻤﮩﺎﺭﺍ ﮐﻮﺋﯽ ﭘﺘﮧ ﭼﻠﺘﺎ ﮨﮯ، ﮐﺐ ﮐﯿﺎ ﮐﺮ ﺩﻭ۔
ﻭﯾﺴﮯ ﺑﮩﺖ ﺟﻠﺪ ﺍﺱ ﺭﺍﺯ ﺳﮯ ﭘﺮﺩﮦ ﺍُﭨﮭﻨﮯ ﻭﺍﻻ ﮨﮯ، ﮐﯿﻮﻧﮑﮧ ﻣﯿﮟ ﻧﮯ ﻣﻤﺎ ﺳﮯ ﮐﮩﮧ ﺩﯾﺎ ﮨﮯ، ﺟﻠﺪﯼ ﺳﮯ ﻣﯿﺮﯼ ﺷﺎﺩﯼ ﮐﺮ ﺩﯾﮟ۔ ﻧﮩﯿﮟ ﺗﻮ ﭘﮭﺮ کچھ ﺑﮭﯽ ﮨﻮ ﺳﮑﺘﺎ ﮨﮯ۔“ ﺍﺱ ﮐﯽ ﻣﺴﮑﺮﺍﮨﭧ ﻣﻮﻣﯽ ﮐﯽ ﺍُﺩﺍﺳﯽ ﻣﯿﮟ ﺍﺿﺎﻓﮧ ﮐﺮ ﺭﮨﯽ ﺗﮭﯽ۔ ﻭﮦ ﭘﮭﺮ ﮐﺘﻨﯽ ﮨﯽ ﺩﯾﺮ ﺗﮏ ﺍﺱ ﺳﮯ ﮐﻮﺋﯽ ﺳﻮﺍﻝ ﻧﮧ ﮐﺮ ﺳﮑﯽ۔ ﺁﺯﺭ ﻧﮯ ﮔﺎﮌﯼ ﺍﯾﮏ ﺯﯾﺮ ﺗﻌﻤﯿﺮ ﻋﻤﺎﺭﺕ ﮐﮯ ﺳﺎﻣﻨﮯ ﺭﻭﮐﯽ ﺗﻮ ﺍﺱ ﮐﺎ ﺍﻧﮩﻤﺎﮎ ﭨﻮﭨﺎ۔
”ﺁﺅ ﻣﻮﻣﯽ! ﺗﻤﮩﯿﮟ ﻭﮦ ﺗﺎﺝ ﻣﺤﻞ ﺩﮐﮭﺎﺅﮞ ﺟﻮ ﻣﯿﮟ ﻧﮯ ﺍﭘﻨﯽ ﻣﻤﺘﺎﺯ ﺑﯿﮕﻢ ﮐﮯ ﻟﺌﮯ ﺗﻌﻤﯿﺮ ﮐﺮﻭﺍﯾﺎ ﮨﮯ۔“ ﻭﮦ ﺍﺗﻨﺎ ﺧﻮﺵ ﺍﻭﺭ ﭘُﺮﺟﻮﺵ ﺗﮭﺎ ﮐﮧ ﻣﻮﻣﯽ ﺍﺱ ﮐﮯ ہاتھ ﻣﯿﮟ ﺩﺑﮯ ﺍﭘﻨﮯ ہاتھ ﮐﮯ ﺩﺑﺎﺅ ﺳﮯ ﺍﺱ ﮐﯽ ﺷﺪﺕ ﻣﺤﺴﻮﺱ ﮐﺮ ﺳﮑﺘﯽ ﺗﮭﯽ۔
”ﯾﮧ ﺩﯾﮑﮭﻮ، ﯾﮧ ﻻﻥ ﮨﮯ۔ ﯾﮩﺎﮞ ﻣﯿﮟ ﺩﻧﯿﺎ ﺑﮭﺮ ﺳﮯ ﻧﺎﯾﺎﺏ ﻗﺴﻢ ﮐﮯ ﭘﻮﺩﮮ ﺍﻭﺭ ﭘﮭﻮﻝ ﻻ ﮐﺮ ﻟﮕﺎﺅﮞ ﮔﺎ ﺍﻭﺭ ﭘﮭﺮ ﻣﯿﮟ ﺍﻭﺭ ﻣﯿﺮﯼ ﻣﻤﺘﺎﺯ ﺑﮍﮬﺎﭘﮯ ﻣﯿﮟ ﺍﭘﻨﮯ ﺑﭽﻮﮞ ﺳﮯ ﺭﻭﭨﮫ ﮐﺮ ﯾﮩﯿﮟ ﺍﯾﮏ ﺩﻭﺳﺮﮮ ﮐﺎ ﻏﻢ ﺑﭩﺎﻧﮯ ﮐﮯ ﻟﺌﮯ ﭘﮩﺮﻭﮞ ﺑﯿﭩﮭﮯ ﺭﮨﯿﮟ ﮔﮯ۔ ﺍﻭﺭ ﯾﮧ ﺩﯾﮑﮭﻮ، ﯾﮧ ﺍﻃﺎﻟﻮﯼ ﻃﺮﺯ ﮐﺎ ﮐﭽﻦ ﮨﮯ۔
ﺟﺐ ﻣﯿﮟ ﺁﻓﺲ ﺳﮯ ﺗﮭﮏ ﮐﺮ ﺁﯾﺎ ﮐﺮﻭﮞ ﮔﺎ ﺗﻮ ﻣﯿﺮﯼ ﻣﻤﺘﺎﺯ ﯾﮩﯿﮟ ﻣﻼ ﮐﺮﯾﮟ ﮔﯽ ﻣﺠﮭﮯ۔ ﺍﻭﺭ ﯾﮧ ﯾﮧ ﮨﻤﺎﺭﺍ ﺑﯿﮉ ﺭﻭﻡ ﮨﮯ۔
ﻣﯿﮟ ﺍﺱ ﮐﯽ ﺩﯾﻮﺍﺭﻭﮞ ﭘﺮ ﺍﺗﻨﺎ ﺩﯾﺪﮦ ﺯﯾﺐ ﭘﯿﻨﭧ ﮐﺮﻭﺍﺅﮞ ﮔﺎ ﮐﮧ ﻣﯿﺮﮮ ﮔﮭﺮ ﺳﮯ ﺟﺎﻧﮯ ﮐﮯ ﺑﻌﺪ ﺑﮭﯽ ﻣﯿﺮﯼ ﻣﻤﺘﺎﺯ ﮐﺎ ﺩﻝ ﺍﺱ ﮐﻤﺮﮮ ﺳﮯ ﻧﮑﻠﻨﮯ ﮐﻮ ﻧﮩﯿﮟ ﭼﺎﮨﮯ ﮔﺎ۔“
ﺍﭘﻨﯽ ﮨﯽ ﺧﻮﺷﯽ ﺍﻭﺭ ﺟﻮﺵ ﻣﯿﮟ ﻭﮦ ﺍﺳﮯ ﺍﭘﻨﮯ ساتھ ساتھ ﮐﮭﯿﻨﭽﺘﺎ ﺍﭘﻨﺎ ﺳﺐ ﺳﮯ ﭼﮭﭗ ﮐﺮ ﺧﻔﯿﮧ ﺧﺮﯾﺪﺍ ﮨﻮﺍ ﮔﮭﺮ ﺩﮐﮭﺎ ﺭﮨﺎ ﺗﮭﺎ۔ ﺍﺱ ﻟﻤﺤﮯ ﻣﻮﻣﯽ ﮐﻮ ﻭﮦ ﻭﮨﯽ ﻟﻨﺪﻥ ﻭﺍﻻ ﺁﺯﺭ ﻋﺒﺎﺱ ﻟﮓ ﺭﮨﺎ ﺗﮭﺎ، ﺟﺲ ﻧﮯ ﺍﭘﻨﯽ ﺍﯾﺴﯽ ﮨﯽ ﺣﺮﮐﺎﺕ ﺳﮯ ﺍﺱ ﮐﮯ ﺩﻝ ﻣﯿﮟ ﺍﭘﻨﮯ ﭘﯿﺎﺭ ﮐﯽ ﺷﻤﻊ ﺭﻭﺷﻦ ﮐﯽ ﺗﮭﯽ۔
”ﺍﻭﺭ ﯾﮧ ﺩﯾﮑﮭﻮ۔ ﯾﮩﺎﮞ ﮨﻤﺎﺭﮮ ﺑﯿﮉ ﺭﻭﻡ ﮐﮯ ﭨﯿﺮﺱ ﺳﮯ ﺷﺎﻡ ﮈﮬﻠﻨﮯ ﺍﻭﺭ ﭘﮭﺮ ﺳﻮﺭﺝ ﻧﮑﻠﻨﮯ ﮐﺎ ﻣﻨﻈﺮ ﺍﺗﻨﺎ ﺩﻝ ﻓﺮﯾﺐ ﻟﮕﺘﺎ ﮨﮯ ﮐﮧ ﺟﺐ ﺑﮭﯽ ﻣﯿﺮﯼ ﻣﻤﺘﺎﺯ ﮐﺎ ﻣﺠﮫ ﺳﮯ ﮐﺴﯽ ﺑﺎﺕ ﭘﺮ ﺟﮭﮕﮍﺍ ﮨﻮﺍ ﮐﺮﮮ ﮔﺎ، ﻭﮦ ﻣﺠﮭﮯ ﺭﻭﺗﯽ ﺑﺴﻮﺭﺗﯽ، ﺗﻤﮩﺎﺭﯼ ﻃﺮﺡ ﮔﻠﮯ ﺷﮑﻮﮮ ﮐﺮﺗﮯ ﯾﮩﯿﮟ ﺑﯿﭩﮭﯽ ﻣﻼ ﮐﺮﮮ ﮔﯽ۔ ﯾﮧ ﺗﺎﺝ ﻣﺤﻞ ﺍﺳﯽ ﮐﯽ ﻣﻠﮑﯿﺖ ﮨﻮ ﮔﺎ ﻣﻮﻣﯽ!“
ﺟﮕﻤﮕﺎﺗﯽ ﺳﯿﺎﮦ ﻧﮕﺎﮨﻮﮞ ﻣﯿﮟ ﮈﮬﯿﺮﻭﮞ ﺧﻮﺍﺏ ﺳﺠﺎﺋﮯ ﻭﮦ ﺍﺳﯽ ﮐﮭﮍﮐﯽ ﮐﮯ ﭘﭧ ﺳﮯ ﭨﯿﮏ ﻟﮕﺎﺋﮯ ﮐﮭﮍﺍ ﺩﻭﻧﻮﮞ ﺑﺎﺯﻭ ﺳﯿﻨﮯ ﭘﺮ ﺑﺎﻧﺪﮬﮯ، ﺧﻮﺍﺏ ﻧﺎﮎ ﻟﮩﺠﮯ ﻣﯿﮟ ﮐﮩﮧ ﺭﮨﺎ ﺗﮭﺎ۔ ﻣﻮﻣﯽ ﻧﻢ ﭘﻠﮑﻮﮞ ﺳﮯ ﯾﮏ ﭨﮏ ﺍﺳﮯ ﺩﯾﮑﮭﺘﯽ ﺭﮨﯽ۔
”ﺗﻢ ﺑﮩﺖ ﺑﺮﯼ ﮨﻮ ﻣﻮﻣﯽ! ﻗﺴﻢ ﺳﮯ، ﻧﮧ ﺗﻢ ﮐﻮﺋﯽ ﻓﻀﻮﻝ ﺣﺮﮐﺖ ﮐﺮﺗﯿﮟ، ﻧﮧ ﻣﯿﮟ ﺗﻤﮩﯿﮟ ﺍﺑﮭﯽ ﯾﮩﺎﮞ ﻻﺗﺎ۔ ﯾﮧ ﺗﺎﺝ ﻣﺤﻞ، ﺍﭘﻨﯽ ﻣﮑﻤﻞ ﺗﮑﻤﯿﻞ ﺗﮏ ﻣﯿﺮﮮ ﮔﮭﺮ ﻭﺍﻟﻮﮞ ﮐﮯ ﻟﺌﮯ ﺍﯾﮏ ﺳﺮﭘﺮﺍﺋﺰ ﮨﮯ۔“ ﻓﻮﺭﺍً ﺍﭘﻨﮯ ﺧﻮﺍﺑﻮﮞ ﮐﮯ ﺳﺤﺮ ﺳﮯ ﻧﮑﻠﺘﮯ ﮨﻮﺋﮯ ﺍﺱ ﻧﮯ ﭘﮭﺮ ﻣﻮﻣﯽ ﮐﻮ ﺳﺮﺯﻧﺶ ﮐﯽ۔ ﻭﮦ ﺳﺮ ﺟﮭﮑﺎﺋﮯ ﭼﭗ ﮐﮭﮍﯼ ﺭﮨﯽ۔
”ﭼﻠﻮ ﺁﺅ ﻣﺎﺭﮐﯿﭧ ﭼﻠﯿﮟ۔ ﺗﻤﮩﺎﺭﺍ ﺑﺮﺗﮫ ﮈﮮ ﮔﻔﭧ ﮈﯾﻮ ﮨﮯ ﻣﺠﮫ ﭘﺮ۔“ ﺍﻧﺘﮩﺎﺋﯽ ﻣﺼﺮﻭﻑ ﺍﻧﺪﺍﺯ ﻣﯿﮟ ﺩﻭﺳﺮﮮ ﮨﯽ ﭘﻞ ﺍﺱ ﮐﺎ ہاتھ ﺗﮭﺎﻡ ﮐﺮ ﭘﮭﺮﺗﯽ ﺳﮯ ﻭﮦ ﺑﺎﻻﺋﯽ ﻣﻨﺰﻝ ﺳﮯ ﻧﯿﭽﮯ ﺍُﺗﺮ ﺁﯾﺎ۔ ﻣﻮﻣﯽ ﮐﺎ ﺩﻝ ﺍﻥ ﻟﻤﺤﻮﮞ ﮐﮯ ﻟﺌﮯ ﺍﻣﺮ ﮨﻮ ﺟﺎﻧﮯ ﮐﯽ ﺩﻋﺎ ﮐﺮ ﺭﮨﺎ ﺗﮭﺎ۔
”ﯾﮧ ﺭِﻧﮓ ﺩﯾﮑﮭﻮ۔ ﺍﭼﮭﯽ ﮨﮯ ﻧﺎ؟ ﻣﯿﺮﯼ ﻣﻤﺘﺎﺯ ﮐﮯ ہاتھ ﻣﯿﮟ ﺑﮩﺖ ﭘﯿﺎﺭﯼ ﻟﮕﮯ ﮔﯽ۔“ ﻣﺎﺭﮐﯿﭧ ﭘﮩﻨﭻ ﮐﺮ ﺳﺐ ﺳﮯ ﭘﮩﻠﮯ ﻭﮦ ﺟﯿﻮﻟﺮﺯ ﺷﺎﭖ ﻣﯿﮟ ﮔﮭﺴﺎ ﺗﮭﺎ۔ ﻣﻮﻣﯽ ﻧﮯ ﺭِﻧﮓ ﻓﻮﺭﺍً ﺍُﻧﮕﻠﯽ ﺳﮯ ﺍُﺗﺎﺭ ﺩﯼ۔
”ﭼﻠﻮ، ﮈﺭﯾﺲ ﺩﯾﮑﮭﺘﮯ ﮨﯿﮟ۔ ﮨﻮ ﺳﮑﺘﺎ ﮨﮯ ﻧﯿﮑﺴﭧ ﻭِﯾﮏ ﻣﯿﮟ ﻣﯿﺮﯼ ﻣﻤﺎ ﻣﯿﺮﯼ ﺷﺎﺩﯼ ﮐﺎ ﻓﻨﮑﺸﻦ ﺭﮐﮫ ﺩﯾﮟ ﺗﻮ ﺍﭼﮭﮯ ﮐﭙﮍﮮ ﺗﻮ ﮨﻮﻧﮯ ﭼﺎﮨﺌﯿﮟ ﻧﺎ ﺗﻤﮩﺎﺭﮮ ﭘﺎﺱ۔“
ﺍﭘﻨﮯ ﮨﯽ ﺍﻧﺪﺍﺯ ﻣﯿﮟ ﮐﮩﺘﺎ، ﺑِﻨﺎ ﺍُﺱ ﮐﮯ ﺍﺣﺴﺎﺳﺎﺕ ﮐﯽ ﭘﺮﻭﺍ ﮐﺌﮯ، ﻭﮦ ﺍﺏ ﺍﺳﮯ ساتھ ﻟﺌﮯ ﺑﻮﺗﯿﮏ ﻣﯿﮟ ﮔﮭﺲ ﺭﮨﺎ ﺗﮭﺎ۔
ﻣﻮﻣﯽ ﺟﯿﺴﮯ ﺑﮯ ﺍﺧﺘﯿﺎﺭ ﺳﯽ ﺍُﺱ ﮐﮯ ساتھ ﮐﮭﻨﭽﺘﯽ ﺟﺎ ﺭﮨﯽ ﺗﮭﯽ۔
”ﯾﮧ ﺑﻠﯿﮏ ﮈﺭﯾﺲ ﺩﯾﮑﮭﻮ۔ ﭘﯿﺎﺭﺍ ﮨﮯ ﻧﺎ؟“
”ﺟﯽ ﻧﮩﯿﮟ۔ ﺗﻤﮩﺎﺭﯼ ﺷﺎﺩﯼ ﭘﺮ ﺑﻠﯿﮏ ﮈﺭﯾﺲ ﻧﮩﯿﮟ ﭘﮩﻨﻨﺎ ﻣﺠﮭﮯ۔“ ﭘﮩﻠﯽ ﺑﺎﺭ ﺍﺱ ﻧﮯ ﻟﺐ ﮐﮭﻮﻟﮯ ﺗﮭﮯ۔ ﺁﺯﺭ ﮐﻦ ﺍﻧﮑﮭﯿﻮﮞ ﺳﮯ ﺍﺱ ﮐﯽ ﻃﺮﻑ ﺩﯾﮑﮭﺘﺎ ﺯﯾﺮ ﻟﺐ ﻣﺴﮑﺮﺍ ﺩﯾﺎ۔
”ﺍﻭﺭ ﮐﯿﺴﺎ ﮈﺭﯾﺲ ﭘﮩﻨﻨﺎ ﮨﮯ ﻣﯿﺮﯼ ﺷﺎﺩﯼ ﭘﺮ؟“
”ﺟﯿﺴﺎ ﺗﻤﮩﺎﺭﯼ ﺑﯿﻮﯼ ﭘﮩﻨﮯ ﮔﯽ، ﺑﺎﻟﮑﻞ ﻭﯾﺴﺎ ﮨﯽ۔“
”ﻧﮩﯿﮟ ﯾﺎﺭ! ﻭﮦ ﺗﻮ ﺩُﻟﮩﻦ ﮨﻮ ﮔﯽ۔ ﺗﻢ ﮐﻮﺋﯽ ﺩُﻟﮩﻦ ﺗﮭﻮﮌﯼ ﮨﻮ ﮔﯽ؟“
”ﺗﻮ ﮐﯿﺎ ﮨﻮﺍ؟ ﺑﺲ ﻣﺠﮭﮯ ﯾﮧ ﺑﻠﯿﮏ ﮈﺭﯾﺲ ﻧﮩﯿﮟ ﭘﮩﻨﻨﺎ۔“
”ﺗﻢ ﯾﮩﯽ ﺑﻠﯿﮏ ﮈﺭﯾﺲ ﭘﮩﻨﻮ ﮔﯽ۔ ﺑﺲ ﻣﯿﺮﯼ ﭘﺴﻨﺪ ﮨﮯ ﯾﮧ۔“ ﻭﮦ ﺿﺪﯼ ﮨﻮﺍ ﺗﮭﺎ۔
ﻣﻮﻣﯽ ﺑﮭﯽ ﺿﺪ ﻣﯿﮟ ﺁ ﮔﺌﯽ۔
”ﻣﯿﮟ ﯾﮧ ﺑﻠﯿﮏ ﮈﺭﯾﺲ ﻧﮩﯿﮟ ﭘﮩﻨﻮﮞ ﮔﯽ۔
ﺍﺗﻨﺎ ﮨﯽ ﭘﺴﻨﺪ ﮨﮯ ﺗﻮ ﺍﭘﻨﯽ ﻣﺤﺒﻮﺑﮧ ﮐﻮ ﮔﻔﭧ ﮐﺮ ﺩﻭ۔“
”ﺍﻭﮐﮯ، ﯾﮧ ﺑﮭﯽ ﭨﮭﯿﮏ ﮨﮯ۔ ﭼﻠﻮ ﭘﮭﺮ ﺗﻢ ﯾﮧ ﺑﻠﯿﻮ ﺳﻮﭦ ﭘﮩﻨﻮ ﮔﯽ۔ ﯾﮧ ﺑﮭﯽ ﺑﮩﺖ ﺍﭼﮭﺎ ﻟﮕﺎ ﮨﮯ ﻣﺠﮭﮯ۔“ ﮈﺍﺭﮎ ﺑﻠﻮ ﺳﻮﭦ ﺟﺲ ﭘﺮ ﺧﺎﻟﺺ ﻧﮕﯿﻨﻮﮞ ﮐﺎ ﮨﻠﮑﺎ ﭘﮭﻠﮑﺎ ﮐﺎﻡ ﮨﻮﺍ ﺗﮭﺎ، ﺍُﭨﮭﺎﺗﮯ ﮨﻮﺋﮯ ﺍﺱ ﻧﮯ ﮐﮩﺎ ﺗﻮ ﻣﻮﻣﯽ ﭼﮍ ﮔﺌﯽ۔
”ﻣﺠﮫ ﭘﺮ ﻓﺮﺽ ﻧﮩﯿﮟ ﮨﮯ ﮐﮧ ﺗﻤﮩﺎﺭﯼ ﭘﺴﻨﺪ ﮐﺎ ﮈﺭﯾﺲ ﮨﯽ ﭘﮩﻨﻮﮞ۔ ﺍﺏ ﻣﯿﺮﯼ ﺍﭘﻨﯽ ﺑﮭﯽ ﮐﻮﺋﯽ ﭘﺴﻨﺪ ﮨﮯ۔“
”ﮔﻮﻟﯽ ﻣﺎﺭﻭ ﺍﭘﻨﯽ ﭘﺴﻨﺪ ﮐﻮ۔ ﺑﺲ ﺗﻢ ﯾﮧ ﺑﻠﻮ ﺳﻮﭦ ﭘﮩﻨﻮ ﮔﯽ۔ ﭼﻠﻮ ﺍﺏ ﭼﻮﮌﯾﺎﮞ ﺩﻻﺅﮞ ﺗﻤﮩﯿﮟ۔“
”ﻣﺠﮭﮯ ﻧﮩﯿﮟ ﻟﯿﻨﯽ ﭼﻮﮌﯾﺎﮞ۔ ﺑﺲ ﺍﺏ ﮔﮭﺮ ﭼﻠﻮ۔“
”ﺍﻭﮞ ﮨﻮﮞ ﺗﻤﮩﺎﺭﮮ ﮨﺎﺗﮭﻮﮞ ﻣﯿﮟ ﭼﻮﮌﯾﺎﮞ ﺑﮩﺖ ﺍﭼﮭﯽ ﻟﮕﺘﯽ ﮨﯿﮟ۔ ﻭﮦ ﺗﻮ ﺷﮑﺮ ﮐﺮﻭ، ﺍﺑﮭﯽ ﻋﯿﻨﯽ ساتھ ﻧﮩﯿﮟ ﺁﺋﯽ۔ ﻭﺭﻧﮧ ﺍﺱ ﻧﮯ ﺗﻮ ﺳﺎﺭﯼ ﺟﯿﺐ ﺧﺎﻟﯽ ﮐﺮﻭﺍ ﺩﯾﻨﯽ ﺗﮭﯽ ﻣﯿﺮﯼ۔ ﮐﻞ ﺍُﺱ ﮐﮯ ﺣﻮﺍﻟﮯ ﺳﮯ ﺑﮭﯽ ﺍﯾﮏ ﺯﺑﺮﺩﺳﺖ ﺳﺮﭘﺮﺍﺋﺰ ﺩﻭﮞ ﮔﺎ ﺗﻤﮩﯿﮟ۔“ ﻭﮦ ﺍﯾﮏ ﻟﻤﺤﮯ ﮐﮯ ﻟﺌﮯ ﺑﮭﯽ ﺍﺱ ﮐﺎ ہاتھ ﻧﮩﯿﮟ ﭼﮭﻮﮌ ﺭﮨﺎ ﺗﮭﺎ۔ ﻣﻮﻣﯽ ﮐﮯ ﺍﻧﺪﺭ ﮐﯽ ﺳﺎﺭﯼ ﺧﻮﺷﯽ ﻣﺎﻧﺪ ﭘﮍ ﮔﺌﯽ۔
”ﭼﻠﻮ ﺍﺏ ﻣﺰﮮ ﮐﯽ ﺁﺋﺲ ﮐﺮﯾﻢ ﮐﮭﻼﺗﺎ ﮨﻮﮞ ﺗﻤﮩﯿﮟ۔ ﺯﯾﺎﺩﮦ ﮨﯿﻮﯼ ﮐﮭﺎﻧﺎ ﺗﻮ ﮐﮭﺎ ﻧﮩﯿﮟ ﺳﮑﻮ ﮔﯽ ﺗﻢ۔“ ﺭﻧﮕﺎ ﺭﻧﮓ ﭼﻮﮌﯾﻮﮞ ﮐﮯ ﮐﺌﯽ ﭘﯿﮑﭧ ﺍﭘﻨﯽ ﭘﺴﻨﺪ ﺳﮯ ﺧﺮﯾﺪﻧﮯ ﮐﮯ ﺑﻌﺪ ﻭﮦ ﺍﺱ ﺳﮯ ﮐﮩﮧ ﺭﮨﺎ ﺗﮭﺎ۔ ﻣﻮﻣﯽ ﻻﺗﻌﻠﻖ ﺳﯽ ﭼﭗ ﭼﺎﭖ ﺍﺛﺒﺎﺕ ﻣﯿﮟ ﺳﺮ ﮨﻼ ﮔﺌﯽ۔
”ﺁﺝ ﺑﮍﮮ ﻓﯿﺎﺽ ﺍﻭﺭ ﻣﮩﺮﺑﺎﻥ ﮨﻮ ﺭﮨﮯ ﮨﻮ۔ ﺧﯿﺮ ﮨﮯ ﻧﺎ؟“
”ﮨﻮﮞ، ﺗﻤﮩﯿﮟ ﮐﯿﺎ ﻟﮕﺘﺎ ﮨﮯ ﺧﯿﺮ ﻧﮩﯿﮟ ﮨﮯ؟“ ﻭﮦ ﮨﻨﺴﺎ ﺗﮭﺎ۔ ﻣﻮﻣﯽ ﺧﺎﻣﻮﺵ ﺭﮨﯽ۔
”ﻣﯿﺮﺍ ﺩﻝ ﭼﺎﮨﺘﺎ ﮨﮯ ﻣﻮﻣﯽ! ﺑﺲ ﺁﺝ ﺗﻢ ﻣﯿﺮﮮ ساتھ ﺭﮨﻮ ﺑﮩﺖ ﺩﯾﺮ ﺗﮏ۔“
”ﮐﯿﻮﮞ، ﮐﯿﺎ ﺁﺝ ﮐﮯ ﺑﻌﺪ ﺗﻢ ﭘﺮ ﭘﺎﺑﻨﺪﯼ ﻟﮓ ﺟﺎﺋﮯ ﮔﯽ؟“
”ﮐﯿﺎ ﭘﺘﮧ؟“ ﺷﺎﻧﮯ ﺍﭼﮑﺎﺗﮯ ﮨﻮﺋﮯ ﺍﺱ ﻧﮯ
ﮔﺎﮌﯼ ﮐﺎ ﺩﺭﻭﺍﺯﮦ ﮐﮭﻮﻻ ﺍﻭﺭ ﻣﺴﺮﻭﺭ ﺳﺎ ﻓﺮﻧﭧ ﺳﯿﭧ ﭘﺮ ﺑﯿﭩﮫ ﮔﯿﺎ۔
”ﺍﯾﮏ ﻧﻈﻢ ﺳﻨﻮ ﮔﯽ؟“ ﻭﮦ ﺧﺎﻣﻮﺵ ﺳﯽ ﮐﮭﮍﮐﯽ ﮐﮯ ﺑﺎﮨﺮ دیکھ ﺭﮨﯽ ﺗﮭﯽ، ﺟﺐ ﺁﺯﺭ ﮔﺎﮌﯼ ﮐﻮ ﻣﯿﻦ ﺭﻭﮈ ﭘﺮ ﻻﺗﮯ ﮨﻮﺋﮯ ﺑﻮﻻ۔
”ﮨﻮﮞ ﻧﮩﯿﮟ ﺑﮭﯽ ﺳﻨﻮﮞ ﮔﯽ ﺗﻮ ﺗﻢ ﮐﻮﻥ ﺳﺎ ﺳﻨﺎﺋﮯ ﺑﻐﯿﺮ ﺭﮦ ﺟﺎﺅ ﮔﮯ؟“ ﻭﮦ ﺍﺱ ﮐﮯ ﺍﻟﻔﺎﻅ ﭘﺮ ﻣﺒﮩﻢ ﺳﺎ ﻣﺴﮑﺮﺍﯾﺎ ﺗﮭﺎ۔
”ﺧﺎﺻﯽ ﺳﻤﺠﮫ ﺩﺍﺭ ﮨﻮ ﮔﺌﯽ ﮨﻮ۔“ ﻣﻮﻣﯽ ﻧﮯ ﺍﺳﮯ ﺍﯾﮏ ﻧﻈﺮ ﺩﯾﮑﮭﺎ ﺍﻭﺭ ﭘﮭﺮ ﻧﮕﺎﮦ ﭘﮭﯿﺮ ﻟﯽ۔
ﭘﺎﮔﻞ ﻟﮍﮐﯽ ﺗﻢ ﺳﮯ ﻣﻞ ﮐﺮ ﯾﻮﮞ ﻟﮕﺘﺎ ﮨﮯ ﺟﯿﺴﮯ ﺧﻮﺍﺏ ﮐﯽ ﺭﺍﻧﯽ ﺗُﻮ ﮨﮯ ﻣﯿﺮﯼ ﭘﺮﯾﻢ ﮐﮩﺎﻧﯽ ﺗُﻮ ﮨﮯ ﺗﯿﺮﯼ ﺍُﭨﮭﺘﯽ ﮔﺮﺗﯽ ﭘﻠﮑﯿﮟ ﻧﯿﻦ ﮐﭩﯿﻠﮯ، ﮨﻮﻧﭧ ﺭﺳﯿﻠﮯ ﻣﻞ ﺟﻞ ﮐﺮ ﺑﮯ ﮐﻞ ﮐﺮﺗﮯ ﮨﯿﮟ ﺩﻭﺵ ﺯﻣﺎﻧﮯ ﮐﻮ ﮐﯿﺎ ﺩﯾﻨﺎ ﻣﺠﮫ ﮐﻮ ﺧﻮﺩ ﺳﮯ ﮈﺭ ﻟﮕﺘﺎ ﮨﮯ ﺻﺤﺮﺍ ﺟﯿﺴﺎ ﮔﮭﺮ ﻟﮕﺘﺎ ﮨﮯ ﭘﺮﯾﺖ ﮐﯽ ﺑﻮﭼﮭﺎﮌﯾﮟ ﮨﯿﮟ ﻗﺎﺗﻞ ﺳﭻ ﭘﻮﭼﮭﻮ ﺗﻮ ﻣﺠﮫ ﮐﻮ ﺍﺏ ﺑﮭﯽ ﻣﺮ ﺟﺎﻧﮯ ﮐﯽ ﺁﺱ ﻧﮩﯿﮟ ﮨﮯ ﺑﺎﺭﺵ ﻣﺠﮫ ﮐﻮ ﺭﺍﺱ ﻧﮩﯿﮟ ﮨﮯ!
ﺍُﺱ ﮐﺎ ﻟﮩﺠﮧ ﮔﻤﺒﮭﯿﺮ ﮨﻮ ﺭﮨﺎ ﺗﮭﺎ۔ ﻣﻮﻣﯽ ﭼﺎﮨﺘﮯ ﮨﻮﺋﮯ ﺑﮭﯽ ﭼﭗ ﻧﮧ ﺭﮦ ﺳﮑﯽ۔
”ﻭﯾﺮﯼ ﮔﮉ ﻧﻈﻢ ﺗﻮ ﺍﭼﮭﯽ ﮨﮯ۔ ﻣﮕﺮ ﻧﻈﻢ ﮐﺎ ﭘﺲ ﻣﻨﻈﺮ ﮐﯿﺎ ﮨﮯ؟“
”ﻭﮦ ﮐﻞ ﺑﺘﺎﺅﮞ ﮔﺎ، ﺟﺐ ﻋﯿﻨﯽ ﮐﻮ ﻟﻨﺪﻥ ﮐﮯ ﻟﺌﮯ ﺍﯾﺌﺮﭘﻮﺭﭦ ﭼﮭﻮﮌﻧﮯ ﺁﺋﯿﮟ ﮔﮯ۔“ ﺑﮯ ﺧﯿﺎﻟﯽ ﻣﯿﮟ ﻭﮦ ﺍﺳﮯ ﺑﺘﺎ ﮔﯿﺎ ﺗﮭﺎ۔ ﻣﻮﻣﯽ ﭼﻮﻧﮏ ﺍُﭨﮭﯽ۔
”ﻋﯿﻨﯽ ﻟﻨﺪﻥ ﺟﺎ ﺭﮨﯽ ﮨﮯ؟“
”ﮨﻮﮞ۔“ ﺁﺯﺭ ﻧﮯ ﺻﺮﻑ ﺳﺮ ﮨﻼﻧﮯ ﭘﺮ ﺍﮐﺘﻔﺎ ﮐﯿﺎ۔
”ﮐﯿﻮﮞ؟“
”ﺍﭘﻨﮯ ﭘﺎﭘﺎ ﮐﻮ ﻣﺲ ﮐﺮ ﺭﮨﯽ ﮨﮯ۔ ﻭﯾﺴﮯ ﺑﮭﯽ ﻭﮦ ﻟﻨﺪﻥ ﺟﺎﺋﮯ ﮔﯽ ﺗﻮ ﻣﻤﺎ ﺍﺳﮯ ﻭﮨﺎﮞ ﺳﮯ ﺭﺧﺼﺖ ﮐﺮﻭﺍ ﮐﺮ ﺑﮩﻮ ﺑﻨﺎ ﮐﺮ ﮔﮭﺮ ﻻﺋﯿﮟ ﮔﯽ ﻧﺎ۔“
ﻣﮑﻤﻞ ﺗﻮﺟﮧ ﮈﺭﺍﺋﯿﻮﻧﮓ ﭘﺮ ﻣﺮﮐﻮﺯ ﺭﮐﮭﮯ ﻭﮦ ﺑﺘﺎ ﺭﮨﺎ ﺗﮭﺎ۔ ﻣﻮﻣﯽ ﮐﮯ ﺍﻧﺪﺭ ﺟﯿﺴﮯ ﺩﮬﮍﮐﺘﺎ، ﻣﭽﻠﺘﺎ ﺩﻝ ﺳﺎﮐﺖ ﮨﻮ ﮐﺮ ﺭﮦ ﮔﯿﺎ ﺍﺱ ﮐﮯ ﮨﻮﻧﭧ ﺟﯿﺴﮯ ﻣﺰﯾﺪ کچھ ﺑﻮﻟﻨﮯ ﺳﮯ ﮨﯽ ﻗﺎﺻﺮ ﮨﻮ ﮔﺌﮯ۔ ﺳُﻦ ﮨﻮﺗﮯ ﺍﻋﺼﺎﺏ ﮐﮯ ساتھ ﻭﮦ ﺁﺯﺭ ﮐﮯ ﮨﻠﮑﯽ ﮨﻠﮑﯽ ﺑﮍﮬﯽ ﮨﻮﺋﯽ ﺷﯿﻮ ﻭﺍﻟﮯ ﺧﻮﺏ ﺻﻮﺭﺕ ﭼﮩﺮﮮ ﮐﻮ ﺩﯾﮑﮭﺘﯽ ﺭﮦ ﮔﺌﯽ ﺗﮭﯽ ﻋﯿﻦ ﺍﺳﯽ ﻟﻤﺤﮯ ﺍُﺱ ﮐﺎ ﺳﯿﻞ ﺑﺠﺎ ﺗﮭﺎ۔ ﮐﺎﻝ ﻗﺮﺓ ﺍﻟﻌﯿﻦ ﮐﯽ ﺗﮭﯽ۔
”ﮨﯿﻠﻮ ﺁﺯﺭ!“
”ﮨﺎﮞ ﺑﻮﻟﻮ ﻋﯿﻨﯽ!“ ﺍﯾﮏ ہاتھ ﺳﮯ ﮐﺎﺭ ﮈﺭﺍﺋﯿﻮ ﮐﺮﺗﮯ ﮨﻮﺋﮯ ﺍﺱ ﻧﮯ ﺩﻭﺳﺮﮮ ہاتھ ﺳﮯ ﺳﯿﻞ ﮐﺎﻥ ﺳﮯ ﻟﮕﺎﯾﺎ ﺗﮭﺎ۔ ﻣﻮﻣﯽ ﮐﺎ دکھ ﺍﻭﺭ ﺑﮯ ﺯﺍﺭﯼ ﻣﺰﯾﺪ ﺑﮍﮪ ﮔﺌﯽ۔
”ﺍﻭ ﯾﺎﺭ! ﺍﺏ ﺗﻮ ﮐﺎﻓﯽ ﺁﮔﮯ ﻧﮑﻞ ﺁﺋﮯ ﮨﯿﮟ۔
ﺧﯿﺮ، ﯾُﻮ ﮈﻭﻧﭧ ﻭﺭﯼ۔ ﻣﯿﮟ ﻻﺗﺎ ﮨﻮﮞ۔“ ﮐﺎﻝ ﮈﺭﺍﭖ ﮐﺮﺗﮯ ﮨﻮﺋﮯ ﺍﺱ ﻧﮯ ﮐﮩﺎ۔ ﭘﮭﺮ ﺍﯾﮏ ﻧﻈﺮ ﻣﻮﻣﯽ ﮐﻮ ﺩﯾﮑﮭﺘﮯ ﮨﻮﺋﮯ ﮔﺎﮌﯼ ﺭﯾﻮﺭﺱ ﮐﺮ ﻟﯽ۔
”ﺳﻮﺭﯼ ﻣﻮﻣﯽ! ﻭﮦ ﻋﯿﻨﯽ ﻧﮯ ﭘﺮﺳﻮﮞ ﺳﮯ ﻣﺠﮭﮯ کچھ ﭨﯿﺒﻠﭩﺲ ﮐﮯ ﻟﺌﮯ ﮐﮩﺎ ﮨﻮﺍ ﮨﮯ۔ ﮨﺎﺭﭦ ﭘﯿﻦ ﮨﻮﺗﺎ ﮨﮯ ﺍﺳﮯ۔ ﻣﮕﺮ ﻣﯿﮟ ﺗﻤﮩﺎﺭﯼ ﻭﺟﮧ ﺳﮯ ﺍﺗﻨﺎ ﭘﺮﯾﺸﺎﻥ ﺗﮭﺎ ﮐﮧ ﺭﻭﺯ ﮨﯽ ﯾﺎﺩ ﻧﮩﯿﮟ ﺭﮨﺘﺎ۔ ﻭﮦ ﺑﮯ ﭼﺎﺭﯼ ﮐﯿﺎ ﺳﻮﭼﺘﯽ ﮨﻮ ﮔﯽ۔“ ﮐﺘﻨﯽ ﻓﮑﺮ ﺗﮭﯽ ﺍﺳﮯ ﻋﯿﻨﯽ ﮐﯽ۔ ﻣﻮﻣﯽ ﺑِﻨﺎ ﺍﺱ ﮐﮯ ﺍﻟﻔﺎﻅ ﭘﺮ ﻏﻮﺭ ﮐﺌﮯ، ﺍﭘﻨﯽ ﺧﻮﺩ ﺳﺎﺧﺘﮧ ﺁﮒ ﻣﯿﮟ ﺟﻠﺘﯽ ﺭﮨﯽ۔ ﮔﺎﮌﯼ ﺍﯾﮏ ﻣﺮﺗﺒﮧ ﭘﮭﺮ ﭘُﺮﮨﺠﻮﻡ ﺭﺍﺳﺘﻮﮞ ﭘﺮ ﺩﻭﮌ ﺭﮨﯽ ﺗﮭﯽ۔ ﻭﮦ ﻻﺗﻌﻠﻖ ﺳﯽ ﺑﻨﯽ ﺑﯿﭩﮭﯽ ﺭﮨﯽ۔
”ﺗﻢ ﯾﮩﯿﮟ ﺭُﮐﻮ ﻣﯿﮟ ﺑﺲ ﺩﻭ ﻣﻨﭧ ﻣﯿﮟ ﺩﻭﺍ ﻟﮯ ﮐﺮ ﻭﺍﭘﺲ ﺁﺗﺎ ﮨﻮﮞ۔“ ﮔﺎﮌﯼ ﺍﯾﮏ ﺷﺎﻧﺪﺍﺭ ﻣﯿﮉﯾﮑﻞ ﺳﭩﻮﺭ ﮐﮯ ﺳﺎﻣﻨﮯ ﺭﻭﮐﺘﮯ ﮨﻮﺋﮯ ﺍﺱ ﻧﮯ ﺑﺎﺋﯿﮟ ہاتھ ﺳﮯ ﺁﮨﺴﺘﮧ ﺳﮯ ﻣﻮﻣﯽ ﮐﺎ ﮔﺎﻝ ﭼﮭﻮﺍ ﺗﮭﺎ۔
”ﺁﺯﺭ!“ ﻭﮦ ﺍﺑﮭﯽ ﮔﺎﮌﯼ ﺳﮯ ﻧﮑﻼ ﺗﮭﺎ ﮐﮧ ﺍﺱ ﻧﮯ ﭘﮑﺎﺭ ﻟﯿﺎ۔
”ﮨﻮﮞ۔“ ﻭﮦ ﭘﻠﭩﺎ ﺗﮭﺎ، ﺟﺐ ﻭﮦ ﺍﭼﺎﻧﮏ ﮈﻭﺑﺘﮯ ﺩﻝ ﮐﯽ ﮐﯿﻔﯿﺖ ﺳﻤﺠﮭﮯ ﺑﻐﯿﺮ ﺑﻮﻟﯽ۔
”ﺟﻠﺪﯼ ﺁﻧﺎ۔“
”ﺍﻭﮐﮯ ﭘﺎﮔﻞ ﮨﻮ ﺗﻢ ﺍﻭﺭ کچھ ﻧﮩﯿﮟ۔“ ﺫﺭﺍ ﺳﺎ ﻣﺴﮑﺮﺍﺗﮯ ﮨﻮﺋﮯ ﺍﺱ ﻧﮯ ﺳﺮ ﺟﮭﭩﮑﺎ ﺗﮭﺎ۔ ﻣﻮﻣﯽ ﮐﯽ ﺁﻧﮑﮭﻮﮞ ﻣﯿﮟ ﺁﭖ ﮨﯽ ﺁﭖ ﻧﻤﯽ ﺍُﺗﺮ ﺁﺋﯽ۔
”ﻣﯿﮟ ﺗﻤﮩﺎﺭﮮ ﺑﻐﯿﺮ ﻧﮩﯿﮟ ﺟﯽ ﺳﮑﺘﯽ ﺁﺯﺭ! ﺍﯾﮏ ﭘﻞ ﺑﮭﯽ ﻧﮩﯿﮟ۔“ ﺧﻮﺏ ﺯﻭﺭ ﺳﮯ ﭘﻠﮑﯿﮟ ﻣﯿﭽﺘﮯ ﮨﻮﺋﮯ ﺍﺱ ﻧﮯ ﺳﺮ ﺳﯿﭧ ﮐﯽ ﭘﺸﺖ ﺳﮯ ﭨﮑﺎ ﺩﯾﺎ ﺗﮭﺎ۔ ﺍﻭﺭ ﯾﮩﯽ ﻭﮦ ﻟﻤﺤﮧ ﺗﮭﺎ، ﺟﺐ ﺍﺱ ﮐﮯ ﮐﺎﻧﻮﮞ ﻧﮯ ﺍﯾﮏ ﺯﻭﺭﺩﺍﺭ ﺩﮬﻤﺎﮐﮯ ﮐﯽ ﺁﻭﺍﺯ ﺳﻨﯽ ﺗﮭﯽ۔ ﺍﺳﮯ ﯾﻮﮞ ﻟﮕﺎ ﺟﯿﺴﮯ ﺍﺱ ﮐﯽ ﮐﺎﺭ ﺑﻼﺳﭧ ﮨﻮ ﮔﺌﯽ ﮨﻮ۔ ﻭﮦ ﭼﯿﺨﯽ ﺗﮭﯽ ﺍﻭﺭ ﮨﺮ ﻃﺮﻑ ﭘﮭﯿﻠﺘﮯ ﺩﮬﻮﺋﯿﮟ ﻣﯿﮟ ﺍﺱ ﻧﮯ ﺁﺧﺮﯼ ﺁﻭﺍﺯ ﺁﺯﺭ ﮐﻮ ﺩﯼ ﺗﮭﯽ۔ ﭘﮭﺮ ﺍﺱ ﮐﮯ ﺑﻌﺪ ﺍﺱ ﮐﺎ ﺫﮨﻦ ﻣﮑﻤﻞ ﺍﻧﺪﮬﯿﺮﮮ ﻣﯿﮟ ﮈﻭﺏ ﮔﯿﺎ ﺗﮭﺎ۔
ﭘﻮﺭﮮ ﺗﯿﻦ ﺭﻭﺯ ﮐﮯ ﺑﻌﺪ ﻭﮦ ﮨﻮﺵ ﻣﯿﮟ ﺁﺋﯽ ﺗﻮ ﺍﺱ ﮐﺎ ﻭﺟﻮﺩ ﮨﺎﺳﭙﭩﻞ ﮐﮯ ﺷﻔﺎﻑ ﺑﺴﺘﺮ ﭘﺮ ﺑﮯ ﺳﺪﮪ ﭘﮍﺍ ﺗﮭﺎ۔ ﺍﺳﮯ ﭘﮩﻠﯽ ﺑﺎﺭ ﺁﻧﮑﮭﯿﮟ ﮐﮭﻮﻟﻨﮯ ﻣﯿﮟ ﺷﺪﯾﺪ ﺩﺷﻮﺍﺭﯼ ﭘﯿﺶ ﺁﺋﯽ ﺗﮭﯽ۔ ﺳﺎﺭﺍ ﺟﺴﻢ ﺷﺪﯾﺪ ﺩﺭﺩ ﮐﮯ ﺣﺼﺎﺭ ﻣﯿﮟ ﺗﮭﺎ۔ آنکھ ﮐﮭﻠﺘﮯ ﮨﯽ ﺳﺐ ﺳﮯ ﭘﮩﻠﮯ ﺍﺱ ﮐﯽ آنکھ ﮐﮯ ﺳﺎﻣﻨﮯ ﺟﻮ ﭼﮩﺮﮦ ﺁﯾﺎ ﺗﮭﺎ، ﻭﮦ ﺍﺱ ﮐﯽ ﻣﺎﮞ ﮐﺎ ﺗﮭﺎ، ﺟﻮ ﺣﺎﻝ ﺳﮯ ﺑﮯ ﺣﺎﻝ ﺩﮐﮭﺎﺋﯽ ﺩﮮ ﺭﮨﯽ ﺗﮭﯿﮟ۔
”ﻣﻤﺎ ﺁﺯﺭ۔“ ﺍُﺱ ﮐﮯ ﻟﺒﻮﮞ ﻧﮯ ﺟﻨﺒﺶ ﮐﯽ ﺗﮭﯽ۔ ﻣﺴﺰ ﻋﻘﯿﻞ ﭘﮭﭙﮏ ﮐﺮ ﺭﻭ ﭘﮍﯾﮟ۔
”ﺁﺯﺭ“ ﺍﺱ ﺑﺎﺭ ﺍُﺱ ﻧﮯ ﺯﯾﺎﺩﮦ ﺗﮍﭖ ﮐﺮ ﺷﺪﺕ ﺳﮯ ﺍُﺳﮯ ﭘﮑﺎﺭﺍ ﺗﮭﺎ۔ ﺗﺒﮭﯽ ﻋﯿﻨﯽ ﺑﻮﻟﯽ ﺗﮭﯽ۔
”ﺁﺯﺭ ﻧﮩﯿﮟ ﺭﮨﺎ ﻣﻮﻣﯽ! ﮨﯽ ﺍِﺯ ﮈﯾﮉ۔“
”ﮨﯽ ﺍِﺯ ﮈﯾﮉ۔“ ﯾﮧ ﺍﻟﻔﺎﻅ ﻣﻮﻣﯽ ﮐﮯ ﺫﮨﻦ ﭘﺮ ﮐﺴﯽ ﮨﺘﮭﻮﮌﮮ ﮐﯽ ﻃﺮﺡ ﻟﮕﮯ ﺗﮭﮯ۔ ﺍﺱ ﮐﮯ ﺫﮨﻦ ﭘﺮ ﺩﺑﺎﺅ ﺑﮍﮬﺎ ﺗﮭﺎ ﺍﻭﺭ ﺁﻧﮑﮭﯿﮟ ﺟﯿﺴﮯ ﭘﮭﺮ ﺳﮯ ﺑﻨﺪ ﮨﻮﻧﺎ ﺷﺮﻭﻉ ﮨﻮ ﮔﺌﯽ ﺗﮭﯿﮟ۔
ﺍﺱ ﺭﻭﺯ ﮐﮯ ﺑﻌﺪ ﺍﺳﮯ ﺻﺤﯿﺢ ﻣﻌﻨﻮﮞ ﻣﯿﮟ ﮨﻮﺵ ﻣﯿﮟ ﺁﻧﺎ ﻧﺼﯿﺐ ﮨﻮﺍ ﮨﯽ ﻧﮩﯿﮟ۔ ﺟﺐ ﺑﮭﯽ ﮨﻮﺵ ﻣﯿﮟ ﺁﺗﯽ، ﭼﯿﺨﻨﮯ ﭼﻠّﺎﻧﮯ ﻟﮕﺘﯽ ﯾﺎ ﭘﮭﺮ ﺳﮩﻢ ﮐﺮ ﮔﮭﻨﭩﻮﮞ ﺩﯾﻮﺍﺭﻭﮞ ﮐﻮ ﮔﮭﻮﺭﺗﯽ ﺭﮨﺘﯽ۔ ﺁﺯﺭ ﮐﯽ ﺷﺒﯿﮧ ﺍُﺳﮯ ﮨﺮ ﺷﮯ ﻣﯿﮟ ﺩﮐﮭﺎﺋﯽ ﺩﯾﺘﯽ ﺗﮭﯽ۔ ﺍُﺱ ﮐﺎ ﺫﺭﺍ ﺳﺎ ﻣﺴﮑﺮﺍ ﮐﺮ ﺳﺮ ﺟﮭﭩﮑﻨﺎ ﺍُﺱ ﮐﮯ ﺫﮨﻦ ﺳﮯ ﻧﮑﻠﺘﺎ ﮨﯽ ﻧﮩﯿﮟ ﺗﮭﺎ۔ ﻭﮦ ﺳﺎﺭﺍ ﺩﻥ ﭘﻠﮑﯿﮟ ﻣﻮﻧﺪﮮ ﻟﯿﭩﯽ ﺍﺱ ﮐﮯ ﻟﺒﻮﮞ ﺳﮯ ﺍﺩﺍ ﮨﻮﻧﮯ ﻭﺍﻟﯽ ﻧﻈﻢ ”ﺑﺎﺭﺵ ﻣﺠﮫ ﮐﻮ ﺭﺍﺱ ﻧﮩﯿﮟ ﮨﮯ“ ﺫﮨﻦ ﻣﯿﮟ ﺩﮨﺮﺍﺗﯽ ﺭﮨﺘﯽ ﺗﮭﯽ۔
ﻋﯿﻨﯽ ﻟﻨﺪﻥ ﻭﺍﭘﺲ ﺟﺎ ﭼﮑﯽ ﺗﮭﯽ۔ ﺁﺳﯿﮧ ﺑﯿﮕﻢ ﮐﻮ ﺑﮭﯽ ﯾﺎﺳﺮ ﻭﮨﯿﮟ ﻟﮯ ﮔﯿﺎ ﺗﮭﺎ، کچھ ﻣﺎﮦ ﮐﮯ ﻟﺌﮯ۔ ﻣﺴﺰ ﻋﻘﯿﻞ ﺍﻭﺭ ﻋﻘﯿﻞ ﺻﺎﺣﺐ ﺑﮭﯽ ﻣﻮﻣﯽ ﺍﻭﺭ ﻣﺮﯾﻢ ﮐﮯ ساتھ ﻟﻨﺪﻥ ﻣﯿﮟ ﮨﯽ ﺭﮨﮯ ﺗﮭﮯ۔ ﻣﮕﺮ ﭘﮭﺮ ﻣﻮﻣﯽ ﮐﯽ ﻃﺒﯿﻌﺖ ﺯﯾﺎﺩﮦ ﺧﺮﺍﺏ ﮨﻮﻧﮯ ﭘﺮ ﮈﺍﮐﭩﺮﺯ ﻧﮯ ﺟﺐ ﺍﺱ ﮐﮯ ﻟﺌﮯ ﻓﻮﺭﯼ ﺷﺎﺩﯼ ﮐﺎ ﺍﯾﮏ ﺁﭘﺸﻦ ﺭﮐﮭﺎ ﺗﻮ ﻭﮦ ﻓﻮﺭﯼ ﭘﺎﮐﺴﺘﺎﻥ ﭼﻠﮯ ﺁﺋﮯ۔ ﻣﻮﻣﯽ ﮐﻮ ﺳﻨﺒﮭﺎﻟﻨﮯ ﮐﮯ ﻟﺌﮯ ﻣﺮﯾﻢ ﺑﮭﯽ ﺍﻥ ﮐﮯ ساتھ ﮨﯽ ﭘﺎﮐﺴﺘﺎﻥ ﭼﻠﯽ ﺁﺋﯽ ﺗﮭﯽ۔
ﭘﺎﮎ ﺳﺮﺯﻣﯿﻦ ﮐﯽ ﭘﺎﮎ ﻓﻀﺎﻣﯿﮟ ﺍﺱ ﺭﻭﺯ ﮨﺎﺳﭙﭩﻞ ﮐﮯ ﻗﺮﯾﺐ ﮨﻮﻧﮯ ﻭﺍﻻ ﻭﮦ ﺧﻮﺩﮐﺶ ﺣﻤﻠﮧ ﮐﻮﺋﯽ ﻏﯿﺮ ﻣﻌﻤﻮﻟﯽ ﺑﺎﺕ ﻧﮩﯿﮟ ﺗﮭﯽ۔ ﺍﺱ ﺣﻤﻠﮯ ﻣﯿﮟ ﺿﺎﺋﻊ ﮨﻮﻧﮯ ﻭﺍﻟﯽ ﺳﺎﺭﯼ ﻗﯿﻤﺘﯽ ﺟﺎﻧﯿﮟ ﻋﺎﻡ ﻟﻮﮔﻮﮞ ﮐﯽ ﺗﮭﯿﮟ۔ ﮐﺴﯽ ﻭﺯﯾﺮ، ﮐﺴﯽ ﻣﺸﯿﺮ ﮐﺎ ﮐﻮﺋﯽ ﺑﯿﭩﺎ ﻧﮩﯿﮟ ﻣﺮﺍ ﺗﮭﺎ۔ ﻟﮩٰﺬﺍ ﺣﮑﻮﻣﺘﯽ ﺳﻄﺢ ﭘﺮ ﺻﺮﻑ ﭼﻨﺪ ﻣﺬﻣﺘﯽ ﺟﻤﻠﻮﮞ ﮐﮯ ﺳﻮﺍ ﺍﻭﺭ کچھ ﺑﮭﯽ ﻧﮩﯿﮟ ﮨﻮﺍ ﺗﮭﺎ ﻣﮕﺮ ﻟﻮﮔﻮﮞ ﮐﮯ ﺟﺎﻥ ﻭ ﻣﺎﻝ ﮐﮯ ﻣﺤﺎﻓﻆ ﺍﻥ ﮔِﺪﮬﻮﮞ ﮐﯽ ﺣﮑﻤﺮﺍﻧﯽ ﻣﯿﮟ ﺑﮯ ﻗﺼﻮﺭ ﻟﻘﻤﮧ ﺍﺟﻞ ﺑﻨﻨﮯ ﻭﺍﻟﮯ ﺍﻥ ﺳﯿﻨﮑﮍﻭﮞ ﺍﻓﺮﺍﺩ ﺳﮯ ﻭﺍﺑﺴﺘﮧ ﺟﺎﻧﮯ ﮐﺘﻨﮯ ﺧﺎﻧﺪﺍﻧﻮﮞ ﺳﮯ ﺯﻧﺪﮔﯽ ﺟﯿﺴﮯ ﺭُﻭﭨﮫ ﮔﺌﯽ ﺗﮭﯽ۔
ﺍﻗﺘﺪﺍﺭ ﮐﮯ ﻧﺸﮯ ﻣﯿﮟ ﭼﻮﺭ ﺻﺮﻑ ﺍﭘﻨﯽ ﻋﯿﺎﺷﯿﻮﮞ ﺍﻭﺭ ﺁﺳﺎﺋﺸﻮﮞ ﮐﮯ ﻟﺌﮯ ﺑﮯ ﺑﺲ ﻣﻈﻠﻮﻡ ﻟﻮﮔﻮﮞ ﮐﯽ ﺟﺎﻧﻮﮞ ﭘﺮ ﺳﯿﺎﺳﺖ ﮐﺮﻧﮯ ﻭﺍﻟﻮﮞ ﮐﮯ ﻟﺌﮯ ﺁﺯﺭ ﻋﺒﺎﺱ ﮐﯽ ﻧﺎﮔﮩﺎﻧﯽ ﻣﻮﺕ ﮐﻮﺋﯽ ﻣﻌﻨﯽ ﻧﮩﯿﮟ ﺭﮐﮭﺘﯽ ﺗﮭﯽ۔ ﻣﮕﺮ ﻣﻮﻣﯽ ﮐﻮ ﺳﺎﺭﯼ ﻓﻀﺎ ﺍﺱ ﺷﮩﺰﺍﺩﮮ ﮐﯽ ﺣﺎﺩﺛﺎﺗﯽ ﻣﻮﺕ ﭘﺮ ﺳﺴﮑﯿﺎﮞ ﻟﯿﺘﯽ ﺳﻨﺎﺋﯽ ﺩﯾﺘﯽ ﺗﮭﯽ۔ ﺭﺍﺕ ﺩﮬﯿﺮﮮ ﺩﮬﯿﺮﮮ ﺍﭘﻨﺎ ﭘﭽﮭﻼ ﺳﻔﺮ ﻃﮯ ﮐﺮ ﺭﮨﯽ ﺗﮭﯽ۔ ﻣﻮﻣﯽ ﮨﺎﻝ ﮐﻤﺮﮮ ﺳﮯ ﻧﮑﻞ ﮐﺮ، ﺳﺴﺖ ﺭﻭﯼ ﺳﮯ ﺑﮯ ﺧﻮﺩ ﺳﯽ ﭼﻠﺘﯽ ﺑﺎﮨﺮ ﺁ ﮔﺌﯽ۔
ﺩﻭﺭ ﺁﺳﻤﺎﻥ ﭘﺮ ﺳﺐ ﺳﮯ ﺯﯾﺎﺩﮦ ﺭﻭﺷﻦ ﺩﮐﮭﺎﺋﯽ ﺩﯾﻨﮯ ﻭﺍﻻ ﺳﺘﺎﺭﮦ ﺁﮨﺴﺘﮧ ﺁﮨﺴﺘﮧ ﺳﺮﮐﺘﺎ ﺍﺏ ﺟﯿﺴﮯ ﻋﯿﻦ ﺍُﺱ ﮐﮯ ﺳﺮ ﭘﺮ ﭘﮩﻨﭻ ﮔﯿﺎ ﺗﮭﺎ۔ ﺷﺪﯾﺪ ﭨﮭﻨﮉ ﮐﮯ ﺑﺎﻭﺟﻮﺩ ﺍﺳﮯ ﺍﭘﻨﮯ ﺟﺴﻢ ﺳﮯ ﭨﮑﺮﺍﺗﮯ ﺳﺮﺩ ﮨﻮﺍ ﮐﮯ ﺷﺮﯾﺮ ﺟﮭﻮﻧﮑﻮﮞ ﺳﮯ ﮐﻮﺋﯽ ﻓﺮﻕ ﭘﮍﺗﺎ ﻣﺤﺴﻮﺱ ﻧﮩﯿﮟ ﮨﻮ ﺭﮨﺎ ﺗﮭﺎ۔
ﻣﺴﻠﺴﻞ ﮐﺌﯽ ﮔﮭﻨﭩﮯ ﮐﮭﮍﮮ ﺭﮨﻨﮯ ﺳﮯ ﺍﺱ ﮐﮯ ﭘﺎﺅﮞ ﺳﻮﺝ ﺭﮨﮯ ﺗﮭﮯ، ﻣﮕﺮ ﺍﺳﮯ ﺑﮭﻼ ﺍﺱ ﮐﺎ ﺍﺣﺴﺎﺱ ﮨﯽ ﮐﮩﺎﮞ ﺗﮭﺎ؟
ﻧﻢ ﻧﻢ ﺳﯽ ﺑﮭﯿﮕﯽ ﺁﻧﮑﮭﻮﮞ ﻣﯿﮟ ﭘﮭﯿﻠﮯ ﺳﺮﺧﯽ ﮐﮯ ﮈﻭﺭﮮ ﺍُﺳﮯ ﻭﺣﺸﺖ ﻧﺎﮎ ﺑﻨﺎ ﺭﮨﮯ ﺗﮭﮯ۔ ﺳﺮ ﺗﮭﺎ ﮐﮧ ﺟﯿﺴﮯ ﺩﺭﺩ ﮐﯽ ﺷﺪﺕ ﺳﮯ ﭘﮭﭧ ﺭﮨﺎ ﺗﮭﺎ، ﻣﮕﺮ ﻭﮦ ﺑﮯﺣﺲ ﺳﯽ ﮐﮭﮍﯼ ﺁﺳﻤﺎﻥ ﮐﻮ دیکھ ﺭﮨﯽ ﺗﮭﯽ۔
ﺍﺱ ﮐﯽ ﺳﻤﺎﻋﺘﻮﮞ ﻣﯿﮟ ﺍﺏ ﺑﮭﯽ ﺑﺎﺭﻭ ﭘﮭﭩﺘﺎ ﺗﮭﺎ، ﺍﺏ ﺑﮭﯽ ﺩﮬﻤﺎﮐﮯ ﮐﯽ ﺯﻭﺭﺩﺍﺭ ﺁﻭﺍﺯ ﺍُﺳﮯ ﮨﻮﺵ ﻭ ﺣﻮﺍﺱ ﺳﮯ ﺑﮯ ﮔﺎﻧﮧ ﮐﺮ ﮐﮯ ﺭﮐﮫ ﺩﯾﺘﯽ ﺗﮭﯽ ﻣﮕﺮ ﺍﯾﮏ ﮨﺠﺮ ﮐﺎ ﺩﺭﺩ ﺗﮭﺎ ﺟﻮ ﺟﺎﻥ ﻟﯿﻮﺍ ﮨﻮ ﺭﮨﺎ ﺗﮭﺎ۔ ﺁﺯﺭ ﮐﯽ ﻣﻮﺕ ﮐﮯ ﺑﻌﺪ ﺍﺳﮯ ﯾﮧ ﭘﺘﮧ ﭼﻼ ﺗﮭﺎ ﮐﮧ ﺍﺱ ﮐﯽ ﻣﻤﺘﺎﺯ ﻭﮦ ﺧﻮﺩ ﺗﮭﯽ۔ ﺩﻝ ﺁﻭﯾﺰ ﺟﻌﻔﺮﯼ۔
ﻭﮦ ﺗﺼﻮﯾﺮ ﺟﺲ ﺳﮯ ﻓﺮﺻﺖ ﮐﮯ ﻟﻤﺤﺎﺕ ﻣﯿﮟ ﺑﺎﺗﯿﮟ ﮐﯿﺎ ﮐﺮﺗﺎ ﺗﮭﺎ، ﺍﺳﯽ ﮐﯽ ﺗﺼﻮﯾﺮ ﺗﮭﯽ۔ ﺍﺱ ﮐﯽ ﻣﻮﺕ ﮐﮯ ﺑﻌﺪ ﺍﺱ ﮐﮯ ﺳﺎﺭﮮ ﺭﺍﺯ ﺍﻓﺸﺎ ﮨﻮ ﮔﺌﮯ ﺗﮭﮯ۔ ﺁﺯﺭ ﮐﮯ ﺍﺱ ﮐﮯ ﻟﺌﮯ ﺧﺮﯾﺪﮮ ﮨﻮﺋﮯ ﮔﻔﭧ ﺍﻣﺎﻧﺘﺎً ﺍُﺱ ﮐﯽ ﺍﻟﻤﺎﺭﯼ ﻣﯿﮟ ﺍَﻥ ﭼﮭﻮﺋﮯ ﭘﮍﮮ ﺗﮭﮯ۔ ﺍُﺱ ﮐﯽ ﺍﺩﮬﻮﺭﯼ ﮈﺍﺋﺮﯼ ﺟﺲ ﻣﯿﮟ ﺍﺱ ﮐﮯ ﮨﺰﺍﺭﻭﮞ ﺧﻮﺍﺏ ﻟﻔﻈﻮﮞ ﮐﯽ ﺻﻮﺭﺕ ﺩﻓﻦ ﺗﮭﮯ۔ ﺁﺧﺮﯼ ﻭﻗﺖ ﻣﯿﮟ ﺟﻮ ﺷﺎﭘﻨﮓ ﺍﺱ ﻧﮯ ﺍﺱ ﮐﮯ ﻟﺌﮯ ﮐﯽ ﺗﮭﯽ، ﻭﮦ ﺳﺎﺭﯼ ﭼﯿﺰﯾﮟ ﺑﮭﯽ ﮔﺎﮌﯼ ﻣﯿﮟ ﺟﻮﮞ ﮐﯽ ﺗﻮﮞ ﭘﮍﯼ ﺭﮦ ﮔﺌﯽ ﺗﮭﯿﮟ۔ ﺑﺲ ﺍﯾﮏ ﺭِﻧﮓ ﺗﮭﯽ، ﺟﻮ ﺍﺱ ﮐﯽ ﭘﺎﮐﭧ ﻣﯿﮟ ﮨﻮﻧﮯ ﮐﮯ ﺑﺎﻋﺚ ﺍﺳﯽ ﮐﮯ ساتھ ﺧﺘﻢ ﮨﻮ ﮔﺌﯽ ﺗﮭﯽ۔
”ﺩﻝ ﺁﻭﯾﺰ“ ﺳﻮﯾﺪ ﮐﯽ آنکھ ﮐﮭﻠﯽ ﺗﮭﯽ۔ ﻭﮦ ﭘﺎﻧﯽ ﭘﯿﻨﮯ ﮐﮯ ﻟﺌﮯ ﻧﯿﭽﮯ ﮐﭽﻦ ﻣﯿﮟ ﺁﯾﺎ ﺗﮭﺎ ﺟﺐ ﺩﻝ ﺁﻭﯾﺰ ﮐﻮ ﮐﻤﺮﮮ ﻣﯿﮟ ﻧﮧ ﭘﺎ ﮐﺮ ﮨﺎﻝ ﮐﻤﺮﮮ ﺳﮯ ﺑﺎﮨﺮ ﻧﮑﻞ ﺁﯾﺎ ﻣﮕﺮ ﻭﮦ ﺍﺱ ﮐﯽ ﭘﮑﺎﺭ ﭘﺮ ﻧﮩﯿﮟ ﭘﻠﭩﯽ ﺗﮭﯽ۔ ﺗﺒﮭﯽ ﻭﮦ ﺍﺱ ﮐﮯ ﻗﺮﯾﺐ ﺁﯾﺎ ﺗﮭﺎ۔
”ﺩﻝ ﺁﻭﯾﺰ!“ ﺍﺱ ﺑﺎﺭ ﻧﺮﻣﯽ ﺳﮯ ﭘﮑﺎﺭﺗﮯ ﮨﻮﺋﮯ ﺍﺱ ﻧﮯ ﺍﭘﻨﮯ ہاتھ ﺍﺱ ﮐﮯ ﺷﺎﻧﻮﮞ ﭘﺮ ﺩﮬﺮﮮ ﺗﮭﮯ، ﺗﺒﮭﯽ ﻭﮦ ﺣﯿﺮﺍﻥ ﺣﯿﺮﺍﻥ ﺳﯽ ﭘﻠﭩﯽ ﺗﮭﯽ۔
”ﺍﺗﻨﯽ ﺭﺍﺕ ﮔﺌﮯ ﯾﮩﺎﮞ ﮐﯿﺎ ﮐﺮ ﺭﮨﯽ ﮨﻮ؟
ﮐﺴﮯ ﮈﮬﻮﻧﮉ ﺭﮨﯽ ﮨﻮ ﻭﮨﺎﮞ ﺁﺳﻤﺎﻥ ﭘﺮ؟“
”ﻭﮦ ﻭﮦ ﻭﮨﺎﮞ ﺍﯾﮏ ﺳﺘﺎﺭﮦ ﻧﮩﯿﮟ ﮨﮯ ﻣﻢ!
ﻣﯿﮟ ﺭﻭﺯ ﺍﺳﮯ ﺍﭘﻨﮯ ﮐﻤﺮﮮ ﮐﯽ ﮐﮭﮍﮐﯽ
ﺳﮯ ﺟﮕﻤﮕﺎﺗﮯ ﮨﻮﺋﮯ ﺩﯾﮑﮭﺘﯽ ﺗﮭﯽ ﻣﻢ!
ﻣﮕﺮ ﺍﺏ ﻭﮦ ﻭﮨﺎﮞ ﻧﮩﯿﮟ ﮨﮯ۔“ ﻭﮦ ﭘﺮﯾﺸﺎﻥ ﺩﮐﮭﺎﺋﯽ ﺩﮮ ﺭﮨﯽ ﺗﮭﯽ۔ ﺳﻮﯾﺪ ﮐﯽ ﻧﮕﺎﮨﯿﮟ ﺑﮭﯽ ﺁﺳﻤﺎﻥ ﭘﺮ ﺟﻢ ﮔﺌﯿﮟ۔
”ﺳﺮﺩﯼ ﺑﮍﮪ ﺭﮨﯽ ﮨﮯ ﺩﻝ ﺁﻭﯾﺰ! ﺍﻧﺪﺭ ﭼﻠﻮ۔“ کچھ ﮨﯽ ﻟﻤﺤﻮﮞ ﻣﯿﮟ ﺗﮭﮏ ﮐﺮ ﻭﮦ ﺍﺳﮯ ﮐﮩﮧ ﺭﮨﺎ ﺗﮭﺎ۔ ﻣﻮﻣﯽ ﺧﺎﻟﯽ ﺧﺎﻟﯽ ﺳﯽ ﻧﮕﺎﮨﻮﮞ ﮐﮯ ساتھ ﻭﺍﭘﺲ ﭘﻠﭧ ﺁﺋﯽ۔
ﺍﺱ ﺭﺍﺕ ﺻﺒﺢ ﻓﺠﺮ ﮐﯽ ﻧﻤﺎﺯ ﮐﮯ ﻗﺮﯾﺐ ﮐﮩﯿﮟ ﺍﺱ ﮐﯽ آنکھ ﻟﮕﯽ ﺗﮭﯽ ﺍﻭﺭ ﭘﮩﻠﯽ ﺑﺎﺭ ﺍﺱ ﻧﮯ ﺁﺯﺭ ﮐﮯ ساتھ ﺳﻮﯾﺪ ﮐﻮ ﺩﯾﮑﮭﺎ ﺗﮭﺎ۔ ﺩﻭﻧﻮﮞ ﮨﺎﺗﮭﻮﮞ ﻣﯿﮟ ہاتھ ﮈﺍﻟﮯ ﻧﺪﯼ ﮐﻨﺎﺭﮮ ﺑﯿﭩﮭﮯ کچھ ﮐﮭﺎ ﺭﮨﮯ
ﮨﻮﺗﮯ ﮨﯿﮟ۔ ﺳﻮﯾﺪ، ﺁﺯﺭ ﺳﮯ ﮔﻠﮯ ﻣﻞ ﮐﺮ ﺭﺧﺼﺖ ﮨﻮﺗﺎ ﮨﮯ ﺗﻮ ﻭﮦ ﻣﻮﻣﯽ ﮐﺎ ہاتھ ﺗﮭﺎﻡ ﮐﺮ ﺍﺳﮯ ﺳﻮﯾﺪ ﮐﮯ ہاتھ ﻣﯿﮟ ﺩﮮ ﺩﯾﺘﺎ ﮨﮯ ﺍﻭﺭ ﮐﮩﺘﺎ ﮨﮯ ﮐﮧ ﻭﮦ ﺍﺱ ﮐﺎ ﺧﯿﺎﻝ ﺭﮐﮭﮯ۔ ﺳﻮﯾﺪ، ﻣﻮﻣﯽ ﮐﻮ ساتھ ﻟﮯ ﮐﺮ ﺭﺧﺼﺖ ﮨﻮﺗﺎ ﮨﮯ ﺗﻮ ﺍﺱ ﮐﯽ ﮔﺎﮌﯼ ﺍﯾﮏ ﺩﺭﺧﺖ ﺳﮯ ﭨﮑﺮﺍ ﺟﺎﺗﯽ ﮨﮯ۔ ﺳﻮﯾﺪ ﺁﺯﺭ ﮐﺎ ﻟﮩﻮﻟﮩﺎﻥ ﭼﮩﺮﮦ ﺍﺱ ﮐﯽ ﻧﮕﺎﮨﻮﮞ ﮐﮯ ﺳﺎﻣﻨﮯ ﮨﻮﺗﺎ ﮨﮯ ﺍﻭﺭ ﻭﮦ ﭼﯿﺨﺘﯽ ﮨﮯ۔ ﻋﯿﻦ ﺍﺳﯽ ﻟﻤﺤﮯ ﺍﺱ ﮐﯽ آنکھ ﮐﮭﻞ ﮔﺌﯽ۔ ﺳﻮﯾﺪ ﺍﺱ ﻭﻗﺖ ﺍﺳﯽ ﮐﮯ ﮐﻤﺮﮮ ﻣﯿﮟ
ﻣﻮﺟﻮﺩ، ﮐﻮﺋﯽ ﭼﯿﺰ ﺗﻼﺵ ﮐﺮ ﺭﮨﺎ ﺗﮭﺎ ﺟﺐ ﻭﮦ ﻓﻠﮏ ﺷﮕﺎﻑ ﭼﯿﺦ ﮐﮯ ساتھ ﺑﯿﺪﺍﺭ ﮨﻮ ﮔﺌﯽ۔ ﻭﮦ ﭘﻠﭧ ﮐﺮ ﻓﻮﺭﺍً ﺍﺱ ﮐﯽ ﻃﺮﻑ ﻟﭙﮑﺎ ﺗﮭﺎ۔
”ﺩﻝ ﺁﻭﯾﺰ ﺁﺭ ﯾُﻮ ﺍﻭﮐﮯ؟“ ﻋﺒﯿﺮﮦ ﻧﯿﭽﮯ ﮐﭽﻦ ﻣﯿﮟ ﺍﺱ ﮐﮯ ﻟﺌﮯ ﻧﺎﺷﺘﮧ ﺗﯿﺎﺭ ﮐﺮ ﺭﮨﯽ ﺗﮭﯽ، ﻣﻮﻣﯽ ﮐﯽ ﭼﯿﺦ ﭘﺮ ﻭﮦ ﺑﮭﯽ ﺍﻭﭘﺮ ﭼﻠﯽ ﺁﺋﯽ۔ ﺩﻝ ﺁﻭﯾﺰ ﺍﺏ ﺳﮩﻤﯽ ﺳﮩﻤﯽ ﺳﯽ ﻧﮕﺎﮨﻮﮞ ﺳﮯ ﺳﻮﯾﺪ ﮐﻮ دیکھ ﺭﮨﯽ ﺗﮭﯽ۔
”ﮐﯿﺎ ﮨﻮﺍ؟ ﺗﻢ ﯾﮩﺎﮞ ﮐﯿﺎ ﮐﺮ ﺭﮨﮯ ﮨﻮ؟“
ﻋﺒﯿﺮﮦ ﮐﻮ ﺳﻮﯾﺪ ﮐﯽ ﻣﻮﻣﯽ ﮐﮯ ﭘﺎﺱ ﻣﻮﺟﻮﺩﮔﯽ ﺗﭙﺎ ﮔﺌﯽ ﺗﮭﯽ۔ ﻭﮦ ﺧﺎﻣﻮﺷﯽ ﺳﮯ ﭘﻠﭧ ﮔﯿﺎ۔
”کچھ ﻧﮩﯿﮟ۔ ﻣﯿﺮﺍ ﮐﻤﺮﮦ ﮨﮯ۔ ﺍﯾﮏ ﺿﺮﻭﺭﯼ ﻓﺎﺋﻞ ﻟﯿﻨﮯ ﺁﯾﺎ ﺗﮭﺎ۔“
”ﺍﻭﮐﮯ، ﭼﻠﻮ ﻧﯿﭽﮯ ﻧﺎﺷﺘﮧ ﺗﯿﺎﺭ ﮨﮯ۔“ ﮐﮩﻨﮯ ﮐﮯ ساتھ ﮨﯽ ﺍﺱ ﻧﮯ ﺍﭘﻨﺎ ﺑﺎﺯﻭ ﺳﻮﯾﺪ ﮐﮯ ﺑﺎﺯﻭ ﮐﮯ ﮔﺮﺩ ﻟﭙﯿﭧ ﺩﯾﺎ ﺗﻮ ﻣﻮﻣﯽ ﻣﭽﻞ ﮐﺮﺑﯿﮉ ﺳﮯ ﺍُﭨﮫ ﮐﮭﮍﯼ ﮨﻮﺋﯽ۔
”ﻧﮩﯿﮟ ﺗﺖ ﺗﻢ ﮐﮩﯿﮟ ﻧﮩﯿﮟ ﺟﺎﺅ ﮔﮯ۔“
ﺍﺱ ﮐﺎ ﺫﮨﻦ ﺍﺏ ﺑﮭﯽ ﺧﻮﺍﺏ ﻭﺍﻟﮯ ﺣﺎﺩﺛﮯ ﮐﮯ ﺣﺼﺎﺭ ﻣﯿﮟ ﺗﮭﺎ۔ ﻋﺒﯿﺮﮦ ﺣﯿﺮﺍﻥ ﺣﯿﺮﺍﻥ ﺳﯽ ﺳﻠﮓ ﺍُﭨﮭﯽ۔
”ﯾﮧ ﮐﯿﺎ ﺑﮑﻮﺍﺱ ﮨﮯ؟ ﺗﻢ ﺗﻮ ﮐﮩﺘﮯ ﺗﮭﮯ،ﯾﮧ ﭘﺎﮔﻞ ﮨﮯ۔ ﭘﮭﺮ ﯾﮧ ﺍُﻟﻔﺖ، ﯾﮧ ﺍﺳﺘﺤﻘﺎﻕ۔ ﻣﯿﺮﯼ ﺁﻧﮑﮭﻮﮞ ﻣﯿﮟ ﺩﮬﻮﻝ ﺟﮭﻮﻧﮏ ﺭﮨﮯ ﮨﻮ ﻧﺎ ﺗﻢ؟“
”ﺍﯾﺴﯽ ﮐﻮﺋﯽ ﺑﺎﺕ ﻧﮩﯿﮟ ﮨﮯ ﻋﺒﯿﺮﮦ! ﻣﯿﮟ ﺗﻮ ﺍﺑﮭﯽ ﮐﻤﺮﮮ ﻣﯿﮟ ﺁﯾﺎ ﮨﻮﮞ۔ ﯾﮧ ﺷﺎﯾﺪ ﺧﻮﺍﺏ ﻣﯿﮟ ﮈﺭ ﮔﺌﯽ ﮨﮯ، ﺍﺳﯽ ﻟﺌﮯ ﺍﯾﺴﺎ ﮐﮩﮧ ﺭﮨﯽ ﮨﮯ۔“ ﻧﺮﻣﯽ ﺳﮯ ﮐﮩﺘﮯ ﮨﻮﺋﮯ ﺍﺱ ﻧﮯ ﻋﺒﯿﺮﮦ ﮐﻮ ﺍﭘﻨﮯ ﺣﺼﺎﺭ ﻣﯿﮟ ﻟﯿﺎ ﺗﮭﺎ ﺟﺐ ﻣﻮﻣﯽ ﺑﻮﻝ ﺍُﭨﮭﯽ۔
”ﺁﺯﺭ! ﺗﺖ ﺗﻢ ﺍﺱ ﮐﮯ ﻧﮩﯿﮟ ﮨﻮ۔ ﻣﺠﮭﮯ ﺳﺐ ﭘﺘﮧ ﭼﻞ ﮔﯿﺎ ﮨﮯ۔ ﺗﺖ ﺗﻢ ﺻﺮﻑ ﻣﯿﺮﮮ ﮨﻮ۔ ﺗﺖ ﺗﻢ ﮐﮩﯿﮟ ﻧﮩﯿﮟ ﺟﺎﺅ ﮔﮯ۔ ﻭﮨﺎﮞ ﺁﮒ ﮨﮯ۔ ﺗﻢ ﻭﮨﺎﮞ ﻧﮩﯿﮟ ﺟﺎﺅ ﮔﮯ۔“ ﺍﺱ ﮐﯽ ﮔﺮﺩﻥ ﺍﻭﺭ ﭘﯿﺸﺎﻧﯽ ﭘﺴﯿﻨﮯ ﺳﮯ ﺗﺮ ﺗﮭﯽ۔ ﺳﻮﯾﺪ ﺷﺮﻣﻨﺪﮦ ﺍﻭﺭ ﺣﯿﺮﺍﻥ ﺳﺎ ﺍﺳﮯ ﺩﯾﮑﮭﺘﺎ ﺭﮦ ﮔﯿﺎ ﺟﻮ ﺍﺱ ﮐﺎ ﺩﻭﺳﺮﺍﺑﺎﺯﻭ ﺗﮭﺎﻡ ﺭﮨﯽ ﺗﮭﯽ۔ ﻋﺒﯿﺮﮦ ﮐﺎ ﺩﻣﺎﻍ ﮔﮭﻮﻡ ﮔﯿﺎ۔
”ﺳﻦ ﻟﯿﺎ، ﮐﯿﺎ ﮐﮩﮧ ﺭﮨﯽ ﮨﮯ ﯾﮧ ﭘﺎﮔﻞ۔ ﺍﺏ ﺑﮭﯽ کچھ ﮐﮩﻨﮯ ﮐﮯ ﻟﺌﮯ ﮨﮯ ﺗﻤﮩﺎﺭﮮﭘﺎﺱ؟“ ﻭﮦ ﭼﻠّﺎﺋﯽ ﺗﮭﯽ۔ ﻣﻮﻣﯽ ﺍُﺱ ﮐﮯ ﺍﺣﺴﺎﺳﺎﺕ ﺳﮯ ﻗﻄﻌﯽ ﺑﮯ ﻧﯿﺎﺯ ﺳﻮﯾﺪ ﮐﮯ ﺑﺎﺯﻭ ﺳﮯ ﻟﮓ ﮔﺌﯽ۔
”ﺭﮨﻮ ﺍﺳﯽ ﮐﮯ ﮨﻮ ﮐﺮ۔ ﻣﺠﮭﮯ ﺑﭩﯽ ﮨﻮﺋﯽ ﻣﺤﺒﺖ ﻧﮩﯿﮟ ﭼﺎﮨﺌﮯ۔“ ﮐﯿﻨﮧ ﺗﻮﺯ ﻧﮕﺎﮨﻮﮞ ﺳﮯ ﻭﮦ ﺩﻭﻧﻮﮞ ﮐﻮ ﺩﯾﮑﮭﺘﮯ ﮨﻮﺋﮯ ﺗﻠﺨﯽ ﺳﮯ ﮐﮩﺘﯽ ﮐﻤﺮﮮ ﺳﮯ ﻧﮑﻞ ﮔﺌﯽ ﺗﮭﯽ۔ ﺳﻮﯾﺪ ﻧﮯ ﺑﮯ ﺯﺍﺭﯼ ﺳﮯ ﺍﭘﻨﺎ ﺑﺎﺯﻭ ﻣﻮﻣﯽ ﮐﯽ ﮔﺮﻓﺖ ﺳﮯ ﭼﮭﮍﺍ ﮐﺮ ﺍﺳﮯ ﻗﺮﯾﺒﯽ ﺑﯿﮉ ﭘﺮ ﺩﮬﮑﯿﻞ ﺩﯾﺎ۔
”ﭘﺎﮔﻞ ﮨﻮ ﭘﺎﮔﻞ ﮨﯽ ﺭﮨﻮ۔ ﻣﺠﮭﮯ ﭘﺎﮔﻞ ﻣﺖ ﮐﺮﻭ ﭘﻠﯿﺰ! ﮐﺘﻨﯽ ﺑﺎﺭ ﮐﮩﻮﮞ ﮐﮧ ﻣﯿﮟ ﺗﻤﮩﺎﺭﺍ ﺁﺯﺭ ﻋﺒﺎﺱ ﻧﮩﯿﮟ ﮨﻮﮞ۔“ ﺗﻨﻔﺮ ﺳﮯ ﮐﮩﮧ ﮐﺮ ﻭﮦ ﻓﻮﺭﯼ ﮐﻤﺮﮮ ﺳﮯ ﺑﺎﮨﺮ ﻧﮑﻞ ﮔﯿﺎ ﺗﮭﺎ۔ ﻣﻮﻣﯽ ﮐﯽ آنکھ ﺳﮯ ﺁﻧﺴﻮ ﮐﺎ ﺍﯾﮏ ﻗﻄﺮﮦ ﭘﮭﯿﻼ ﺍﻭﺭ ﺑﺎﺋﯿﮟ ﮔﺎﻝ ﭘﺮ ﻟﮍﮬﮑﺘﺎ ﮨﻮﺍ ﮨﻮﻧﭩﻮﮞ ﻣﯿﮟ ﺟﺬﺏ ﮨﻮ ﮔﯿﺎ۔
۔۔۔۔۔۔۔۔۔