ﮐﻢ ﻋﻘﻠﯽ ﮐﺎ ﻧﺘﯿﺠﮧ

’’ ﻣﯿﮟ ﺍﺏ ﺗﮏ ﺳﻤﺠﮫ ﺭﮨﺎ ﺗﮭﺎ ﮐﮧ ﺗﻢ ﺑﭽﯽ ﮨﻮ۔۔ ﺍﺱ ﻋﻤﺮ ﻣﯿﮟ ﺩﻝ ﮐﮯ ﺗﻘﺎﺿﮯ ﺍﻧﺴﺎﻥ ﮐﻮ ﺑﺮﯼ ﻃﺮﺡ ﺧﻮﺍﺭ ﮐﺮﺗﮯ ﮨﯿﮟ۔۔ ﻣﯿﮟ ﺷﺎﯾﺪ ﺗﻤﮩﺎﺭﯼ ﮐﻢ ﻋﻤﺮﯼ ﮐﺎ ﺍﯾﮉﻭﺍﻧﭩﯿﺞ ﺩﮮ ﮐﺮ ﺗﻤﮩﺎﺭﯼ ﻃﺮﻑ ﻣﺎﺋﻞ ﮨﻮ ﮨﯽ ﺟﺎﺗﺎ ﺍﮔﺮ ﻣﺠﮭﮯ ﯾﮧ ﺳﺐ ﻋﻠﻢ ﻧﮧ ﮨﻮﺗﺎ ﮐﮧ ﯾﮧ ﺳﺐ ﮐﯿﺎ ﺩﮬﺮﺍ ﻣﮩﻮﺵ ﺍﻭﺭ ﻗﯿﻮﻡ ﮐﺎ ﮨﮯ، ﺟﻮ ﺗﻤﮩﺎﺭﮮ ﻟﯿﮯ ﮐﺮ ﺭﮨﮯ ﮨﯿﮟ۔۔ ‘‘ ﺍﭘﻨﮯ ﮐﻤﺮﮮ ﻣﯿﮟ ﺑﯿﭩﮭﮯ ﻭﮦ ﺩﻭﻧﻮﮞ ﺧﻮﺩ ﺳﮯ ﺑﺎﺗﯿﮟ ﮐﺮ ﺭﮨﮯ ﺗﮭﮯ ﻟﯿﮑﻦ ﺟﺲ ﻃﺮﺡ ﻭﮦ ﻣﯿﺮﺍ ﺫﮐﺮ ﮐﺮ ﺭﮨﮯ ﺗﮭﮯ ﺗﻤﮩﺎﺭﮮ ﻣﻌﺎﻣﻠﮯ ﻣﯿﮟ ﻣﺠﮭﮯ ﺍﻧﻮﺍﻟﻮ ﮐﺮ ﺭﮨﮯ ﺗﮭﮯ ﺗﻮ ﻣﯿﺮﺍ ﺩﻝ ﭼﺎﮦ ﺭﮨﺎ ﺗﮭﺎ ﮐﮧ ﺍﺳﯽ ﻭﻗﺖ ﺗﻤﮩﯿﮟ ﺷﻮﭦ ﮐﺮﺍ ﺩﻭﮞ۔۔ ‘‘ ﺍﭘﻨﮯ ﮐﺮﺩﺍﺭ ﮐﮯ ﻣﻌﺎﻣﻠﮯ ﻣﯿﮟ ﻭﮦ ﺍﻧﺘﮩﺎﺋﯽ ﺟﺬﺑﺎﺗﯽ ﺗﮭﮯ ، ﺍﺏ ﺑﮭﯽ ﺍﯾﮏ ﺩﻡ ﻏﺼﮯ ﺳﮯ ﮐﮩﺎ ﺗﻮ ﻋﯿﺸﮧ ﺟﯿﺴﮯ ﮨﻮﺵ ﻣﯿﮟ ﺍٓﺋﯽ ۔ ﻟﺮﺯ ﮐﺮ ﺭﮦ ﮔﺌﯽ۔ ﺍﻥ ﮐﯽ ﺍٓﻧﮑﮭﯿﮟ۔۔ ﻭﮦ ﺗﻮ ﺩﯾﮑﮫ ﺑﮭﯽ ﻧﮧ ﭘﺎﺋﯽ۔
’’ ﻭﺭﯾﺸﮧ ﮐﮯ ﺑﻌﺪ ﺗﻮ ﻣﯿﮟ ﻧﮯ ﮐﺒﮭﯽ ﮐﺴﯽ ﺍﻭﺭ ﺟﺎﻧﺐ ﻧﮕﺎﮦ ﮨﯽ ﻧﮧ ﮐﯽ ﺗﮭﯽ ،ﭘﮭﺮ ﺑﮭﻼ ﺗﻢ ﺟﯿﺴﯽ ﮐﻢ ﻋﻤﺮ ﺍﻣﯿﭽﻮﺭ ﻻ ﺍُﺑﺎﻟﯽ ﺳﯽ ﻟﮍﮐﯽ ﮐﻮ ﮐﯿﺴﮯ ﺍﭘﻨﯽ ﻃﺮﻑ ﺍﻧﻮﺍﻟﻮ ﮐﺮ ﻟﯿﺘﺎ۔۔ ﻣﯿﮟ ﻧﮯ ﺗﻮ ﮨﺮ ﻣﻤﮑﻦ ﮐﻮﺷﺶ ﮐﯽ ﺗﮭﯽ ﮐﮧ ﺗﻢ ﺟﻮ ﺣﻤﺎﻗﺖ ﺳﺮ ﺍﻧﺠﺎﻡ ﺩﯾﻨﺎ ﭼﺎﮨﺘﯽ ﮨﻮ ﺑﺎﺯ ﺍٓ ﺟﺎﺋﻮ ﻣﮕﺮ۔۔ ‘‘ ﻭﮦ ﺳﺨﺖ ﺍﺿﻄﺮﺍﺏ ﮐﺎ ﺷﮑﺎﺭ ﺗﮭﮯ، ﮐﻤﺮﮮ ﻣﯿﮟ ﭨﮩﻠﻨﮯ ﻟﮕﮯ۔
’’ ﻣﮩﻮﺵ ﺍﻭﺭ ﻗﯿﻮﻡ ﮐﮯ ﺳﺎﻣﻨﮯ ﺗﻢ ﻧﮯ ﻣﯿﺮﮮ ﻣﺘﻌﻠﻖ ﮐﯿﺎ ﮐﮩﺎ ﺗﮭﺎ ﺟﻮ ﺩﻭﻧﻮﮞ ﮐﮩﮧ ﺭﮨﮯ ﺗﮭﮯ ﮐﮧ ﺷﮩﺒﺎﺯ ﺑﮭﺎﺋﯽ ﺍٓﺧﺮ ﮐﺐ ﺗﮏ ﺍﻧﮑﺎﺭ ﮐﺮ ﺳﮑﺘﮯ ﮨﯿﮟ۔۔۔ ﻋﯿﺸﮧ ﺟﯿﺴﯽ ﻟﮍﮐﯽ ﺗﻮ ﺑﮍﮮ ﺑﮍﻭﮞ ﮐﯽ ﺳﺪﮪ ﺑﺪﮪ ﮐﮭﻮ ﺩﯾﺘﯽ ﮨﮯ، ﺍﮔﺮ ﻭﮦ ﺍﻧﻮﺍﻟﻮ ﻧﮧ ﮨﻮﺗﮯ ﺗﻮ ﺍﺗﻨﯽ ﺟﻠﺪﯼ ﮨﺘﮭﯿﺎﺭ ﮐﯿﺴﮯ ﮈﺍﻝ ﺩﯾﺘﮯ۔۔ ﻣﺠﮭﮯ ﺗﻮ ﻟﮕﺘﺎ ﮨﮯ ﮐﮧ ﺷﮩﺒﺎﺯ ﺑﮭﺎﺋﯽ ﮐﺎ ﮨﯽ ﮐﻮﺋﯽ ﻃﺮﺯِ ﻋﻤﻞ ﻋﯿﺸﮧ ﮐﻮ ﺍﺱ ﺣﺪ ﺗﮏ ﻟﮯ ﺟﺎﻧﮯ ﮐﺎ ﺳﺒﺐ ﺑﻨﺎ ﮨﮯ۔۔ ﺑﻮﻟﻮ ۔۔ ﮐﯿﻮﮞ ﺍﻧﮩﻮﮞ ﻧﮯ ﯾﮧ ﺑﺎﺕ ﮐﮩﯽ۔۔ﺑﻮﻟﻮ ۔۔ ﺟﻮﺍﺏ ﺩﻭ۔۔ ‘‘ ﻭﮦ ﺗﻮ ﺧﻮﺩ ﮔﻨﮓ ﺗﮭﯽ، ﻭﮦ ﮐﯿﺎ ﺟﻮﺍﺏ ﺩﯾﺘﯽ ، ﺷﮩﺒﺎﺯ ﮐﺎ ﯾﮧ ﺳﺐ ﺍﻟﻔﺎﻅ ﺩﮨﺮﺍﺗﮯ ﻏﺼﮯ ﺳﮯ ﺑﺮﺍ ﺣﺎﻝ ﮨﻮ ﺭﮨﺎ ﺗﮭﺎ ، ﺍﻧﮩﻮﮞ ﻧﮯ ﮨﻤﯿﺸﮧ ﺍﯾﺴﯽ ﺯﻧﺪﮔﯽ ﮔﺰﺍﺭﯼ ﺗﮭﯽ ﺟﻮ ﮨﺮ ﻃﺮﺡ ﮐﮯ ﺍﻟﺰﺍﻡ ﺳﮯ ﭘﺎﮎ ﺗﮭﯽ ، ﻣﮕﺮ ﻋﯿﺸﮧ ﮐﮯ ﻣﻌﺎﻣﻠﮯ ﻣﯿﮟ ﻣﮩﻮﺵ ﮐﯽ ﺯﺑﺎﻧﯽ ﮔﻔﺘﮕﻮ ﺳﻦ ﮐﺮ ﺍﺱ ﮐﻮ ﺳﺨﺖ ﺩﮬﭽﮑﺎ ﻟﮕﺎﺗﮭﺎ۔
’’ ﻣﺠﮭﮯ ﻧﮩﯿﮟ ﭘﺘﺎ ﺍﻧﮩﻮﮞ ﻧﮯ ﺍﯾﺴﺎ ﮐﯿﻮﮞ ﮐﮩﺎ۔۔ ﯾﻘﯿﻦ ﮐﺮﯾﮟ۔۔ ﻣﯿﮟ ﻧﮩﯿﮟ ﺟﺎﻧﺘﯽ۔۔ ‘‘ ﺷﮩﺒﺎﺯ ﺳﮯ ﺗﻮ ﻭﮦ ﭘﮩﻠﮯ ﮨﯽ ﺧﺎﺋﻒ ﺭﮨﺘﯽ ﺗﮭﯽ ، ﺍﺏ ﺍﺱ ﮐﺎ ﻏﺼﮧ ﺩﯾﮑﮫ ﮐﺮ ﻣﺰﯾﺪ ﮈﺭ ﮔﺌﯽ، ﺷﮩﺒﺎﺯ ﻧﮯ ﺷﻌﻠﮧ ﺑﺎﺭ ﻧﮕﺎﮨﻮﮞ ﺳﮯ ﺍﺳﮯ ﺩﯾﮑﮭﺎ۔ ﮔﻮﻟﮉﻥ ﻣﮩﺮﻭﻥ ﺷﺮﺍﺭﮮ ﻣﯿﮞﻮﮦ ﺟﯿﻮﻟﺮﯼ ﭘﮩﻨﮯ ﺩﻟﮩﻦ ﻣﯿﮏ ﺍﭖ ﻣﯿﮟ ﺍﯾﮏ ﺍﯾﺴﯽ ﺟﯿﺘﯽ ﺟﺎﮔﺘﯽ ﻗﯿﺎﻣﺖ ﻟﮓ ﺭﮨﯽ ﺗﮭﯽ ، ﺷﮩﺒﺎﺯ ﺣﯿﺪﺭ ﻧﮯ ﺳﺨﺘﯽ ﺳﮯ ﺍﭘﻨﮯ ﺧﯿﺎﻝ ﮐﻮ ﺟﮭﭩﮏ ﺩﯾﺎ ۔ ﺍﯾﮏ ﻧﻔﺮﺕ ﮐﯽ ﻧﮕﺎﮦ ﺍﺱ ﭘﺮ ﮈﺍﻟﯽ ۔ ’’ ﺍﻧﮩﯿﮟ ﺗﻤﮩﺎﺭﮮ ﻣﺘﻌﻠﻖ ﯾﮧ ﺳﺐ ﮐﯿﺴﮯ ﻋﻠﻢ ﮨﻮﺍ۔۔؟ ‘‘ ﺳﺨﺘﯽ ﺳﮯ ﺑﺎﺯ ﭘﺮﺱ ﮐﯽ ﮔﺌﯽ ﺗﮭﯽ ، ﻭﮦ ﮨﻮﻧﭧ ﮐﺎﭦ ﮐﺮ ﺭﮦ ﮔﺌﯽ۔
’’ ﺍﺱ ﺭﺍﺕ ﺟﺐ ۔۔ ‘‘ ﻭﮦ ﺍٓﮨﺴﺘﮕﯽ ﺳﮯ ﺳﺐ ﺑﺘﺎﺗﯽ ﮔﺌﯽ ، ﻭﮦ ﺧﺸﻤﮕﯿﮟ ﻧﻈﺮﻭﮞ ﺳﮯ ﺳﺐ ﺳﻨﺘﮯ ﺭﮨﮯ۔
’’ ﻣﯿﮟ ﻧﮯ ﺟﺎﻥ ﺑﻮﺟﮫ ﮐﺮ ﮐﭽﮫ ﻧﮩﯿﮟ ﺑﺘﺎﯾﺎ ﺗﮭﺎ ، ﺍﺱ ﮐﮯ ﺑﻌﺪ ﺟﻮ ﺑﮭﯽ ﮨﻮﺍ ﻣﮩﻮﺵ ﭼﭽﯽ ﻧﮯ ﮨﯽ ﮐﯿﺎ ﺗﮭﺎ ۔۔ ﺩﺍﺩﯼ ﺟﺎﻥ ﺍﻭﺭ ﭼﭽﯽ ﺟﺎﻥ ﺳﮯ ﺑﮭﯽ ﺷﺎﯾﺪ ﺍﻧﮩﻮﮞ ﻧﮯ ﮨﯽ ﺑﺎﺕ ﮐﯽ ﺗﮭﯽ۔۔ ‘‘ ﺳﺮ ﺟﮭﮑﺎﺋﮯ ﻭﮦ ﺍﻋﺘﺮﺍﻑ ﺟﺮﻡ ﮐﺮ ﺭﮨﯽ ﺗﮭﯽ۔
’’ ﺩﯾﮑﮫ ﻟﯿﺎ ﺍﭘﻨﯽ ﮐﻢ ﻋﻘﻠﯽ ﮐﺎ ﻧﺘﯿﺠﮧ۔۔ ﺗﻤﮩﺎﺭﯼ ﺫﺭﺍ ﺳﯽ ﻟﺮﺯﺵ ﻟﻮﮔﻮﮞ ﮐﻮ ﻧﺠﺎﻧﮯ ﮐﺲ ﺍﻧﺪﺍﺯ ﻣﯿﮟ ﺳﻮﭼﻨﮯ ﮐﺎ ﻣﻮﻗﻊ ﺩﮮ ﺭﮨﯽ ﮨﮯ۔ ﺗﻤﮩﯿﮟ ﺷﺎﯾﺪ ﮐﻮﺋﯽ ﻓﺮﻕ ﻧﮧ ﭘﮍﮮ ﮔﺎ ﻣﮕﺮ ﻣﺠﮭﮯ ﺍﭘﻨﮯ ﮐﺮﺩﺍﺭ ﮐﯽ ﺑﮍﯼ ﭘﺮﻭﺍ ﮨﮯ۔۔ ﺟﻮ ﮨﻮ ﮔﯿﺎ ﻭﮦ ﺗﻮ ﺍﯾﮏ ﻃﺮﻑ ۔۔ﺍٓﺋﻨﺪﮦ ﺗﻤﮩﺎﺭﯼ ﻃﺮﻑ ﺳﮯ ﻣﺠﮭﮯ ﮐﭽﮫ ﺑﮭﯽ ﺍﻟﭩﺎ ﺳﯿﺪﮬﺎ ﺳﻨﻨﮯ ﮐﻮ ﻣﻼ ﺗﻮ ﻣﺠﮫ ﺳﮯ ﺑﺮﺍ ﮐﻮﺋﯽ ﻧﮧ ﮨﻮ ﮔﺎ۔۔ ‘‘ ﻭﮦ ﻏﺼﮯ ﺳﮯ ﮐﮩﮧ ﮐﺮ ﺩﺭﻭﺍﺯﮦ ﮐﮭﭩﺎﮎ ﺳﮯ ﺑﻨﺪ ﮐﺮ ﮐﮯ ﭼﻠﮯ ﮔﺌﮯ ﺗﮭﮯ۔ ﺍﻥ ﮐﮯ ﺟﺎﻧﮯ ﮐﮯ ﺑﻌﺪ ﻋﯿﺸﮧ ﮐﺎ ﮐﺐ ﮐﺎﺭ ﮐﺎ ﮨﻮﺍ ﺳﺎﻧﺲ ﺑﺤﺎﻝ ﮨﻮﺍ۔ ’’ ﻣﮩﻮﺵ ﭼﭽﯽ ﻧﮯ ﺍﯾﺴﯽ ﺑﺎﺕ ﮐﯿﻮﮞ ﮐﯽ۔۔ ﮐﯿﺎ ﻭﮦ ﻧﮩﯿﮟ ﺟﺎﻧﺘﯿﮟ ﮐﮧ ﯾﮧ ﻣﯿﺮﮮ ﯾﮑﻄﺮﻓﮧ ﺟﺬﺑﺎﺕ ﺗﮭﮯ ، ﺷﮩﺒﺎﺯ ﮐﺎ ﺗﻮ ﺍﻥ ﺳﮯ ﺗﻮ ﺩﻭﺭ ﮐﺎ ﺑﮭﯽ ﻭﺍﺳﻄﮧ ﻧﮩﯿﮟ۔۔ ‘‘ ﺍﺱ ﺩﻥ ﮐﮯ ﻟﯿﮯ ﺍﺱ ﻧﮯ ﮐﺌﯽ ﺭﺍﺗﯿﮟ ﺟﺎﮒ ﮐﺮ ﺩﻋﺎﺋﯿﮟ ﻣﺎﻧﮕﯽ ﺗﮭﯿﮟ ﺍﻭﺭ ﺍٓﺝ ﯾﮧ ﺭﺍﺕ ﻧﺼﯿﺐ ﻣﯿﮟ ﺍٓﺋﯽ ﺑﮭﯽ ﺗﮭﯽ ، ﺗﻮ ﺩﺍﻣﻦ ﻣﯿﮟ ﻻﮐﮭﻮﮞ ﻭﺳﻮﺳﮯ ﻭ ﺗﻔﮑﺮﺍﺕ ﮈﺍﻝ ﮔﺌﯽ ﺗﮭﯿﮟ، ﺍﺑﮭﯽ ﺳﮯ ﺍﺗﻨﺎ ﻏﺼﮯ ﻭﺍﻻ ﺍﻧﺪﺍﺯ ﮨﮯ۔۔ ﺑﻌﺪ ﻣﯿﮟ ﭘﺘﮧ ﻧﮩﯿﮟ ﮐﯿﺎ ﮨﻮ ﮔﺎ۔۔ ‘‘ ﺍﺏ ﻭﮦ ﻣﺴﺘﻘﺒﻞ ﮐﮯ ﺧﻮﻑ ﺳﮯ ﮨﻠﮑﺎﻥ ﮨﻮﻧﺎ ﺷﺮﻭﻉ ﮨﻮ ﮔﺌﯽ ﺗﮭﯽ۔
X X X
ﺍﮔﻠﮯ ﺩﻥ ﺻﺒﺢ ﮨﻮﺗﮯ ﮨﯽ ﻭﮦ ﻣﮩﻮﺵ ﮐﮯ ﭘﺎﺱ ﺟﺎ ﭘﮩﻨﭽﯽ ﺗﮭﯽ، ﺍﻥ ﺳﮯ ﺷﮩﺒﺎﺯ ﮐﺎ ﺭﻭّﯾﮧ ﺑﺘﺎ ﮐﺮ ﺍﺱ ﻃﺮﺡ ﮔﻔﺘﮕﻮ ﮐﺎ ﺳﺒﺐ ﭘﻮﭼﮭﺎ ﺗﻮ ﻭﮦ ﮨﻨﺴﺘﯽ ﭼﻠﯽ ﮔﺌﯿﮟ۔
’’ ﺍﺣﻤﻖ ﮨﻮ ﺗﻢ ﺑﮭﯽ ﺍﻭﺭ ﺗﻤﮩﺎﺭﮮ ﻭﮦ ﺻﺎﺣﺐ ﺑﮭﯽ۔۔ ﮐﻞ ﺻﺒﺢ ﺍﭼﺎﻧﮏ ﻭﮦ ﮨﻤﺎﺭﮮ ﮐﻤﺮﮮ ﮐﮯ ﭘﺎﺱ ﺳﮯ ﮔﺰﺭﮮ ﺗﻮ ﻣﺠﮭﮯ ﺷﺮﺍﺭﺕ ﺳﻮﺟﮭﯽ ﺗﮭﯽ ، ﻣﯿﮞﻨﮯ ﻓﻮﺭﺍً ﺑﺎﺕ ﭘﻠﭧ ﮐﺮ ﺍﯾﺴﺎ ﮐﮩﻨﺎ ﺷﺮﻭﻉ ﮐﺮ ﺩﯾﺎ ﺗﮭﺎ ۔ ﻣﺠﮭﮯ ﭘﺘﮧ ﺗﮭﺎ ﮐﮧ ﻭﮦ ﺑﻦ ﺭﮨﮯ ﮨﯿﮟ ﺟﺎﻥ ﺑﻮﺟﮫ ﮐﺮ ﺍﯾﺴﯽ ﺑﺎﺗﯿﮟ ﮐﮩﯽ ﺗﮭﯿﮟ ، ﺻﺮﻑ ﺍﻥ ﮐﻮ ﯾﮧ ﺑﺎﻭﺭ ﮐﺮﻭﺍﻧﮯ ﮐﮯ ﻟﯿﮯ ﮐﮧ ﺍﮔﺮ ﻭﮦ ﺍﺱ ﻃﺮﺡ ﭼﭗ ﺭﮦ ﮐﺮ ﺍﭘﻨﯽ ﻧﺎﭘﺴﻨﺪﯾﺪﮔﯽ ﺍﻭﺭ ﻧﺎﺭﺍﺿﮕﯽ ﮐﺎ ﺍﻇﮩﺎﺭ ﮐﺮ ﺭﮨﮯ ﮨﯿﮟ ﺗﻮ ﮨﻢ ﺑﮭﯽ ﺑﮯ ﺧﺒﺮ ﻧﮩﯿﮟ ﺍﻭﺭ ﺍﻧﮩﻮﮞ ﻧﮯ ﺍﺱ ﻣﺬﺍﻕ ﮐﻮ ﺍﭘﻨﮯ ﺍﻧﺪﺍﺯ ﻣﯿﮟ ﻟﮯ ﻟﯿﺎ۔۔ ﺍﻭﮦ ﻣﺎﺋﯽ ﮔﺎﮈ ۔۔ ‘‘ ﻭﮦ ﮨﻨﺲ ﺩﯼ ﺗﮭﯿﮟ ، ﻋﯿﺸﮧ ﺧﺎﻣﻮﺷﯽ ﺳﮯ ﺩﯾﮑﮭﮯ ﮔﺌﯽ۔
’’ ﻣﺠﮭﮯ ﭘﺘﮧ ﻧﮩﯿﮞﺘﮭﺎ ﻭﮦ ﺍﺗﻨﮯ ﺍﺣﻤﻖ ﺑﻠﮑﮧ ﺑﯿﻮﻗﻮﻑ ﺛﺎﺑﺖ ﮨﻮﮞ ﮔﮯ، ﺑﺠﺎﺋﮯ ﮨﻤﺎﺭﮮ ﺍﺱ ﺗﻌﺎﻭﻥ ﭘﺮ ﮨﻤﺎﺭﺍ ﺷﮑﺮﯾﮧ ﺍﺩﺍ ﮐﺮﻧﮯ ﮐﮯ ، ﻭﮦ ﻧﺌﯽ ﺟﻨﮓ ﭼﮭﯿﮍ ﮐﺮ ﺑﯿﭩﮫ ﭼﮑﮯ ﮨﯿﮟ۔۔ ﮐﺮﺩﺍﺭ ﭘﺮ ﺟﺐ ﺑﺎﺕ ﺍٓﺗﯽ ﮨﮯ ﺗﻮ ﺳﺐ ﮐﻮ ﮨﯽ ﻏﺼﮧ ﻟﮕﺘﺎ ﮨﮯ۔۔ ﯾﮩﯽ ﺑﺎﺕ ﻣﯿﮟ ﺗﻤﮩﺎﺭﮮ ﺣﻮﺍﻟﮯ ﺳﮯ ﺍﻧﮩﯿﮟ ﺑﺘﺎﻧﺎ ﭼﺎﮨﺘﯽ ﺗﮭﯽ ﻣﮕﺮ ﺍﻟﭩﯽ ﭘﮍ ﮔﺌﯽ ﮨﮯ۔ ‘‘
’’ ﭘﮭﺮ ﺑﮭﯽ ﺍٓﭖ ﮐﻮ ﯾﮧ ﻧﮩﯿﮟ ﮐﮩﻨﺎ ﭼﺎﮨﯿﮯ ﺗﮭﺎ ۔۔ ﻭﮦ ﺍﺗﻨﮯ ﻏﺼﮯ ﮨﻮ ﺭﮨﮯ ﺗﮭﮯ ﻣﺠﮫ ﭘﺮ ﮐﮧ ﺣﺪ ﻧﮩﯿﮟ۔۔ ﻧﺠﺎﻧﮯ ﮐﯿﺎ ﮐﭽﮫ ﺳﺨﺖ ﺳﺴﺖ ﮐﮩﺘﮯ ﺭﮨﮯ۔۔ ‘‘ ﺭﺍﺕ ﮐﯽ ﺑﺎﺗﯿﮟ ﯾﺎﺩ ﺍٓﺗﮯ ﭘﮭﺮ ﺳﮯ ﺍٓﻧﮑﮭﯿﮟ ﺑﮭﺮ ﮔﺌﯿﮟ۔
’’ ﺍﻭﮨﻮ۔۔ﺭﻭﻧﺎ ﻧﮩﯿﮟ۔۔ ﻣﯿﮟ ﺧﻮﺩ ﺑﮭﺎﺋﯽ ﺻﺎﺣﺐ ﺳﮯ ﺑﺎﺕ ﮐﺮ ﮐﮯ ﻣﻌﺎﻣﻠﮧ ﺟﮑﮍ ﻟﻮﮞ ﮔﯽ۔۔ ﺗﮭﻮﮌﯼ ﺑﮩﺖ ﺍﻥ ﮐﯽ ﺑﮭﯽ ﺑﺮﯾﻦ ﻭﺍﺷﻨﮓ ﮨﻮﻧﮯ ﮐﯽ ﺿﺮﻭﺭﺕ ﮨﮯ۔۔ ﺩﯾﮑﮭﻮ ﮐﯿﺎ ﮐﺮﺗﯽ ﮨﻮﮞ ، ﺗﻢ ﺍﺏ ﺍٓﺭﺍﻡ ﺳﮯ ﺭﮨﻮ۔۔ﻧﮑﺎﺡ ﮨﻮ ﭼﮑﺎ ﮨﮯ ﺩﻭﻧﻮﮞ ﮐﺎ ، ﮐﭽﮫ ﻧﮩﯿﮟ ﮐﮩﯿﮟ ﮔﮯ ﻭﮦ۔۔ ‘‘ ﺍﻧﮩﻮﮞ ﻧﮯ ﺍﺳﮯ ﭘﮭﺮ ﺳﮯ ﺑﮩﻼ ﻟﯿﺎ ﺗﮭﺎ ۔ ﻣﮩﻮﺵ ﻧﮯ ﺷﮩﺒﺎﺯ ﺳﮯ ﺑﮭﯽ ﺑﺎﺕ ﮐﯽ ﺗﮭﯽ ، ﺍﺱ ﮐﺎ ﮐﯿﺎ ﺭﺩﻋﻤﻞ ﺗﮭﺎ، ﻋﯿﺸﮧ ﮐﻮ ﮐﭽﮫ ﭘﺘﮧ ﻧﮩﯿﮟ ﺗﮭﺎ ۔ ﺩﻭ ﺩﻥ ﺑﻌﺪ ﻭﮦ ﯾﻮﻧﯿﻮﺭﺳﭩﯽ ﺟﺎﻧﮯ ﮐﻮ ﺗﯿﺎﺭ ﮨﻮ ﮐﺮ ﮐﻤﺮﮮ ﺳﮯ ﻧﮑﻠﯽ ﺗﻮ ﺷﮩﺒﺎﺯ ﭨﯿﺒﻞ ﭘﺮ ﺑﯿﭩﮭﮯ ﻧﺎﺷﺘﮧ ﮐﺮ ﺭﮨﮯ ﺗﮭﮯ ، ﻧﮑﺎﺡ ﮐﮯ ﺑﻌﺪ ﭘﮩﻼ ﺗﺼﺎﺩﻡ ﺗﮭﺎ، ﺍﺱ ﺭﺍﺕ ﮐﮯ ﺑﻌﺪ ﺗﻮ ﻭﮦ ﺍﻥ ﮐﮯ ﺳﺎﻣﻨﮯ ﺍٓﻧﮯ ﺳﮯ ﺑﮭﯽ ﮈﺭﻧﮯ ﻟﮕﯽ ﺗﮭﯽ ، ﺍﻧﮩﻮﮞ ﻧﮯ ﺳﺮ ﺳﺮﯼ ﻧﻈﺮ ﮈﺍﻟﯽ ﺗﮭﯽ ۔ ﭼﭽﯽ ﺍﻣﯽ ﻧﮯ ﺍﺱ ﮐﯽ ﺑﻼﺋﯿﮟ ﻟﯿﮟ، ﭘﮭﺮ ﻧﺎﺷﺘﮧ ﺍﺱ ﮐﮯ ﺳﺎﻣﻨﮯ ﺭﮐﮫ ﺩﯾﺎ۔ ﺷﮩﺒﺎﺯ ﮐﮯ ﺳﺎﻣﻨﮯ ﻭﺍﻟﯽ ﮐﺮﺳﯽ ﭘﺮ ﺑﯿﭩﮭﮯ ﻭﮦ ﺧﺎﻣﻮﺷﯽ ﺳﮯ ﻧﺎﺷﺘﮧ ﮐﺮ ﺭﮨﯽ ﺗﮭﯽ ، ﺟﺐ ﺷﮩﺒﺎﺯ ﻧﯿﭙﮑﻦ ﺳﮯ ﮨﺎﺗﮫ ﺻﺎﻑ ﮐﺮﺗﮯ ﺍُﭨﮫ ﮐﮭﮍﮮ ﮨﻮﺋﮯ۔
’’ ﺷﮩﺒﺎﺯ ﺑﯿﭩﺎ ! ﺍٓﺝ ﺳﮯ ﻋﯿﺸﮧ ﮐﻮ ﺗﻢ ﯾﻮﻧﯿﻮﺭﺳﭩﯽ ﭼﮭﻮﮌ ﮐﺮ ﺍٓﯾﺎ ﮐﺮﻭ ﮔﮯ۔۔ ﺧﯿﺮ ﺳﮯ ﯾﮧ ﺗﻤﮩﺎﺭﯼ ﺫﻣﮧ ﺩﺍﺭﯼ ﮨﮯ، ﯾﮧ ﺍﮐﯿﻠﯽ ﮐﯿﻮﮞ ﺍٓﯾﺎ ﺟﺎﯾﺎ ﮐﺮﮮ۔۔ ‘‘ ﻋﯿﺸﮧ ﻧﮯ ﺣﯿﺮﺍﻥ ﮨﻮ ﮐﺮ ﭼﭽﯽ ﺍﻣﯽ ﮐﻮ ﺩﯾﮑﮭﺎ ، ﺷﮩﺒﺎﺯ ﻧﮯ ﺍﺱ ﺣﮑﻢ ﭘﺮ ﻧﺎﮔﻮﺍﺭﯼ ﺳﮯ ﺍﺳﮯ ﺩﯾﮑﮭﺎ ﺗﮭﺎ، ﻭﮦ ﻓﻮﺭﺍً ﺳﺮ ﺟﮭﮑﺎ ﮔﺌﯽ ۔ ﻭﮦ ﮨﻤﯿﺸﮧ ﺍﮐﯿﻠﯽ ﮨﯽ ﯾﻮﻧﯿﻮﺭﺳﭩﯽ ﮐﯽ ﺑﺲ ﻣﯿﮟ ﮨﯽ ﺍٓﺗﯽ ﺟﺎﺗﯽ ﺗﮭﯽ ﻣﮕﺮ ﺍٓﺝ۔۔
’’ ﻣﺠﮭﮯ ﺩﯾﺮ ﮨﻮ ﺭﮨﯽ ﮨﮯ۔۔ ‘‘ ﺍﺱ ﻭﻗﺖ ﮐﭽﻦ ﻣﯿﮟ ﺍﻥ ﺗﯿﻨﻮﮞ ﮐﮯ ﻋﻼﻭﮦ ﮐﻮﺋﯽ ﺍﻭﺭ ﻧﮩﯿﮟ ﺗﮭﺎ ، ﺍﺳﯽ ﻟﯿﮯ ﺷﮩﺒﺎﺯ ﺣﯿﺪﺭ ﻧﮯ ﺍﭘﻨﯽ ﻧﺎﮔﻮﺍﺭﯼ ﻧﮩﯿﮟ ﭼﮭﭙﺎﺋﯽ ﺗﮭﯽ۔
’’ ﺷﮩﺒﺎﺯ۔۔ ‘‘ ﺍﻧﮩﻮﮞ ﻧﮯ ﺳﺨﺘﯽ ﺳﮯ ﭨﻮﮐﺎ ﺗﻮ ﻋﯿﺸﮧ ﻧﮯ ﮔﮭﺒﺮﺍ ﮐﺮ ﺩﯾﮑﮭﺎ۔
’’ ﺭﮨﻨﮯ ﺩﯾﮟ ﭼﭽﯽ ۔۔ ﻣﯿﮟ ﭼﻠﯽ ﺟﺎﺋﻮﮞ ﮔﯽ۔۔ ﺍﻭﺭ ﺧﻮﺩ ﮨﯽ ﺗﻮ ﺟﺎﺗﯽ ﮨﻮﮞ۔۔ ﯾﻮﻧﯿﻮﺭﺳﭩﯽ ﺭﻭﭦ ﮐﯽ ﺑﺲ ﮨﻤﺎﺭﮮ ﺭﻭﭦ ﺳﮯ ﮨﯽ ﮔﺰﺭﺗﯽ ﮨﮯ۔۔ ‘‘ ﺷﮩﺒﺎﺯ ﺣﯿﺪﺭ ﮐﮯ ﺗﯿﻮﺭﻭﮞ ﺳﮯ ﺧﺎﺋﻒ ﮨﻮ ﮐﺮ ﺍﺱ ﻧﮯ ﻓﻮﺭﺍً ﻣﺪﺍﺧﻠﺖ ﮐﯽ ﺗﮭﯽ۔
’’ ﭘﮩﻠﮯ ﮐﯽ ﺑﺎﺕ ﺍﻭﺭ ﺗﮭﯽ ۔۔ ﺟﺐ ﮔﮭﺮ ﻣﯿﮟ ﺷﻮﮨﺮ ﮐﯽ ﮔﺎﮌﯼ ﮐﯽ ﺳﮩﻮﻟﺖ ﻣﻮﺟﻮﺩ ﮨﮯ ﺗﻮ ﭘﮭﺮ ﺗﻢ ﮐﯿﻮﮞ ﺑﺴﻮﮞ ، ﻭﯾﮕﻨﻮﮞ ﻣﯿﮟ ﺧﻮﺍﺭ ﮨﻮ۔۔ ﻭﯾﺴﮯ ﺑﮭﯽ ﺍﺏ ﺗﻢ ﺷﮩﺒﺎﺯ ﮐﯽ ﺫﻣﮧ ﺩﺍﺭﯼ ﮨﻮ۔۔ ‘‘ ﺍﺱ ﻧﮯ ﮐﻦ ﺍﻧﮑﮭﯿﻮﮞ ﺳﮯ ﺷﮩﺒﺎﺯ ﮐﮯ ﭼﮩﺮﮮ ﮐﮯ ﺗﺎﺛﺮﺍﺕ ﮐﯽ ﻧﺎﮔﻮﺍﺭﯼ ﺟﺎﻧﭽﯽ۔
’’ ﻣﯿﮟ ﮔﺎﮌﯼ ﻧﮑﺎﻝ ﺭﮨﺎ ﮨﻮﮞ۔۔ ‘‘ ﻣﺎﮞ ﮐﯽ ﺑﺎﺕ ﮐﮯ ﺟﻮﺍﺏ ﻣﯿﮟ ﻏﺼﮯ ﺳﮯ ﮐﮩﮧ ﮐﺮ ﻭﮦ ﺑﺎﮨﺮ ﻧﮑﻞ ﮔﺌﮯ ﺗﮭﮯ، ﻋﯿﺸﮧ ﻧﮯ ﺑﮯ ﭼﺎﺭﮔﯽ ﺳﮯ ﭼﭽﯽ ﮐﻮ ﺩﯾﮑﮭﺎ۔
’’ ﺍﻧﮩﯿﮟ ﮐﻮﺋﯽ ﮐﺎﻡ ﮨﻮ ﮔﺎ ۔۔ ﺭﮨﻨﮯ ﺩﯾﮟ۔۔ ‘‘ ﻭﮦ ﺧﻮﺩ ﺑﮭﯽ ﺷﮩﺒﺎﺯ ﮐﮯ ﺳﺎﺗﮫ ﻧﮩﯿﮟ ﺟﺎﻧﺎ ﭼﺎﮨﺘﯽ ﺗﮭﯽ ، ﻣﮕﺮ ﮐﮩﺘﯽ ﮐﺴﮯ۔۔ ‘‘
’’ ﮐﭽﮫ ﻧﮩﯿﮟ ﮨﻮﮔﺎ۔۔ ﺍﭘﻨﮯ ﮐﺎﻡ ﭘﺮ ﺟﺎﺗﮯ ﺗﻤﮩﯿﮟ ﺑﮭﯽ ﭼﮭﻮﮌ ﺩﮮ ﮔﺎ۔۔ ﺗﻮ ﻗﯿﺎﻣﺖ ﻧﮩﯿﮟ ﺍٓ ﺟﺎﺋﮯ ﮔﯽ۔۔ ‘‘ ﺷﮩﺒﺎﺯ ﺣﯿﺪﺭ ﮐﮯ ﺗﯿﻮﺭ ﻭﮦ ﺑﮭﯽ ﺍﭼﮭﯽ ﻃﺮﺡ ﺳﻤﺠﮫ ﺭﮨﯽ ﺗﮭﯿﮟ ، ﺍﺳﯽ ﻟﯿﮯ ﺗﻮ ﺍﻧﮩﻮﮞ ﻧﮯ ﯾﮧ ﻧﯿﺎ ﺣﮑﻢ ﻧﺎﻣﮧ ﻧﺎﻓﺬ ﮐﯿﺎ ﺗﮭﺎ۔ ﻣﺮﮮ ﻣﺮﮮ ﻗﺪﻣﻮﮞ ﺳﮯ ﺑﺎﮨﺮ ﺍٓﺋﯽ ﺗﻮ ﻭﮦ ﻣﻨﺘﻈﺮ ﺗﮭﮯ، ﮔﺎﮌﯼ ﻣﯿﮟ ﺑﯿﭩﮭﺘﮯ ﮨﯽ ﺍﻧﮩﻮﮞ ﻧﮯ ﺗﯿﺰﯼ ﺳﮯ ﮔﺎﮌﯼ ﺍﺳﭩﺎﺭﭦ ﮐﯽ ﺗﮭﯽ ، ﻋﯿﺸﮧ ﺍﻥ ﮐﮯ ﺑﮕﮍﮮ ﺯﺍﻭﯾﮯ ﺩﯾﮑﮫ ﮐﺮ ﮨﻮﻟﺘﯽ ﺭﮨﯽ۔
’’ ﺍٓﺝ ﮐﮯ ﺍﻣﯽ ﮐﮯ ﺍﺱ ﻧﺌﮯ ﺣﮑﻢ ﻧﺎﻣﮯ ﮐﺎ ﻣﯿﮟ ﮐﯿﺎ ﻣﻄﻠﺐ ﺳﻤﺠﮭﻮﮞ۔۔؟ ‘‘ ﺳﺮﺥ ﺳﮕﻨﻞ ﭘﺮ ﮔﺎﮌﯼ ﺭﮐﯽ ﺗﮭﯽ ، ﺟﺐ ﻧﮩﺎﯾﺖ ﺗﻠﺦ ﺍٓﻭﺍﺯ ﻣﯿﮟ ﭘﻮﭼﮭﺎ ﮔﯿﺎ ﺗﮭﺎ ۔
’’ ﺟﯽ۔۔ ‘‘ ﻭﮦ ﮐﭽﮫ ﻧﮩﯿﮟ ﺳﻤﺠﮭﯽ ﺗﮭﯽ ۔
’’ ﺩﯾﮑﮭﻮ ﻋﯿﺸﮧ ۔۔ ﻣﯿﮟ ﺗﻤﮩﺎﺭﯼ ﺍﭘﻨﯽ ﺯﻧﺪﮔﯽ ﻣﯿﮟ ﺍﺱ ﺣﺪ ﺗﮏ ﺑﮯ ﺟﺎ ﻣﺪﺍﺧﻠﺖ ﻗﻄﻌﯽ ﺑﺮﺩﺍﺷﺖ ﻧﮩﯿﮟ ﮐﺮﻭﮞ ﮔﺎ۔۔ ﺍﻧﺴﺎﻥ ﮐﯽ ﺑﺮﺩﺍﺷﺖ ﮐﯽ ﺑﮭﯽ ﮐﻮﺋﯽ ﺣﺪ ﮨﻮﺗﯽ ﮨﮯ۔۔ ﻣﯿﮟ ﺗﻤﮩﯿﮟ ﭘﮩﻠﮯ ﺑﮭﯽ ﮐﮩﮧ ﭼﮑﺎ ﮨﻮﮞ ﮐﮧ ﻣﯿﺮﮮ ﺳﺎﺗﮫ ﯾﮧ ﺳﺐ ﻧﮩﯿﮟ ﭼﻠﮯ ﮔﺎ ۔۔ ﮔﮭﺮ ﻭﺍﻟﻮﮞ ﮐﯽ ﻭﺟﮧ ﺳﮯ ﺗﻤﮩﯿﮟ ﻓﻮﺯﺍﻥ ﮐﮯ ﻟﯿﮯ ﺑﺮﺩﺍﺷﺖ ﮐﺮﻧﮯ ﭘﺮ ﻣﺠﺒﻮﺭ ﮨﻮﮞ ، ﺗﻮ ﻣﯿﺮﯼ ﺍﺱ ﻣﺠﺒﻮﺭﯼ ﮐﻮ ﻣﯿﺮﯼ ﺯﻧﺪﮔﯽ ﮐﺎ ﺍﻣﺘﺤﺎﻥ ﻣﺖ ﺑﻨﺎﺋﻮ۔۔ ﻭﺭﻧﮧ ﭘﭽﮭﺘﺎﺋﻮ ﮔﯽ۔۔ ‘‘ ﺍﻧﺘﮩﺎﺋﯽ ﺳﺨﺖ ﻟﮩﺠﮯ ﻣﯿﮟ ﺩﻧﯿﺎ ﺑﮭﺮ ﮐﯽ ﺑﯿﺰﺍﺭﯼ ﻟﯿﮯ ﺍﻧﮩﻮﮞ ﻧﮯ ﺍﻧﺪﺭ ﮐﯽ ﺳﺎﺭﯼ ﺗﻠﺨﯽ ﺍﺱ ﭘﺮ ﺍﻧﮉﯾﻠﯽ ﺗﮭﯽ۔
’’ ﻣﯿﮟ ﻧﮯ ﭼﭽﯽ ﺟﺎﻥ ﮐﻮ ﻣﻨﻊ ﮐﯿﺎ ﺗﮭﺎ ۔۔ ‘‘ ﺍﭘﻨﯽ ﺍﺱ ﻗﺪﺭ ﻋﺰﺕ ﺍﻓﺰﺍﺋﯽ ﭘﺮ ﭘﮩﻠﮯ ﺗﻮ ﻭﮦ ﮨﮑﺎّ ﺑﮑﺎّ ﺭﮦ ﮔﺌﯽ ، ﭘﮭﺮ ﺑﮭﻨﺎ ﮐﺮ ﮐﮩﺎ ﺑﮭﯽ ﺗﻮ ﺍٓﻧﺴﻮ ﭘﮩﻠﮯ ﺍﻣﮉ ﺍٓﺋﮯ ۔ ﮨﺮ ﺑﺎﺭ ﯾﮧ ﺷﺨﺺ ﺍﺳﮯ ﺭﻻ ﺩﯾﺘﺎ ﺗﮭﺎ ۔ ﺳﮕﻨﻞ ﮐﮭﻠﻨﮯ ﭘﺮ ﺷﮩﺒﺎﺯ ﻧﮯ ﮔﺎﮌﯼ ﺍٓﮔﮯ ﺑﮍﮬﺎ ﻟﯽ ﺗﮭﯽ ، ﻋﯿﺸﮧ ﮐﻮ ﺗﺴﻠﺴﻞ ﺳﮯ ﺍٓﻧﺴﻮ ﺑﮩﺎﺗﮯ ﺩﯾﮑﮫ ﮐﺮ ﻭﮦ ﺍﻟﺠﮭﺎ۔
’’ ﮐﯿﺎ ﻟﻮ ﮔﯽ ﭼﭗ ﮨﻮﻧﮯ ﮐﺎ۔۔ ‘‘ ﺳﺮﺩ ﺍٓﻭﺍﺯ ﭘﺮ ﺍﺱ ﮐﮯ ﺍٓﻧﺴﻮ ﺑﮭﯽ ﭨﮭﭩﮭﺮ ﮔﺌﮯ ۔
’’ ﮐﯿﺎ ﻣﺼﯿﺒﺖ ﮨﮯ۔۔ ﺯﻧﺪﮔﯽ ﻋﺬﺍﺏ ﮨﻮ ﮐﺮ ﺭﮦ ﮔﺌﯽ ۔۔ ‘‘ ﻭﮦ ﺍﺏ ﺧﻮﺩ ﺳﮯ ﺑﮍ ﺑﮍﺍ ﺭﮨﺎ ﺗﮭﺎ ، ﻋﯿﺸﮧ ﮐﺎ ﺩﻝ ﭘﮭﺮ ﺑﮭﺮ ﺍٓﯾﺎ ، ﭘﮭﺮ ﮨﺎﺗﮭﻮﮞ ﻣﯿﮞﭽﮩﺮﮦ ﭼﮭﭙﺎ ﮐﺮ ﺭﻭ ﺩﯼ۔ ﯾﮧ ﺑﮭﯽ ﺯﻧﺪﮔﯽ ﮐﺎ ﮐﯿﺴﺎ ﺳﺎﺗﮭﯽ ﺗﮭﺎ ، ﭘﺘﮭﺮ ۔۔ﺳﻨﮕﺪﻝ ۔۔ ﮐﭩﮭﻮﺭ۔۔
’’ ﻋﯿﺸﮧ ۔۔ ‘‘ ﺑﮯ ﭼﺎﺭﮔﯽ ﺳﮯ ﺍﯾﮏ ﻃﺮﻑ ﮔﺎﮌﯼ ﺭﻭﮎ ﮐﺮ ﺍﺱ ﮐﯽ ﻃﺮﻑ ﺭﺥ ﮐﯿﺎ، ﺍﻧﺪﺍﺯ ﺍﯾﺴﺎ ﺗﮭﺎ ﮐﮧ ﺟﯿﺴﮯ ﺍﯾﮏ ﭘﻞ ﻣﯿﮟ ﺍﺳﮯ ﮐﮩﯿﮟ ﻏﺎﺋﺐ ﮐﺮ ﺩﯾﮟ ﮔﮯ۔۔ ﯾﺎ ﭘﮭﺮ۔۔ ‘‘ ﻭﮦ ﺍﺱ ﻭﻗﺖ ﺿﺒﻂ ﮐﯽ ﺍﻧﺘﮩﺎ ﭘﺮ ﺗﮭﮯ۔
’’ ﻣﺠﮭﮯ ﻧﮩﯿﮟ ﺟﺎﻧﺎ ﺍٓﭖ ﮐﮯ ﺳﺎﺗﮫ ﮐﮩﯿﮟ ۔۔ ﺑﺲ ﺍﺗﺎﺭ ﺩﯾﮟ ﯾﮩﯿﮟ۔۔ ﭼﻠﯽ ﺟﺎﺋﻮﮞ ﮔﯽ ﻣﯿﮟ ﺧﻮﺩ ﮨﯽ۔۔ ‘‘ ﺍﮔﻠﮯ ﮨﯽ ﭘﻞ ﺩﻭﭘﭩﮯ ﺳﮯ ﭼﮩﺮﮦ ﺻﺎﻑ ﮐﺮﺗﮯ ﺍﺱ ﻧﮯ ﮨﺎﺗﮫ ﺑﮍﮬﺎ ﮐﺮ ﺩﺭﻭﺍﺯﮦ ﮐﮭﻮﻻ ﺗﮭﺎ ، ﺍﺱ ﺳﮯ ﭘﮩﻠﮯ ﮐﮧ ﻭﮦ ﻧﯿﭽﮯ ﺍﺗﺮﺗﯽ ، ﺷﮩﺒﺎﺯ ﺣﯿﺪﺭ ﻧﮯ ﺑﮭﻨﺎ ﮐﺮ ﻏﺼﮯ ﺳﮯ ﺍﺱ ﮐﺎ ﮨﺎﺗﮫ ﺟﮭﭩﮏ ﮐﺮ ﺯﻭﺭ ﺳﮯ ﺩﺭﻭﺍﺯﮦ ﺑﻨﺪ ﮐﺮ ﮐﮯ ﻻﮎ ﮐﯿﺎ ﺗﮭﺎ۔
’’ ﺑﮑﻮﺍﺱ ﻧﮩﯿﮟ ﮐﺮﻭ۔۔ ﺍٓﺭﺍﻡ ﺳﮯ ﺑﯿﭩﮭﯽ ﺭﮨﻮ۔۔ ‘‘ ﻏﺼﮯ ﺳﮯ ﮔﮭﻮﺭﺗﮯ ﻭﺍﺭﻥ ﮐﯿﺎ ﮔﯿﺎ ﺗﮭﺎ۔
’’ ﮐﯿﻮﮞ۔۔ ﺟﺐ ﺍٓﭖ ﮐﻮ ﻣﯿﺮﺍ ﻭﺟﻮﺩ ﺍﺗﻨﺎ ﮨﯽ ﻧﺎﮔﻮﺍﺭ ﮔﺰﺭ ﺭﮨﺎ ﮨﮯ ﺗﻮ ﺟﺎﻧﮯ ﺩﯾﮟ ۔۔ ﺍٓﭖ ﮐﻮﻥ ﮨﻮﺗﮯ ﮨﯿﮟ ﻣﺠﮭﮯ ﺭﻭﮐﻨﮯ ﻭﺍﻟﮯ۔۔ ﻧﮩﯿﮟ ﺟﺎﺋﻮﮞ ﮔﯽ ﻣﯿﮟ ﺍٓﭖ ﮐﮯ ﺳﺎﺗﮫ ﮐﮩﯿﮟ ۔۔ ﺩﺭﻭﺍﺯﮐﮭﻮﻟﯿﮟ۔۔ ‘‘ ﺍﭘﻨﯽ ﺍﺱ ﺩﺭﺟﮧ ﮨﺘﮏ ﺍٓﻣﯿﺰﯼ ﺍﻭﺭ ﻋﺰﺕ ﺍﻓﺰﺍﺋﯽ ﭘﺮ ﻭﮦ ﺑﮭﯽ ﭼﭩﺦ ﺍُﭨﮭﯽ ﺗﮭﯽ ، ﻏﺼﮯ ﺳﮯ ﺭﻭﺗﮯ ﮨﻮﺋﮯ ﺷﮩﺒﺎﺯ ﺣﯿﺪﺭ ﮐﻮ ﺩﯾﮑﮭﺎ ، ﺟﻮ ﻟﺐ ﺑﮭﯿﻨﭽﮯ ﺍﺱ ﮐﮯ ﺍﻭﭘﺮ ﻧﻈﺮﯾﮟ ﺟﻤﺎﺋﮯ ﮨﻮﺋﮯ ﺗﮭﮯ۔
’’ ﺍﺱ ﺭﺍﺕ ﺍﺗﻨﯽ ﺑﺮﯼ ﻃﺮﺡ ﺑﮯ ﻋﺰﺕ ﮐﺮ ﺩﯾﺎ ﺣﺘﯽٰ ﮐﮧ ﻣﯿﺮﺍ ﮐﻮﺋﯽ ﻗﺼﻮﺭ ﺑﮭﯽ ﻧﮧ ﺗﮭﺎ ۔ ﻣﮩﻮﺵ ﭼﭽﯽ ﮐﺎ ﻣﺬﺍﻕ ﻣﯿﺮﮮ ﮔﻠﮯ ﭘﮍﺍ ﺍﻭﺭ ﺍﺏ ﺍٓﭖ ﮐﯽ ﺍﻣﯽ ﻧﮯ ﺍٓﭖ ﮐﻮ ﮐﮩﺎ ﺗﮭﺎ ﻣﯿﮟ ﻧﮯ ﻣﻨﺘﯿﮟ ﻧﮩﯿﮟ ﮐﯿﮟ۔۔ ﺍٓﭖ ﮐﮯ ﭘﺎﺋﻮﮞﻨﮩﯿﮟ ﭘﮍﯼ ﺗﮭﯽ ﮐﮧ ﻣﺠﮭﮯ ﺑﮭﯽ ﺳﺎﺗﮫ ﻟﮯ ﮐﺮ ﺟﺎﺋﯿﮟ۔۔ ﺍٓﭖ ﻧﮯ ﻓﻮﺯﺍﻥ ﮐﯽ ﻭﺟﮧ ﺳﮯ ﯾﺎ ﮐﺴﯽ ﮐﮯ ﮐﮩﻨﮯ ﭘﺮ ﻣﺠﮭﮯ ﺑﺮﺩﺍﺷﺖ ﮐﯿﺎ ﮨﮯ ﺗﻮ ﮨﺮ ﺑﺎﺭ ﺟﺘﺎﻧﮯ ﮐﯽ ﺿﺮﻭﺭﺕ ﻧﮩﯿﮟ۔۔ ﻣﯿﮟ ﯾﮧ ﺍﭼﮭﯽ ﻃﺮﺡ ﺟﺎﻧﺘﯽ ﮨﻮﮞ ، ﭘﺘﮭﺮ ﮨﯿﮟ ﺍٓﭖ ۔۔ ﻣﯿﮟ ﺳﻤﺠﮭﺘﯽ ﺗﮭﯽ ﮐﮧ ﭘﺘﮭﺮ ﮐﮯ ﺳﯿﻨﮯ ﻣﯿﮟ ﺑﮭﯽ ﺩﻝ ﮨﻮﺗﺎ ﮨﮯ ﻣﮕﺮ ﺍٓﭖ ﺗﻮ ۔۔ ‘‘ ﻭﮦ ﺑﺮﺡ ﻃﺮﺡ ﺷﺪﺕ ﺳﮯ ﺭﻭ ﺩﯼ۔
’’ ﺩﺭﻭﺍﺯﮦ ﮐﮭﻮﻟﯿﮟ۔۔ ﻣﯿﮟ ﭼﻠﯽ ﺟﺎﺋﻮﮞ ﮔﯽ، ﺭﻭﭘﮯ ﭘﯿﺴﮯ ﮐﮯ ﻋﻼﻭﮦ ﺗﻮ ﻣﯿﺮﯼ ﮨﺮ ﺫﻣﮧ ﺩﺍﺭﯼ ﻣﯿﺮﮮ ﺑﺎﭖ ﻧﮯ ﻧﮩﯿﮟ ﺳﻨﺒﮭﺎﻟﯽ ﺍٓﭖ ﮐﯿﺎ ﺳﻨﺒﮭﺎﻟﯿﮟ ﮔﮯ۔۔ ﭘﻠﯿﺰ ﺩﺭﻭﺍﺯﮦ ﮐﮭﻮﻟﯿﮟ ۔۔ ﯾﮧ ﺍﺣﺴﺎﻥ ﻧﮩﯿﮟ ﮐﺮﯾﮟ ﻣﺠﮫ ﭘﺮ۔ ‘‘ ﻏﺼﮯ ، ﺑﮯ ﺑﺴﯽ ﺟﺬﺑﺎﺗﯿﺖ ﮐﺎ ﺑﮩﺎﺋﻮ ﺍُﺗﺮ ﺍ ﺗﻮ ﺑﺎﻟﮑﻞ ﭼﭗ ﮨﻮ ﮔﺌﯽ ، ﻣﮕﺮ ﺍٓﻧﺴﻮ ﻧﮧ ﺭﮐﮯ۔ ﺍﺱ ﮐﯽ ﻋﺰﺕ ﻧﻔﺲ ﭘﺮ ﯾﮧ ﮔﮩﺮﯼ ﭼﻮﭦ ﻟﮕﯽ ﺗﮭﯽ، ﺟﻮ ﺗﮑﻠﯿﻒ ﺑﮭﯽ ﺷﺪﯾﺪ ﺗﮭﯽ۔ ﺷﮩﺒﺎﺯ ﺣﯿﺪﺭ ﻧﮯ ﺧﺎﻣﻮﺷﯽ ﺳﮯ ﺩﻭﺑﺎﺭﮦ ﮔﺎﮌﯼ ﺍﺳﭩﺎﺭﭦ ﮐﯽ ، ﻭﮦ ﺩﻭﭘﭩﮯ ﺳﮯ ﭼﮩﺮﮦ ﺻﺎﻑ ﮐﺮﮮ ﺍﺑﮭﯽ ﺑﮭﯽ ﺭﻭ ﺭﮨﯽ ﺗﮭﯽ ، ﺍﻭﺭ ﭘﮭﺮ ﻣﺴﻠﺴﻞ ﺭﻭﺗﯽ ﺭﮨﯽ۔ ﺣﺘﯽٰ ﮐﮧ ﺷﮩﺒﺎﺯ ﻧﮯ ﺍﺱ ﮐﯽ ﯾﻮﻧﯿﻮﺭﺳﭩﯽ ﮐﯿﻤﭙﺲ ﮐﮯ ﺳﺎﻣﻨﮯ ﮔﺎﮌﯼ ﺭﻭﮎ ﺩﯼ ﺗﮭﯽ ۔ ﻭﮦ ﺍُﺗﺮﻧﮯ ﻟﮕﯽ ، ﻣﮕﺮ ﺩﺭﻭﺍﺯﮦ ﻻﮎ ﺗﮭﺎ ، ﺭﺥ ﻣﻮﮌ ﮐﺮ ﺷﮩﺒﺎﺯ ﮐﻮ ﺩﯾﮑﮭﺎ۔
’’ ﭼﮩﺮﮦ ﺻﺎﻑ ﮐﺮﻭ ﺍﭘﻨﺎ۔۔ ‘‘ ﺍﺳﯽ ﺳﺨﺖ ، ﺑﮯ ﻟﭽﮏ ﺍﻧﺪﺍﺯ ﻣﯿﮟ ﮐﮩﺎ ﮔﯿﺎ ﺗﮭﺎ ، ﺍﻭﺭ ﺳﺎﺗﮫ ﮨﯽ ﺍٓﮔﮯ ﺑﮍﮪ ﮐﺮ ﺩﺭﻭﺍﺯﮦ ﻻﮎ ﮐﯿﺎ ﺗﮭﺎ۔
’’ ﺑﮯ ﻓﮑﺮ ﺭﮨﯿﮟ ، ﻣﯿﺮﮮ ﺭﻭﻧﮯ ﺳﮯ ﺍٓﭖ ﮐﮯ ﮐﺮﺩﺍﺭ ﭘﺮ ﮐﻮﺋﯽ ﺑﺎﺕ ﻧﮩﯿﮟ ﺍٓﺋﮯ ﮔﯽ۔۔ ‘‘ ﺍﺳﯽ ﺗﻠﺨﯽ ﺳﮯ ﺍﺱ ﻧﮯ ﺟﻮﺍﺏ ﺩﯾﺎ۔
’’ ﻋﯿﺸﮧ۔۔ ‘‘ ﺷﮩﺒﺎﺯ ﻧﮯ ﺑﺮﯼ ﻃﺮﺡ ﭨﻮﮎ ﺩﯾﺎ ۔ ﻋﯿﺸﮧ ﺟﻮﺍﺑﺎً ﭘﺮﻭﺍﮦ ﮐﯿﮯ ﺑﻐﯿﺮ ﺳﺮ ﺟﮭﭩﮏ ﮐﺮ ﮔﺎﮌﯼ ﺳﮯ ﺍُﺗﺮ ﮔﺌﯽ
ﺷﮩﺒﺎﺯ ﺣﯿﺪﺭ ﮐﮯ ﻟﯿﮯ ﻋﯿﺸﮧ ﮐﯽ ﻣﻮﺟﻮﺩﮔﯽ ﻧﺎﻗﺎﺑﻞ ﺑﺮﺩﺍﺷﺖ ﺗﮭﯽ ﺗﻮ ﻋﯿﺸﮧ ﻧﮯ ﺑﮭﯽ ﺧﻮﺩ ﮐﻮ ﺍﺗﻨﺎ ﻣﻀﺒﻮﻁ ﮐﺮ ﻟﯿﺎ ﮐﮧ ﺷﮩﺒﺎﺯ ﺣﯿﺪﺭ ﮐﺎ ﮨﻮﻧﺎ ﯾﺎ ﻧﮧ ﮨﻮﻧﺎ ﺍﺱ ﮐﮯ ﻟﯿﮯ ﺍﯾﮏ ﺑﺮﺍﺑﺮ ﺭﮦ ﮔﯿﺎ ۔ ﻭﮦ ﺍﺱ ﺳﮯ ﻣﺤﺒﺖ ﺿﺮﻭﺭ ﮐﺮﺗﯽ ﺗﮭﯽ، ﺩﻭﻧﻮﮞ ﮐﮯ ﺩﺭﻣﯿﺎﻥ ﺍﯾﮏ ﻣﻀﺒﻮﻁ ﺗﻌﻠﻖ ﺗﮭﺎ ، ﺳﻮ ﻭﮦ ﻣﻄﻤﺌﻦ ﺗﮭﯽ ، ﺍﻭﺭ ﯾﮩﯽ ﺍﻃﻤﯿﻨﺎﻥ ﺍﺱ ﺩﻥ ﮐﮯ ﺑﻌﺪ ﺟﺐ ﺷﮩﺒﺎﺯ ﮐﯽ ﮔﺎﮌﯼ ﻣﯿﮟ ﺗﮭﯽ ﮐﮯ ﺑﻌﺪ ﺍﺱ ﮐﮯ ﮨﺮ ﺍﻧﺪﺍﺯ ﺳﮯ ﭼﮭﻠﮑﻨﮯ ﻟﮕﺎ ﺗﮭﺎ ، ﺍﺱ ﻧﮯ ﺳﻮﭺ ﻟﯿﺎ ﺗﮭﺎ ﮐﮧ ﻭﮦ ﺍﺏ ﺷﮩﺒﺎﺯ ﺣﯿﺪﺭ ﮐﻮ ﺍﭘﻨﯽ ﺍﺱ ﺩﺭﺟﮧ ﺗﺬﻟﯿﻞ ﮐﺮﻧﮯ ﮐﺎ ﻣﻮﻗﻊ ﻧﮩﯿﮟ ﺩﮮ ﮔﯽ۔ ﺍﺱ ﻧﮯ ﺑﮭﯽ ﺧﻮﺩ ﮐﻮ ﺟﺎﻥ ﺑﻮﺟﮫ ﮐﺮ ﺑﮯ ﺣﺴﯽ ﮐﯽ ﭼﺎﺩﺭ ﺍﻭﮌﮬﺎ ﺩﯼ ﺗﮭﯽ ، ﻓﻮﺯﺍﻥ ﮐﯽ ﺫﻣﮧ ﺩﺍﺭﯼ ﻭﮦ ﺍﺏ ﺑﮭﯽ ﭘﻮﺭﯼ ﺧﻮﺵ ﺍﺳﻠﻮﺑﯽ ﺳﮯ ﻧﺒﮭﺎﺗﯽ ﺗﮭﯽ ، ﻣﮕﺮ ﺷﮩﺒﺎﺯ ﺣﯿﺪﺭ ﮐﮯ ﺳﻠﺴﻠﮯ ﻣﯿﮟ ﺍﺱ ﻧﮯ ﻣﮑﻤﻞ ﻻ ﺗﻌﻠﻘﯽ ﺍﺧﺘﯿﺎﺭ ﮐﺮ ﻟﯽ ﺗﮭﯽ ، ﺍﯾﮏ ﮔﮭﺮ ﻣﯿﮟ ﺭﮨﺘﮯ ﮨﻮﺋﮯ ﺳﺐ ﮐﯽ ﻣﻮﺟﻮﺩﮔﯽ ﻣﯿﮟ ﯾﮧ ﻣﻤﮑﻦ ﺗﻮ ﻧﮧ ﺗﮭﺎ ﻣﮕﺮ ﺷﮩﺒﺎﺯ ﺣﯿﺪﺭ ﮐﮯ ﺳﻠﺴﻠﮯ ﻣﯿﮟ ﺍﺱ ﻧﮯ ﯾﮧ ﻣﻤﮑﻦ ﮐﺮ ﻟﯿﺎ ﺗﮭﺎ ۔
ﻣﺤﺴﻦ ﺟﺎﻭﯾﺪ ﮐﺎ ﺭﺷﺘﮧ ﺷﮩﻼ ﻭﺍﺟﺪ ﮐﮯ ﻟﯿﮯ ﺍٓﯾﺎ ﺗﮭﺎ ، ﻭﯾﺴﮯ ﺗﻮ ﯾﮧ ﺳﺐ ﮐﮯ ﻟﯿﮯ ﺣﯿﺮﺕ ﮐﯽ ﺑﺎﺕ ﺗﮭﯽ ﻣﮕﺮ ﻋﯿﺸﮧ ﮐﻮ ﺷﺎﯾﺪ ﺍﺱ ﺭﺷﺘﮯ ﮐﯽ ﺍﻣﯿﺪ ﺗﮭﯽ ، ﺍﻭﺭ ﭘﮭﺮ ﺑﮍﻭﮞ ﻣﯿﮟ ﯾﮧ ﺭﺷﺘﮧ ﻓﺎﺋﻨﻞ ﮨﻮ ﮔﯿﺎ ﺗﮭﺎ ۔ ﺩﻭﻧﻮﮞ ﻃﺮﻑ ﺳﮯ ﺑﺎﻗﺎﻋﺪﮦ ﻣﻨﮕﻨﯽ ﮐﺎ ﺍِﺭﺍﺩﮦ ﺗﮭﺎ، ﻣﻨﮕﻨﯽ ﮐﮯ ﺩﻧﻮﮞ ﻣﯿﮟ ﻭﮦ ﻓﻮﺯﺍﻥ ﺳﻤﯿﺖ ﻭﺍﺟﺪ ﺻﺎﺣﺐ ﮐﮯ ﮨﺎﮞ ﭼﻠﯽ ﺍٓﺋﯽ ﺗﮭﯽ ، ﯾﻮﻧﯿﻮﺭﺳﭩﯽ ﺳﮯ ﺍﺩﮬﺮ ﭼﻠﯽ ﺟﺎﺗﯽ ﺗﮭﯽ ، ﻓﻮﺯﺍﻥ ﺑﮭﯽ ﭘﺎﺑﻨﺪﯼ ﺳﮯ ﺍﺳﮑﻮﻝ ﺟﺎ ﺭﮨﺎ ﺗﮭﺎ ، ﻣﻨﮕﻨﯽ ﮐﯽ ﺗﻘﺮﯾﺐ ﺗﯿﻦ ﺩﻥ ﺑﻌﺪ ﺗﮭﯽ ، ﮨﻔﺘﮧ ﮨﻮ ﮔﯿﺎ ﺗﮭﺎ ﺍﺳﮯ ﯾﮩﺎﮞ ﺍٓﺋﮯ ﮨﻮﺋﮯ ۔ ﺍٓﺝ ﮐﻞ ﺍﺱ ﮐﮯ ﺑﮩﺖ ﺿﺮﻭﺭﯼ ﭘﺮﯾﮑﭩﯿﮑﻞ ﮨﻮ ﺭﮨﮯ ﺗﮭﮯ ، ﺍﺱ ﻟﯿﮯ ﺭﻭﺯ ﯾﻮﻧﯿﻮﺭﺳﭩﯽ ﺍٓﻧﺎ ﭘﮍ ﺭﮨﺎ ﺗﮭﺎ ۔ ﺍٓﺝ ﺑﮭﯽ ﺍﺳﯽ ﺳﻠﺴﻠﮯ ﻣﯿﮟ ﻭﮦ ﺍٓﺋﯽ ﺗﮭﯽ ، ﺳﺎﺭﺍ ﺩﻥ ﻣﺼﺮﻭﻑ ﮔﺰﺭﺍ ﺗﮭﺎ ، ﺗﯿﻦ ﺑﺠﮯ ﮐﮯ ﻗﺮﯾﺐ ﻭﮦ ﻓﺎﺭﻍ ﮨﻮﺋﯽ ﺗﮭﯽ ۔ ﺷﮩﻼ ﮐﻮ ﺍٓﺝ ﺷﺎﭘﻨﮓ ﮐﮯ ﻟﯿﮯ ﺟﺎﻧﺎ ﺗﮭﺎ ، ﺍﺱ ﻧﮯ ﺟﻠﺪﯼ ﺍٓﻧﮯ ﮐﻮ ﮐﮩﺎ ﺗﮭﺎ ، ﻭﮦ ﺗﯿﺰ ﺗﯿﺰ ﻗﺪﻡ ﺍُﭨﮭﺎﺗﮯ ﮔﯿﭧ ﺳﮯ ﺑﺎﮨﺮ ﻧﮑﻠﯽ ﺗﮭﯽ، ﻣﮕﺮ ﺍﭘﻨﮯ ﺳﺎﻣﻨﮯ ﮐﮭﮍﯼ ﺳﯿﺎﮦ ﮔﺎﮌﯼ ﮐﻮ ﺩﯾﮑﮫ ﮐﺮ ﻭﮦ ﭨﮭﭩﮏ ﮔﺌﯽ ۔ ﺑﮍﮮ ﺭﯾﻠﯿﮑﺲ ﻣﻮﮈ ﻣﯿﮞﮕﺎﮌﯼ ﺳﮯ ﭨﯿﮏ ﻟﮕﺎﺋﮯ، ﺳﻦ ﮔﻼﺳﺰ ﻟﮕﺎﺋﮯ ﺷﮩﺒﺎﺯ ﺣﯿﺪﺭ ﻣﻨﺘﻈﺮ ﺗﮭﮯ ، ﺟﺒﮑﮧ ﮔﺎﮌﯼ ﮐﯽ ﭘﭽﮭﻠﯽ ﺳﯿﭧ ﭘﺮ ﻧﻈﺮ ﺍٓﺗﮯ ﺷﮩﻼ ﺍﻭﺭ ﻓﻮﺯﺍﻥ ﮐﮯ ﭼﮩﺮﮮ۔۔
’’ ﺍٓﭖ۔۔ ‘‘ ﭘﻮﺭﮮ ﺍﯾﮏ ﮨﻔﺘﮯ ﺑﻌﺪ ﺩﯾﮑﮫ ﺭﮨﯽ ﺗﮭﯽ ، ﺳﻮ ﻭﮦ ﺑﮭﯽ ﯾﮩﺎﮞ۔۔ ﺣﯿﺮﺕ ﯾﻘﯿﻨﯽ ﺗﮭﯽ۔
’’ ﺍﻟﺴﻼﻡ ﻋﻠﯿﮑﻢ۔۔ ‘‘ ﺍﺳﮯ ﺍﯾﮏ ﺍﻭﺭ ﺟﮭﭩﮑﺎ ﻟﮕﺎ ، ﺑﻐﻮﺭ ﺩﯾﮑﮭﺎ ، ﯾﮧ ﺷﺨﺺ ﺍﺱ ﭘﺮ ﺳﻼﻣﯽ ﺑﮭﯿﺠﻨﺎ ﺗﻮ ﺩﻭﺭ ﮐﯽ ﺑﺎﺕ ﻧﻔﺮﺕ ﮐﯽ ﻧﻈﺮ ﮈﺍﻟﺘﮯ ﮨﻮﺋﮯ ﺑﮭﯽ ﮨﺰﺍﺭ ﺑﺎﺭ ﺳﻮﭼﺘﺎ ﺗﮭﺎ ، ﻭﮦ ﺧﺎﻣﻮﺷﯽ ﺳﮯ ﺳﺮ ﮨﻼ ﮔﺌﯽ ۔ ﺷﮩﻼ ﻧﮯ ﺑﮭﯽ ﺍﺳﮯ ﺩﯾﮑﮫ ﮐﺮ ﮔﺎﮌﯼ ﮐﺎ ﺷﯿﺸﮧ ﻧﯿﭽﮯ ﮐﯿﺎ۔
’’ ﺍٓﭖ ﮐﮯ ﺍﻧﺘﻈﺎﺭ ﺳﮯ ﮔﮭﺒﺮﺍ ﮐﺮ ﻣﯿﮟ ﺍٓﭖ ﮐﻮ ﻟﯿﻨﮯ ﺍٓ ﮔﺌﯽ ﮨﻮﮞ۔۔ ﺷﮩﺒﺎﺯ ﺑﮭﺎﺋﯽ ﯾﻮﻧﮩﯽ ﺍٓﺋﮯ ﺗﮭﮯ، ﻣﯿﮟ ﻧﮯ ﭼﻠﻨﮯ ﮐﻮ ﮐﮩﺎ ﺗﻮ ﭼﻠﮯ ﺍٓﺋﮯ۔۔ ﺍﺏ ﻓﭩﺎ ﻓﭧ ﺑﯿﭩﮭﯿﮟ، ﭘﮩﻠﮯ ﮨﯽ ﺑﮍﯼ ﺩﯾﺮ ﮨﻮ ﭼﮑﯽ ﮨﮯ۔۔ ‘‘ ﺷﮩﻼ ﮐﯽ ﺑﺎﺕ ﭘﺮ ﺍﺱ ﻧﮯ ﺍﯾﮏ ﮔﮩﺮﯼ ﺳﺎﻧﺲ ﻟﯽ ، ﻭﺭﻧﮧ ﺷﮩﺒﺎﺯ ﺣﯿﺪﺭ ﮐﯽ ﻏﯿﺮ ﻣﺘﻮﻗﻊ ﺍٓﻣﺪ ﭘﺮ ﻧﺠﺎﻧﮯ ﺩﻝ ﺧﻮﺵ ﻓﮩﻤﯿﻮﮞ ﮐﮯ ﮐﻦ ﺳﻤﻨﺪﺭﻭﮞ ﻣﯿﮟ ﮈﺑﮑﯽ ﻟﮕﺎ ﺍٓﯾﺎ ﺗﮭﺎ ، ﺗﻠﺨﯽ ﺳﮯ ﻣﺴﮑﺮﺍ ﮐﺮ ﻭﮦ ﺍٓﮔﮯ ﺑﮍﮬﯽ ، ﻓﺮﻧﭧ ﮈﻭﺭ ﮐﮭﻼ ﮨﻮﺍ ﺗﮭﺎ ، ﻭﮦ ﺧﺎﻣﻮﺷﯽ ﺳﮯ ﺑﯿﭩﮫ ﮔﺌﯽ۔
’’ ﻓﻮﺯﺍﻥ ۔۔ ﺍٓﭖ ﺍﺳﮑﻮﻝ ﺳﮯ ﮐﺐ ﺍٓﺋﮯ۔۔ ﺍﻭﺭ ﯾﮧ ﯾﻮﻧﯿﻔﺎﺭﻡ ﺑﮭﯽ ﻧﮩﯿﮟ ﺑﺪﻻ۔۔ ‘‘ ﭘﭽﮭﻠﯽ ﻃﺮﻑ ﺭﺥ ﮐﺮ ﮐﮯ ﺍﺱ ﻧﮯ ﻓﻮﺯﺍﻥ ﺳﮯ ﭘﻮﭼﮭﺎ ﺗﮭﺎ ۔
’’ ﯾﮧ ﺍﯾﮏ ﺑﺠﮯ ﮨﯽ ﺍٓ ﮔﯿﺎ ﺗﮭﺎ ، ﺩﺍﺩﺍ ﺟﺎﻥ ﻋﺪﯾﻞ ﻭﻏﯿﺮﮦ ﮐﻮ ﻟﯿﻨﮯ ﮔﺌﮯ ﺗﻮ ﺍﻥ ﮐﮯ ﺳﺎﺗﮫ ﭼﻼ ﮔﯿﺎ ﺗﮭﺎ ، ﺩﻭ ﺑﺠﮯ ﮐﮯ ﻗﺮﯾﺐ ﺷﮩﺒﺎﺯ ﺑﮭﺎﺋﯽ ﺍﺳﮯ ﮨﯽ ﭼﮭﻮﮌﻧﮯ ﺍٓﺋﮯ ﺗﮭﮯ ، ﮐﮩﮧ ﺭﮨﮯ ﺗﮭﮯ ﮐﮧ ﺍٓﭖ ﮐﮯ ﭘﺎﺱ ﺍٓﻧﮯ ﮐﯽ ﺿﺪ ﮐﺮ ﺭﮨﺎ ﺗﮭﺎ ۔ ‘‘ ﺷﮩﻼ ﻧﮯ ﺟﻮﺍﺏ ﺩﯾﺎ ﺗﮭﺎ۔
’’ ﮐﮭﺎﻧﺎ ﮐﮭﺎﯾﺎ ﺗﮭﺎ ۔۔؟ ‘‘
’’ ﺩﺍﺩﺍ ﻧﮯ ﮐﮭﻼ ﺩﯾﺎ ﺗﮭﺎ ۔۔ ﭘﮭﺮ ﭘﺎﭘﺎ ﻧﮯ ﺍٓﺋﺲ ﮐﺮﯾﻢ ﮐﮭﻼﺋﯽ ﺗﮭﯽ ۔۔ ﻣﺎﻣﺎ ﻣﯿﮟ ﺍٓﮔﮯ ﺍٓ ﺟﺎﺋﻮﮞ۔۔؟ ‘‘ ﺍﺱ ﮐﮯ ﻣﺴﮑﺮﺍ ﮐﺮ ﺳﺮ ﮨﻼﻧﮯ ﭘﺮ ﻭﮦ ﺳﯿﭧ ﮐﯽ ﺑﯿﮏ ﺳﮯ ﺟﮕﮧ ﺑﻨﺎ ﮐﺮ ﺍﭼﮭﻞ ﮐﺮ ﺍٓﮔﮯ ﺍٓ ﮔﯿﺎ ﺗﮭﺎ ، ﺍﺱ ﮐﯽ ﺟﮭﻮﻟﯽ ﻣﯿﮟ ﺑﯿﭩﮫ ﮐﺮ ﺑﺘﺎﻧﮯ ﻟﮕﺎ۔
’’ ﻣﺎﻣﺎ ۔۔ ﺑﺎﺑﺎ ﻧﮯ ﭘﺮﺍﻣﺲ ﮐﯿﺎ ﮨﮯ ﮐﮧ ﻭﮦ ﺍٓﺝ ﻣﺠﮭﮯ ﺷﺎﭘﺰ ﺳﮯ ﺍﭼﮭﮯ ﺍﭼﮭﮯ ﮐﭙﮍﮮ ﻟﮯ ﮐﺮ ﺩﯾﮟ ﮔﮯ ۔۔ ﮐﮭﻠﻮﻧﮯ ﺑﮭﯽ ﺍﻭﺭ ﺑﮍﺍ ﺳﺎ ﺟﮩﺎﺯ ﺑﮭﯽ ۔۔ ‘‘ ﻓﻮﺯﺍﻥ ﮐﮯ ﭼﮩﺮﮮ ﮐﯽ ﺧﻮﺷﯽ ﺩﯾﮑﮭﻨﮯ ﮐﮯ ﻗﺎﺑﻞ ﺗﮭﯽ ، ﻭﮦ ﻣﺴﮑﺮﺍ ﺩﯼ۔
’’ ﭘﺎﭘﺎ ﻣﺎﻣﺎ ﮐﮯ ﺑﮭﯽ ﺍﭼﮭﮯ ﺍﭼﮭﮯ ﮐﭙﮍﮮ ﻟﯿﮟ ﮔﮯ ﺍﻭﺭ ﺍٓﭖ ﮐﮯ ﺑﮭﯽ ۔۔ ‘‘ ﺍﺱ ﮐﮯ ﻣﺴﮑﺮﺍﻧﮯ ﭘﺮ ﻭﮦ ﻓﻮﺭﺍً ﮔﺎﮌﯼ ﮈﺭﺍﺋﯿﻮ ﮐﺮﺗﮯ ﺷﮩﺒﺎﺯ ﮐﯽ ﻃﺮﻑ ﻣﺘﻮﺟﮧ ﮨﻮﺍ ﺗﮭﺎ ۔ ﻋﯿﺸﮧ ﻧﮯ ﻓﻮﺭﺍً ﺭﺥ ﺑﺪﻝ ﻟﯿﺎ ، ﺑﺎﮨﺮ ﺩﯾﮑﮭﻨﮯ ﻟﮕﯽ ، ﺍﺱ ﺩﻥ ﮐﮯ ﺑﻌﺪ ﺍﺱ ﻧﮯ ﺍﺱ ﺷﺨﺺ ﺳﮯ ﺑﺎﺕ ﮐﺮﻧﺎ ﭼﮭﻮﮌ ﺩﯾﺎ ﺗﮭﺎ۔
’’ ﮨﻮﮞ۔۔ ‘‘ ﺷﮩﺒﺎﺯ ﻧﮯ ﺑﯿﭩﮯ ﮐﮯ ﺟﻮﺍﺏ ﻣﯿﮟ ﮐﮩﺎ ﺗﮭﺎ۔
’’ ﻣﺎﻣﺎ ۔۔ﺍٓﭖ ﮐﯿﺴﮯ ﮐﭙﮍﮮ ﻟﯿﮟ ﮔﯽ۔۔؟ ﺑﺎﻟﮑﻞ ﻭﯾﺴﮯ ﻟﯿﺠﺌﮯ ﮔﺎ ﺟﯿﺴﮯ ﺍٓﭖ ﻧﮯ ﺍﺱ ﺩﻥ ﭘﮩﻨﮯ ﺗﮭﮯ ﺟﺐ ﺍٓﭖ ﺩﻟﮩﻦ ﺑﻨﯽ ﺗﮭﯽ ﻧﺎ۔۔ ﭘﺎﭘﺎ ﮨﻢ ﻣﺎﻣﺎ ﮐﮯ ﺩﻟﮩﻨﻮﮞ ﻭﺍﻟﮯ ﮐﭙﮍﮮ ﻟﯿﮟ ﮔﮯ۔۔ ﮨﯿﮟ ﻧﺎ۔۔؟ ‘‘ ﻭﮦ ﺷﮩﺒﺎﺯ ﮐﮯ ﺳﺎﺗﮫ ﺳﺎﺗﮫ ﺍﺱ ﮐﺎ ﺑﮭﯽ ﺳﺮ ﮐﮭﺎ ﺭﮨﺎ ﺗﮭﺎ ۔ ﻋﯿﺸﮧ ﺍﯾﮏ ﺩﻡ ﺧﻔﺖ ﺳﮯ ﺩﻭ ﭼﺎﺭ ﮨﻮﺋﯽ۔
’’ ﻓﻮﺯﯼ ﭼﭗ ﮐﺮ ﮐﮯ ﺑﯿﭩﮭﻮ۔۔ ‘‘ ﺍﺱ ﻧﮯ ﭨﻮﮎ ﺩﯾﺎ۔ ﺑﮍﯼ ﺑﺎﺗﯿﮟ ﮐﺮﻧﯽ ﺍٓ ﮔﺌﯽ ﮨﯿﮟ ﺗﻤﮩﯿﮟ۔۔ ‘‘ ﺷﮩﺒﺎﺯ ﺣﯿﺪﺭ ﻧﮯ ﺭﺥ ﻣﻮﮌ ﮐﺮ ﺍﺳﮯ ﺩﯾﮑﮭﺎ ، ﺳﺮﺥ ﺧﻔﺖ ﺳﮯ ﺩﻭﭼﺎﺭ ﭼﮩﺮﮮ ﭘﺮ ﺑﺮﮨﻤﯽ ﮐﮯ ﺍٓﺛﺎﺭ ﺗﮭﮯ ۔ ﭘﭽﮭﻠﯽ ﺳﯿﭧ ﭘﺮ ﺑﯿﭩﮭﯽ ﺷﮩﻼ ، ﻋﯿﺸﮧ ﮐﮯ ﻓﻮﺯﺍﻥ ﮐﻮ ﮈﺍﻧﭩﻨﮯ ﭘﺮ ﮨﻨﺲ ﺩﯼ۔
’’ ﺑﮭﻼ ﺑﭽﮯ ﺑﯿﭽﺎﺭﮮ ﮐﻮ ﮐﯿﻮﮞ ﮈﺍﻧﭧ ﺭﮨﯽ ﮨﻮ۔۔ ﺍﺱ ﻣﯿﮟ ﺍﺱ ﮐﺎ ﮐﯿﺎ ﻗﺼﻮﺭ ۔۔؟ ‘‘
’’ ﺑﮍﺍ ﺗﯿﺰ ﮨﻮﺗﺎ ﺟﺎ ﺭﮨﺎ ﮨﮯ ﯾﮧ۔۔ ‘‘ ﻣﻨﮧ ﺑﺴﻮﺭﺗﮯ ﻓﻮﺯﺍﻥ ﮐﻮ ﺩﯾﮑﮫ ﮐﺮ ﺍﺱ ﻧﮯ ﺍﭘﻨﯽ ﺧﻔﺖ ﻣﭩﺎﺋﯽ ﺗﮭﯽ ، ﮨﻠﮑﯽ ﺳﯽ ﭼﭙﺖ ﻟﮕﺎﺋﯽ ﺗﮭﯽ، ﺍﺱ ﮐﺎ ﻣﻨﮧ ﭘﮭﻮﻝ ﮔﯿﺎ۔
’’ ﻣﺠﮭﮯ ﻧﮩﯿﮟ ﺑﯿﭩﮭﻨﺎ ﺍٓﭖ ﮐﮯ ﭘﺎﺱ ۔۔ ﮔﻨﺪﯼ ﮨﯿﮟ ۔۔ ﮈﺍﻧﭩﺘﯽ ﮨﯿﮟ ، ﭘﺎﭘﺎ ! ﻣﺎﻣﺎ ﮔﻨﺪﯼ ﮨﯿﮟ۔۔ ‘‘ ﻓﻮﺯﺍﻥ ﮐﻮ ﮈﺍﻧﭧ ﮐﺎ ﺑﮍﺍ ﭘﺘﺎ ﺗﮭﺎ ، ﻓﻮﺭﺍً ﻭﺍﮎ ﺍٓﺋﻮﭦ ﮐﺮ ﺟﺎﺗﺎ ﺗﮭﺎ ، ﺍﺏ ﺑﮭﯽ ﻋﯿﺸﮧ ﮐﮯ ﮈﺍﻧﭩﻨﮯ ﭘﺮ ﺑﺮﮮ ﺑﺮﮮ ﻣﻨﮧ ﺑﻨﺎﺗﺎ ﺍﺱ ﮐﯽ ﮔﻮﺩ ﺳﮯ ﻧﮑﻞ ﮐﺮ ﺷﮩﺒﺎﺯ ﮐﯽ ﮔﻮﺩ ﻣﯿﮟ ﺟﺎ ﺑﯿﭩﮭﺎ ﺗﮭﺎ ۔ ﺷﮩﺒﺎﺯ ﻧﮯ ﮔﺎﮌﯼ ﮈﺭﺍﺋﯿﻮ ﮐﺮﺗﮯ ﺍﺱ ﮐﮯ ﮔﺮﺩ ﺑﺎﺯﻭ ﻟﭙﯿﭧ ﮐﺮ ﺳﯿﺪﮬﺎ ﮐﯿﺎ ﺗﮭﺎ، ﭘﮭﺮ ﻣﺴﮑﺮﺍ ﮐﺮ ﺩﯾﮑﮭﺎ۔ ﻋﯿﺸﮧ ﭼﭗ ﮐﺮ ﮐﮯ ﺑﺎﮨﺮ ﺩﯾﮑﮭﻨﮯ ﻟﮕﯽ۔ ﺷﮩﻼ ﻧﮯ ﺍﭘﻨﯽ ﺿﺮﻭﺭﯼ ﺷﺎﭘﻨﮓ ﮐﺮﻧﯽ ﺗﮭﯽ ، ﺍﺱ ﻧﮯ ﻭﮦ ﮐﯽ ﺗﮭﯽ۔ ﺷﮩﺒﺎﺯ ﺣﯿﺪﺭ ﻧﮯ ﻓﻮﺯﺍﻥ ﮐﮯ ﻟﯿﮯ ﮐﭽﮫ ﮐﭙﮍﮮ ﮐﮭﻠﻮﻧﮯ ﺍﻭﺭ ﺿﺮﻭﺭﯼ ﭼﯿﺰﯾﮟ ﻟﯽ ﺗﮭﯿﮟ ، ﭘﮭﺮ ﺳﺮﺩﯾﻮﮞ ﮐﺎ ﻣﻮﺳﻢ ﺗﮭﺎ ، ﺍﺳﯽ ﻣﻨﺎﺳﺒﺖ ﺳﮯ ﮐﭙﮍﮮ ﺧﺮﯾﺪﮮ ﺗﮭﮯ ، ﺷﮩﻼ ﮐﮯ ﺑﺎﺭ ﺑﺎﺭ ﮐﮩﻨﮯ ﭘﺮ ﺑﮭﯽ ﻋﯿﺸﮧ ﻧﮯ ﮐﭽﮫ ﻧﮩﯿﮟ ﻟﯿﺎ ﺗﮭﺎ ۔ ﯾﮧ ﻧﮩﯿﮟ ﺗﮭﺎ ﮐﮧ ﺍﺱ ﮐﮯ ﭘﺎﺱ ﭘﯿﺴﮯ ﻧﮩﯿﮟ ﺗﮭﮯ ، ﺩﺍﺩﺍ ﺟﺎﻥ ﻭﺍﺟﺪ ﺻﺎﺣﺐ ، ﺩﺍﺩﯼ ﺍﻣﯽ ، ﺳﺐ ﮨﯽ ﺍﺳﮯ ﺍﮐﺜﺮ ﭘﯿﺴﮯ ﺩﯾﺘﮯ ﺭﮨﺘﮯ ﺗﮭﮯ ، ﺍﺱ ﻭﻗﺖ ﺑﮭﯽ ﺍﭼﮭﮯ ﺧﺎﺻﮯ ﭘﯿﺴﮯ ﺗﮭﮯ ﻣﮕﺮ ﺩﻝ ﺟﺐ ﻧﮧ ﻣﺎﻧﺘﺎ ﮨﻮ ﺗﻮ ﮐﭽﮫ ﭼﯿﺰﺑﮭﯽ ﺍﭼﮭﯽ ﻧﮩﯿﮟ ﻟﮕﺘﯽ ، ﺷﮩﺒﺎﺯ ﺣﯿﺪﺭ ﮨﻮﺗﮯ ﺗﻮ ﺷﺎﯾﺪ ﮐﭽﮫ ﻟﮯ ﻟﯿﺘﯽ ﻣﮕﺮ ﺍﺏ ﺩﻝ ﻣﯿﮟ ﮐﻮﺋﯽ ﺟﺰﺑﺰ ﻧﮧ ﺗﮭﺎ ، ﭘﮭﺮ ﺍﺱ ﮐﮯ ﭘﺎﺱ ﺍﭼﮭﮯ ﺧﺎﺻﮯ ﮐﭙﮍﮮ ﻣﻮﺟﻮﺩ ﺗﮭﮯ ۔ ﻧﮑﺎﺡ ﮐﮯ ﻟﯿﮯ ﭘﺎﻧﭻ ﭼﮫ ﺍﭼﮭﮯ ﺧﺎﺻﮯ ﻗﯿﻤﺘﯽ ﻓﯿﻨﺴﯽ ﮈﺭﯾﺲ ﭼﭽﯽ ﺟﺎﻥ ﻧﮯ ﺑﻨﻮﺍﺋﮯ ﺗﮭﮯ ، ﻭﮦ ﺑﻐﯿﺮ ﭼﮭﻮﺋﮯ ﭘﮍﮮ ﮨﻮﺋﮯ ﺗﮭﮯ ، ﻭﮦ ﻣﻄﻤﺌﻦ ﺗﮭﯽ ، ﮐﮧ ﺍﻥ ﻣﯿﮟ ﺳﮯ ﮐﻮﺋﯽ ﺍﯾﮏ ﭘﮩﻦ ﻟﮯ ﮔﯽ ۔ ﻭﮦ ﺩﻭﻧﻮﮞ ﺟﯿﻮﻟﺮﯼ ﮐﯽ ﺩﮐﺎﻥ ﻣﯿﮟ ﺗﮭﯿﮟ ، ﺟﺐ ﺷﮩﺒﺎﺯ ﻓﻮﺯﺍﻥ ﮐﻮ ﺍﻥ ﮐﮯ ﭘﺎﺱ ﭼﮭﻮﮌ ﮐﺮ ﺧﻮﺩ ﭼﻼ ﮔﯿﺎ ﺗﮭﺎ ، ﺍﯾﮏ ﮔﮭﻨﭩﮯ ﮐﮯ ﺑﻌﺪ ﺍﻥ ﮐﯽ ﺍٓﻣﺪ ﮨﻮﺋﯽ ﺗﮭﯽ ، ﺍﻥ ﮐﮯ ﮨﺎﺗﮫ ﻣﯿﮟ ﮐﺌﯽ ﺷﺎﭘﺮﺯ ﺗﮭﮯ ، ﺷﺎﯾﺪ ﺍﻧﮩﻮﮞ ﻧﮯ ﺍﭘﻨﮯ ﻟﯿﮯ ﺷﺎﭘﻨﮓ ﮐﯽ ﺗﮭﯽ ، ﺷﮩﻼ ﮐﯽ ﺷﺎﭘﻨﮓ ﻣﮑﻤﻞ ﺗﮭﯽ ، ﺻﺮﻑ ﺷﮩﺒﺎﺯ ﮐﺎ ﺍﻧﺘﻈﺎﺭ ﺗﮭﺎ ، ﺷﺎﻡ ﮨﻮ ﺭﮨﯽ ﺗﮭﯽ ، ﻋﯿﺸﮧ ﮐﺎ ﺑﮭﻮﮎ ﺳﮯ ﺑﺮﺍ ﺣﺎﻝ ﮨﻮ ﺭﮨﺎ ﺗﮭﺎ ، ﺻﺒﺢ ﺳﮯ ﭘﯿﭧ ﻣﯿﮟ ﺳﻼﺋﺲ ﺍﻭﺭ ﺍﯾﮏ ﭼﺎﺋﮯ ﮐﮯ ﮐﭗ ﮐﮯ ﻋﻼﻭﮦ ﮐﭽﮫ ﺑﮭﯽ ﻧﮩﯿﮟ ﺗﮭﺎ ، ﺍﻭﭘﺮ ﺳﮯ ﯾﮧ ﺑﺎﺯﺍﺭ ﮐﯽ ﺧﺮﯾﺪﺍﺭﯼ ۔۔ ﺳﺎﺭﺍ ﺩﻥ ﺑﺎﮨﺮ ﮔﺰﺍﺭ ﮐﺮ ﺍﺏ ﺍﺱ ﮐﺎ ﺟﺴﻢ ﺩﺭﺩ ﺳﮯ ﭼُﻮﺭ ﮨﻮ ﺭﮨﺎ ﺗﮭﺎ ۔
ﻭﺍﭘﺴﯽ ﻣﯿﮟ ﺷﮩﺒﺎﺯ ﺍﻥ ﮐﻮ ﺍﯾﮏ ﺭﯾﺴﭩﻮﺭﻧﭧ ﻣﯿﮟ ﻟﮯ ﺍٓﺋﮯ ﺗﮭﮯ ، ﻋﯿﺸﮧ ﺳﯿﺪﮬﺎ ﮔﮭﺮ ﺟﺎﻧﺎ ﭼﺎﮨﺘﯽ ﺗﮭﯽ ، ﺍﺳﮯ ﮨﻮﭨﻠﻮﮞ ﮐﯽ ﯾﮧ ﻋﯿﺎﺷﯽ ﮐﺒﮭﯽ ﺍﭼﮭﯽ ﻧﮧ ﻟﮕﯽ ﺗﮭﯽ ﻣﮕﺮ ﺍﺏ ﮐﯿﺎ ﮐﮩﮧ ﺳﮑﺘﯽ ﺗﮭﯽ ، ﺍﺱ ﻧﮯ ﺷﮩﺒﺎﺯ ﺣﯿﺪﺭ ﺳﮯ ﮐﺒﮭﯽ ﻧﮧ ﺑﻮﻟﻨﮯ ﮐﯽ ﻗﺴﻢ ﮐﮭﺎﺋﯽ ﺗﮭﯽ ، ﺑﮭﻮﮎ ﺳﮯ ﺑﺮﺍ ﺣﺎﻝ ﮨﻮﻧﮯ ﮐﮯ ﺑﺎﻭﺟﻮﺩ ﻋﯿﺸﮧ ﻭﺍﺟﺪ ﻧﮯ ﺍﯾﮏ ﻟﻘﻤﮧ ﺑﮭﯽ ﻧﮩﯿﮟ ﻟﯿﺎ ﺗﮭﺎ ۔ ﻓﻮﺯﺍﻥ ﺷﮩﻼ ﻧﮯ ﺍﺱ ﺳﮯ ﮐﺘﻨﯽ ﻣﺮﺗﺒﮧ ﮐﭽﮫ ﻧﮧ ﮐﭽﮫ ﮐﮭﺎ ﻟﯿﻨﮯ ﮐﺎ ﺍﺻﺮﺍﺭ ﮐﯿﺎ ﺗﮭﺎ ،ﻣﮕﺮ ﭘﺎﻧﯽ ﮐﮯ ﺍﯾﮏ ﮔﻼﺱ ﮐﮯ ﻋﻼﻭﮦ ﺍﺱ ﻧﮯ ﺣﻠﻖ ﺳﮯ ﮐﭽﮫ ﺑﮭﯽ ﻧﮧ ﺍﺗﺎﺭﺍ ﺗﮭﺎ ۔ ﺷﮩﺒﺎﺯ ﺣﯿﺪﺭ ﺍﺳﮯ ﻓﻮﺯﺍﻥ ﮐﯽ ﻭﺟﮧ ﺳﮯ ﺍﭘﻨﯽ ﺯﻧﺪﮔﯽ ﻣﯿﮟ ﺷﺎﻣﻞ ﮐﺮﻧﮯ ﭘﺮ ﻣﺠﺒﻮﺭ ﮨﻮﺍ ﺗﮭﺎ ، ﻭﮦ ﺟﺎﻥ ﮔﺌﯽ ﺗﮭﯽ ﺳﻮ ﺍﺱ ﻧﮯ ﺧﻮﺩ ﮐﻮ ﻓﻮﺯﺍﻥ ﮐﯽ ﺣﺪ ﺗﮏ ﻣﺤﺪﻭﺩ ﮐﺮ ﻟﯿﺎ ﺗﮭﺎ ، ﻭﮦ ﺍﺱ ﺷﺨﺺ ﮐﺎ ﮐﻮﺋﯽ ﺍﺣﺴﺎﻥ ﻧﮩﯿﮟ ﻟﯿﻨﺎ ﭼﺎﮨﺘﯽ ﺗﮭﯽ ، ﻭﺍﭘﺴﯽ ﮐﺎ ﺳﻔﺮ ﻭﮦ ﺷﺎﻡ ﮐﮯ ﻣﻠﮕﺠﮯ ﺍﻧﺪﮬﯿﺮﮮ ﻣﯿﮟ ﮐﭽﮫ ﻧﮧ ﮐﭽﮫ ﮐﮭﻮﺟﺘﯽ ﺭﮨﯽ ﺗﮭﯽ ۔ ﻓﻮﺯﺍﻥ ﺍﺱ ﮐﯽ ﮔﻮﺩ ﻣﯿﮟ ﺗﮭﺎ ، ﻭﮦ ﺳﺎﺭﮮ ﺩﻥ ﮐﯽ ﺗﮭﮑﻦ ﮐﯽ ﻭﺟﮧ ﺳﮯ ﺳﻮ ﭼﮑﺎ ﺗﮭﺎ ، ﺷﮩﻼ ﺍﻭﺭ ﺷﮩﺒﺎﺯ ﮐﻮﺋﯽ ﻧﮧ ﮐﻮﺋﯽ ﺑﺎﺕ ﮐﺮﺗﮯ ﺭﮨﮯ ﺗﮭﮯ ، ﺟﺒﮑﮧ ﻭﮦ ﺑﺎﻟﮑﻞ ﮔﻢ ﺻﻢ ﺗﮭﯽ ۔ ﺍٓﺝ ﺷﮩﺒﺎﺯ ﺣﯿﺪﺭ ﺟﺐ ﺗﮏ ﺍﻥ ﮐﮯ ﺳﺎﺗﮫ ﺗﮭﺎ ﻗﺪﻡ ﻗﺪﻡ ﭘﺮ ﺍﺱ ﮐﯽ ﻣﻮﺟﻮﺩﮔﯽ ﻋﯿﺸﮧ ﮐﻮ ﮈﺳﭩﺮﺏ ﮐﺮﺗﯽ ﺭﮨﯽ ﺗﮭﯽ ﻣﮕﺮ ﺍﺱ ﻣﻮﺟﻮﺩﮔﯽ ﻣﯿﮟ ﺑﮭﯽ ﻻﺗﻌﻠﻖ ﺗﮭﯽ ﺍﻭﺭ ﺍﺳﯽ ﻻﺗﻌﻠﻘﯽ ﻧﮯ ﻋﯿﺸﮧ ﻭﺍﺟﺪ ﮐﮯ ﺍﻧﺪﺭ ﮐﯽ ﺭﮨﯽ ﺳﮩﯽ ﻃﺎﻗﺖ ﺑﮭﯽ ﺳﻠﺐ ﮐﺮ ﻟﯽ ﺗﮭﯽ ﮔﮭﺮ ﺍٓ ﮐﺮ ﺍﺱ ﻧﮯ ﺳﻮﺋﮯ ﮨﻮﺋﮯ ﻓﻮﺯﺍﻥ ﮐﻮ ﺍُﭨﮭﺎ ﮐﺮ ﺳﻨﺒﮭﺎﻝ ﮐﺮ ﮔﺎﮌﯼ ﺳﮯ ﻗﺪﻡ ﺑﺎﮨﺮ ﺭﮐﮭﮯ ﺗﮭﮯ ۔ ﺟﺐ ﺷﮩﺒﺎﺯ ﻧﮯ ﺩﻭﺳﺮﯼ ﻃﺮﻑ ﺍٓ ﮐﺮ ﺍﺱ ﮐﮯ ﺑﺎﺯﻭﺋﻮﮞ ﺳﮯ ﻓﻮﺯﺍﻥ ﮐﻮ ﻟﮯ ﻟﯿﺎ ﺗﮭﺎ ، ﻭﮦ ﻟﺐ ﺑﮭﯿﻨﭻ ﮐﺮ ﺍﭘﻨﺎ ﺑﯿﮓ ﮐﺘﺎﺑﯿﮟ ﺍﻭﺭ ﻓﺎﺋﻞ ﻟﮯ ﮐﺮ ﺳﯿﺪﮬﯽ ﺍﭘﻨﮯ ﮐﻤﺮﮮ ﮐﯽ ﻃﺮﻑ ﺍٓﺋﯽ ﺗﮭﯽ ، ﺟﻮ ﺍﺱ ﮔﮭﺮ ﻣﯿﮟ ﺍﺱ ﮐﮯ ﻟﯿﮯ ﻣﺨﺼﻮﺹ ﺗﮭﺎ ۔ ﺷﮩﺒﺎﺯ ﺣﯿﺪﺭ ﻓﻮﺯﺍﻥ ﮐﻮ ﺍُﭨﮭﺎﺋﮯ ﺩﻭﺳﺮﮮ ﮨﺎﺗﮫ ﻣﯿﮟ ﻣﺨﺘﻠﻒ ﺷﺎﭘﻨﮓ ﺑﯿﮕﺰ ﺑﮭﯽ ﺑﺴﺘﺮ ﭘﺮ ﮈﮬﯿﺮ ﮐﯿﮯ ۔ ﺍﻥ ﺳﺐ ﻣﯿﮟ ﻓﻮﺯﺍﻥ ﮐﯽ ﺷﺎﭘﻨﮓ ﺗﮭﯽ ﻣﮕﺮ ﺳﺒﺰ ﺭﻧﮓ ﮐﺎ ﻭﮦ ﺷﺎﭘﻨﮓ ﺑﯿﮓ ﺍُﭨﮭﺎ ﮐﺮ ﺷﮩﺒﺎﺯ ﻧﮯ ﺍﺱ ﮐﯽ ﻃﺮﻑ ﺑﮍﮬﺎﯾﺎ ﺗﮭﺎ ، ﻭﮦ ﺣﯿﺮﺍﻥ ﮨﻮ ﮐﺮ ﺩﯾﮑﮭﻨﮯ ﻟﮕﯽ ۔ ’’ ﯾﮧ ﻣﯿﮟ ﻧﮯ ﺗﻤﮩﺎﺭﮮ ﻟﯿﮯ ﺧﺮﯾﺪﺍ ﺗﮭﺎ۔۔ ‘‘ ﻋﯿﺸﮧ ﮐﮯ ﮨﻮﻧﭩﻮﮞ ﭘﺮ ﺗﻠﺨﯽ ﺍٓ ﭨﮭﮩﺮﯼ۔
’’ ﮐﯿﻮﮞ۔۔ ‘‘
ﺷﮩﺒﺎﺯ ﻧﮯ ﺑﻐﻮﺭ ﺩﯾﮑﮭﺎ ، ﺍﺱ ﺩﻥ ﮐﯽ ﺭﻭﻧﯽ ﺑﺴﻮﺭﺗﯽ ﻋﯿﺸﮧ ﮐﮯ ﺑﺮﻋﮑﺲ ﮐﭽﮫ ﻣﺨﺘﻠﻒ ﺳﯽ ﻟﮕﯽ۔
’’ ﻓﻮﺯﺍﻥ ﮐﮯ ﻟﯿﮯ ﮐﯽ ﺗﮭﯽ ﺗﻮ ﻇﺎﮨﺮ ﮨﮯ ﺗﻤﮩﺎﺭﮮ ﻟﯿﮯ ﺑﮭﯽ ﮐﯽ ﮨﮯ۔۔ ﮐﯿﻮﮞ ﮐﺎ ﮐﯿﺎ ﺳﻮﺍﻝ۔۔؟ ‘‘ ﺍﻧﮩﻮﮞ ﻧﮯ ﺭﻋﺐ ﺳﮯ ﮐﮩﺎ ﺗﮭﺎ ﻣﮕﺮ ﻭﮦ ﺍﻥ ﮐﮯ ﺭﻋﺐ ﻣﯿﮟ ﺍﺏ ﻧﮩﯿﮟ ﺍٓﻧﮯ ﻭﺍﻟﯽ ﺗﮭﯽ۔
’’ ﭘﻠﯿﺰ ﻣﺠﮫ ﭘﺮ ﯾﮧ ﺍﺣﺴﺎﻥ ﮐﺮﻧﮯ ﮐﯽ ﺿﺮﻭﺭﺕ ﻧﮩﯿﮟ ۔۔ ﺍﭘﻨﺎ ﯾﮧ ﺷﺎﭘﻨﮓ ﺑﯿﮓ ﺍُﭨﮭﺎ ﺋﯿﮟ ﺍﻭﺭ ﻟﮯ ﺟﺎﺋﯿﮟ۔۔ ﻣﺠﮭﮯ ﺍٓﭖ ﮐﯽ ﯾﮧ ﺧﯿﺮﺍﺕ ﻧﮩﯿﮟ ﭼﺎﮨﯿﮯ ۔۔ ‘‘ ﺍﮔﻠﮯ ﮨﯽ ﻟﻤﺤﮯ ﻭﮦ ﻏﺼﮯ ﺳﮯ ﭘﮭﻨﮑﺎﺭﯼ ﺗﻮ ﺷﮩﺒﺎﺯ ﻧﮯ ﺣﯿﺮﺍﻧﮕﯽ ﺳﮯ ﺍﺳﮯ ﺩﯾﮑﮭﺎ۔
’’ ﺗﻤﮩﺎﺭﺍ ﺩﻣﺎﻍ ﺗﻮ ﭨﮭﯿﮏ ﮨﮯ۔۔ ‘‘ ﺍﮔﻠﮯ ﮨﯽ ﻟﻤﺤﮯ ﺍﻥ ﮐﺎ ﺍﺯﻟﯽ ﻏﺼﮧ ﻋﻮﺩ ﮐﺮ ﺍٓﯾﺎ۔ ﺧﺎﺹ ﻃﻮﺭ ﭘﺮ ﺧﯿﺮﺍﺕ ﮐﮯ ﻟﻔﻆ ﭘﺮ ۔
’’ ﺟﯽ ﺍﻟﺤﻤﺪﻟﻠﮧ۔۔ ﻣﮑﻤﻞ ﮨﻮﺵ ﻭ ﺣﻮﺍﺱ ﻣﯿﮟ ﮨﻮﮞ ﺍﻭﺭ ﻣﺠﮭﮯ ﺍﭘﻨﯽ ﺍﻭﻗﺎﺕ ﺑﮭﯽ ﺍﭼﮭﯽ ﻃﺮﺡ ﯾﺎﺩ ﮨﮯ۔۔ ﻣﯿﮟ ﻧﮯ ﺍﭘﻨﯽ ﺳﯽ ﭘﻮﺭﯼ ﮐﻮﺷﺶ ﮐﯽ ﺗﮭﯽ ﮐﮧ ﺑﮭﻮﻟﮯ ﺳﮯ ﺑﮭﯽ ﺍٓﭖ ﮐﮯ ﻣﻨﮧ ﻟﮕﻨﮯ ﮐﯽ ﮐﻮﺷﺶ ﻧﮧ ﮐﺮﻭﮞ ﻣﮕﺮ ﺍٓﭖ ﻣﺠﺒﻮﺭ ﮐﺮﺗﮯ ﮨﯿﮟ۔۔ ﻣﯿﺮﮮ ﻟﯿﮯ ﻣﯿﺮﮮ ﺑﺎﭖ ﮐﺎ ﭘﯿﺴﮧ ﮐﺎﻓﯽ ﮨﮯ۔ ﺍٓﭖ ﺍﭘﻨﯽ ﯾﮧ ’’ ﺧﯿﺮﺍﺕ ‘‘ ﮐﺴﯽ ﺍﻭﺭ ﮐﯽ ﺟﮭﻮﻟﯽ ﻣﯿﮟ ﺟﺎ ﮐﺮ ﮈﺍﻟﯿﮟ۔۔ ‘‘ ﻭﮦ ﺗﻮ ﺩﻭ ﺩﮬﺎﺭﯼ ﺗﻠﻮﺍﺭ ﺑﻨﯽ ﮨﻮﺋﯽ ﺗﮭﯽ ۔ ﺷﮩﺒﺎﺯ ﺣﯿﺪﺭ ﻏﻢ ﻭ ﻏﺼﮯ ﺳﮯ ﺩﯾﮑﮭﮯ ﮔﺌﮯ۔
’’ ﻋﯿﺸﮧ ۔۔ ‘‘ ﺧﯿﺮﺍﺕ ﮐﮯ ﻟﻔﻆ ﭘﺮ ﻭﮦ ﺑﺮﯼ ﻃﺮﺡ ﺩﮬﺎﮌﮮ ﺗﮭﮯ ، ﻭﮦ ﺳﺮ ﺟﮭﭩﮏ ﮔﺌﯽ۔
’’ ﻣﺠﮭﮯ ﺍﭼﮭﯽ ﻃﺮﺡ ﯾﺎﺩ ﮨﮯ ﮐﮧ ﺍٓﭖ ﻧﮯ ﮨﯽ ﺗﻮ ﮐﮩﺎ ﺗﮭﺎ ﮐﮧ ﺍٓﭖ ﻣﺠﮭﮯ ﺍﭘﻨﮯ ﮔﮭﺮ ﻭﺍﻟﻮﮞ ﮐﯽ ﻭﺟﮧ ﺳﮯ ﻓﻮﺯﺍﻥ ﮐﯽ ﻭﺟﮧ ﺳﮯ ﺍﭘﻨﺎﻧﮯ ﭘﺮ ﻣﺠﺒﻮﺭ ﮨﻮﺋﮯ ﮨﯿﮟ، ﺍﻭﺭ ﻣﯿﮟ ﺻﺮﻑ ﻓﻮﺯﺍﻥ ﮐﮯ ﻟﯿﮯ ﻣﺨﺼﻮﺹ ﮨﻮﮞ۔۔ ﺍٓﭖ ﮐﮯ ﻧﺰﺩﯾﮏ ﻣﯿﺮﯼ ﺫﺍﺕ ﮐﯽ ﮐﻮﺋﯽ ﺍﮨﻤﯿﺖ ﻧﮩﯿﮟ ۔۔ ﺗﻮ ﺍﺏ ﯾﮧ ﻋﻨﺎﯾﺖ ﮐﯿﻮﮞ۔۔ ﺍﺱ ﻟﯿﮯ ﮐﮧ ﺍٓﭖ ﺍﭘﻨﮯ ﺑﯿﭩﮯ ﮐﮯ ﺣﺼﮯ ﮐﯽ ﺑﭽﯽ ﮐﮭﭽﯽ ﺧﯿﺮﺍﺕ ﻣﯿﺮﯼ ﺟﮭﻮﻟﯽ ﻣﯿﮟ ﮈﺍﻝ ﮐﺮ ﺍﺣﺴﺎﻥ ﮐﺮﻧﺎ ﭼﺎﮨﺘﮯ ﮨﯿﮟ۔۔ﻣﯿﮟ ﻧﮯ ﺗﻮ ﺍﺱ ﺩﻥ ﮐﮯ ﺑﻌﺪ ﺍٓﭖ ﮐﯽ ﺭﺍﮦ ﻣﯿﮟ ﺍٓﻧﺎ ، ﺍٓﭖ ﮐﯽ ﻃﺮﻑ ﺩﯾﮑﮭﻨﺎ ﺗﻮ ﺩﻭﺭ ﮐﯽ ﺑﺎﺕ ، ﺍﺱ ﺭﺍﮦ ﭘﺮ ﺍٓﻧﺎ ﺗﮏ ﭼﮭﻮﮌ ﺩﯾﺎ ﮨﮯ۔۔ ﺟﮩﺎﮞ ﻣﺠﮭﮯ ﮔﻤﺎﮞ ﮔﺰﺭﺗﺎ ﮨﮯ ﮐﮧ ﺍٓﭖ ﮐﯽ ﻣﻮﺟﻮﺩﮔﯽ ﻣﻤﮑﻦ ﮨﮯ۔۔ ﺗﻮ ﭘﮭﺮ ﯾﮧ ﻋﻨﺎﯾﺖ ﮐﯿﻮﮞ۔۔؟ ‘‘
ﺷﮩﺒﺎﺯ ﺣﯿﺪﺭ ﻏﺼﮯ ﺳﮯ ﺍﺳﮯ ﺩﯾﮑﮭﮯ ﮔﺌﮯ۔
’’ ﺑﺲ ﺗﻤﮩﺎﺭﺍ ﺩﻣﺎﻍ ﺧﺮﺍﺏ ﮨﮯ ، ﺧﻨﺎّﺱ ﺑﮭﺮﺍ ﮨﻮﺍ ﮨﮯ ﺍﺱ ﻣﯿﮟ ﺍﻭﺭ ﮐﭽﮫ ﻧﮩﯿﮟ۔۔ ‘‘ ﻏﺼﮯ ﺳﮯ ﺷﺎﭘﻨﮓ ﺑﯿﮓ ﺑﺴﺘﺮ ﭘﺮ ﭘﭩﺨﺘﮯ ﻭﮦ ﺑﺎﮨﺮ ﻧﮑﻞ ﮔﺌﮯ ﺗﮭﮯ ﮐﮧ ﻋﯿﺸﮧ ﻧﮯ ﺗﯿﺰﯼ ﺳﮯ ﺍٓﮔﮯ ﺑﮍﮪ ﮐﺮ ﻭﮦ ﺷﺎﭘﺮ ﺍُﭨﮭﺎ ﯾﺎ ﺗﮭﺎ ، ﺍﻥ ﮐﮯ ﭘﯿﭽﮭﮯ ﻟﭙﮑﯽ ﺗﮭﯽ ، ﻭﮦ ﺑﻐﯿﺮ ﺭﮐﮯ ﺍﭘﻨﯽ ﮔﺎﮌﯼ ﮐﯽ ﻃﺮﻑ ﭼﻞ ﺭﮨﮯ ﺗﮭﮯ۔
’’ ﮐﯿﺎ ﮨﻮﺍ۔۔؟ ‘‘ ﻭﮦ ﺑﮭﯽ ﺗﯿﺰﯼ ﺳﮯ ﺍﻥ ﮐﮯ ﭘﯿﭽﮭﮯ ﺑﮭﺎﮔﯽ ﺗﻮ ﭘﯿﭽﮭﮯ ﺳﮯ ﺷﮩﻼ ﻧﮯ ﺍٓﻭﺍﺯ ﺩﯼ ﻣﮕﺮ ﻭﮦ ﭘﻠﭩﮯ ﺑﻐﯿﺮ ﺍﻥ ﺗﮏ ﭘﮩﻨﭽﯽ ﺗﮭﯽ ، ﻭﮦ ﮔﺎﮌﯼ ﺍﺳﭩﺎﺭﭦ ﮐﺮ ﭼﮑﮯ ﺗﮭﮯ۔
’’ ﻣﺠﮭﮯ ﺍﺱ ﺧﯿﺮﺍﺕ ﮐﯽ ﻗﻄﻌﯽ ﺿﺮﻭﺭﺕ ﻧﮩﯿﮟ ﮨﮯ۔۔ ﻣﯿﺮﮮ ﭘﺎﺱ ﺍﻟﻠﮧ ﮐﺎ ﺩﯾﺎ ﮨﻮﺍ ﺑﮩﺖ ﮐﭽﮫ ﮨﮯ۔۔ ﻧﮧ ﮨﯽ ﻣﺠﮭﮯ ﺍٓﭖ ﮐﯽ ﺍﺱ ﻧﺎﻡ ﻧﮩﺎﺩ ﻧﻔﺮﺕ ﮐﯽ ﺿﺮﻭﺭﺕ ﮨﮯ ، ﺟﺲ ﮐﺎ ﺭﺍﮒ ﺍٓﭖ ﺍﻻﭘﺘﮯ ﺭﮨﺘﮯ ﮨﯿﮟ ، ﺍﺗﻨﯽ ﮨﯽ ﺑﺮﯼ ﻟﮕﺘﯽ ﮨﻮﮞ ﺗﻮ ﻣﺠﮭﮯ ﻣﯿﺮﯼ ﺫﺍﺕ ﮐﻮ ﺗﺴﻠﯿﻢ ﮐﺮﺗﮯ ﮨﻮﺋﮯ ﻣﯿﺮﯼ ﺑﺮﺍﺋﯿﻮﮞ ﮐﺎ ﺫﮐﺮ ﮐﺮﯾﮟ۔۔ ﻣﯿﮟ ﺍُﻑ ﮐﺮ ﮔﺌﯽ ﺗﻮ ﮐﮩﯿﮯ ﮔﺎ۔۔ ﻣﮕﺮ ﺍﺱ ﺑﮯ ﻭﺟﮧ ﮐﺎ ﭨﮭﮑﺮﺍﺋﮯ ﺟﺎﻧﺎ ﺑﺮﺩﺍﺷﺖ ﻧﮩﯿﮟ ﮐﺮﻭﮞ ﮔﯽ۔۔ ﺍﭘﻨﮯ ﺟﺬﺑﻮﮞ ﺳﮯ ﮨﺎﺭ ﮐﺮ ﺍٓﭖ ﮐﺎ ﻧﺎﻡ ﻣﻘﺪﺭ ﻣﯿﮟ ﻟﮑﮭﻮﺍﯾﺎ ﮨﮯ ﺗﻮ ﺍﺱ ﺧﯿﺮﺍﺕ ﺳﮯ ﺑﮍﮪ ﮐﺮ ﺣﻖ ﻃﻠﺐ ﮐﺮﻧﮯ ﮐﺎ ﺣﻖ ﺭﮐﮭﺘﯽ ﮨﻮﮞ۔۔ ﺍﮔﺮ ﺩﯾﻨﯽ ﮨﯽ ﮨﮯ ﺗﻮ ﻣﺠﮭﮯ ﻣﯿﺮﯼ ﻭﮦ ﻋﺰﺕ ﺩﯾﺠﺌﮯ ، ﺟﻮ ﺑﯿﻮﯼ ﮨﻮﻧﮯ ﮐﮯ ﻧﺎﻃﮯ ﺍٓﭖ ﭘﺮ ﻓﺮﺽ ﮨﮯ، ﯾﮧ ﺧﯿﺮﺍﺕ ﻧﮩﯿﮟ۔۔ ‘‘ ﺍﻥ ﮐﯽ ﻃﺮﻑ ﺍٓ ﮐﺮ ﮐﮭﮍﮐﯽ ﻣﯿﮞﺠﮭﮏ ﮐﺮ ﺳﺐ ﮐﮩﮧ ﮐﺮ ﺷﺎﭘﻨﮓ ﺑﯿﮓ ﺍﻧﺪﺭ ﭘﮭﯿﻨﮏ ﮐﺮ ﻭﮦ ﺭﮐﯽ ﻧﮩﯿﮟ ﺗﮭﯽ ، ﺗﯿﺰ ﺭﻓﺘﺎﺭﯼ ﺳﮯ ﭘﻠﭧ ﺑﮭﯽ ﮔﺌﯽ ﺗﮭﯽ ۔ ﻭﮦ ﮔﻢ ﺻﻢ ، ﺣﻮﺍﺱ ﺑﺎﺧﺘﮧ ﺣﯿﺮﺕ ﺯﺩﮦ ﺩﯾﮑﮭﺘﮯ ﺭﮦ ﮔﺌﮯ ﺗﮭﮯ۔