ﯾﮑﻄﺮﻓﮧ محبت

’’ ﻓﻮﺯﺍﻥ ﮐﯽ ﻃﺒﯿﻌﺖ ﺑﮩﺖ ﺧﺮﺍﺏ ﮨﮯ۔۔ ﺩﻭ ﺩﻥ ﺳﮯ ﺑﺨﺎﺭ ﺭﮨﻨﮯ ﻟﮕﺎ ﮨﮯ۔۔ ﺳﮑﻮﻝ ﺑﮭﯽ ﻧﮩﯿﮟ ﺟﺎ ﺭﮨﺎ ۔۔ ﮈﺍﮐﭩﺮ ﮐﻮ ﺭﻭﺯ ﺩﮐﮭﺎ ﺭﮨﺎ ﮨﻮﮞ ﻣﮕﺮ ﻭﮦ ﺗﻤﮩﯿﮟ ﺑﮩﺖ ﻣﺲ ﮐﺮ ﺭﮨﺎ ﮨﮯ۔۔ ﺗﻢ ﺍﺳﯽ ﻭﻗﺖ ﭼﻠﻮ ۔۔ ﭘﮭﺮ ﮐﺒﮭﯽ ﺭﮨﻨﮯ ﺍٓ ﺟﺎﻧﺎ۔ ‘‘ ﺍﻧﮩﻮﮞ ﻧﮯ ﺗﻔﺼﯿﻠﯽ ﺑﺘﺎﯾﺎ ﺗﻮ ﻭﮦ ﮨﻮﻧﭧ ﺩﺍﻧﺘﻮﮞ ﺗﻠﮯ ﺩﺑﺎ ﮔﺌﯽ۔ ﻓﻮﺯﺍﻥ ﺳﮯ ﺩﻭﺭ ﺭﮨﻨﮯ ﮐﯽ ﺧﻮﺩ ﮨﯽ ﺍﻧﮩﻮﮞ ﻧﮯ ﺳﺰﺍ ﺗﺠﻮﯾﺰ ﮐﯽ ﺗﮭﯽ ﺍﻭﺭ ﺧﻮﺩ ﮨﯽ ﺍﺏ۔۔ ﺍﻧﺪﺭ ﮨﯽ ﺍﻧﺪﺭ ﻓﻮﺯﺍﻥ ﮐﯽ ﻃﺒﯿﻌﺖ ﮐﺎ ﺳﻦ ﮐﺮ ﭘﺮﯾﺸﺎﻥ ﺑﮭﯽ ﮨﻮﺋﯽ ، ﻭﮦ ﮐﺒﮭﯽ ﺑﮭﯽ ﺧﻮﺩ ﺳﮯ ﺍﺱ ﺳﮯ ﺍﺗﻨﮯ ﺩﻥ ﺩﻭﺭ ﻧﮩﯿﮟ ﺭﮨﯽ ﺗﮭﯽ ، ﻧﺠﺎﻧﮯ ﮐﯿﺴﮯ ﺍﭘﻨﮯ ﺩﻝ ﮐﻮ ﻣﺎﺭ ﺭﮨﯽ ﺗﮭﯽ، ﺻﺮﻑ ﺍﻭﺭ ﺻﺮﻑ ﺍﺱ ﺷﺨﺺ ﮐﯽ ﻭﺟﮧ ﺳﮯ ﻣﮕﺮ ﺍﺏ ﺩﻝ ﻓﻮﺯﺍﻥ ﮐﮯ ﭘﺎﺱ ﺍُﮌ ﮐﺮ ﭘﮩﻨﭻ ﺟﺎﻧﮯ ﮐﻮ ﻣﭽﻞ ﺍُﭨﮭﺎ ﺗﮭﺎ۔
’’ ﺑﮩﺖ ﺯﯾﺎﺩﮦ ﻃﺒﯿﻌﺖ ﺧﺮﺍﺏ ﮨﮯ ﺍﺱ ﮐﯽ۔۔ ‘‘ ﻓﮑﺮ ﻣﻨﺪﯼ ﺍﺱ ﮐﮯ ﭼﮩﺮﮮ ﭘﺮ ﭼﮭﺎﺋﯽ ﮨﻮﺋﯽ ﺗﮭﯽ۔
’’ ﮨﻮﮞ۔۔ﺍﺳﯽ ﻟﯿﮯ ﺗﻮ ﺍٓﯾﺎ ﮨﻮﮞ۔۔ ‘‘ ﺍﻧﮩﻮﮞ ﻧﮯ ﻧﭙﮯ ﺗﻠﮯ ﺍﻧﺪﺍﺯ ﻣﯿﮟ ﺟﺘﺎﯾﺎ ﺗﻮ ﻭﮦ ﺧﺎﻣﻮﺷﯽ ﺳﮯ ﺍُﭨﮫ ﮔﺌﯽ۔
’’ ﻣﯿﮟ ﻓﻮﺯﺍﻥ ﮐﯽ ﻭﺟﮧ ﺳﮯ ﮨﺘﮭﯿﺎﺭ ﮈﺍﻟﻨﮯ ﭘﺮ ﻣﺠﺒﻮﺭ ﮨﻮﺍ ﮨﻮﮞ، ﻟﯿﮑﻦ ﺍﺱ ﮐﺎ ﻣﻄﻠﺐ ﯾﮧ ﻧﮩﯿﮟ ﮐﮧ ﺗﻤﮩﯿﮞﻤﯿﮟ ﺗﻤﮩﺎﺭﯼ ﺣﻤﺎﻗﺘﻮﮞ ﺳﻤﯿﺖ ﻧﻈﺮ ﺍﻧﺪﺍﺯ ﮐﺮ ﺭﮨﺎ ﮨﻮﮞ۔۔ ﺗﻢ ﻓﻮﺯﺍﻥ ﮐﻮ ﺳﻤﺠﮭﺎﺋﻮ۔۔ ﺍٓﮨﺴﺘﮧ ﺍٓﮨﺴﺘﮧ ﻭﮦ ﺑﮩﻞ ﺟﺎﺋﮯ ﮔﺎ۔ ‘‘ ﺭﺍﺳﺘﮯ ﻣﯿﮟ ﻭﮦ ﮐﮩﮧ ﺭﮨﮯ ﺗﮭﮯ، ﻭﮦ ﺟﻮ ﺧﻮﺵ ﻓﮩﻢ ﮨﻮ ﺭﮨﯽ ﺗﮭﯽ ، ﮐﮧ ﺷﺎﯾﺪ ﺩﻝ ﻣﯿﮟ ﮐﮩﯿﮟ ﻧﺮﻡ ﮔﻮﺷﮧ ﺑﯿﺪﺍﺭ ﮨﻮ ﮔﯿﺎ ﮨﻮ ، ﭼﮭﻦ ﺳﮯ ﺍﻧﺪﺭ ﮐﭽﮫ ﭨﻮﭦ ﮔﯿﺎ، ﺍٓﻧﮑﮭﯿﮟ ﺑﮯ ﻭﻗﻌﺘﯽ ﭘﺮ ﺑﮭﺮ ﺍٓﺋﯿﮟ۔
’’ ﺭﻭﮐﯿﮟ ﮔﺎﮌﯼ ﯾﮩﺎﮞ۔۔ ﻣﺠﮭﮯ ﻧﮩﯿﮟ ﺟﺎﻧﺎ ﺍٓﭖ ﮐﮯ ﺳﺎﺗﮫ۔۔ ‘‘ ﺍﭘﻨﯽ ﺍﺱ ﻧﺎ ﻗﺪﺭﯼ ﻭ ﺗﺬﻟﯿﻞ ﭘﺮ ﻭﮦ ﻣﺰﯾﺪ ﭼﭗ ﻧﮧ ﺭﮦ ﺳﮑﯽ، ﺑﮭﺮّﺍﺋﯽ ﺍٓﻭﺍﺯ ﻣﯿﮟ ﮐﮩﺎ ﺗﻮ ﺷﮩﺒﺎﺯ ﺣﯿﺪﺭ ﻧﮯ ﺍﺳﮯ ﮔﮭﻮﺭﺍ ۔
’’ ﻭﮦ ﺍٓﭖ ﮐﺎ ﺑﯿﭩﺎ ﮨﮯ۔۔ ﺳﻤﺠﮭﺎ ﻟﯿﮟ ﺍٓﭖ ﺧﻮﺩ ﺍﺳﮯ ۔۔ ﻣﯿﺮﮮ ﮐﻨﺪﮬﮯ ﭘﺮ ﺭﮐﮫ ﮐﺮ ﮐﯿﻮﮞ ﺑﻨﺪﻭﻕ ﭼﻼ ﺭﮨﮯ ﮨﯿﮟ۔۔ ﺍٓﭖ ﮐﻮ ﺗﻮ ﺫﺭﺍ ﺑﮭﯽ ﺧﺪﺍ ﮐﺎ ﺧﻮﻑ ﻧﮩﯿﮟ ، ﮐﻮﺋﯽ ﯾﻮﮞ ﺑﮭﯽ ﮐﺴﯽ ﮐﮯ ﺟﺬﺑﺎﺕ ﺳﮯ ﮐﮭﯿﻠﺘﺎ ﮨﮯ۔۔ ‘‘ ﻭﮦ ﮨﺎﺗﮭﻮﮞ ﻣﯿﮟ ﭼﮩﺮﮦ ﭼﮭﭙﺎ ﮐﺮ ﺭﻭ ﭘﮍﯼ۔ ﺷﮩﺒﺎﺯ ﺣﯿﺪﺭ ﺧﻮﺩ ﮐﻮ ﺧﺎﺻﺎ ﺑﮯ ﺑﺲ ﻣﺤﺴﻮﺱ ﮐﺮﻧﮯ ﻟﮕﮯ ، ﺳﻤﺠﮫ ﻧﮧ ﺍٓﺋﯽ ﮐﮧ ﻭﮦ ﺍﺱ ﻧﺎﻻﺋﻖ ﺟﺬﺑﺎﺗﯽ ﺩﯾﻮﺍﻧﯽ ﻟﮍﮐﯽ ﮐﻮ ﮐﯿﺴﮯ ﺳﻤﺠﮭﺎﺋﯿﮟ۔ ﺍﭘﻨﯽ ﺳﺨﺘﯽ ﮐﺎ ﻧﺘﯿﺠﮧ ﺩﯾﮑﮫ ﭼﮑﮯ ﺗﮭﮯ ﺟﺒﮑﮧ ﻧﺮﻣﯽ۔۔ ‘‘ ﺍﻧﮩﻮﮞ ﻧﮯ ﺳﺮ ﺟﮭﭩﮑﺎ۔
’’ ﻣﯿﮟ ﺍﺳﯽ ﻟﯿﮯ ﻗﯿﻮﻡ ﭼﺎﭼﺎ ﮐﮯ ﺳﺎﺗﮫ ﻧﮩﯿﮟ ﺍٓﺋﯽ ﺗﮭﯽ ﺍﻭﺭ ﺍﺏ ﺍٓﭖ۔۔ ‘‘ ﺍﭘﻨﮯ ﺍٓﻧﺴﻮ ﺻﺎﻑ ﮐﺮﺗﮯ ﺑﮯ ﺣﺲ ﺑﻨﮯ ﺷﮩﺒﺎﺯ ﺣﯿﺪﺭ ﮐﻮ ﺩﯾﮑﮭﺎ۔
’’ ﻣﺠﮭﮯ ﺍﯾﮏ ﻓﻌﮧ ﮨﯽ ﺟﺎﻥ ﺳﮯ ﻣﺎﺭ ﺩﯾﮟ۔۔ ﯾﮧ ﻗﺴﻄﻮﮞ ﺳﮯ ﻣﺎﺭﻧﮯ ﮐﺎ ﻣﺰﮦ ﮐﯿﻮﮞ ﻟﮯ ﺭﮨﮯ ﮨﯿﮟ۔ ‘‘ ﻭﮦ ﺭﻭ ﭘﮍﯼ ، ﺷﮩﺒﺎﺯ ﺣﯿﺪﺭ ﻧﮯ ﺳﺨﺘﯽ ﺳﮯ ﻟﺐ ﺩﺍﻧﺘﻮﮞ ﺗﻠﮯ ﺩﺑﺎ ﻟﯿﮯ، ﺍﻥ ﮐﺎ ﮐﻮﺋﯽ ﺑﮭﯽ ﻏﯿﺮ ﻣﺘﻮﻗﻊ ﺟﺬﺑﺎﺗﯽ ﺟﻤﻠﮧ ﺍﺱ ﮐﻢ ﻋﻘﻞ ﻟﮍﮐﯽ ﮐﻮ ﻣﺰﯾﺪ ﺑﮑﮭﯿﺮ ﺳﮑﺘﺎ ﺗﮭﺎ۔
’’ ﻣﯿﮟ ﻧﮯ ﺟﺎﻥ ﺑﻮﺟﮫ ﮐﺮ ﻣﺤﺒﺖ ﻧﮩﯿﮟ ﮐﯽ ﺗﮭﯽ ، ﯾﮧ ﺟﺬﺑﮯ ﺗﻮ ﺧﻮﺩ ﺩﻝ ﻣﯿﮟ ﺟﮕﮧ ﺑﻨﺎﺗﮯ ﮨﯿﮟ۔۔ ﻣﺠﮭﮯ ﺍﻧﺪﺍﺯﮦ ﮨﻮﺗﺎ ﮐﮧ ﺍﻥ ﺟﺬﺑﻮﮞ ﮐﯽ ﺳﺰﺍ ﻓﻮﺯﺍﻥ ﺳﮯ ﺩﻭﺭﯼ ﮨﮯ ﺗﻮ ﺧﻮﺩ ﮐﻮ ﺭﻭﮎ ﻟﯿﺘﯽ ﻣﮕﺮ۔۔ ﺑﮩﺖ ﺭﻭﮐﺎ ﺗﮭﺎ۔۔ﯾﮧ ﺩﻝ ﮐﺐ ﻣﺎﻧﺎ ﺗﮭﺎ۔۔ ‘‘ ﺷﮩﺒﺎﺯ ﺣﯿﺪﺭ ﮐﻮ ﻟﮓ ﺭﮨﺎ ﺗﮭﺎ ﮐﮧ ﺍﻥ ﮐﺎ ﺿﺒﻂ ﺟﻮﺍﺏ ﺩﮮ ﺭﮨﺎ ﮨﮯ۔
’’ ﻣﯿﮟ ﺍٓﭖ ﺳﮯ ﮐﺒﮭﯽ ﮐﭽﮫ ﻧﮩﯿﮟ ﻣﺎﻧﮕﻮﮞ ﮔﯽ۔۔ ﭘﻠﯿﺰ ﻓﻮﺯﺍﻥ ﮐﻮ ﻣﺠﮫ ﺳﮯ ﺩﻭﺭ ﻧﮩﯿﮟ ﮐﺮﯾﮟ۔۔ ‘‘ ﺍٓﻧﺴﻮ ﺑﮭﺮﯼ ﺍٓﻧﮑﮭﻮﮞ ﺳﮯ ﻭﮦ ﺍﺱ ﮐﮯ ﺳﺎﻣﻨﮯ ﺍﻟﺘﺠﺎﺋﯿﮧ ﺑﯿﭩﮭﯽ ﺗﮭﯽ، ﺷﮩﺒﺎﺯ ﺣﯿﺪﺭ ﻧﮯ ﺧﺎﻣﻮﺷﯽ ﺳﮯ ﺍﯾﮏ ﮔﮩﺮﯼ ﺳﺎﻧﺲ ﮐﮭﯿﻨﭽﯽ، ﭘﮭﺮ ﺍﺱ ﮐﮯ ﺑﻌﺪ ﮔﮭﺮ ﺍٓﻧﮯ ﺗﮏ ﺍﯾﮏ ﻃﻮﯾﻞ ﺧﺎﻣﻮﺷﯽ ﺗﮭﯽ ۔ ﻭﮦ ﮔﮭﺮ ﺍٓﺋﯽ ﺗﻮ ﻓﻮﺯﺍﻥ ﮐﯽ ﺣﺎﻟﺖ ﺩﯾﮑﮫ ﮐﺮ ﻣﺠﺮﻡ ﺳﯽ ﺑﻦ ﮔﺌﯽ۔۔ ﺍﺳﮯ ﺧﻮﺩ ﭘﺮ ﻧﺪﺍﻣﺖ ﮨﻮﺋﯽ۔۔ ﺷﮑﺎﯾﺘﯽ ﻧﻈﺮﻭﮞ ﺳﮯ ﺷﮩﺒﺎﺯ ﺣﯿﺪﺭ ﮐﻮ ﺩﯾﮑﮭﺎ، ﺟﻮ ﺧﻮﺩ ﻧﻈﺮﯾﮟ ﭼﺮﺍ ﮔﺌﮯ ﺗﮭﮯ۔ ﻭﮦ ﻣﺰﯾﺪ ﺗﻠﺦ ﮨﻮﺋﯽ۔
’’ ﮐﯿﺎ ﮨﻮﺍ ﺗﮭﺎ ﻣﯿﺮﮮ ﻓﻮﺯﯼ ﮐﻮ۔۔ ‘‘ ﺍﺳﮯ ﺳﺎﺗﮫ ﻟﮕﺎﺋﮯ ﺍﺱ ﻧﮯ ﻣﺤﺒﺖ ﺳﮯ ﭘﻮﭼﮭﺎ ﺗﻮ ﻭﮦ ﺭﻭﻧﮯ ﻟﮕﺎ۔
’’ ﻣﺎﻣﺎ ﮐﮩﺎﮞ ﺗﮭﯿﮟ ﺍٓﭖ ۔۔ ﭘﺎﭘﺎ ﮐﮩﮧ ﺭﮨﮯ ﺗﮭﮯ ﺍٓﭖ ﭼﻠﯽ ﮔﺌﯽ ﮨﯿﮟ۔۔ ﻭﺍﺟﺪ ﺍﻧﮑﻞ ﮐﮯ ﮨﺎﮞ ، ﺍﺏ ﻧﮩﯿﮟ ﺍٓﺋﯿﮟ ﮔﯽ۔۔ ﮐﯿﻮﮞ ﮔﺌﯽ ﺗﮭﯿﮟ ﺍٓﭖ۔۔ﺍٓﭖ ﮐﻮ ﭘﺘﺎ ﮨﮯ ﻣﯿﮟ ﺍٓﭖ ﮐﮯ ﺑﻐﯿﺮ ﻧﮩﯿﮟ ﺭﮨﺘﺎ۔۔ ‘‘ ﻻﺋﻮﻧﺞ ﻣﯿﮟ ﺍﺱ ﻭﻗﺖ ﺳﺒﮭﯽ ﻣﻮﺟﻮﺩ ﺗﮭﮯ، ﺍﺱ ﻧﮯ ﻏﺼﮯ ﺳﮯ ﺷﮩﺒﺎﺯ ﺣﯿﺪﺭ ﮐﻮ ﺩﯾﮑﮭﺎ۔ ﻭﮦ ﭼﮩﺮﮦ ﭘﮭﯿﺮ ﮔﺌﮯ ﺗﻮ ﻋﯿﺸﮧ ﻭﺍﺟﺪ ﮐﺎ ﺩﻝ ﺑﮭﮍ ﺑﮭﮍ ﭼﻠﻨﮯ ﻟﮕﺎ۔
’’ ﺍﺏ ﺍٓ ﮔﺌﯽ ﮨﻮﮞ۔۔ ﺍﺏ ﻧﮩﯿﮟ ﺟﺎﺋﻮﮞ ﮔﯽ ۔۔ ﺍٓﭖ ﺗﻮ ﻣﯿﺮﯼ ﺟﺎﻥ ﮨﻮ، ﺍﭘﻨﯽ ﻓﻮﺯﯼ ﮐﻮ ﭼﮭﻮﮌ ﮐﺮ ﻣﯿﮞﮑﮩﯿﮟ ﺟﺎ ﺳﮑﺘﯽ ﮨﻮﮞ۔۔ ﺑﺲ ﺍٓﭖ ﺟﻠﺪﯼ ﺳﮯ ﭨﮭﯿﮏ ﮨﻮ ﺟﺎﺋﻮ۔ ‘‘ ﺍﺱ ﻧﮯ ﺍﺱ ﮐﮯ ﺑﺎﻟﻮﮞ ﻣﯿﮟ ﺍﻧﮕﻠﯿﺎﮞ ﭘﮭﯿﺮﺗﮯ ﺑﮩﻼﯾﺎ ، ﺗﻮ ﻭﮦ ﻣﺴﮑﺮﺍﯾﺎ۔
’’ ﻣﯿﺮﮮ ﭘﺎﺱ ﮨﻤﯿﺸﮧ ﺭﮨﯿﮟ ﮔﯽ ﻧﺎ ۔۔ ﮐﮩﯿﮟ ﻧﮩﯿﮟ ﺟﺎﺋﯿﮟ ﮔﯽ ﻧﺎ۔۔ ‘‘ ﻣﻌﺼﻮﻣﯿﺖ ﮨﯽ ﻣﻌﺼﻮﻣﯿﺖ ﺗﮭﯽ۔ ﻋﯿﺸﮧ ﻧﮯ ﻭﺍﻟﮩﺎﻧﮧ ﭘﻦ ﺳﮯ ﺍﺱ ﮐﯽ ﭘﯿﺸﺎﻧﯽ ﭼﻮﻣﺘﮯ ﺍﺳﮯ ﮔﻠﮯ ﻟﮕﺎ ﻟﯿﺎ ﺗﮭﺎ۔
’’ ﻣﯿﺮﯼ ﺟﺎﻥ ۔۔ ﻣﯿﺮﺍ ﻓﻮﺯﯼ ۔۔ ‘‘ ﻻﺋﻮﻧﺞ ﻣﯿﮟ ﻣﻮﺟﻮﺩ ﺳﺒﮭﯽ ﺍﻓﺮﺍﺩ ﺍﺳﮯ ﻓﻮﺯﺍﻥ ﮐﮯ ﺳﺎﺗﮫ ﻻﮈ ﮐﺮﺗﮯ ﺩﯾﮑﮫ ﮐﺮ ﻣﺴﮑﺮﺍ ﺩﯾﮯ ﺗﮭﮯ۔
X X X
ﮐﺲ ﻃﺮﻑ ﺟﺎﺋﻮﮞ، ﯾﮧ ﺳﻮﭼﺘﯽ ﻧﮩﯿﮟ ﺭﮨﯽ
ﺍﻥ ﮔﻨﺖ ﺭﺍﺳﺘﮯ ﺍﻭﺭ ﺍﮐﯿﻠﯽ ﺗﮭﯽ ﻣﯿﮟ
ﺑﺎﺭ ﮨﺎ ﺍٓﺋﮯ ﺍﯾﺴﮯ ﻣﺮﺍﺣﻞ ﮐﮧ ﺟﺐ
ﺗﻢ ﻣﯿﺮﮮ ﺳﺎﺗﮫ ﺗﮭﮯ ﺍﻭﺭ ﺍﮐﯿﻠﯽ ﺗﮭﯽ ﻣﯿﮟ
ﻓﻮﺯﺍﻥ ﮐﯽ ﺑﯿﻤﺎﺭﯼ ﻧﮯ ﺍﺳﮯ ﺍﯾﮏ ﻧﮑﺘﮧ ﺳﻤﺠﮭﺎ ﺩﯾﺎ ﺗﮭﺎ ﮐﮧ ﺷﮩﺒﺎﺯ ﺣﯿﺪﺭ ﭼﺎﮨﮯ ﺍﺳﮯ ﺟﺘﻨﺎ ﻣﺮﺿﯽ ﺩﮬﺘﮑﺎﺭ ﻟﯿﮟ ، ﺟﺘﻨﯽ ﻣﺮﺿﯽ ﻧﻔﺮﺕ ﮐﺎ ﺍﻇﮩﺎﺭ ﮐﺮ ﻟﯿﮟ، ﺍﭘﻨﮯ ﺑﯿﭩﮯ ﮐﯽ ﻭﺟﮧ ﺳﮯ ﺍﺳﮯ ﺑﺮﺩﺍﺷﺖ ﮐﺮﻧﮯ ﭘﺮ ﻣﺠﺒﻮﺭ ﮨﯿﮟ، ﺍﺳﯽ ﻣﺠﺒﻮﺭﯼ ﻧﮯ ﺍﺱ ﮐﮯ ﺍﻧﺪﺭ ﻧﺌﯽ ﺗﻮﺍﻧﺎﺋﯿﺎﮞ ﺑﮭﺮ ﺩﯼ ﺗﮭﯿﮟ، ﺷﮩﺒﺎﺯ ﺣﯿﺪﺭ ﮐﻮ ﯾﮑﺴﺮ ﻧﻈﺮ ﺍﻧﺪﺍﺯ ﮐﯿﮯ ﻭﮦ ﮨﺮ ﻭﻗﺖ ﻓﻮﺯﺍﻥ ﮐﯽ ﺫﺍﺕ ﻣﯿﮟ ﺍﻟﺠﮭﯽ ﺭﮨﺘﯽ ﺗﮭﯽ۔ ﺷﮩﺒﺎﺯ ﺣﯿﺪﺭ ﺗﮏ ﭘﮩﻨﭽﻨﮯ ﮐﯿﻠﺌﮯ ﻓﻮﺯﺍﻥ ﻭﮦ ﺳﯿﮍﮬﯽ ﺗﮭﯽ، ﺟﺲ ﮐﮯ ﺫﺭﯾﻌﮯ ﻭﮦ ﺑﺎ ﺍٓﺳﺎﻧﯽ ﺍﭘﻨﯽ ﻣﻨﺰﻝ ﭘﺎ ﺳﮑﺘﯽ ﺗﮭﯽ ۔ ﺍﻧﮩﯽ ﺩﻧﻮﮞ ﺍﺱ ﮐﮯ ﻟﯿﮯ ﺍﯾﮏ ﭘﺮﻭﭘﻮﺯﻝ ﺍٓﯾﺎ ﺗﮭﺎ ، ﺩﺍﺩﺍ ﺟﺎﻥ ﮐﮯ ﺩﻭﺳﺖ ﮐﺎ ﺑﯿﭩﺎ ﺗﮭﺎ۔ ﺍﻣﺮﯾﮑﮧ ﺳﮯ ﮨﺎﺋﯿﻠﯽ ﮐﻮﺍﻟﯿﻔﺎﺋﯿﮉ ﺗﮭﺎ، ﭘﺎﮐﺴﺘﺎﻥ ﻣﯿﮟ ﮨﯽ ﺍﭘﻨﯽ ﮐﻨﺴﭩﺮﮐﺸﻦ ﮐﻤﭙﻨﯽ ﻣﯿﮟ ﺍﭼﮭﯽ ﺧﺎﺻﯽ ﭘﻮﺳﭧ ﭘﺮ ﮐﺎﻡ ﮐﺮ ﺭﮨﺎ ﺗﮭﺎ، ﺳﺐ ﮐﻮ ﯾﮧ ﭘﺮﭘﻮﺯﻝ ﺑﮩﺖ ﻣﻨﺎﺳﺐ ﻟﮕﺎ ﺗﮭﺎ ، ﻭﮦ ﺧﺎﻣﻮﺷﯽ ﺳﮯ ﺳﺐ ﺩﯾﮑﮭﺘﯽ ﺭﮨﯽ۔ ﺍﺑﮭﯽ ﺗﻮ ﻭﮦ ﺧﻮﺩ ﮐﻮ ﻧﺌﮯ ﺳﺮﮮ ﺳﮯ ﺟﻮﮌ ﺭﮨﯽ ﺗﮭﯽ، ﺍﻭﺭ ﺍﺏ ﯾﮧ ﻧﺌﯽ ﻣﺸﻘﺖ ۔۔ ﺩﻝ ﮐﻮ ﺑﮩﺖ ﮐﭽﮫ ﮨﻮﺍ ﻣﮕﺮ ﻭﮦ ﻟﺐ ﺳﮯ ﺭﮨﯽ۔ ﻭﮦ ﻟﻮﮒ ﺍٓﺋﮯ ﺍﻭﺭ ﺍﺳﮯ ﺩﯾﮑﮫ ﮐﺮ ﺍﻭﮐﮯ ﮐﺮ ﮔﺌﮯ، ﺍﻧﮩﯿﮟ ﻋﯿﺸﮧ ﺑﮩﺖ ﭘﺴﻨﺪ ﺍٓﺋﯽ ﺗﮭﯽ۔۔ ﻭﮦ ﺻﻮﺭﺗﺤﺎﻝ ﺍﻭﺭ ﺍﺱ ﻗﺪﺭ ﺗﯿﺰﯼ ﺳﮯ ﺑﺪﻟﺘﮯ ﺩﯾﮑﮫ ﮐﺮ ﺳﻦ ﺳﯽ ﮨﻮ ﮔﺌﯽ۔ ﻭﮦ ﺍﺱ ﻃﻮﻓﺎﻥ ﮐﻮ ﺭﻭﮐﻨﺎ ﭼﺎﮨﺘﯽ ﺗﮭﯽ ، ﻣﮕﺮ ﮐﭽﮫ ﻧﮧ ﮐﺮ ﭘﺎ ﺭﮨﯽ ﺗﮭﯽ ، ﺍﺱ ﺭﺍﺕ ﻓﻮﺯﺍﻥ ﮐﮯ ﺳﻮﻧﮯ ﮐﮯ ﺑﻌﺪ ﻭﮦ ﺳﺎﺭﯼ ﺭﺍﺕ ﭘﺮﯾﺸﺎﻧﯽ ﺳﮯ ﭨﮩﻠﺘﯽ ﺭﮨﯽ ﻣﮕﺮ ﮐﭽﮫ ﻓﯿﺼﻠﮧ ﻧﮧ ﮨﻮﺍ۔ ﺍﮔﻠﮯ ﺩﻥ ﺍﻥ ﻟﻮﮔﻮﮞ ﮐﯽ ﻃﺮﻑ ﺳﮯ ﺑﻼ ﻭﮦ ﺑﮭﯽ ﺍٓ ﮔﯿﺎ ﮐﮧ ﺟﺐ ﭼﺎﮨﯿﮟ ﺭﺳﻤﺎً ﺍٓ ﺟﺎﺋﯿﮟ، ﻭﮦ ﻣﺰﯾﺪ ﭘﺮﯾﺸﺎﻥ ﮨﻮ ﮔﺌﯽ۔ ﺩﻭ ﺗﯿﻦ ﺩﻥ ﺍﺳﯽ ﭘﺮﯾﺸﺎﻧﯽ ﻣﯿﮟ ﮔﺰﺭﮮ ﺗﮭﮯ، ﺍﺩﮬﺮ ﺳﮯ ﺑﮭﯽ ﭼﻨﺪ ﻟﻮﮒ ﺟﺎ ﮐﺮ ﺩﯾﮑﮫ ﺍٓﺋﮯ ﺗﮭﮯ۔۔ ﻟﮍﮐﺎ ﺍﻧﮩﯿﮟ ﺑﮭﯽ ﺑﮩﺖ ﭘﺴﻨﺪ ﺍٓﯾﺎ ﺗﮭﺎ، ﺗﻘﺮﯾﺒﺎً ﺩﻭﻧﻮﮞ ﮐﯽ ﺟﺎﻧﺐ ﺳﮯ ﮨﯽ ﻣﻌﺎﻣﻠﮧ ﺳﯿﭧ ﮨﯽ ﺗﮭﺎ۔۔ ﺑﺲ ﺭﺳﻢ ﮨﻮﻧﺎ ﺑﺎﻗﯽ ﺗﮭﯽ، ﺷﺎﺩﯼ ﻋﯿﺸﮧ ﮐﮯ ﺍﯾﻢ ﺍﯾﺲ ﺳﯽ ﮐﮯ ﺑﻌﺪ ﻓﺎﺋﻨﻞ ﺗﮭﯽ، ﻭﮦ ﺣﺎﻻﺕ ﮐﻮ ﺍﺱ ﻗﺪﺭ ﺗﯿﺰﯼ ﺳﮯ ﺑﺪﻟﺘﮯ ﺩﯾﮑﮫ ﮐﺮ ﺍﻟﺠﮫ ﮔﺌﯽ۔ ﺑﮩﺖ ﺳﻮﭺ ﺳﻤﺠﮫ ﮐﺮ ﺍﺱ ﻧﮯ ﻣﺤﺴﻦ ﺟﺎﻭﯾﺪ ‏( ﻟﮍﮐﮯ ‏) ﺳﮯ ﻣﻠﻨﮯ ﮐﺎ ﺍﺭﺍﺩﮦ ﮐﯿﺎ ﺗﮭﺎ، ﯾﻮﻧﯿﻮﺭﺳﭩﯽ ﺳﮯ ﻭﺍﭘﺴﯽ ﭘﺮ ﻭﮦ ﺳﯿﺪﮬﯽ ﺍﺱ ﮐﮯ ﺍٓﻓﺲ ﭘﮩﻨﭽﯽ ﺗﮭﯽ ، ﺍٓﻓﺲ ﮐﺎ ﺍﯾﮉﺭﯾﺲ ﺍﺱ ﻧﮯ ﺑﺎﺗﻮﮞ ﮨﯽ ﺑﺎﺗﻮﮞ ﻣﯿﮟ ﻣﮩﻮﺵ ﺑﮭﺎﺑﯽ ﺳﮯ ﻟﯿﺎ ﺗﮭﺎ۔ ﺍﭼﮭﯽ ﺧﺎﺻﯽ ﺑﮍﯼ ﮐﻤﭙﻨﯽ ﮐﮯ ﭼﯿﻒ ﺍﯾﮕﺰﯾﮑﭩﻮ ﮐﯽ ﭘﻮﺳﭧ ﭘﺮ ﻣﻮﺻﻮﻑ ﻓﺎﺋﺰ ﺗﮭﮯ ، ﻭﮦ ﮐﻨﻔﯿﻮﺯ ﺳﯽ ﺗﮭﯽ ، ﺍﺱ ﮐﯽ ﺳﯿﮑﺮﭨﺮﯼ ﺳﮯ ﺍﻧﺪﺭ ﺍﻃﻼﻉ ﺑﮭﺠﻮﺍ ﮐﺮ ﺍﻧﺘﻈﺎﺭ ﮐﺮﻧﮯ ﻟﮕﯽ۔ ﺩﻭ ﺗﯿﻦ ﻣﻨﭧ ﺑﻌﺪ ﺍﺳﮯ ﺍﻧﺪﺭ ﺑﻼ ﻟﯿﺎ ﮔﯿﺎ ﺗﮭﺎ۔ ﻭﮦ ﺩﮬﮍﮐﺘﮯ ﺩﻝ ﮐﮯ ﺳﺎﺗﮫ ﺍﺱ ﮐﮯ ﺍٓﻓﺲ ﻣﯿﮟ ﺩﺍﺧﻞ ﮨﻮﺋﯽ۔
’’ ﺍﻟﺴﻼﻡ ﻋﻠﯿﮑﻢ۔۔ ‘‘ ﺍﺗﻨﺎ ﺑﮍﺍ ﻗﺪﻡ ﺯﻧﺪﮔﯽ ﻣﯿﮟ ﭘﮩﻠﯽ ﻣﺮﺗﺒﮧ ﺍﭨﮭﺎ ﺭﮨﯽ ﺗﮭﯽ، ﺳﻮ ﮔﮭﺒﺮﺍﮨﭧ ﻻﺯﻣﯽ ﺗﮭﯽ۔
’’ ﻭﻋﻠﯿﮑﻢ ﺍﻟﺴﻼﻡ۔۔ﭘﻠﯿﺰ ﺍٓﺋﯿﮯ۔۔ ﺗﺸﺮﯾﻒ ﺭﮐﮭﺌﮯ ‘‘ ﻣﺤﺴﻦ ﺟﺎﻭﯾﺪ ﻧﮯ ﺍُﭨﮫ ﮐﺮ ﺍﺳﮯ ﻭﯾﻠﮑﻢ ﮐﯿﺎ ﺗﮭﺎ ، ﻭﮦ ﺧﺎﻣﻮﺷﯽ ﺳﮯ ﭨﯿﺒﻞ ﮐﮯ ﺳﺎﻣﻨﮯ ﭘﮍﯼ ﮐﺮﺳﯿﻮﮞ ﻣﯿﮟ ﺳﮯ ﺍﯾﮏ ﭘﺮ ﭨﮏ ﮔﺌﯽ۔
’’ ﻣﯿﮟ ﻋﯿﺸﮧ ﻭﺍﺟﺪ ﮨﻮﮞ۔۔ ‘‘ ﺍﺱ ﻧﮯ ﺍﭘﻨﮯ ﺍٓﭖ ﮐﻮ ﺳﻨﺒﮭﺎﻝ ﮐﺮ ﺑﺘﺎﯾﺎ۔
’’ ﺟﯽ ﻣﯿﮟ ﺟﺎﻧﺘﺎ ﮨﻮﮞ۔۔ ‘‘ ﻋﯿﺸﮧ ﻧﮯ ﺣﯿﺮﺍﻥ ﮨﻮ ﮐﺮ ﺍﺳﮯ ﺩﯾﮑﮭﺎ ، ﺗﻮ ﻭﮦ ﻓﻮﺭﺍً ﺑﻮﻻ۔
’’ ﺩﺭﺍﺻﻞ ﺍﻣﯽ ﮐﮯ ﭘﺎﺱ ﺍٓﭖ ﮐﯽ ﺗﺼﻮﯾﺮ ﺩﯾﮑﮭﯽ ﺗﮭﯽ ، ﺍٓﭖ ﯾﮩﺎﮞ ۔۔ﺧﯿﺮﯾﺖ۔۔ ‘‘ ﻭﮦ ﺳﺮ ﺟﮭﮑﺎ ﮔﺌﯽ۔
’’ ﻣﺠﮭﮯ ﺍٓﭖ ﺳﮯ ﺿﺮﻭﺭﯼ ﺑﺎﺕ ﮐﺮﻧﺎ ﺗﮭﯽ۔۔ ‘‘ ﺍﺱ ﻧﮯ ﮨﻤﺖ ﮐﯽ ۔
’’ ﺟﯽ ﮐﯿﻮﮞ ﻧﮩﯿﮟ ۔۔ﭘﮩﻠﮯ ﭨﮭﮩﺮﯾﮟ۔۔ ﯾﮧ ﺑﺘﺎﺋﯿﮟ ﮐﯿﺎ ﻟﯿﻨﺎ ﭘﺴﻨﺪ ﮐﺮﯾﮟ ﮔﯽ۔۔ ‘‘ ﺍﻧﭩﺮ ﮐﺎﻡ ﮐﺎ ﺭﯾﺴﯿﻮﺭ ﺍﭨﮭﺎ ﮐﺮ ﺍﺱ ﺳﮯ ﭘﻮﭼﮭﺎ ﺗﻮ ﺍﺱ ﻧﮯ ﻧﻔﯽ ﻣﯿﮟ ﺳﺮ ﮨﻼﯾﺎ۔
’’ ﭘﻠﯿﺰ ﺍﺱ ﺗﮑﻠﯿﻒ ﮐﻮ ﺭﮨﻨﮯ ﺩﯾﮟ۔۔ﻣﯿﮟ ﯾﻮﻧﯿﻮﺭﺳﭩﯽ ﺳﮯ ﺳﯿﺪﮬﯽ ﺍٓﺋﯽ ﮨﻮﮞ ، ﻣﺠﮭﮯ ﮔﮭﺮ ﺑﮭﯽ ﺟﺎﻧﺎ ﮨﮯ۔۔ ‘‘
’’ ﻣﮕﺮ ﮐﭽﮫ ﺗﻮ ﮨﻮﻧﺎ ﭼﺎﮨﯿﮯ ﻧﺎ۔۔ ‘‘ ﻭﮦ ﺑﻀﺪ ﮨﻮﺍ۔
’’ ﻣﺠﮭﮯ ﺣﺎﺟﺖ ﻧﮩﯿﮟ۔۔ﻭﺭﻧﮧ ﻣﯿﮟ ﺍٓﭖ ﮐﻮ ﻣﻨﻊ ﻧﮧ ﮐﺮﺗﯽ۔۔ ‘‘
’’ ﺍﻭﮐﮯ ۔۔ ﺍﯾﺰﯾﻮﻭِﺵ۔۔ ‘‘ ﺍﺱ ﻧﮯ ﺭﯾﺴﯿﻮﺭ ﻭﺍﭘﺲ ﺭﮐﮫ ﺩﯾﺎ۔
’’ ﺟﯽ ﮐﮩﯿﮯ ﻣﯿﮟ ﮐﯿﺎ ﺧﺪﻣﺖ ﮐﺮ ﺳﮑﺘﺎ ﮨﻮﮞ ﺍٓﭖ ﮐﯽ۔ ‘‘ ﻋﯿﺸﮧ ﮐﺎ ﻧﺎﺭﻣﻞ ﺍﻧﺪﺍﺯ ﺩﯾﮑﮫ ﮐﺮ ﻭﮦ ﺑﮭﯽ ﻓﻮﺭﺍً ﻣﻮﺿﻮﻉ ﮐﯽ ﻃﺮﻑ ﺍٓﯾﺎ ﺗﮭﺎ۔ ’’ ﺍٓﭖ ﮐﻮ ﻋﻠﻢ ﺗﻮ ﮨﻮ ﮔﺎ ﺍٓﭖ ﮐﻮ ﺍﻭﺭ ﮨﻤﺎﺭﯼ ﻓﯿﻤﻠﯽ ﮐﺲ ﺳﻠﺴﻠﮯ ﻣﯿﮟ ﺳﻮﭺ ﺭﮨﯽ ﮨﮯ۔۔ ﺩﯾﮑﮭﯿﮟ ﻣﺤﺴﻦ ﺻﺎﺣﺐ ! ﻣﯿﮟ ﺍٓﭖ ﮐﻮ ﮐﺴﯽ ﺑﮭﯽ ﻗﺴﻢ ﮐﮯ ﺍﻧﺪﮬﯿﺮﮮ ﻣﯿﮟ ﻧﮩﯿﮟ ﺭﮐﮭﻨﺎ ﭼﺎﮨﺘﯽ۔۔ﻣﯿﮞﺎٓﭖ ﺳﮯ ﺷﺎﺩﯼ ﻧﮩﯿﮟ ﮐﺮﻧﺎ ﭼﺎﮨﺘﯽ۔ ‘‘
’’ ﺟﯽ۔۔؟ ‘‘ ﻋﯿﺸﮧ ﮐﮯ ﻧﺎﺭﻣﻞ ﺭﻭّﯾﮯ ﭘﺮ ﻭﮦ ﺍﻟﺠﮭﺎ ﺿﺮﻭﺭ ﺗﮭﺎ ، ﺍﻧﺪﺍﺯ ﮦ ﺗﮭﺎ ﮐﮧ ﯾﮧ ﺑﺎﺕ ﮨﻮ ﮔﯽ۔
’’ ﺍﺱ ﮐﯽ ﻭﺟﮧ ﭘﻮﭼﮫ ﺳﮑﺘﺎ ﮨﻮﮞ۔۔؟ ‘‘ ﺍﺱ ﻧﮯ ﺳﻨﺠﯿﺪﮔﯽ ﺳﮯ ﻋﯿﺸﮧ ﮐﮯ ﭼﮩﺮﮮ ﮐﻮ ﺩﯾﮑﮭﺎ ، ﻭﮦ ﮔﺮﺩﻥ ﮨﻼ ﮔﺌﯽ۔
’’ ﻣﯿﮟ ﮐﺴﯽ ﺍﻭﺭ ﮐﻮ ﭘﺴﻨﺪ ﮐﺮﺗﯽ ﮨﻮﮞ۔۔ ﻣﺠﮭﮯ ﻧﮩﯿﮟ ﭘﺘﺎ ﻭﮦ ﺷﺨﺺ ﻣﯿﺮﮮ ﻣﻘﺪﺭ ﻣﯿﮟ ﮨﮯ ﯾﺎ ﻧﮩﯿﮟ ﻣﮕﺮ ﻣﯿﮟ ﮐﺴﯽ ﺍﻭﺭ ﺷﺨﺺ ﮐﯽ ﺑﮭﯽ ﺯﻧﺪﮔﯽ ﺗﺒﺎﮦ ﻧﮩﯿﮟ ﮐﺮﻧﺎ ﭼﺎﮨﺘﯽ۔۔ ﭼﺎﮨﮯ ﻭﮦ ﺍٓﭖ ﮨﯽ ﮐﯿﻮﮞ ﻧﮧ ﮨﻮﮞ۔۔ ﻣﯿﺮﯼ ﻣﺤﺒﺖ ﯾﮑﻄﺮﻓﮧ ﮨﮯ۔۔ ﺍﺱ ﮐﮯ ﺑﺎﻭﺟﻮﺩ ﻣﯿﮟ ﺍٓﭖ ﺳﮯ ﺷﺎﺩﯼ ﻧﮩﯿﮟ ﮐﺮ ﺳﮑﺘﯽ۔۔ ‘‘ ﻭﮦ ﺍٓﮨﺴﺘﮕﯽ ﺳﮯ ﺳﺐ ﮐﮩﮧ ﮔﺌﯽ ﺗﮭﯽ، ﻭﮦ ﺧﺎﻣﻮﺷﯽ ﺳﮯ ﻋﯿﺸﮧ ﻭﺍﺟﺪ ﮐﻮ ﺩﯾﮑﮭﮯ ﮔﯿﺎ۔ ﻭﮦ ﺍُﭨﮫ ﮐﮭﮍﯼ ﮨﻮﺋﯽ۔
’’ ﻣﯿﺮﮮ ﺟﺬﺑﺎﺕ ﺳﮯ ﻣﯿﺮﯼ ﻓﯿﻤﻠﯽ ﻻ ﻋﻠﻢ ﮨﮯ۔۔ ﻣﯿﮟ ﺍﮔﺮ ﺍٓﭖ ﮐﮯ ﭘﺮ ﭘﻮﺯﻝ ﺳﮯ ﺍﻧﮑﺎﺭ ﮐﺮﺗﯽ ﺗﻮ ﺍﻧﮩﻮﮞ ﻧﮯ ﻭﺟﮧ ﭘﻮﭼﮭﻨﯽ ﺗﮭﯽ ، ﻣﯿﺮﮮ ﭘﺎﺱ ﺍﭘﻨﯽ ﯾﮑﻄﺮﻓﮧ ﻣﺤﺒﺖ ﮐﺎ ﮐﻮﺋﯽ ﺟﻮﺍﺯﻧﮧ ﺗﮭﺎ، ﮐﮧ ﺟﺲ ﮐﻮ ﺑﻨﯿﺎﺩ ﺑﻨﺎ ﮐﺮ ﻣﯿﮟ ﺍﻧﮑﺎﺭ ﮐﺮﺗﯽ۔ ﺍﺳﯽ ﻟﯿﮯ ﺍٓﭖ ﮐﻮ ﺣﻘﯿﻘﺖ ﮐﺎ ﺑﺘﺎﻧﺎ ﺿﺮﻭﺭﯼ ﺳﻤﺠﮭﺎ ﮨﮯ۔۔ ﺍٓﭖ ﻣﯿﺮﮮ ﺟﺬﺑﻮﮞﺴﮯ ﺑﺎﺧﺒﺮ ﮨﻮﻧﮯ ﮐﮯ ﺑﺎﻭﺟﻮﺩ ﺍﭘﻨﮯ ﻭﺍﻟﺪﯾﻦ ﮐﯽ ﺑﺎﺕ ﻣﺎﻧﯿﮟ ﮔﮯ ﺗﻮ ﺍٓﭖ ﮐﻮ ﻣﺠﮫ ﺳﮯ ﮐﭽﮫ ﺣﺎﺻﻞ ﻧﮩﯿﮟ ﮨﻮ ﮔﺎ۔۔ ﭘﻠﯿﺰ ﭨﮭﻨﮉﮮ ﺩﻝ ﺳﮯ ﺿﺮﻭﺭ ﺳﻮﭼﺌﮯ ﮔﺎ، ﻣﯿﮟ ﺍٓﭖ ﮐﮯ ﺟﻮﺍﺏ ﮐﯽ ﺿﺮﻭﺭ ﻣﻨﺘﻈﺮ ﺭﮨﻮﮞ ﮔﯽ۔۔ ‘‘ ﻧﻢ ﺍٓﻟﻮﺩ ﺍٓﻧﮑﮭﻮﮞ، ﺑﮭﺮﺍﺋﯽ ﮨﻮﺋﯽ ﺍٓﻭﺍﺯ ﻣﯿﮟ ﮐﮩﮧ ﮐﺮ ﻭﮦ ﻭﮨﺎﮞ ﺭﮐﯽ ﻧﮩﯿﮟ ﺗﮭﯽ، ﭼﻠﯽ ﺍٓﺋﯽ ﺗﮭﯽ۔ ﺍٓﻧﮑﮭﻮﮞ ﻣﯿﮞﻨﻤﯽ ﺭﻭّﯾﮯ ﻣﯿﮟ ﺟﺬﺏ ﮐﺮﺗﮯ ﻭﮦ ﺑﻠﮉﻧﮓ ﺳﮯ ﺑﺎﮨﺮ ﻧﮑﻞ ﮐﺮ ﺳﮍﮎ ﮐﺮ ﺍﺱ ﮐﺮﻧﮯ ﮐﺎ ﺳﻮﭺ ﺭﮨﯽ ﺗﮭﯽ ﺟﺐ ﺳﯿﺎﮦ ﮔﺎﮌﯼ ﺗﯿﺰﯼ ﺳﮯ ﺍﺱ ﮐﮯ ﻗﺮﯾﺐ ﺭﮐﯽ ﺗﮭﯽ۔ ’’ ﻋﯿﺸﮧ۔۔ ‘‘ ﺷﮩﺒﺎﺯ ﺣﯿﺪﺭ ﮐﻮ ﺩﯾﮑﮫ ﮐﺮ ﻭﮦ ﺍﯾﮏ ﻟﻤﺤﮯ ﮐﻮ ﺳﺎﮐﺖ ﺭﮦ ﮔﺌﯽ ﺗﮭﯽ ، ﻭﮦ ﺑﮭﯽ ﺷﺎﯾﺪ ﺣﯿﺮﺍﻥ ﺗﮭﺎ ﺍﺳﮯ ﯾﮩﺎﮞ ﺩﯾﮑﮫ ﮐﺮ ۔۔ ﻭﮦ ﯾﻮﻧﯿﻮﺭﺳﭩﯽ ﮐﮯ ﻋﻼﻭﮦ ﮐﮩﯿﮟ ﺍﻭﺭ ﺑﻐﯿﺮ ﺑﺘﺎﺋﮯ ﺍﻭﺭ ﺍﮐﯿﻠﯽ ﺟﺎﺗﯽ ﺑﮭﯽ ﻧﮧ ﺗﮭﯽ۔
’’ ﺗﻢ ﯾﮩﺎﮞ۔۔ﺧﯿﺮﯾﺖ۔۔ ‘‘ ﻭﮦ ﭘﻮﭼﮫ ﺭﮨﮯ ﺗﮭﮯ۔ ﺍﻧﺪﺍﺯ ﺳﺨﺖ ﺗﮭﺎ۔۔ ﻭﮦ ﺑﻮﮐﮭﻼ ﮔﺌﯽ، ﮐﺒﮭﯽ ﺟﮭﻮﭦ ﺑﻮﻟﻨﮯ ﮐﯽ ﻧﻮﺑﺖ ﮨﯽ ﻧﮧ ﺍٓﺋﯽ ﺗﮭﯽ ﻣﮕﺮ ﺍﺏ۔۔
’’ ﻭﮦ ﻣﯿﺮﯼ ﺍﯾﮏ ﺩﻭﺳﺖ ﮐﯽ ﺑﮩﻦ ﺍﺱ ﺑﻠﮉﻧﮓ ﻣﯿﮟ ﺟﺎﺏ ﮐﺮﺗﯽ ﮨﮯ۔ ﺍﺳﯽ ﮐﮯ ﺳﺎﺗﮫ ﺍٓﺋﯽ ﺗﮭﯽ۔۔ ‘‘ ﺍﺱ ﻧﮯ ﻓﻮﺭﺍً ﺧﻮﺩ ﮐﻮ ﺳﻨﺒﮭﺎﻝ ﻟﯿﺎ۔ ﺷﮩﺒﺎﺯ ﺣﯿﺪﺭ ﻧﮯ ﭼﻨﺪ ﺛﺎﻧﯿﮯ ﺍﺳﮯ ﺑﻐﻮﺭ ﺩﯾﮑﮭﺎ ، ﺗﻮ ﻭﮦ ﻣﺰﯾﺪ ﮐﻨﻔﯿﻮﺯ ﮨﻮ ﮔﺌﯽ۔
’’ ﺑﯿﭩﮭﻮ۔۔ ‘‘ ﺍﻧﮩﻮﮞ ﻧﮯ ﻓﺮﻧﭧ ﮈﻭﺭ ﮐﮭﻮﻝ ﺩﯾﺎ ﺗﮭﺎ ، ﻭﮦ ﺧﺎﻣﻮﺷﯽ ﺳﮯ ﺑﯿﭩﮫ ﮔﺌﯽ۔
’’ ﺍٓﭖ ۔۔ ﯾﮩﺎﮞ ﮐﯿﺎ ﮐﺮ ﺭﮨﮯ ﺗﮭﮯ۔ ‘‘ ﮔﺎﮌﯼ ﻣﯿﮟ ﺧﺎﻣﻮﺷﯽ ﺗﮭﯽ، ﺍﺱ ﻧﮯ ﮔﮭﺒﺮﺍ ﮐﺮ ﭘﻮﭼﮭﺎ۔
’’ ﮐﺎﻡ ﺗﮭﺎ ﺍﯾﮏ ۔۔ ﻣﻠﻨﺎ ﺗﮭﺎ ﮐﺴﯽ ﺳﮯ ﻣﮕﺮ ۔۔ ‘‘ ﺍﺱ ﮐﺎ ’ ﻣﮕﺮ ‘ ﺍﺗﻨﺎ ﻣﻌﻨﯽ ﺧﯿﺰ ﺗﮭﺎ ﮐﮧ ﭘﮭﺮ ﻭﮦ ﭼﭗ ﺭﮨﯽ ﺍﻭﺭ ﯾﮧ ﭼﭗ ﺑﺎﻗﯽ ﺳﺎﺭﺍ ﺭﺳﺘﮧ ﺑﺮﻗﺮﺍﺭ ﺭﮨﯽ ﺗﮭﯽ ۔ ﮔﮭﺮ ﺍٓ ﮐﺮ ﻭﮦ ﮐﺎﻣﻮﮞ ﻣﯿﮟ ﻣﺼﺮﻭﻑ ﮨﻮ ﮔﺌﯽ۔ ﺍﮔﻠﮯ ﺩﻭ ﺩﻥ ﺗﮏ ﺍﺱ ﮐﯽ ﺟﺎﻥ ﺳﻮﻟﯽ ﭘﺮ ﻟﭩﮑﯽ ﺭﮨﯽ ، ﻭﮦ ﻣﺤﺴﻦ ﺟﺎﻭﯾﺪ ﮐﮯ ﺟﻮﺍﺏ ﮐﯽ ﻣﻨﺘﻈﺮ ﺗﮭﯽ، ﭘﮭﺮ ﺍﺳﮯ ﺯﯾﺎﺩﮦ ﺍﻧﺘﻈﺎﺭ ﺑﮭﯽ ﻧﮧ ﮐﺮﻧﺎ ﭘﮍﺍ۔۔ ﺭﺍﺕ ﮐﺎ ﻭﻗﺖ ﺗﮭﺎ ، ﻓﻮﺯﺍﻥ ﮐﻮ ﺳﻼ ﮐﺮ ﻭﮦ ﺩﻭﺩﮪ ﮐﺎ ﺧﺎﻟﯽ ﮔﻼﺱ ﮐﭽﻦ ﻣﯿﮟ ﺭﮐﮭﺘﮯ ﮐﻤﺮﮮ ﺳﮯ ﻧﮑﻠﯽ ﺗﮭﯽ ، ﺟﺐ ﺭﺍﮨﺪﺍﺭﯼ ﺳﮯ ﮔﺰﺭﺗﮯ ﻓﻮﻥ ﮐﯽ ﺑﯿﻞ ﺑﺠﯽ ، ﺍﺱ ﻧﮯ ﺍٓﮔﮯ ﺑﮍﮪ ﮐﺮ ﺍﺳﮯ ﺍُﭨﮭﺎ ﻟﯿﺎ۔
’’ ﮨﯿﻠﻮ۔ ‘‘
’’ ﻋﯿﺸﮧ ﮨﯿﮟ۔۔؟ ‘‘ ﺩﻭﺳﺮﯼ ﻃﺮﻑ ﺳﮯ ﮐﻮﺋﯽ ﭘﻮﭼﮫ ﺭﮨﺎ ﺗﮭﺎ۔ ’’ ﺟﯽ ﺑﻮﻝ ﺭﮨﯽ ﮨﻮﮞ ﻣﮕﺮ ﺍٓﭖ ﮐﻮﻥ۔۔؟ ‘‘ ﺍﺱ ﻧﮯ ﺣﯿﺮﺍﻥ ﮨﻮ ﮐﺮ ﭘﻮﭼﮭﺎ۔
’’ ﺗﮭﯿﻨﮏ ﮔﺎﮈ ﺍٓﭖ ﻧﮯ ﮐﺎﻝ ﺭﯾﺴﯿﻮ ﮐﯽ ۔۔ ﻣﯿﮞﮑﻞ ﺳﮯ ﮐﺌﯽ ﺑﺎﺭ ﺍٓﭖ ﮐﺎ ﻧﻤﺒﺮ ﻣﻼ ﭼﮑﺎ ﮨﻮﮞ ﻣﮕﺮ ﮨﺮ ﺑﺎﺭ ﮐﺴﯽ ﺍﻭﺭ ﮐﯽ ﺍٓﻭﺍﺯ ﺳﻨﻨﺎ ﭘﮍﺗﯽ ﺗﮭﯽ۔۔ ﻣﯿﮟ ﻣﺤﺴﻦ ﺟﺎﻭﯾﺪ ﺑﺎﺕ ﮐﺮ ﺭﮨﺎ ﮨﻮﮞ۔۔ ﮐﮩﯿﮯ ﮐﯿﺴﯽ ﮨﯿﮟ؟ ‘‘ ﺍﻧﺘﮩﺎﺋﯽ ﺑﮯ ﺗﮑﻠﻔﯽ ﺳﮯ ﮐﮩﺎ ﺟﺎ ﺭﮨﺎ ﺗﮭﺎ۔ ﻋﯿﺸﮧ ﻧﮯ ﺍﯾﮏ ﮔﮩﺮﯼ ﺳﺎﻧﺲ ﮐﮭﯿﻨﭽﯽ۔
’’ ﭨﮭﯿﮏ ﮨﻮﮞ۔۔ ﺍٓﭖ ﺳﻨﺎﺋﯿﮟ۔۔ ‘‘
’’ ﺍﻟﺤﻤﺪﻟﻠﮧ۔۔ ﻋﯿﺸﮧ ﺍٓﭖ ﻧﮯ ﻣﺠﮭﮯ ﻓﯿﺼﻠﮧ ﮐﺮﻧﮯ ﻣﯿﮟ ﻣﺪﺩ ﺩﯼ ﮨﮯ۔۔ ﺍٓﭖ ﮐﺎ ﺷﮑﺮﯾﮧ ﺍﺩﺍ ﮐﺮﻧﺎ ﭼﺎﮨﺘﺎ ﺗﮭﺎ۔۔ ‘‘ ﻭﮦ ﮐﮩﮧ ﺭﮨﺎ ﺗﮭﺎ ، ﻭﮦ ﭼﻮﻧﮑﯽ ، ﺣﯿﺮﺕ ﺑﮭﯽ ﮨﻮﺋﯽ۔
’’ ﻣﮕﺮ ﮐﯿﻮﮞ۔۔؟ ‘‘
’’ ﻣﯿﮟ ﺑﮭﯽ ﺍٓﭖ ﺳﮯ ﺷﺎﺩﯼ ﻧﮩﯿﮟ ﮐﺮﻧﺎ ﭼﺎﮨﺘﺎ ﺗﮭﺎ۔۔ ﺩﺭﺍﺻﻞ ﻣﯿﺮﯼ ﮐﺴﯽ ﺍﻭﺭ ﺳﮯ ﮐﻤﭩﻤﻨﭧ ﮨﮯ، ﮔﮭﺮﯾﻠﻮ ﭼﭙﻘﻠﺶ ﮐﯽ ﻭﺟﮧ ﺳﮯ ﺍﻣﯽ ﺍﺑﻮ ﻧﮩﯿﮟ ﻣﺎﻥ ﺭﮨﮯ ﺗﮭﮯ، ﭘﮭﺮ ﺍٓﭖ ﮐﯽ ﻃﺮﻑ ﺳﻠﺴﻠﮧ ﭼﻞ ﻧﮑﻼ، ﻣﯿﮟ ﻧﮯ ﮨﺮ ﻣﻤﮑﻦ ﮐﻮﺷﺶ ﮐﯽ۔۔ ﺑﻌﺪ ﻣﯿﮟ ﮨﺘﮭﯿﺎﺭ ﮈﺍﻝ ﺩﯾﮯ ﺗﮭﮯ، ﺍﺱ ﺩﻥ ﺍٓﭖ ﮐﯽ ﺑﺎﺗﻮﮞ ﻧﮯ ﻣﺠﮭﮯ ﺣﻮﺻﻠﮧ ﺩﯾﺎ، ﻏﯿﺮﺕ ﺩﻻﺋﯽ ، ﮐﮧ ﺍٓﭖ ﻟﮍﮐﯽ ﮨﻮ ﮐﺮ ﺍﭘﻨﮯ ﻟﯿﮯ ﮐﻮﺷﺶ ﮐﺮ ﺭﮨﯽ ﮨﯿﮟ ﺍﻭﺭ ﻣﯿﮟ ﻣﺮﺩ ﮨﻮ ﮐﺮ ﻭﺍﻟﺪﯾﻦ ﮐﻮ ﻧﮩﯿﮟ ﻣﻨﺎ ﺳﮑﺘﺎ۔۔ ﺑﺲ ﮔﮭﺮ ﺟﺎ ﮐﺮ ﻣﯿﮟ ﻧﮯ ﮨﺮ ﻭﮦ ﺣﺮﺑﮧ ﺍﺳﺘﻌﻤﺎﻝ ﮐﯿﺎ ﺟﺲ ﺳﮯ ﺍﻣﯽ ﺍﺑﻮ ﻣﺎﻥ ﺳﮑﺘﮯ ﺗﮭﮯ۔۔ ﮐﻞ ﻭﮦ ﻟﻮﮒ ﺍٓﭖ ﮐﮯ ﮨﺎﮞ ﺍﻧﮑﺎﺭ ﮐﺮﻧﮯ ﺍٓﺋﯿﮟ ﮔﮯ۔۔ ‘‘
’’ ﺗﮭﯿﻨﮏ ﯾﻮ ﺳﻮ ﻣﭻ ﻣﺤﺴﻦ ﺻﺎﺣﺐ۔۔ ‘‘ ﺍﺱ ﮐﯽ ﺍٓﻭﺍﺯ ﺑﮭﺮّﺍ ﮔﺌﯽ۔
’’ ﮐﻮﺋﯽ ﺑﺎﺕ ﻧﮩﯿﮟ۔۔ ﮐﯿﺎ ﻣﯿﮟ ﭘﻮﭼﮫ ﺳﮑﺘﺎ ﮨﻮﮞ ﮐﮧ ﻭﮦ ﺧﻮﺵ ﻧﺼﯿﺐ ﺟﺲ ﮐﯿﻠﺌﮯ ﺍٓﭖ ﺍﺳﭩﯿﻨﮉ ﻟﮯ ﺭﮨﯽ ﮨﯿﮟ ﮐﻮﻥ ﮨﮯ؟ ‘‘
’’ ﮐﯿﺎ ﮐﺮﯾﮟ ﮔﮯ ﺍٓﭖ ﺟﺎﻥ ﮐﺮ۔۔ ‘‘ ﻭﮦ ﺧﻮﺩ ﺍﺫﯾﺘﯽ ﺳﮯ ﻣﺴﮑﺮﺍﺋﯽ ۔ ﯾﮑﻄﺮﻓﮧ ﺟﺬﺑﺎﺕ ﻣﯿﮟ ﺟﻦ ﮐﺎ ﻓﺮﯾﻖ ﺛﺎﻧﯽ ﭘﺮ ﮐﻮﺋﯽ ﺍﺛﺮ ﻧﮩﯿﮟ۔۔ ﺍﻭﺭ ﺷﺎﯾﺪ ﺳﺎﺭﯼ ﺯﻧﺪﮔﯽ ﺑﮭﯽ ﻧﮧ ﮨﻮ ۔۔ ﺑﺲ ﻣﯿﮟ ﺍﭘﻨﮯ ﺳﺎﺗﮫ ﺳﻨﺴﯿﺌﺮ ﺭﮨﻨﺎ ﭼﺎﮨﺘﯽ ﮨﻮﮞ ﺗﺎ ﮐﮧ ﻣﺠﮭﮯ ﮐﻮﺋﯽ ﻣﻼﻝ ﻧﮧ ﺭﮨﮯ ﮐﮧ ﮈﻭﺑﻨﮯ ﺳﮯ ﭘﮩﻠﮯ ﻣﯿﮟ ﻧﮯ ﮨﺎﺗﮫ ﭘﺎﺋﻮﮞ ﻧﮩﯿﮟ ﻣﺎﺭﮮ ﺗﮭﮯ۔ ‘‘ ﺍﺱ ﮐﺎ ﻟﮩﺠﮧ ﺧﻮﺩ ﺑﺨﻮﺩ ﺍٓﺯﺭﺩﮦ ﮨﻮ ﮔﯿﺎ۔
’’ ﺍﻭﮦ ! ﻭﯾﺮﯼ ﺳﯿﮉ۔۔ ﻣﯿﺮﯼ ﺩﻋﺎﺋﯿﮟ ﺍٓﭖ ﮐﮯ ﺳﺎﺗﮫ ﮨﯿﮟ۔۔ ﮐﺴﯽ ﺑﮭﯽ ﻗﺴﻢ ﮐﯽ ﻣﺪﺩ ﮐﯽ ﺻﻮﺭﺕ ﻣﯿﮟ ﺍٓﭖ ﻣﺠﮭﮯ ﮐﮩﮧ ﺳﮑﺘﯽ ﮨﯿﮟ۔۔ ‘‘ ﻭﮦ ﭘﻮﺭﮮ ﺧﻠﻮﺹ ﺳﮯ ﮐﮩﮧ ﺭﮨﺎ ﺗﮭﺎ ، ﻭﮦ ﮨﻨﺲ ﺩﯼ۔
’’ ﺷﮑﺮﯾﮧ ۔۔ ‘‘ ﻭﮦ ﻣﺴﮑﺮﺍﺋﯽ ﭘﮭﺮ ﺩﻭ ﺗﯿﻦ ﺑﺎﺗﯿﮟ ﻣﺰﯾﺪ ﮐﯿﮟ ، ﭘﮭﺮ ﻓﻮﻥ ﺑﻨﺪ ﮐﺮ ﮐﮯ ﻭﮦ ﮐﭽﻦ ﻣﯿﮟ ﮔﻼﺱ ﺭﮐﮫ ﮐﺮ ﻭﺍﭘﺲ ﻟﻮﭨﯽ ﺗﻮ ﮐﺎﺭﯾﮉﻭﺭ ﺳﮯ ﮔﺰﺭﺗﮯ ﺍﺱ ﮐﯽ ﻻﺋﻮﻧﺞ ﻣﯿﮟ ﺑﯿﭩﮭﮯ ﺷﮩﺒﺎﺯ ﺣﯿﺪﺭ ﭘﺮ ﻧﮕﺎﮦ ﭘﮍﯼ۔ ﻭﮦ ﭨﯽ ﻭﯼ ﺩﯾﮑﮫ ﺭﮨﮯ ﺗﮭﮯ، ﺍﻧﮩﻮﮞ ﻧﮯ ﺑﮭﯽ ﭘﻠﭧ ﮐﺮ ﺩﯾﮑﮭﺎ ، ﺗﻮ ﻭﮦ ﺗﯿﺰﯼ ﺳﮯ ﺍﭘﻨﮯ ﮐﻤﺮﮮ ﮐﯽ ﻃﺮﻑ ﺑﮭﺎﮔﯽ۔۔ ﻧﺠﺎﻧﮯ ﮐﺲ ﺧﯿﺎﻝ ﺳﮯ ﺩﻝ ﺗﯿﺰﯼ ﺳﮯ ﺩﮬﮍﮐﻨﮯ ﻟﮕﺎ ﺗﮭﺎ۔