ﺭﺍﮦ ﺗﮑﻨﮯ ﮐﮯ ﺳﻮﺍ ﺁﻧﮑﮫ ﮐﺎ ﻣﻘﺼﺪ ﮐﯿﺎ ﮨﮯ

ﺁﺝ ﻋﺒﺪﺍﻟﻠﮧ ﮐﯽ ﺳﺎﻥ ﻓﺮﺍﻧﺴﺴﮑﻮ ﮐﯽ ﻓﻼﺋﯿﭧ ﺗﮭﯽ ﻭﮦ ﺍﯾﮏ ﮈﯾﭩﺎ ﺳﺎﺋﻨﺴﺰ ﮐﯽ ﮐﺎﻧﻔﺮﻧﺲ ﻣﯿﮟ ﺷﺮﮐﺖ ﮐﮯ ﻟﺌﮯ ﻭﮨﺎﮞ ﺟﺎﺭﮨﺎ ﺗﮭﺎ۔ ﻓﻼﺋﯿﭧ ﮐﮯ ﭘﮩﻠﮯ ﮐﻨﮑﺸﻦ ﻣﯿﮟ ﺑﺰﻧﺲ ﮐﻼﺱ ﻣﯿﮟ ﺍﯾﮏ ﺑﻮﮌﮬﺎ ﺁﺩﻣﯽ ﺍﺱ ﮐﮯ ﺳﺎﺗﮫ ﺑﯿﭩﮭﺎ ﺗﮭﺎ۔ ﺑﺎﺕ ﭼﯿﺖ ﺷﺮﻭﻉ ﮨﻮﺋﯽ۔ ﻋﺒﺪﺍﻟﻠﮧ ﺍﯾﮏ ﮐﺘﺎﺏ ﭘﮍﮪ ﺭﮨﺎ ﺗﮭﺎ ﺍﻭﺭ ﺍﺳﮯ ﺟﻠﺪ ﺍﺯ ﺟﻠﺪ ﺧﺘﻢ ﮐﺮﻧﺎ ﭼﺎﮦ ﺭﮨﺎ ﺗﮭﺎ، ﻟﮩٰﺬﺍ ﺭﺳﻤﯽ ﺑﺎﺗﻮﮞ ﮐﮯ ﺑﻌﺪ ﭼﭗ ﮨﻮ ﺭﮨﺎ۔ ﺍُﺱ ﺷﺨﺺ ﻧﮯ ﮐﺌﯽ ﺑﺎﺭ ﮨﻤﺖ ﮐﺮﻧﮯ ﮐﯽ ﮐﻮﺷﺶ ﮐﯽ ﻣﮕﺮﻋﺒﺪﺍﻟﻠﮧ ﮨﻮﮞ، ﮨﺎﮞ ﺳﮯ ﺁﮔﮯ ﻧﮧ ﮔﯿﺎ۔
ﺟﺐ ﻓﻼﺋﭧ ﻧﮯ ﮨﯿﻮﺳﭩﻦ ﻟﯿﻨﮉ ﮐﯿﺎ ﺍﻭﺭ ﻣﺴﺎﻓﺮ ﺟﮩﺎﺯ ﺳﮯ ﻧﮑﻠﮯ ﺗﻮ ﻋﺒﺪﺍﻟﻠﮧ ﮐﻮ ﻣﻌﻠﻮﻡ ﮨﻮﺍ ﮐﮧ ﺳﺎﺗﮫ ﺑﯿﭩﮭﺎ ﺷﺨﺺ ﺭﯾﺎﺳﺖ ﭨﯿﮑﺴﺎﺱ ﮐﺎ ﮔﻮﺭﻧﺮ ﺗﮭﺎ۔ ﮐﺎﻓﯽ ﻟﻮﮒ ﺍﯾﺌﺮﭘﻮﺭﭦ ﭘﺮ ﺍﻥ ﺳﮯ ﮨﺎﺗﮫ ﻣﻼﺗﮯ ﺭﮨﮯ۔ ﻋﺒﺪﺍﻟﻠﮧ ﻧﮯ ﺟﻠﺪ ﮨﯽ ﺍﭘﻨﺎ ﺩﻭﺳﺮﺍ ﮐﻨﮑﺸﻦ ﭘﮑﮍﺍ ﺍﻭﺭ ﺟﮩﺎﺯ ﺳﺎﻥ ﻓﺮﺍﻧﺴﺴﮑﻮ ﮐﯽ ﻃﺮﻑ ﺭﻭﺍﻧﮧ ﮨﻮﺍ۔ ﻣﮕﺮ ﻭﮦ ﺭﺍﺳﺘﮯ ﺑﮭﺮ ﺳﻮﭼﺘﺎ ﺭﮨﺎ ﮐﮧ ﺍﮔﺮ ﺍُﺳﮯ ﭘﮩﻠﮯ ﺳﮯ ﭘﺘﮧ ﮨﻮﺗﺎ ﮐﮧ ﺳﺎﺗﮫ ﻭﺍﻻ ﺷﺨﺺ ﮐﻮﻥ ﮨﮯ ﺗﻮ ﮐﯿﺎ ﺍﺱ ﮐﺎ ﺭﻭﯾﮧ، ﺳﻮﺍﻻﺕ ﻭ ﺟﻮﺍﻻﺕ ﺍﯾﺴﮯ ﮨﯽ ﮨﻮﺗﮯ؟ﺟﻮﺍﺏ 100% ﻧﻔﯽ ﻣﯿﮟ ﺁﯾﺎ۔ ﻋﺒﺪﺍﻟﻠﮧ ﺳﻮﭼﻨﮯ ﻟﮕﺎ ﮐﮧ ﮐﺘﻨﺎ ﺿﺮﻭﺭﯼ ﮨﮯ ﮐﮧ ﺁﭖ ﺟﺲ ﺳﮯ ﺑﺎﺕ ﮐﺮ ﺭﮨﮯ ﮨﯿﮟ ﺟﺲ ﺳﮯ ﺳﻮﺍﻝ ﮐﺮ ﺭﮨﮯ ﮨﯿﮟ ﺍﺱ ﮐﮯ ﺑﺎﺭﮮ ﻣﯿﮟ ﺟﺎﻧﺘﮯ ﺑﮭﯽ ﮨﻮﮞ۔ ﺟﺘﻨﯽ ﺟﺎﻧﮑﺎﺭﯼ ﺯﯾﺎﺩﮦ ﮨﻮﮔﯽ ﮔﻔﺘﮕﻮ ﺍﺗﻨﯽ ﮨﯽ ﺑﺎﻣﻌﻨﯽ ﮨﻮﮔﯽ ﺍﻭﺭ ﺟﺘﻨﯽ ﺍﺱ ﮐﮯ ﺑﺎﺭﮮ ﻣﯿﮟ ﺟﺎﻧﻨﮯ ﮐﯽ ﻃﻠﺐ ﮨﻮﮔﯽ ﺍﺗﻨﺎ ﮨﯽ ﺳﻮﺍﻟﻮﮞ ﭘﺮ ﻧﮑﮭﺎﺭ ﺁﺋﮯ ﮔﺎ۔
ﻭﮦ ﺳﻮﭼﻨﮯ ﻟﮕﺎ ﺩﻋﺎ ﮐﮯ ﻟﺌﮯ ﺍﻟﻠﮧ ﮐﻮ ﺟﺎﻧﻨﺎ ﮐﺘﻨﺎ ﺿﺮﻭﺭﯼ ﮨﮯ۔ ﮨﻢ ﻧﮯ ﺗﻮ ﺑﮭﻼ ﮨﯽ ﺩﯾﺎ ﮨﮯ ﮐﮧ ﺩﻧﯿﺎ ﮐﻮ ﺑﻨﺎﻧﮯ ﻭﺍﻻ ﺍﻭﺭ ﺩﻧﯿﺎ ﮐﻮ ﭼﻼﻧﮯ ﻭﺍﻻ ﺍﯾﮏ ﮨﯽ ﮨﮯ۔ ﻭﮦ ﺩﻧﯿﺎ ﺑﻨﺎ ﮐﮯ ﺑﮭﻮﻝ ﻧﮩﯿﮟ ﮔﯿﺎ ﮨﮯ۔ ﺑﻘﯿﮧ ﺳﻔﺮ ﺩﻋﺎ ﻣﯿﮟ ﮔﺬﺭ ﮔﯿﺎ ﮐﮧ ﺍﮮ ﺍﻟﻠﮧ ! ﻣﺠﮭﮯ ﺁﺝ ﺗﮏ ﺍﺗﻨﯽ ﻓﺮﺻﺖ ﻧﮧ ﻣﻠﯽ ﮐﮧ ﺗﺠﮭﮯ ﮨﯽ ﺟﺎﻥ ﺳﮑﺘﺎ، ﻣﺠﮭﮯ ﻣﻌﺎﻑ ﮐﺮﺩﮮ ﻣﯿﺮﮮ ﻣﺎﻟﮏ ! ﻣﺠﮭﮯ ﻣﻌﺎﻑ ﮐﺮﺩﮮ۔
ﮐﺎﻧﻔﺮﻧﺲ ﻣﯿﮟ ﭘﮩﻨﭽﺘﮯ ﮨﯽ ﻟﻮﮒ ﻋﺒﺪﺍﻟﻠﮧ ﮐﮯ ﭘﺎﺱ ﺁﺋﮯ، ﮐﺴﯽ ﻧﮯ ﺍُﺱ ﺳﮯ ﺣﻼﻝ ﮐﮭﺎﻧﮯ ﮐﮯ ﺭﯾﺴﭩﻮﺭﻧﭧ ﮐﮯ ﺑﺎﺭﮮ ﻣﯿﮟ ﭘﻮﭼﮭﺎ ﺗﻮ ﮐﺴﯽ ﻧﮯ ﻗﺒﻠﮧ ﮐﺎ ﺭُﺥ، ﮐﺘﻨﯽ ﻋﺠﯿﺐ ﺑﺎﺕ ﮨﮯ ﮐﮧ ﻟﻮﮒ ﺻﺮﻑ ﺷﮑﻞ ﺳﮯ ﮨﯽ ﮔﻤﺎﻥ ﮐﺮ ﻟﯿﺘﮯ ﮨﯿﮟ ﮐﮧ ﮐﺲ ﮐﮯ ﭘﺎﺱ ﮐﻮﻧﺴﯽ ﻣﻌﻠﻮﻣﺎﺕ ﮨﻮﮞ ﮔﯽ۔
ﻋﺒﺪﺍﻟﻠﮧ ﺳﻮﭼﻨﮯ ﻟﮕﺎ ﮐﮧ ﺭﻭﻝ ﻣﺎﮈﻝ ﺑﻨﻨﺎ ﯾﺎ ﻧﮧ ﺑﻨﻨﺎ ﮐﻮﺋﯽ ﭼﻮﺍﺋﺲ ﻧﮩﯿﮟ ﮨﻮﺗﯽ، ﺁﭖ ﮨﺮ ﻭﻗﺖ ﮐﺴﯽ ﻧﮧ ﮐﺴﯽ ﮐﮯ ﺗﻮ ﺭﻭﻝ ﻣﺎﮈﻝ ﮨﻮﺗﮯ ﮨﯽ ﮨﯿﮟ، ﮐﻮﺋﯽ ﻃﺎﻟﺐ ﻋﻠﻢ، ﮐﻮﺋﯽ ﮐﻮﻟﯿﮓ ﺍﻭﺭ ﮐﭽﮫ ﻧﮩﯿﮟ ﺗﻮ ﮐﻮﺋﯽ ﺩﻭﺳﺖ، ﺁﻥ ﻻﺋﻦ ﻓﺮﯾﻨﮉﺯ، ﺑﯿﻮﯼ، ﺑﭽﮯ، ﺳﻮﺍﻝ ﺗﻮ ﯾﮧ ﮨﮯ ﮐﮧ ﺁﭖ ﮐﺲ ﻗﺴﻢ ﮐﺎ ﺭﻭﻝ ﻣﺎﮈﻝ ﺑﻨﻨﺎ ﭼﺎﮨﺘﮯ ﮨﯿﮟ۔
ﺩﻧﯿﺎ ﮐﻮ ﺑﮭﯽ ﺷﺎﯾﺪ ﮐﺴﯽ ﺭﻭﻝ ﻣﺎﮈﻝ ﮐﯽ ﺗﻼﺵ ﮨﮯ، ﮐﺴﯽ ﺑﮭﯽ ﺷﺨﺺ ﮐﻮ ﺭﻭﻝ ﻣﺎﮈﻝ ﺑﻨﺎﺋﯿﮟ ﮔﮯ ﺗﻮ ﺁﺧﺮ ﻣﯿﮟ ﺑﯿﺰﺍﺭ ﮨﻮﺟﺎﺋﯿﮟ ﮔﮯ، ﺳﻮﺍﺋﮯ ﺭﺳﺎﻟﺖ ﭘﻨﺎﮦ ﺻﻠﯽ ﺍﻟﻠﮧ ﻋﻠﯿﮧ ﻭﺍٓﻝ ﻭﺳﻠﻢ ﮐﮯ، ﻣﮕﺮ ﯾﮧ ﺑﺎﺕ ﺍﻧﮩﯿﮟ ﺍﻥ ﮐﯽ ﺯﺑﺎﻥ ﻣﯿﮟ ﺳﻤﺠﮭﺎﺋﮯ ﮐﻮﻥ؟
ﻋﺒﺪﺍﻟﻠﮧ ﮐﻮ ﮐﺎﻣﯿﺎﺏ ﻟﻮﮔﻮﮞ ﮐﯽ ﺳﻮﺍﻧﺢ ﺣﯿﺎﺕ ﭘﮍﮬﻨﮯ ﮐﺎ ﺑﮍﺍ ﺷﻮﻕ ﺗﮭﺎ، ﺷﺎﯾﺪ ﮨﯽ ﮐﻮﺋﯽ ﻧﻮﺑﻞ ﭘﺮﺍﺋﺰ ﻭﻧﺮ ﺍﯾﺴﺎ ﮨﻮ ﺟﺴﮯ ﻋﺒﺪﺍﻟﻠﮧ ﻧﮯ ﻧﮧ ﭘﮍﮬﺎ ﮨﻮ، ﺍﺱ ﮐﮯ ﻋﻼﻭﮦ ﺍﭘﻨﯽ ﻓﯿﻠﮉ ﮐﮯ ﻟﻮﮒ ﻣﺜﻼً ﺑﻞ ﮔﯿﭩﺲ، ﺍﺳﭩﯿﻮ ﺟﺎﺑﺰ ﺍﻭﺭ ﻋﺎﻟﻤﯽ ﺭﮨﻨﻤﺎﺅﮞ ﻣﺜﻼً ﻧﯿﻠﺴﻦ ﻣﻨﮉﯾﻼ، ﻣﺤﻤﺪ ﻋﻠﯽ ﺟﻨﺎﺡ، ﻣﮩﺎﺗﻤﺎ ﮔﺎﻧﺪﮬﯽ۔
ﻭﮦ ﮐﭽﮫ ﺑﺎﺗﻮﮞ ﭘﮧ ﺑﮍﺍ ﺣﯿﺮﺍﻥ ﮨﻮﺗﺎ۔
ﭘﮩﻠﯽ ﺗﻮ ﯾﮧ ﮐﮧ ﺑﻈﺎﮨﺮ ﻧﻈﺮ ﺁﻧﮯ ﻭﺍﻟﯽ ﺻﻼﺣﯿﺘﻮﮞ ﮐﺎ ﻟﺌﮯ ﺟﺎﻧﮯ ﻭﺍﻟﮯ ﮐﺎﻣﻮﮞ ﺳﮯ ﮐﻮﺋﯽ ﺧﺎﺹ ﺗﻌﻠﻖ ﻧﮩﯿﮟ ﮨﮯ۔ ﻧﮧ ﮨﯽ ﺍﺱ ﺷﺨﺺ ﮐﮯ ﭘﺎﺱ ﻣﻮﺟﻮﺩ ﻭﺳﺎﺋﻞ ﮐﺎ۔
ﻣﺜﻼً ﺗﺎﺭﯾﺦ ﺍُﭨﮭﺎ ﮐﺮ ﺩﯾﮑﮭﯿﮟ ﺗﻮ ﮐﺘﻨﮯ ﺑﮍﮮ ﺑﮍﮮ ﮐﺎﻡ ﻣﻔﻠﻮﮎ ﺍﻟﺤﺎﻝ، ﻻﻏﺮ ﺍﻭﺭ ﮐﻮﺋﯽ ﺑﮩﺖ ﺯﯾﺎﺩﮦ ﺻﺤﺖ ﻣﻨﺪ ﻟﻮﮔﻮﮞ ﻧﮯ ﺍﻧﺠﺎﻡ ﻧﮩﯿﮟ ﺩﯾﺌﮯ۔ ﻣﺎﺩﺍﻡ ﮐﯿﻮﺭﯼ ﮐﻮ 2 ﺑﺎﺭ ﻧﻮﺑﻞ ﭘﺮﺍﺋﺰ ﻣﻼ، ﺍﻥ ﮐﮯ ﭘﺎﺱ ﮐﮭﺎﻧﮯ ﺗﮏ ﮐﮯ ﭘﯿﺴﮯ ﻧﮩﯿﮟ ﮨﻮﺗﮯ ﺗﮭﮯ، ﺳﺮﺩﯼ ﻣﯿﮟ ﭨﮭﻨﮉ ﺳﮯ ﺑﭽﻨﮯ ﮐﮯ ﻟﺌﮯ ﮐﭽﮫ ﻣﯿﺴﺮ ﻧﮧ ﺗﮭﺎ، ﺍﺳﭩﯿﻮ ﺟﺎﺑﺰ ﮐﻮ ﺍﻥ ﮐﺎ ﺑﺎﭖ ﺣﻤﻞ ﮐﮯ ﺩﻭﺭﺍﻥ ﮨﯽ ﭼﮭﻮﮌ ﮔﯿﺎ ﺗﮭﺎ ﺍﻭﺭ ﻭﮦ ﺭﺍﺳﺘﻮﮞ ﺳﮯ ﺑﻮﺗﻠﻮﮞ ﮐﮯ ﺧﺎﻟﯽ ﮈﺑﮯ ﺍُﭨﮭﺎﺗﺎ ﺗﮭﺎ۔ ﺑﻞ ﮔﯿﭩﺲ ﮐﺎ ﺑﭽﭙﻦ ﮨﻮ ﯾﺎ ﺻﺪﺭ ﺍﻭﺑﺎﻣﺎ ﮐﺎ، ﻋﺒﺪﺍﻟﺴﺘﺎﺭ ﺍﯾﺪﮬﯽ ﮨﻮﮞ ﯾﺎ ﺻﺪﺭ ﺍﻟﺪﯾﻦ ﮨﺎﺷﻮﺍﻧﯽ ﮐﻮﺋﯽ ﺑﮭﯽ ﻣﻨﮧ ﻣﯿﮟ ﺳﻮﻧﮯ ﮐﺎ ﭼﻤﭻ ﻟﮯ ﮐﺮ ﭘﯿﺪﺍ ﻧﮩﯿﮟ ﮨﻮﺍ۔
ﺁﭖ ﮔﺎﻧﺪﮬﯽ ﺟﯽ ﺍﻭﺭ ﺟﻨﺎﺡ ﺻﺎﺣﺐ ﮐﻮ ﺩﯾﮑﮫ ﻟﯿﮟ، ﮐﮧ ﻗﺪﺭﺕ ﻧﮯ 2 ﮐﻤﺰﻭﺭ ﺗﺮﯾﻦ ﺁﺩﻣﯿﻮﮞ ﮐﻮ ﭘﻮﺭﮮ ﺑﺮﺻﻐﯿﺮ ﻣﯿﮟ ﭼُﻨﺎ۔ ﺍﯾﮏ ﺣﺒﺸﯽ ﻏﻼﻡ ﮐﻮ ﺑﻼﻝ ﺣﺒﺸﯽ ﺭﺿﯽ ﺍﻟﻠﮧ ﺗﻌﺎﻟﯽٰ ﻋﻨﮧ، ﮐﺎ ﺩﺭﺟﮧ ﺩﮮ ﺩﯾﺎ۔ ﻧﻮﺑﻞ ﭘﺮﺍﺋﺰ ﻭﻧﺮﺯ ﮐﯽ ﺳﻮﺍﻧﺢ ﺣﯿﺎﺕ ﭘﺎﮐﺴﺘﺎﻥ ﮐﮯ ﮨﺮ ﺍﺳﮑﻮﻝ ﮐﯽ ﻻﺋﺒﺮﯾﺮﯼ ﺍﻭﺭ ﮐﻮﺭﺱ ﮐﺎ ﺣﺼﮧ ﮨﻮﻧﯽ ﭼﺎﮨﯿﺌﮯ۔ ﮐﻮﺋﯽ ﺗﻮ ﺑﺎﺕ ﮨﮯ، ﺫﮨﺎﻧﺖ، ﺻﻼﺣﯿﺘﻮﮞ ﺍﻭﺭﻋﻠﻢ ﮐﮯ ﻋﻼﻭﮦ ﺟﺲ ﮐﯽ ﻭﺟﮧ ﺳﮯ ﺑﻨﺪﮦ ﭼُﻦ ﻟﯿﺎ ﺟﺎﺗﺎ ﮨﮯ۔ ﺩﻭﺳﺮﯼ ﮐﺎﻣﻦ ﺑﺎﺕ ﺟﻮ ﻋﺒﺪﺍﻟﻠﮧ ﮐﻮ ﺣﯿﺮﺍﻥ ﮐﺮﺗﯽ ﻭﮦ ﺍﻥ ﮨﺴﺘﯿﻮﮞ ﮐﯽ ﭘﺮﻭﺭﺵ ﮨﮯ۔ ﻋﺮﺻﮯ ﺗﮏ ﮔﻤﻨﺎﻡ ﮨﯽ ﺭﮨﺘﮯ ﮨﯿﮟ، ﺯﻣﺎﻧﮯ ﮐﮯ ﺍﻭﻧﭻ ﻭ ﻧﯿﭻ ﺳﮯ ﮔﺰﺭﺗﮯ، ﻣﺸﮑﻼﺕ ﻭ ﺁﺯﻣﺎﺋﺸﯿﮟ ﺟﮭﯿﻠﺘﮯ ﭘﺮﻭﺍﻥ ﭼﮍﮬﺘﮯ ﺭﮨﺘﮯ ﮨﯿﮟ ﺍﻭﺭ ﭘﮭﺮ ﺍﯾﮏ ﺩﻥ ﺳﻮﺭﺝ ﮐﯽ ﻃﺮﺡ ﺍﯾﺴﮯ ﻃﻠﻮﻉ ﮨﻮﺗﮯ ﮨﯿﮟ ﮐﮧ ﺭﮨﺘﯽ ﺩﻧﯿﺎ ﺗﮏ ﺯﻭﺍﻝ ﻧﮧ ﮨﻮ۔
ﺍﯾﮏ ﺍﻭﺭ ﺑﺎﺕ ﮐﮧ ﺑﮩﺖ ﺳﮯ ﮐﺎﻣﯿﺎﺏ ﻭ ﻣﺸﮩﻮﺭ ﻟﻮﮔﻮﮞ ﮐﯽ ﺧﺎﻧﮕﯽ ﺯﻧﺪﮔﯽ ﮐﻮﺋﯽ ﺑﮩﺖ ﺍﭼﮭﯽ ﻧﮩﯿﮟ ﮔﺬﺭﯼ، ﺑﮩﺖ ﺳﻮﮞ ﮐﯽ ﺗﻮ ﻋﻠﯿﺤﺪﮔﯽ ﮨﯽ ﮨﻮ ﮔﺌﯽ۔ ﺧﻮﺍﮦ ﻭﮦ ﺍﻣﺮﯾﮑﯽ ﺻﺪﺭ ﺍﻟﮕﻮﺭ ﮨﻮﮞ ﯾﺎ ﺍﺳﭩﯿﻮ ﺟﺎﺑﺰ، ﻣﺎﺋﯿﮏ ﭨﺎﺋﯽ ﺳﻦ ﮨﻮﮞ ﯾﺎ ﻧﯿﻠﺴﻦ ﻣﻨﮉﯾﻼ۔
ﺍِﺱ ﺯﺍﻭﯾﮯ ﺳﮯ ﺩﯾﮑﮭﺎ ﺟﺎﺋﮯ ﺗﻮ ﺭﺳﺎﻟﺖ ﭘﻨﺎﮦ ﺻﻠﯽ ﺍﻟﻠﮧ ﻋﻠﯿﮧ ﻭﺍٓﻝ ﻭﺳﻠﻢ ﮐﯽ ﻗﻮﺕ ﺑﺮﺩﺍﺷﺖ ﺍﻭﺭ ﺻﺒﺮ ﺩﻧﯿﺎ ﻣﯿﮟ ﺳﺐ ﺳﮯ ﺯﯾﺎﺩﮦ ﮨﮯ ﺍﻭﺭ ﺍُﻣﮩﺎﺕ ﺍﻟﻤﻮﻣﻨﯿﻦؓ ﮐﯽ ﺩﻝ ﮐﯽ ﻭﺳﻌﺖ ﺑﮭﯽ ﺳﺐ ﺳﮯ ﺯﯾﺎﺩﮦ۔ ﺍﯾﮏ ﮐﺎﻣﯿﺎﺏ ﺁﺩﻣﯽ ﮐﮯ ﺳﺎﺗﮫ ﺯﻧﺪﮔﯽ ﮔﺰﺍﺭﻧﺎ ﮐﮧ ﺩﻭ ﺟﮩﺎﮞ ﺍﻥ ﮐﯽ ﺗﻌﺮﯾﻒ ﮐﺮﮮ ﺍﻭﺭ ﺁﭖ ﮐﺎ ﺍﻥ ﺳﮯ ﮐﻮﺋﯽ ﻣﻮﺍﺯﻧﮧ ﮨﯽ ﻧﮧ ﮨﻮ، ﺩﻝ ﮔﺮﺩﮮ ﮐﺎ ﮐﺎﻡ ﮨﮯ۔ ﺟﻮ ﻣﭧ ﺟﺎﺋﮯ ﻭﮦ ﻧﺒﮭﺎﺋﮯ ﻭﺭﻧﮧ ﺗﻮ ﺩﻧﯿﺎ ﺑﮭﺮﯼ ﭘﮍﯼ ﮨﮯ ﺍﻥ ﻣﺜﺎﻟﻮﮞ ﺳﮯ۔ ﻭﮦ ﺳﻮﭼﺘﺎ ﮐﺎﺵ ﮐﻮﺋﯽ ﺍﺱ ﻣﻮﺿﻮﻉ ﭘﺮ ﺍﺱ ﮐﮯ ﺳﺎﺗﮫ ﮐﺎﻡ ﮐﺮﺳﮑﮯ ﮐﮧ ﺍﺳﮯ ﻋﺮﺑﯽ ﻧﮩﯿﮟ ﺁﺗﯽ ﺍﻭﺭ ﮐﺘﺎﺑﻮﮞ ﮐﺎ ﺍﯾﮏ ﻭﺳﯿﻊ ﺫﺧﯿﺮﮦ ﺟﺲ ﺳﮯ ﺍﺳﮯ ﻣﺪﺩ ﻣﻞ ﺳﮑﮯ ﻋﺮﺑﯽ ﻣﯿﮟ ﮨﮯ۔
* ۔۔۔ * ۔۔۔ *
ﻋﺒﺪﺍﻟﻠﮧ ﻭﺍﭘﺲ ﺍﭘﻨﮯ ﺷﮩﺮ ﭘﮩﻨﭻ ﮐﺮ ﮐﻤﭙﻨﯽ ﺍﻭﺭ ﺍﺱ ﮐﮯ ﮐﺎﻣﻮﮞ ﻣﯿﮟ ﻣﺼﺮﻭﻑ ﮨﻮﮔﯿﺎ۔ ﺍُﺱ ﻧﮯ ﮈﯾﭩﺎ ﺳﺎﺋﻨﭩﺴﭧ ﮐﯿﺴﮯ ﺑﻨﺘﮯ ﮨﯿﮟ، ﭘﺮ ﺍﯾﮏ ﻣﻀﻤﻮﻥ ﺑﮭﯽ ﻟﮑﮫ ﺩﯾﺎ۔ ﻭﮦ ﭼﺎﮨﺘﺎ ﺗﮭﺎ ﮐﮧ ﮐﭽﮫ ﺗﻮ ﺍﭼﮭﮯ ﮈﯾﭩﺎ ﺳﺎﺋﻨﭩﺴﭧ ﺗﯿﺎﺭ ﮨﻮ ﭘﺎﺋﯿﮟ ﺗﺎﮐﮧ ﻭﮦ ﮐُﮭﻞ ﮐﮯ ﮐﺎﻡ ﮐﺮﺳﮑﮯ۔ ﺩﻥ ﮔﺰﺭﺗﮯ ﭼﻠﮯ ﮔﺌﮯ ﺍﻭﺭ ﻋﺒﺪﺍﻟﻠﮧ ﺍﭘﻨﮯ ﮐﺎﻣﻮﮞ ﻣﯿﮟ ﻣﮕﻦ، ﮐﺒﮭﯽ ﻓﺮﺻﺖ ﻣﻞ ﺟﺎﺗﯽ ﺗﻮ ﻣﻔﺘﯽ ﺻﺎﺣﺐ ﺳﮯ ﺑﺎﺕ ﮐﺮﻟﯿﺘﺎ ﯾﺎ ﮐﻤﺮﮦ ﺑﻨﺪ ﮐﺮﮐﮯ ﺁﻧﮑﮭﯿﮟ ﺑﻨﺪ ﮐﺮﮐﮯ ﺍﭘﻨﯽ ﺗﺴﺒﯿﺢ ﭘﮍﮬﺘﺎ ﺭﮨﺘﺎ، ﺍﯾﺴﺎ ﮐﺮﻧﮯ ﺳﮯ ﺍُﺳﮯ ﺑﮩﺖ ﺳﮑﻮﻥ ﻣﻠﺘﺎ۔
* ۔۔۔ * ۔۔۔ *
ﺁﺝ ﺟﻤﻌﮧ ﮐﺎ ﺩﻥ ﺗﮭﺎ، ﻋﺒﺪﺍﻟﻠﮧ ﻧﮯ ﮨﺮ ﺟﻤﻌﮧ ﮐﯽ ﻃﺮﺡ ﺳﻮﺭۃ ﮐﮩﻒ ﻣﮑﻤﻞ ﮐﯽ ﺍﻭﺭ ﻣﺴﺠﺪ ﭼﻼ ﮔﯿﺎ۔ ﯾﮩﺎﮞ ﮐﯽ ﻣﺴﺠﺪ ﺍﺳﮯ ﺑﮩﺖ ﭘﺴﻨﺪ ﺗﮭﯽ، ﺍﻣﺎﻡ ﺻﺎﺣﺐ ﺑﮭﯽ ﻧﭙﯽ ﺗُﻠﯽ ﺑﺎﺕ ﮐﺮﺗﮯ ﺗﮭﮯ ﺍﻭﺭ ﺑﻼﻭﺟﮧ ﮐﯽ ﺟﺬﺑﺎﺗﯿﺖ ﺳﮯ ﺩﻭﺭ ﮨﯽ ﺭﮨﺘﮯ ﺗﮭﮯ۔ ﻧﻤﺎﺯ ﺳﮯ ﻓﺎﺭﻍ ﮨﻮﺍ ﺗﻮ ﭘﭽﮭﻠﯽ ﺻﻒ ﻣﯿﮟ ﺩﻭ ﺁﺩﻣﯿﻮﮞ ﮐﻮ ﻟﮍﺗﮯ ﭘﺎﯾﺎ۔ ﻭﮦ ﺑﮩﺖ ﺍﻭﻧﭽﺎ ﺑﻮﻝ ﺭﮨﮯ ﺗﮭﮯ۔ ﻏﺎﻟﺒﺎً ﮐﻮﺋﯽ ﭘﺎﺭﮐﻨﮓ ﮐﺎ ﻣﺴﺌﻠﮧ ﺗﮭﺎ ﮐﮧ ﺍﯾﮏ ﻧﮯ ﮔﺎﮌﯼ ﻟﮕﺎ ﺩﯼ ﺟﺐ ﮐﮧ ﺩﻭﺳﺮﺍ ﻟﮕﺎﻧﺎ ﭼﺎﮨﺘﺎ ﺗﮭﺎ۔ ﺍﺗﻨﯽ ﺳﯽ ﺑﺎﺕ ﻣﮕﺮ ﻟﮩﺠﻮﮞ ﺍﻭﺭ ﺟﻤﻠﻮﮞ ﺳﮯ ﯾﻮﮞ ﻟﮕﺘﺎ ﺗﮭﺎ ﮐﮧ ﺟﯿﺴﮯ ﺁﺳﻤﺎﻥ ﭨﻮﭦ ﭘﮍﺍ ﮨﻮ۔ ﻏﯿﻆ ﻭ ﻏﻀﺐ ﮐﺎ ﯾﮧ ﻋﺎﻟﻢ ﮐﮧ ﺷﺎﯾﺪ ﺍﯾﮏ ﺩﻭﺳﺮﮮ ﮐﻮ ﺟﺎﻥ ﺳﮯ ﻣﺎﺭ ﺩﯾﮟ ﺗﻮ ﺑﮭﯽ ﭼﯿﻦ ﻧﮧ ﺁﺋﮯ۔ ﺧﯿﺮ ﻟﻮﮔﻮﮞ ﻧﮯ ﺁ ﮐﺮ ﺑﯿﭻ ﺑﭽﺎﺅ ﮐﺮﺍ ﺩﯾﺎ۔ ﻋﺒﺪﺍﻟﻠﮧ ﺳﻮﭼﻨﮯ ﻟﮕﺎ ﮐﮧ ﮐﺴﯽ ﺍﻭﺭ ﮐﮯ ﺩﻝ ﻣﯿﮟ ﻏﯿﻆ ﻭ ﻏﻀﺐ ﺭﮐﮫ ﮐﮯ ﺁﺩﻣﯽ ﺩﻋﺎ ﻣﯿﮟ ﺭﺣﻢ ﮐﯿﺴﮯ ﻣﺎﻧﮕﺘﺎ ﮨﮯ۔ ﺍُﺳﮯ ﺁﭘﺲ ﻣﯿﮟ ﻟﮍﺗﮯ ﮨﻮﺋﮯ ﻣﺴﻠﻤﺎﻥ ﺑﺎﻟﮑﻞ ﺑﮭﯽ ﭘﺴﻨﺪ ﻧﮩﯿﮟ ﺗﮭﮯ۔
ﺍﺱ ﭘﺮ ﻃﺮﮦ ﯾﮧ ﮐﮧ ﮨﺮ ﺷﺨﺺ ﻣﻨﺼﻒ ﮐﺎ ﮐﺮﺩﺍﺭﺍﺩﺍ ﮐﺮﻧﮯ ﺁﻥ ﭘﮩﻨﭽﺘﺎ ﮨﮯ۔ ﻣﺼﻠﺢ ﺑﻨﻨﮯ ﮐﺎ ﺷﻮﻕ ﺍﻧﺴﺎﻥ ﮐﯽ ﺑﺪ ﺗﺮﯾﻦ ﻋﺎﺩﺗﻮﮞ ﻣﯿﮟ ﺳﮯ ﺍﯾﮏ ﮨﮯ۔ ﻋﺒﺪﺍﻟﻠﮧ ﺑﮭﺎﺭﯼ ﺩﻝ ﮐﮯ ﺳﺎﺗﮫ ﮔﮭﺮ ﻭﺍﭘﺲ ﺁﮔﯿﺎ۔ ﺩﻝ ﺑﮩﻼﻧﮯ ﮐﻮ ﺳﻮﭼﺎ ﮐﮧ ﯾﻮ ﭨﯿﻮﺏ ﭘﺮ ﮐﻮﺋﯽ ﺍﺳﻼﻣﯽ ﺑﯿﺎﻥ ﺳﻦ ﻟﯿﺎ ﺟﺎﺋﮯ۔ ﺗﻔﺴﯿﺮ ﺳﻨﻨﮯ ﺳﮯ ﻭﮦ ﮈﺭﺗﺎ ﮨﯽ ﺗﮭﺎ ﮐﮧ ﺟﺲ ﺗﻌﺪﺍﺩ ﻣﯿﮟ ﻣﻔﺴﺮ ﻗﺮﺁﻥ ﺍﻧﭩﺮﻧﯿﭧ ﻧﮯ ﭘﭽﮭﻠﮯ 10 ﺳﺎﻟﻮﮞ ﻣﯿﮟ ﭘﯿﺪﺍ ﮐﺌﮯ ﺍﺗﻨﮯ ﺗﻮ ﺍُﻣﺖ ﻣﺴﻠﻤﮧ 14 ﺳﻮ ﺳﺎﻟﻮﮞ ﻣﯿﮟ ﻧﮧ ﮐﺮ ﺳﮑﯽ۔
ﺧﺪﺍ ﺧﺪﺍ ﮐﺮﮐﮯ ﮐﭽﮫ ﻟﯿﮑﭽﺮﺯ ﻣﻠﮯ، ﻋﺒﺪﺍﻟﻠﮧ ﻧﮯ ﺳﻨﻨﺎ ﺷﺮﻭﻉ ﮐﯿﺎ۔ ﺑﮩﺖ ﺍﭼﮭﮯ ﻟﯿﮑﭽﺮﺯ ﺗﮭﮯ۔ ﮐﻮﺋﯽ ﺁﺋﯿﮉﯾﻞ ﻣﺴﻠﻤﺎﻥ ﮐﺎ ﺯﺍﺋﭽﮧ ﮐﮭﯿﻨﭻ ﺭﮨﺎ ﺗﮭﺎ ﺗﻮ ﮐﻮﺋﯽ ﺷﺮﻡ ﻭ ﺣﯿﺎ ﮐﯽ ﺑﺎﺗﯿﮟ ﺑﯿﺎﻥ ﻓﺮﻣﺎ ﺭﮨﺎ ﺗﮭﺎ، ﮐﻮﺋﯽ ﺍﺳﻼﻑ ﮐﮯ ﮐﺎﺭﻧﺎﻣﻮﮞ ﮐﯽ ﮔﻨﺘﯽ ﮐﺮ ﺭﮨﺎ ﺗﮭﺎ ﺗﻮ ﮐﻮﺋﯽ ﺁﺝ ﮐﻞ ﮐﮯ ﻣﺴﻠﻤﺎﻧﻮﮞ ﮐﻮ ﻣﻼﺋﮑﮧ ﺳﮯ ﺍﻓﻀﻞ ﻗﺮﺍﺭ ﺩﮮ ﺭﮨﺎ ﺗﮭﺎ۔ ﮐﺴﯽ ﻧﮯ ﺯﻧﺪﮔﯽ ﺑﮭﺮ ﺟﮭﻮﭦ ﻧﮧ ﺑﻮﻟﻨﮯ ﮐﯽ ﻗﺴﻢ ﮐﮭﺎﺋﯽ، ﺗﻮ ﮐﺴﯽ ﻧﮯ ﺻﺎﺣﺐ ﺗﺮﺗﯿﺐ ﺍﻭﺭ ﮐﺌﯽ ﻋﺸﺮﻭﮞ ﮐﯽ ﺗﮩﺠﺪ ﻧﮧ ﭼﮭﭩﻨﮯ ﮐﺎ ﯾﻘﯿﻦ ﺩﻻﯾﺎ۔ ﮐﻮﺋﯽ ﮐﮩﮧ ﺭﮨﺎ ﺗﮭﺎ ﮐﮧ ﺳﺪﮬﺎﺭ ﺍﻭﭘﺮ ﺳﮯ ﺁﺋﮯ ﮔﺎ ﺟﺐ ﺍﮨﻞ ﻭ ﺍﯾﻤﺎﻧﺪﺍﺭ ﺣﮑﻤﺮﺍﻥ ﺁﺋﯿﮟ ﮔﮯ ﺗﻮ ﮐﻮﺋﯽ ﮨﺮ ﺷﺨﺺ ﮐﻮ ﺻﺤﯿﺢ ﮐﺮﮐﮯ ﺍﻥ ﺍﮐﺎﺋﯿﻮﮞ ﺳﮯ ﻣﻌﺎﺷﺮﮮ ﮐﯽ ﺍﺯ ﺳﺮ ﻧﻮ ﺗﻌﻤﯿﺮ ﮐﺎ ﻣﺘﻤﻨﯽ ﺗﮭﺎ۔
ﻋﺒﺪﺍﻟﻠﮧ ﺳﺐ ﺳﻨﺘﺎ ﺭﮨﺎ ﺍﻭﺭ ﭘﮭﺮ ﺍﻭﺭ ﺳﻨﺘﺎ ﺭﮨﺎ ﺍﻭﺭ ﭘﮭﺮ ﯾﮩﺎﮞ ﺗﮏ ﮐﮯ ﺭﺍﺕ ﭘﮍﮔﺌﯽ۔
ﻋﺒﺪﺍﻟﻠﮧ ﮐﺒﮭﯽ ﮐﺒﮭﯽ ﺑﮩﺖ ﭘﺮﯾﺸﺎﻥ ﮨﻮﺟﺎﺗﺎ ﮐﮧ ﺍﺱ ﮐﺎ ﺩﻝ ﻭ ﺩﻣﺎﻍ ﺳﯿﺪﮬﯽ ﺳﺎﺩﮬﯽ ﺑﺎﺕ ﻗﺒﻮﻝ ﮐﯿﻮﮞ ﻧﮩﯿﮟ ﮐﺮﺗﺎ؟ ﮐﯿﻮﮞ ﺍﺳﮯ ﮨﺮ ﭼﯿﺰ ﭘﺮ ﮐﻮﺋﯽ ﻧﮧ ﮐﻮﺋﯽ ﺍﻋﺘﺮﺍﺽ ﮨﻮﺟﺎﺗﺎ ﮨﮯ؟ ﺍﯾﺴﺎ ﮐﯿﻮﮞ ﮨﮯ ﮐﮧ ﮨﺮ ﺟﻮﺍﺏ ﮐﯽ ﺗﻼﺵ ﻣﯿﮟ ﺳﻮﺍﻟﻮﮞ ﮐﯽ ﺍﯾﮏ ﻧﺌﯽ ﻓﺼﻞ ﭘﮏ ﮐﺮ ﺗﯿﺎﺭ ﮐﮭﮍﯼ ﮨﻮﺗﯽ ﮨﮯ۔ ﺍُﺳﮯ ﭼﯿﻦ ﮐﯿﻮﮞ ﻧﮩﯿﮟ ﻣﻠﺘﺎ؟
ﺍُﺱ ﻧﮯ ﺳﻮﭼﺎ، ﺁﺝ ﺭﺕ ﺟﮕﺎ ﮐﺮﺗﮯ ﮨﯿﮟ۔ ﮐﯿﻮﮞ ﻧﮧ ﺍُﺳﯽ ﺳﮯ ﭘﻮﭼﮭﯿﮟ، ﺟﻮ ﺳﺎﺭﮮ ﺳﻮﺍﻝ ﻭ ﺟﻮﺍﺏ ﮐﺎ ﻣﺎﻟﮏ ﮨﮯ۔ ﻋﺒﺪﺍﻟﻠﮧ ﻧﮯ ﺩﻭ ﺭﮐﻌﺖ ﺻﻠﻮۃ ﺍﻟﺤﺎﺟۃ ﺩﻝ ﮐﮯ ﻗﻔﻞ ﭨﻮﭦ ﺟﺎﻧﮯ ﮐﮯ ﻣﺎﻧﮯ ﺍﻭﺭ ﻧﻤﺎﺯ ﺷﺮﻭﻉ ﮐﺮﺩﯼ۔ ﺁﺝ ﮨﺮ ﻣﻤﮑﻦ ﮐﻮﺷﺶ ﮐﮯ ﺑﺎﻭﺟﻮﺩ ﻋﺒﺪﺍﻟﻠﮧ ﮐﮯ ﻣﻨﮧ ﺳﮯ ﺍﻟﻔﺎﻅ ﮨﯽ ﻧﮩﯿﮟ ﻧﮑﻞ ﺭﮨﮯ ﺗﮭﮯ۔ ﻭﮦ ﺻﺮﻑ ﺭﻭ ﺭﮨﺎ ﺗﮭﺎ۔ ﺭﮐﻮﻉ ﻣﯿﮟ ﺑﮭﯽ، ﺳﺠﺪﻭﮞ ﻣﯿﮟ ﺑﮭﯽ، ﻗﯿﺎﻡ ﻣﯿﮟ ﺑﮭﯽ، ﺗﺸﮩﺪ ﻣﯿﮟ ﺑﮭﯽ، ﺍﺱ ﮐﮯ ﺩﻝ ﺳﮯ ﺩﮬﻮﻧﮑﻨﯽ ﮐﯽ ﻃﺮﺡ ﺁﻭﺍﺯﯾﮟ ﺁ ﺭﮨﯽ ﺗﮭﯿﮟ۔ ﻭﮦ ﺗﻨﮓ ﺁ ﭼﮑﺎ ﺗﮭﺎ، ﺍﻥ ﺳﻮﺍﻟﻮﮞ ﺳﮯ ﺍﻭﺭ ﻭﮦ ﺁﺝ ﺟﻮﺍﺏ ﭼﺎﮨﺘﺎ ﺗﮭﺎ۔ ﻭﮦ ﭼﺎﮨﺘﺎ ﺗﮭﺎ ﮐﮧ ﺧﺪﺍ ﮐﯽ ﮐﺎﺋﻨﺎﺕ ﻣﯿﮟ ﮔﮭﻮﻣﮯ ﮐﮧ ﺩﻧﯿﺎ ﻣﯿﮟ ﺭﮦ ﮐﺮ ﺍﺏ ﺍﺱ ﮐﺎ ﺩﻡ ﮔﮭﭧ ﺭﮨﺎ ﺗﮭﺎ۔ ﻭﮦ ﭼﺎﮨﺘﺎ ﺗﮭﺎ ﮐﮧ ﺍﻟﻠﮧ ﮐﯽ ﺻﻨﺎﻋﯽ ﺩﯾﮑﮭﮯ ﮐﮧ ﺩﻧﯿﺎ ﺳﮯ ﺩﻝ ﺑﮭﺮ ﭼﮑﺎ ﺗﮭﺎ۔ ﻭﮦ ﭼﺎﮨﺘﺎ ﺗﮭﺎ ﮐﮧ ﻋﻠﻢ ﺍﺏ ﮐﮩﯿﮟ ﺍﻭﺭ ﺳﮯ ﻣﻠﮯ ﮐﮧ ﯾﻮﭨﯿﻮﺏ ﺍﻭﺭ ﮐﺘﺎﺑﯿﮟ ﺍﺳﮯ ﺑﮯ ﻣﻌﻨﯽ ﻟﮕﻨﮯ ﻟﮕﮯ ﺗﮭﮯ۔ ﻭﮦ ﭼﺎﮨﺘﺎ ﺗﮭﺎ ﮐﮧ ﻭﮦ ﻣﺤﺒﺖ ﻣﻠﮯ ﺟﻮ ﺍﺳﮯ ﺑﮭﺮ ﺩﮮ۔ ﺍُﺳﮯ ﺭﻧﮓ ﺩﮮ، ﺍﺳﮯ ﺳﯿﺮﺍﺏ ﮐﺮ ﺩﮮ، ﻭﮦ ﭼﺎﮨﺘﺎ ﺗﮭﺎ ﮐﮧ ﺍﯾﺴﺎ ﻧﺸﮧ ﮐﺮﮮ ﮐﮧ ﺣﺸﺮ ﻣﯿﮟ ﮨﯽ ﺟﺎ ﮐﺮ ﮨﻮﺵ ﺁﺋﮯ۔
ﺳﺎﺭﯼ ﺩﻧﯿﺎ ﺳﮯ ﻧﺎ ﺍُﻣﯿﺪ ﻋﺒﺪﺍﻟﻠﮧ، ﺍﯾﺴﯽ ﺩﻧﯿﺎ ﻣﯿﮟ ﺟﻮ ﺁﺝ ﺗﮏ ﺍﺱ ﮐﮯ ﺳﻮﺍﻝ ﮨﯽ ﺧﺘﻢ ﻧﮧ ﮐﺮ ﭘﺎﺋﯽ، ﺍﯾﺴﯽ ﺩﻧﯿﺎ ﺟﺴﮯ ﺍﺱ ﮐﮯ ﺳﻮﺍﻝ ﺳﻤﺠﮫ ﮨﯽ ﻧﮩﯿﮟ ﺁﺗﮯ ﮨﯿﮟ ﺍﻥ ﺳﺐ ﺳﮯ ﻭﮦ ﺍﯾﮏ ﺑﺎﺭ ﮨﯽ ﭼﮭﭩﮑﺎﺭﺍ ﭘﺎﻧﺎﭼﺎﮨﺘﺎ ﺗﮭﺎ۔ ﺁﺝ ﺯﺑﺎﻥ ﮔﻨﮓ ﮨﻮ ﮔﺌﯽ ﺗﮭﯽ، ﺁﻧﮑﮭﯿﮟ ﺑﻮﻝ ﺭﮨﯽ ﺗﮭﯿﮟ، ﻧﻤﺎﺯ ﺧﺘﻢ ﮐﺮﮐﮯ ﻋﺒﺪﺍﻟﻠﮧ ﻧﮯ ﺍﭘﻨﮯ ﮨﺎﺗﮫ ﺑﻠﻨﺪ ﮐﺌﮯ۔
ﺍﮮ ﺍﻟﻠﮧ ﺳﺎﺋﯿﮟ !
ﺍﮮ ﺍﻟﻠﮧ ! ﻣﯿﺮﺍ ﮐﯿﺎ ﮨﻮﮔﺎ؟ ﻣﯿﺮﺍ ﮐﯿﺎ ﮨﻮﮔﺎ ﻣﯿﺮﮮ ﻣﺎﻟﮏ؟ ﯾﮧ ﻣﯿﺮﮮ ﺩﻝ ﮐﺎ ﺷﻮﺭ ﮐﺐ ﺗﮭﻤﮯ ﮔﺎ؟ ﮐﯿﺎ ﻣﯿﮟ ﭘﺎﮔﻞ ﮨﻮﻧﮯ ﺟﺎ ﺭﮨﺎ ﮨﻮﮞ؟ ﮐﯿﺎ ﻣﺠﮭﮯ ﻓﺎﻟﺞ ﮨﻮﺟﺎﺋﮯ ﮔﺎ؟ ﮐﯿﺎ ﻣﯿﮟ ﻣﺮﻧﮯ ﻭﺍﻻ ﮨﻮﮞ؟ ﻭﮦ ﺗﻤﺎﻡ ﺑﺎﺗﯿﮟ ﺟﻮ ﺳﺐ ﮐﻮ ﺳﻤﺠﮫ ﺁﺟﺎﺗﯽ ﮨﯿﮟ ﻭﮦ ﻣﺠﮭﮯ ﮐﯿﻮﮞ ﻧﮩﯿﮟ ﺁﺗﯿﮟ؟ ﮨﺮ ﺟﻮﺍﺏ ﮐﺎ ﺍﯾﮏ ﻭﻗﺖ ﮨﻮﺗﺎ ﮨﮯ ﺳﻮﺍﻝ ﮐﺎ ﮐﯿﻮﮞ ﻧﮩﯿﮟ ﮨﻮﺗﺎ؟ ﯾﮧ ﺑﯿﺎﻥ ﺩﯾﻨﮯ ﻭﺍﻟﮯ ﺗﯿﺮﮮ ﻧﯿﮏ ﺑﻨﺪﮮ ﮐﯿﺎ ﮐﮩﺘﮯ ﮨﯿﮟ؟ ﯾﮧ ﻣﻌﺼﻮﻡ ﻟﻮﮒ ﮨﯿﮟ ﺍﻟﻠﮧ، ﯾﮧ ﮐﯿﺎ ﺟﺎﻧﯿﮟ ﮔﻨﺎﮦ ﮐﺴﮯ ﮐﮩﺘﮯ ﮨﯿﮟ۔ ﺍﻧﮩﯿﮟ ﮐﯿﺎ ﻣﻌﻠﻮﻡ ﺟﺐ ﻧﻔﺲ ﺿﺪ ﭘﺮ ﺁﺟﺎﺋﮯ ﺗﻮ ﮐﯿﺎ ﮨﻮﺗﺎ ﮨﮯ، ﺍﻧﮩﯿﮟ ﺧﺒﺮ ﮨﯽ ﻧﮩﯿﮟ ﮐﮧ ﺍﯾﮏ ﻋﻤﺮ ﺍﯾﺴﯽ ﺑﮭﯽ ﺁﺗﯽ ﮨﮯ ﮐﮧ ﮐﻮﺋﯽ ﺑﯿﺎﻥ ﺍﺛﺮ ﻧﮩﯿﮟ ﮐﺮﺗﺎ، ﺑﻨﺪﮦ ﺟﮩﻨﻢ ﺗﮏ ﺳﮯ ﻧﮩﯿﮟ ﮈﺭﺗﺎ، ﺍﻧﮩﯿﮟ ﮐﯿﺎ ﻣﻌﻠﻮﻡ ﺟﺬﺑﺎﺕ ﮐﮯ ﮔﻠﺴﺘﺎﻥ ﻣﯿﮟ ﺍﯾﮏ ﺩﮨﮑﺘﺎ ﺟﻤﻠﮧ ﮐﯿﺎ ﺁﮒ ﻟﮕﺎﺗﺎ ﮨﮯ، ﺟﻨﺲ ﮐﯽ ﺧﺎﻣﻮﺵ ﺟﮭﯿﻞ ﻣﯿﮟ ﺍﯾﮏ ﮐﻨﮑﺮ ﮐﯿﺎ ﺑﮭﻨﻮﺭ ﭘﯿﺪﺍ ﮐﺮﺗﺎ ﮨﮯ۔ ﺍﻧﮩﯿﮟ ﭘﺘﮧ ﮨﯽ ﻧﮩﯿﮟ ﻣﯿﺮﮮ ﺭﺏ، ﺍﻧﺴﺎﻥ، ﺍﻧﺴﺎﻧﻮﮞ ﺳﮯ ﮐﺘﻨﯽ ﺩﻭﺭ ﺁ ﭘﮍﺍ ﮨﮯ۔ ﺳﺘﺎﺭﻭﮞ ﮐﮯ ﺟﮭﻤﮕﭩﻮﮞ ﻣﯿﮟ ﺭﮨﻨﮯ ﻭﺍﻟﮯ ﯾﮧ ﺗﯿﺮﮮ ﭘﺎﮎ ﺑﻨﺪﮮ، ﮐﯿﺎ ﺟﺎﻧﯿﮟ ﮨﻢ ﺟﺬﺑﺎﺕ ﮐﮯ ﺑﯿﻮﭘﺎﺭﯼ ﮐﻦ ﺍﻧﺪﮬﯿﺮﻭﮞ ﻣﯿﮟ ﺭﮨﺘﮯ ﮨﯿﮟ۔ ﻧﯿﮑﯿﻮﮞ ﮐﮯ ﮔﮭﮍﺳﻮﺍﺭ ﻣﻌﺼﯿﺘﻮﮞ ﮐﮯ ﭘﯿﺎﺩﻭﮞ ﮐﯽ ﺭﻓﺘﺎﺭ ﮐﯿﺎ ﺟﺎﻧﯿﮟ۔ ﮐﺲ ﺳﮯ ﺟﺎ ﮐﺮ ﮐﮩﻮﮞ ﻣﯿﺮﮮ ﻣﺎﻟﮏ، ﮐﺲ ﺳﮯ ﺭﻭﻧﺎ ﺭﺅﮞ، ﺗﯿﺮﮮ ﻧﯿﮏ ﻭ ﭘﺎﮐﯿﺰﮦ ﺑﻨﺪﻭﮞ ﮐﯽ ﺩﻧﯿﺎ ﻣﯿﮟ، ﻣﯿﮟ ﺍﮐﯿﻼ ﺳﯿﺎﮦ ﮐﺎﺭ ﮨﻮﮞ، ﺍِﻥ ﺁﻧﺴﻮﺅﮞ ﮐﯽ ﻻﺝ ﺭﮐﮫ ﻣﯿﺮﮮ ﻣﻮﻻ، ﯾﮧ ﺁﻧﺴﻮ ﮐﺒﮭﯽ ﯾﺘﯿﻢ ﻧﮩﯿﮟ ﮨﻮﺗﮯ، ﺗﻮ ﮨﮯ ﻧﺎﮞ ﺍﻥ ﮐﺎ ﻣﺎﻟﮏ۔
ﺍﮮ ﯾﺘﯿﻤﻮﮞ ﮐﮯ ﻭﺍﺭﺙ ﺍﻟﻠﮧ، ﭨﻮﭨﮯ ﮨﻮﺋﮯ، ﺍُﺟﮍﮮ ﮨﻮﺋﮯ، ﺑﮭﻮﮐﮯ ﭘﯿﺎﺳﻮﮞ ﮐﮯ ﺍﻟﻠﮧ، ﺍﮮ ﺫﻭﺍﻟﺠﻼﻝ ﻭﺍﻻﮐﺮﺍﻡ، ﮐﺴﯽ ﮔﻨﮩﮕﺎﺭ ﮐﻮ ﻭﻟﯽ ﺑﻨﺎﺩﮮ ﮐﺴﯽ ﻣﺒﻐﻮﺽ ﮐﻮ ﻣﻔﺘﯽ ﮐﺮ ﺩﮮ، ﮐﺴﯽ ﺑﺪﮐﺎﺭ ﮐﻮ ﺩﺍﻋﯽ ﮐﺎ ﻣﻨﺼﺐ ﺩﮮ ﺩﮮ، ﮐﺴﯽ ﺳﯿﺎﮦ ﮐﺎﺭ ﮐﻮ ﺗﺒﻠﯿﻎ ﭘﺮ ﻟﮕﺎ ﺩﮮ ﮐﮧ ﺍﻧﮩﯿﮟ ﮐﻢ ﺍﺯ ﮐﻢ ﮨﻤﺎﺭﮮ ﻣﺴﺎﺋﻞ ﺍﻭﺭ ﻧﺎﻓﺮﻣﺎﻧﯿﻮﮞ ﮐﺎ ﺍﺩﺭﺍﮎ ﺗﻮ ﮨﻮ، ﺍﻧﮩﯿﮟ ﯾﮧ ﺗﻮ ﭘﺘﮧ ﮨﻮ ﮐﮧ ﺟﺐ ﻧﻔﺲ ﺿﺪ ﭘﺮ ﺁﺟﺎﺋﮯ ﺗﻮ ﮐﭽﮫ ﺍﺛﺮ ﻧﮩﯿﮟ ﮐﺮﺗﺎ، ﻭﮦ ﺷﺎﯾﺪ ﺑﺘﺎ ﺳﮑﯿﮟ ﮐﮧ ﮔﻨﺎﮦ ﮐﯽ ﻋﺎﺩﺕ ﺍﻭﺭ ﺗﻮﺑﮧ ﮐﯽ ﺗﮑﺮﺍﺭ ﻣﯿﮟ ﺟﯿﺖ ﺁﺧﺮ ﮐﺲ ﮐﯽ ﮨﻮﺗﯽ ﮨﮯ؟ ﺍﻭﺭ ﺷﺮﻣﻨﺪﮔﯽ ﻭ ﻧﺪﺍﻣﺖ ﮐﯽ ﻭﮦ ﮐﻮﻥ ﺳﯽ ﺍﻧﺘﮩﺎ ﮨﮯ ﺟﻮ ﺭﺣﻤﺖ ﮐﻮ ﮐﮭﯿﻨﭻ ﻻﺗﯽ ﮨﮯ؟ ﺍﮮ ﺩﻟﻮﮞ ﮐﻮ ﻗﺮﺍﺭ ﺑﺨﺸﻨﮯ ﻭﺍﻟﮯ، ﺍﻥ ﺑﮯ ﻗﺮﺍﺭﻭﮞ، ﺍﻥ ﮔﻨﮩﮕﺎﺭﮞ ﮐﯽ ﺑﮭﯽ ﺳﻦ ﻟﮯ۔
ﺍﮮ ﺍﻟﻠﮧ، ﻣﺠﮭﮯ ﻣﺠﮫ ﺳﮯ ﺑﭽﺎ ﻟﮯ۔ ﯾﮧ ﺩﻝ ﺗﯿﺮﮮ ﺫﮐﺮ ﺳﮯ ﺧﺎﻟﯽ ﮨﮯ۔ ﯾﮧ ﻧﻔﺲ ﮐﺎ ﮐﻤﯿﺸﻦ ﺍﯾﺠﻨﭧ ﺑﻦ ﭼﮑﺎ ﮨﮯ۔ ﺍﮮ ﺍﻟﻠﮧ، ﻧﮧ ﯾﮧ ﺗﯿﺮﮮ ﮈﺭ ﺳﮯ ﺭُﮐﺘﺎ ﮨﮯ ﻧﮧ ﺷﮑﺮ ﮐﮯ ﺍﺣﺴﺎﺱ ﺳﮯ، ﻣﯿﮟ ﺍﺱ ﮐﺎ ﻣﺎﺗﻢ ﻧﮧ ﮐﺮﻭﮞ ﺗﻮ ﮐﯿﺎ ﮐﺮﻭﮞ۔
ﺍﮮ ﺍﻟﻠﮧ، ﺍﺱ ﺳﮯ ﺑﮍﺍ ﺍﻟﻤﯿﮧ ﮐﯿﺎ ﮨﻮ ﮐﮧ ﺟﺴﻢ ﻣﻮﭨﺎ ﮨﻮﺟﺎﺋﮯ ﺍﻭﺭ ﺭﻭﺡ ﺑﮭﻮﮐﯽ ﻣﺮﺟﺎﺋﮯ، ﺟﺴﻢ ﮐﻮ ﺭﺯﻕ ﺩﯾﻨﮯ ﻭﺍﻟﮯ ﺭﺯﺍﻕ، ﮐﭽﮫ ﺭﻭﺡ ﮐﯽ ﺑﮭﻮﮎ ﮐﺎ ﺑﮭﯽ ﺳﺎﻣﺎﻥ ﮨﻮ۔
ﺍﮮ ﺍﻟﻠﮧ ﺁﺩﻣﯽ ﮐﺒﮭﯽ ﻟﻮﮔﻮﮞ ﮐﻮ ﺩﮐﮭﺎﻧﮯ ﮐﮯ ﻟﺌﮯ ﮐﺎﻡ ﮐﺮﺗﺎ ﮨﮯ ﮐﺒﮭﯽ ﺧﻮﺩ ﮐﻮ ﺩﮐﮭﺎﻧﮯ ﮐﮯ ﻟﺌﮯ، ﻋﻤﺮ ﮔﺰﺭ ﺟﺎﺗﯽ ﮨﮯ ﺭﯾﺎ ﮐﺎﺭﯼ ﻧﮩﯿﮟ ﺟﺎﺗﯽ، ﻣﺠﮭﮯ ﺍﻥ ﻓﺮﯾﺒﻮﮞ ﺳﮯ ﺑﭽﺎ، ﻣﺠﮭﮯ ﻧﻔﺲ ﮐﯽ ﭼﺎﻻﮐﯿﻮﮞ ﺳﮯ ﺑﭽﺎ۔ ﺁﺳﺎﻧﯽ ﻭﺍﻻ ﻣﻌﺎﻣﻠﮧ ﮐﺮ ﺩﮮ۔
ﯾﮧ ﻣﻮﻟﻮﯼ ﺻﺎﺣﺐ ﮐﯿﺎ ﮐﮩﮧ ﺭﮨﮯ ﺗﮭﮯ ﻣﯿﺮﮮ ﺍﻟﻠﮧ، ﯾﮧ ﻋﺎﺟﺰﯼ ﮐﯿﺎ ﮨﮯ؟ ﻋﺎﺟﺰﯼ ﮐﯽ ﺑﮭﯽ ﺑﺮﯾﮏ ﮨﻮﻧﯽ ﭼﺎﮨﺌﮯ ﻧﺎﮞ، ﺍﺗﻨﯽ ﻋﺎﺟﺰﯼ ﮐﮧ ﺑﻨﺪﮦ ﮐﺴﯽ ﮐﺎﻡ ﮐﺎ ﻧﮧ ﺭﮨﮯ ﻣﯿﺮﮮ ﻣﺎﻟﮏ ﮐﺲ ﮐﺎﻡ ﮐﯽ؟
ﺍﻟﻠﮧ ﻣﺠﮭﮯ ﺑﭽﺎﻟﮯ۔ ﮔﻨﺎﮨﻮﮞ ﮐﯽ ﺳﻮﭺ ﺳﮯ، ﺳﻮﭺ ﮐﮯ ﮔﻨﺎﮨﻮﮞ ﺳﮯ، ﻭﺳﻮﺳﻮﮞ ﺳﮯ ﺍﻭﺭ ﭘﻼﻧﻨﮓ ﺳﮯ، ﺍﻟﻠﮧ ﺑﮯ ﺷﮏ ﺗﯿﺮﯼ ﻗﺪﺭﺕ ﻭ ﺭﺣﻤﺖ ﻣﯿﺮﮮ ﻣﺴﺎﺋﻞ ﺳﮯ ﺑﮍﮪ ﮐﺮ ﮨﮯ۔
ﺍﮮ ﺍﻟﻠﮧ ﻭﮦ ﮐﮩﺎﮞ ﺟﺎ ﮐﮯ ﺭﮨﮯ ﺟﻮ ﮐﮩﯿﮟ ﮐﺎ ﻧﮧ ﺭﮨﮯ؟
ﺍﮮ ﺍﻟﻠﮧ ! ﮨﻤﯿﺸﮧ ﺳﮯ ﮨﯽ ﻣﻌﺪﻭﺩﮮ ﭼﻨﺪ ﻟﻮﮒ ﮨﯽ ﮨﻮﺗﮯ ﮨﯿﮟ ﺟﻮ ﻭﻗﺖ ﮐﯽ ﮐﻼﺋﯽ ﮨﺎﺗﮫ ﻣﯿﮟ ﺭﮐﮭﺘﮯ ﮨﯿﮟ، ﺳﺎﺭﮮ ﮐﮯ ﺳﺎﺭﮮ ﻣﻠﮏ ﺗﻮ ﮐﺒﮭﯽ ﺑﮭﯽ ﺣﻖ ﭘﺮ ﻧﮧ ﭼﻠﮯ، ﻧﮧ ﮨﯽ ﺳﺎﺭﮮ ﮐﮯ ﺳﺎﺭﮮ ﺣﮑﻤﺮﺍﻥ، ﻣﯿﺮﮮ ﻣﺎﻟﮏ ﺍﻥ ﺗﮭﻮﮌﻭﮞ ﻣﯿﮟ ﺳﮯ ﮐﺮﺩﮮ ﺟﻮ ﺗﯿﺮﮮ ﭘﺴﻨﺪﯾﺪﮦ ﮨﻮﮞ، ﺟﻦ ﺳﮯ ﺗُﻮ ﺍﯾﺴﺎ ﺭﺍﺿﯽ ﮨﻮﺟﺎﺋﮯ ﮐﮧ ﭘﮭﺮ ﮐﺒﮭﯽ ﻧﺎﺭﺍﺽ ﻧﮧ ﮨﻮ۔ ﻣﯿﺮﮮ ﺍﻟﻠﮧ ﻣﻌﺎﻑ ﮐﺮﺩﮮ، ﻣﯿﺮﮮ ﺳﻮﺍﻟﻮﮞ ﮐﮯ ﺟﻮﺍﺏ ﺑﺨﺶ۔ ﻣﯿﺮﮮ ﺣﺎﻝ ﭘﮧ ﺭﺣﻢ ﮐﺮ، ﺍﺏ ﺗُﻮ ﻧﮧ ﻣﻼ ﺗﻮ ﻣﺎﺭﺍ ﺟﺎﺅﮞ ﮔﺎ ﯾﮩﺎﮞ ﺑﮭﯽ ﻭﮨﺎﮞ ﺑﮭﯽ۔ ﯾﺎ ﺗﻮ ﻣﺠﮭﮯ ﺍﭘﻨﮯ ﭘﺎﺱ ﺑﻼ ﻟﮯ ﯾﺎ ﻣﺠﮭﮯ ﭼُﻦ ﻟﮯ، ﺍﺏ ﺗﯿﺮﮮ ﺑﻐﯿﺮ ﻧﮩﯿﮟ ﺟﯿﻨﺎ۔
ﺑﮩﺖ ﮨﻮﮔﺌﯽ، ﻣﯿﮟ ﺗﮭﮏ ﮔﯿﺎ ﺍﻟﻠﮧ، ﻣﯿﮟ ﮔﺮﮔﯿﺎ ﺍﻟﻠﮧ، ﻣﯿﺮﯼ ﺳﺎﻧﺲ ﺍُﮐﮭﮍ ﮔﺌﯽ، ﭼﺎﺭﻭﮞ ﺷﺎﻧﮯ ﭼﺖ ﭘﮍﺍ ﮨﻮﮞ، ﮐﻮﻥ ﺳﯽ ﺭﺍﮦ ﮨﮯ ﻣﻌﻠﻮﻡ ﻧﮩﯿﮟ، ﻧﮧ ﺳﻤﺖ ﮐﺎ ﭘﺘﮧ ﮨﮯ، ﻧﮧ ﻣﻨﺰﻝ ﮐﺎ، ﻧﮧ ﮨﻢ ﺳﻔﺮ ﮐﺎ، ﻧﮧ ﺭﺍﮨﺒﺮ ﮐﺎ، ﻧﻈﺮ ﺻﺮﻑ ﺗﯿﺮﯼ ﺭﺣﻤﺖ ﭘﺮ ﮨﮯ۔
ﻣﺪﺩ ﮐﺮ ﻣﯿﺮﮮ ﻣﺎﻟﮏ ! ﻣﺪﺩ ﮐﺮ
ﺍَﻧﺖ ﻣﻮﻻﻧﺎ ، ﺍَﻧﺖ ﻣﻮﻻﻧﺎ، ﺍَﻧﺖ ﻣﻮﻻﻧﺎ۔
* ۔۔۔ * ۔۔۔ *
ﻋﺒﺪﺍﻟﻠﮧ ﺻﺒﺢ ﺩﯾﺮ ﺳﮯ ﺳﻮ ﮐﺮ ﺍُﭨﮭﺎ، ﻣﻮﺑﺎﺋﻞ ﭘﺮ ﮐﺌﯽ ﻣﺲ ﮐﺎﻟﺰ ﺗﮭﯿﮟ۔ ﺍﯼ ﻣﯿﻞ ﭼﯿﮏ ﮐﯽ ﺗﻮ ﭘﺘﮧ ﻟﮕﺎ ﮐﮧ ﺍﻗﻮﺍﻡ ﻣﺘﺤﺪﮦ ﻧﮯ ﺳﺎﻓﭧ ﻭﯾﺌﺮﮐﯽ ﮈﯾﻞ ﻣﻨﻈﻮﺭ ﮐﺮﻟﯽ ﮨﮯ ﺍﻭﺭ ﺩﻭ ﺩﻥ ﺑﻌﺪ ﺍﻗﻮﺍﻡ ﻣﺘﺤﺪﮦ ﮐﮯ ﮨﯿﮉ ﮐﻮﺍﺭﭨﺮﺯ ﻣﯿﮟ ﭘﺮﯾﺲ ﮐﺎﻧﻔﺮﻧﺲ ﮐﮯ ﻟﺌﮯ ﺑﻼﯾﺎ ﮨﮯ۔ ﺳﺎﺗﮫ ﻣﯿﮟ ﺍﻧﮕﻠﺴﺘﺎﻥ ﮐﮯ ﺳﺎﺑﻖ ﻭﺯﯾﺮﺍﻋﻈﻢ ﺳﮯ ﻣﻼﻗﺎﺕ ﺑﮭﯽ ﻃﮯ ﮨﮯ۔
ﻋﺒﺪﺍﻟﻠﮧ ﺟﻠﺪﯼ ﺟﻠﺪﯼ ﺗﯿﺎﺭ ﮨﻮﮐﺮ ﺁﻓﺲ ﭘﮩﻨﭽﺎ ﮐﮧ ﮐﻤﭙﻨﯽ ﮐﮯ ﺑﻮﺭﮈ ﺍﻭﺭ ﭨﻮﻧﯽ ﺍﻭﺭ ﻣﺎﺭﺗﮭﺎ ﺳﮯ ﮈﺳﮑﺲ ﮐﺮﺳﮑﮯ۔ ﻋﺒﺪﺍﻟﻠﮧ ﺑﮩﺖ ﺧﻮﺵ ﺗﮭﺎ، ﻧﮧ ﺻﺮﻑ ﯾﮧ ﮐﮧ ﺍﻗﻮﺍﻡ ﻣﺘﺤﺪﮦ ﺍﺱ ﮐﺎ ﺳﺎﻓﭧ ﻭﯾﺌﺮ ﺍﻭﺭ ﺳﺮﻭﺳﺰ ﮨﺎﺋﺮ ﮐﺮ ﺭﮨﯽ ﺗﮭﯽ ﺑﻠﮑﮧ ﺳﺎﻓﭧ ﻭﯾﺌﺮ ﮐﯽ ﭘﮩﻠﯽ ﺍﺳﺎﺋﻨﻤﻨﭧ ﺑﮭﯽ ﭘﺎﮐﺴﺘﺎﻥ ﺗﮭﺎ۔ ﺍﺱ ﮐﺎ ﺍﭘﻨﺎ ﻣﻠﮏ ﺟﮩﺎﮞ ﭘﭽﮭﻠﮯ 5 ﺳﺎﻟﻮﮞ ﻣﯿﮟ 1000 ﺳﮯ ﺯﺍﺋﺪ ﺍﺳﮑﻮﻝ ﺩﮨﺸﺘﮕﺮﺩ ﺣﻤﻠﻮﮞ ﮐﯽ ﻧﺬﺭ ﮨﻮ ﮔﺌﮯ۔
ﺍﻧﮕﻠﺴﺘﺎﻥ ﮐﮯ ﺳﺎﺑﻖ ﻭﺯﯾﺮﺍﻋﻈﻢ ﻧﮯ ﺧﻮﺩ ﻓﻮﻥ ﭘﺮ ﺑﺎﺕ ﮐﺮﮐﮯ ﻣﺒﺎﺭﮐﺒﺎﺩ ﺩﯼ ﺍﻭﺭ ﮐﮩﺎ ﮐﮧ ﻭﮦ ﭘﺎﮐﺴﺘﺎﻧﯽ ﻭﺯﯾﺮﺍﻋﻈﻢ ﺳﮯ ﺑﮭﯽ ﺑﺎﺕ ﮐﺮﯾﮟ ﮔﮯ۔
ﺷﺎﻡ ﺳﮯ ﭘﮩﻠﮯ ﭘﮩﻠﮯ ﻋﺒﺪﺍﻟﻠﮧ ﮐﻮ ﺍﭘﻨﮯ ﻣﻠﮏ ﮐﮯ ﻭﺯﯾﺮﺍﻋﻈﻢ ﮐﯽ ﻃﺮﻑ ﺳﮯ ﻣﻼﻗﺎﺕ ﮐﺎ ﺩﻋﻮﺕ ﻧﺎﻣﮧ ﻣﻞ ﭼﮑﺎ ﺗﮭﺎ ﺍﻭﺭ ﯾﮧ ﮐﮧ ﻭﮦ ﺑﮩﺖ ﺧﻮﺵ ﮨﯿﮟ ﮐﮧ ﺟﻮ ﭨﯿﮑﻨﺎﻟﻮﺟﯽ ﻋﺒﺪﺍﻟﻠﮧ ﻧﮯ ﺗﯿﺎﺭ ﮐﯽ ﮨﮯ ﻭﮦ ﺍﺳﮯ ﺍﺳﺘﻌﻤﺎﻝ ﮐﺮ ﭘﺎﺋﯿﮟ ﮔﮯ۔
ﻋﺒﺪﺍﻟﻠﮧ ﻣﺴﮑﺮﺍﻧﮯ ﻟﮕﺎ ﮐﮧ ﮐﯿﺎ ﮨﯽ ﻋﺠﯿﺐ ﺩﻥ ﺩﯾﮑﮭﻨﮯ ﮐﻮ ﻣﻼ ﺯﻧﺪﮔﯽ ﻣﯿﮟ 5 ﺳﺎﻝ ﻣﻠﮏ ﻣﯿﮟ ﺩﮬﮑﮯ ﮐﮭﺎﺗﺎ ﺭﮨﺎ، ﮐﺴﯽ ﻧﮯ ﮐﻤﯿﺸﻦ ﻣﺎﻧﮕﺎ، ﮐﺴﯽ ﻧﮯ ﮔﺮﺍﻧﭧ ﺭﻭﮎ ﻟﯽ، ﮐﺴﯽ ﻧﮯ ﺑﮯ ﮐﺎﺭ ﭘﺮﺍﮈﮐﭧ ﮐﮩﮧ ﮐﺮ ﻣﻠﻨﮯ ﺗﮏ ﺳﮯ ﺍﻧﮑﺎﺭ ﮐﺮﺩﯾﺎ ﺗﻮ ﮐﺴﯽ ﻧﮯ ﺟﮭﻮﭨﮯ ﻭﻋﺪﻭﮞ ﭘﺮ ﭨﺮﺧﺎ ﺩﯾﺎ، ﮐﻮﻥ ﺳﺎ ﺩﺭ ﺗﮭﺎ ﺟﻮ ﺍِﺱ ﻧﮯ ﻧﮧ ﮐﮭﭩﮑﮭﭩﺎﯾﺎ ﮨﻮ، ﻣﮕﺮ ﺟﻮﺍﺏ ﻧﺪﺍﺭﺩ ﺍﻭﺭ ﺁﺝ ﺟﺐ ﻭﮦ ﺳﺐ ﮐﭽﮫ ﭼﮭﻮﮌ ﭼﮭﺎﮌ ﮐﺮ ﻭﺍﭘﺲ ﺍﻣﺮﯾﮑﮧ ﺁﮔﯿﺎ ﮨﮯ ﺗﻮ ﻭﮨﯽ ﻟﻮﮒ ﺍﺳﮯ ﻭﺍﭘﺲ ﺑﻼ ﺭﮨﮯ ﮨﯿﮟ ﺟﻮ ﮐﮩﺘﮯ ﺗﮭﮯ ﮐﮧ ﮈﺍﮐﭩﺮ ﻋﺒﺪﺍﻟﻠﮧ، ﺍﺏ ﺍﮔﺮ ﺍﯾﮏ ﺩﻥ ﺑﮭﯽ ﺭﮨﮯ ﺗﻮ ﺯﻧﺪﮔﯽ ﮐﯽ ﺿﻤﺎﻧﺖ ﻧﮩﯿﮟ۔
ﮐﯿﺎ ﺑﺎﺕ ﮨﮯ ﻣﯿﺮﮮ ﺍﻟﻠﮧ۔ ﺗﯿﺮﺍ ﺍﺳﮑﺮﭘﭧ ﺳﺐ ﭘﺮ ﺑﮭﺎﺭﯼ۔
ﻋﺒﺪﺍﻟﻠﮧ ﺍﮔﻠﮯ ﺩﻭ ﺭﻭﺯ ﺗﮏ ﺍﯾﮏ ﮨﯽ ﺷﻌﺮ ﮔﻨﮕﻨﺎﺗﺎ ﺭﮨﺎ۔
ﺗﯿﺮﺍ ﺭﺗﺒﮧ ﺑﮩﺖ ﺑﻠﻨﺪ ﺳﮩﯽ
ﺩﯾﮑﮫ ﻣﯿﮟ ﺑﮭﯽ ﺧﺪﺍ ﮐﺎ ﺑﻨﺪﮦ ﮨﻮﮞ
ﻋﺒﺪﺍﻟﻠﮧ ﮨﻮﭨﻞ ﮐﮯ ﮐﻤﺮﮮ ﻣﯿﮟ ﺳﻮﭦ ﭘﮩﻨﮯ ﺗﯿﺎﺭ ﺑﯿﭩﮭﺎ ﺗﮭﺎ، ﻟﯿﭗ ﭨﺎﭖ، ﮈﯾﻤﻮ، ﭘﺮﯾﺰﻧﭩﯿﺸﻦ ﺳﺐ ﺭﯾﮉﯼ ﺗﮭﺎ، ﺁﺝ ﺍﺱ ﮐﯽ ﺯﻧﺪﮔﯽ ﮐﺎ ﺍﯾﮏ ﺑﮍﺍ ﺩﻥ ﺗﮭﺎ، ﺁﺝ ﺍُﺳﮯ ﭼﺎﭼﺎ ﺩﯾﻨﻮ، ﺳﺮ ﻋﺒﺪﺍﻟﺮﺣﻤﻦ، ﺭﻓﯿﻊ ﺻﺎﺣﺐ، ﺍﺑﻮ، ﺍﻣﯽ، ﭘﮭﻮﭘﮭﯽ، ﻣﻔﺘﯽ ﺻﺎﺣﺐ ﺳﺐ ﯾﺎﺩ ﺁ ﺭﮨﮯ ﺗﮭﮯ، ﺑِﻠّﻮ ﻭﺍﭨﺲ ﺍَﭖ ﭘﺮ ﮨﺮ ﮨﺮ ﻟﻤﺤﮧ ﺳﺎﺗﮫ ﺗﮭﯽ۔
ﻋﺒﺪﺍﻟﻠﮧ ﻧﮯ ﺩﻋﺎ ﮐﻮ ﮨﺎﺗﮫ ﺑﻠﻨﺪ ﮐﺌﮯ،
’’ ﮐﯿﺎ ﺑﺎﺕ ﮨﮯ ﻣﯿﺮﮮ ﺍﻟﻠﮧ، ﮐﯿﺎ ﮐﮩﻨﮯ، ﮐﻮﻥ ﯾﻘﯿﻦ ﮐﺮﺳﮑﺘﺎ ﮨﮯ ﮐﮧ ﭘﯿﻠﮯ ﮐﭙﮍﻭﮞ ﺳﮯ ﭘﮍﮬﻨﮯ ﻭﺍﻟﻮﮞ ﮐﻮ ﺗﻮ ﯾﮩﺎﮞ ﻻﺋﮯ ﮔﺎ، ﺍﮮ ﮐﻤﺰﻭﺭﻭﮞ ﮐﮯ ﻭﺍﺭﺙ ﺍﻟﻠﮧ، ﺗﯿﺮﯼ ﻭﮦ ﺗﻌﺮﯾﻒ ﮐﺮﻭﮞ ﺟﻮ ﮐﺴﯽ ﻧﮯ ﺑﮭﯽ ﻧﮧ ﮐﯽ ﮨﻮ، ﺍُﻣﯿﺪﻭﮞ ﮐﮯ ﻣﺎﻟﮏ ﺍﻟﻠﮧ، ﺩﻟﻮﮞ ﮐﮯ ﺟﺎﻧﻨﮯ ﻭﺍﻟﮯ ﺭﺏ ﺗﯿﺮﺍ ﺷﮑﺮﯾﮧ، ﺗﻮ ﻣﺠﮭﮯ ﺑﮭﻮﻻ ﻧﮩﯿﮟ، ﺗﻮ ﻧﮯ ﮐﺮﻡ ﮐﯿﺎ، ﺗﻮ ﻧﮯ ﻋﺰﺕ ﺑﺨﺸﯽ، ﺗﻮ ﻋﻨﺎﯾﺖ ﮐﺮﺗﺎ ﮐﮧ ﻣﯿﮟ ﺑﮭﯽ ﺗﺠﮭﮯ ﮐﺒﮭﯽ ﻧﮧ ﺑﮭﻮﻟﻮﮞ، ﺁﺝ ﺳﮯ ﺍﯾﮏ ﻧﯿﺎ ﺩﻭﺭ ﺷﺮﻭﻉ ﮐﺮ ﻣﯿﺮﮮ ﺍﻟﻠﮧ ! ﺗﻮ ﺁﮔﮯ ﺭﺍﺳﺘﮯ ﺩﮐﮭﺎ۔ ﻣﯿﮟ ﺁﻧﮑﮫ ﺑﻨﺪ ﮐﺮ ﮐﮯ ﭘﯿﭽﮭﮯ ﭼﻠﺘﺎ ﮨﻮﮞ۔
ﻣﯿﺮﮮ ﺍﻟﻠﮧ ﺑﭽﭙﻦ ﻣﯿﮟ ﻣﺠﮭﮯ ﻟﮕﺘﺎ ﺗﮭﺎ ﺷﺮﮎ ﺳﺐ ﺳﮯ ﺑﮍﺍ ﮔﻨﺎﮦ ﮨﮯ۔ ﺑﺲ ﺁﺩﻣﯽ ﺍﺱ ﺳﮯ ﺑﭻ ﺟﺎﺋﮯ ﺑﺎﻗﯽ ﺳﺐ ﺁﺳﺎﻥ ﺑﺎﺗﯿﮟ ﮨﯿﮟ۔ ﻟﮍﮐﭙﻦ ﻣﯿﮟ ﺁﯾﺎ ﺗﻮ ﺍﻧﺪﺍﺯﮦ ﮨﻮﺍ ﺟﮭﻮﭦ ﺳﮯ ﺑﮍﺍ ﮔﻨﺎﮦ ﮐﻮﺋﯽ ﻧﮩﯿﮟ، ﺟﻮﺍﻧﯽ ﻣﯿﮟ ﺟﻨﺲ ﮐﮯ ﻋﻼﻭﮦ ﮐﻮﺋﯽ ﮔﻨﺎﮦ ﻣﺎﻧﻨﮯ ﮐﻮ ﺩﻝ ﺗﯿﺎﺭ ﮨﯽ ﻧﮩﯿﮟ ﺗﮭﺎ، ﺍﯾﺴﮯ ﻟﮕﺘﺎ ﺗﮭﺎ ﮐﮧ ﺟﻨﺲ ﮐﮯ ﻋﻼﻭﮦ ﮐﺎﺋﻨﺎﺕ ﻣﯿﮟ ﮐﭽﮫ ﮨﮯ ﮨﯽ ﻧﮩﯿﮟ۔ ﺁﺝ ﻟﮕﺘﺎ ﮨﮯ ﮐﮧ ﺳﺐ ﺳﮯ ﺑﮍﺍ ﮔﻨﺎﮦ ﻣﯿﮟ ﺧﻮﺩ ﮨﻮﮞ، ﻣﯿﺮﺍ ﮨﻮﻧﺎ ﮨﯽ ﮔﻨﺎﮦ ﮨﮯ ﮐﮧ ﺍﭘﻨﮯ ﻭﺣﺪﮦٗ ﻻﺷﺮﯾﮏ ﻣﺎﻟﮏ ﮐﻮ ﺳﻤﺠﮫ ﮨﯽ ﻧﮩﯿﮟ ﭘﺎﯾﺎ۔ ﺗﻮ ﻭﺍﺣﺪ ﮨﮯ، ﺗﻮ ﺑﺎﻗﯽ ﮨﮯ، ﮨﺮ ﻭﮦ ﭼﯿﺰ ﺟﻮ ﺗﯿﺮﯼ ﺳﻠﻄﻨﺖ ﻣﯿﮟ ﻭﺟﻮﺩ ﺭﮐﮭﺘﯽ ﮨﮯ ﺑﮧ ﻧﻔﺴﮧ ﮔﻨﺎﮦ ﮨﮯ ﺗﻮ ﻣﺠﮭﮯ ﻣﯿﺮﮮ ﮨﻮﻧﮯ ﭘﺮ ﺑﺨﺶ ﺩﮮ ﻣﯿﺮﮮ ﻣﺎﻟﮏ۔
ﻣﺠﮫ ﺳﮯ ﺧﻔﺎ ﻧﮧ ﮨﻮﻧﺎ، ﻣﺠﮭﮯ ﺍﭘﻨﮯ ﺳﮯ ﻗﺮﯾﺐ ﺭﮐﮭﻨﺎ ‘‘ ۔
* ۔۔۔ * ۔۔۔ *
ﮐﭽﮫ ﺩﯾﺮ ﺑﻌﺪ ﻋﺒﺪﺍﻟﻠﮧ ﺍﻗﻮﺍﻡ ﻣﺘﺤﺪﮦ ﮐﮯ ﮨﯿﮉ ﮐﻮﺍﺭﭨﺮ ﻣﯿﮟ ﺑﯿﭩﮭﺎ ﮨﻮﺍ ﺗﮭﺎ، ﻭﺯﯾﺮﺍﻋﻈﻢ ﺻﺎﺣﺐ ﺳﮯ ﻣﻼﻗﺎﺕ ﺍﻭﺭ ﭘﺮﯾﺲ ﮐﺎﻧﻔﺮﻧﺲ ﺧﻮﺏ ﺭﮨﯽ، ﺍﻧﮩﻮﮞ ﻧﮯ ﺟﺎﺗﮯ ﺟﺎﺗﮯ ﻋﺒﺪﺍﻟﻠﮧ ﮐﮯ ﮨﺎﺗﮫ ﭘﺮ ﭘﮩﻨﯽ ﺗﺴﺒﯿﺢ ﮐﻮ ﺩﯾﮑﮫ ﮐﺮ ﮐﮩﺎ ﮐﮧ ﯾﮧ ﮐﯿﺎ ﮨﮯ؟
ﻋﺒﺪﺍﻟﻠﮧ ﻧﮯ ﺍُﻥ ﮐﮯ ﮨﺎﺗﮫ ﭘﺮ ﺑﻨﺪﮬﮯ ﺑﯿﻨﮉ ﮐﯽ ﻃﺮﻑ ﺍﺷﺎﺭﮦ ﮐﺮﮐﮯ ﭘﻮﭼﮭﺎ ﯾﮧ ﮐﯿﺎ ﮨﮯ ﻭﮦ ﮐﮩﻨﮯ ﻟﮕﮯ ﺩﻭﺳﺖ ﮐﺎ ﺗﺤﻔﮧ ﮨﮯ ﺍﺱ ﮐﯽ ﯾﺎﺩ ﺩﻻﺗﺎ ﮨﮯ۔ ﻋﺒﺪﺍﻟﻠﮧ ﻧﮯ ﮨﻨﺴﺘﮯ ﮨﻮﺋﮯ ﺟﻮﺍﺏ ﺩﯾﺎ ﯾﮧ ﺑﮭﯽ ﺩﻭﺳﺖ ﮐﯽ ﻧﺸﺎﻧﯽ ﮨﮯ ﺍﺱ ﮐﯽ ﯾﺎﺩ ﺩﻻﺗﯽ ﮨﮯ۔
ﺍﻗﻮﺍﻡ ﻣﺘﺤﺪﮦ ﮐﯽ ﺍﻧﺎﺅﻧﺴﻤﻨﭧ ﮐﮯ ﺑﻌﺪ ﻣﯿﮉﯾﺎ ﺍﻧﭩﺮﻭﯾﻮﺯ ﺍﻭﺭ ﮐﺴﭩﻤﺮﺯ ﮐﺎ ﺟﻮ ﺗﺎﻧﺘﺎ ﺑﻨﺪﮬﺎ ﺗﻮ ﺭُﮐﻨﮯ ﮐﺎ ﻧﺎﻡ ﮨﯽ ﻧﮩﯿﮟ۔ ﮐﭽﮫ ﮨﯽ ﺩﻧﻮﮞ ﻣﯿﮟ ﻋﺒﺪﺍﻟﻠﮧ ﺷﺪﯾﺪ ﺍُﮐﺘﺎﮨﭧ ﮐﺎ ﺷﮑﺎﺭ ﮨﻮﮔﯿﺎ۔ ﮐﭽﮫ ﮨﯽ ﺩﻧﻮﮞ ﺑﻌﺪ ﻭﮦ ﺍﯾﮏ ﮐﺎﻧﻔﺮﻧﺲ ﻣﯿﮟ ﺗﻘﺮﯾﺮ ﮐﺮﻧﮯ ﺭﯾﺎﺳﺖ ﻭﺭﺟﻨﯿﺎ ﺟﺎﺭﮨﺎ ﺗﮭﺎ۔ ﺍﺳﮑﺎ ﻣﻮﺿﻮﻉ ﺍﺱ ﮐﯽ ﻓﯿﻠﮉ ﻣﯿﮟ ﺗﮭﯽ ﺟﻮ ﮐﮧ ﺑﮩﺖ ﺍﭼﮭﯽ ﮔﺌﯽ، ﺍﺱ ﮐﮯ ﺳﯿﺸﻦ ﮐﮯ ﺑﻌﺪ ﭼﺎﺋﮯ ﭘﺮ ﺍﺱ ﮐﯽ ﮔﻮﺭﻧﺮ ﺳﮯ ﻣﻼﻗﺎﺕ ﮨﻮﺋﯽ ﺟﻦ ﮐﮯ ﺳﺎﺗﮫ ﺑﮩﺖ ﺳﮯ ﻣﻠﭩﺮﯼ ﺟﺮﻧﻠﺰ ﺍﻭﺭ ﻗﺎﻧﻮﻧﯽ ﺍﺩﺍﺭﻭﮞ ﮐﮯ ﻟﻮﮒ ﺗﮭﮯ ﮐﮧ ﯾﮧ ﮐﺎﻧﻔﺮﻧﺲ ﮈﯾﻔﻨﺲ ﮐﯽ ﮨﯽ ﺗﮭﯽ ﺍﻭﺭ ﭘﻮﺭﯼ ﮐﺎﻧﻔﺮﻧﺲ ﻣﯿﮟ 800 ﺍﻓﺮﺍﺩ ﻣﯿﮟ ﻋﺒﺪﺍﻟﻠﮧ ﻭﺍﺣﺪ ﻣﺴﻠﻤﺎﻥ۔
ﻋﺒﺪﺍﻟﻠﮧ ﺩﻝ ﮨﯽ ﺩﻝ ﻣﯿﮟ ﺳﻮﭺ ﺭﮨﺎ ﺗﮭﺎ ﮐﮧ ﺍﻟﻠﮧ ﮐﯽ ﺷﺎﻥ ﮨﮯ۔ ﻭﮦ ﺍﮐﯿﻼ ﺍﭘﻨﮯ ﮐﺎﻡ ﮐﯽ ﺑﻨﺎﺀ ﭘﺮ 800 ﭘﺮ ﺑﮭﺎﺭﯼ ﭘﮍ ﺭﮨﺎ ﮨﮯ۔ ﻭﻗﻔﮯ ﮐﮯ ﺩﻭﺭﺍﻥ ﮔﻮﺭﻧﺮ ﻧﮯ ﺍﺱ ﺳﮯ ﺳﻮﺍﻝ ﭘﻮﭼﮭﺎ، ﮈﺍﮐﭩﺮ ﻋﺒﺪﺍﻟﻠﮧ، ﺁﭖ ﮐﻮ ﺍﻣﺮﯾﮑﮧ ﮐﻮ ﺩﯾﮑﮫ ﮐﮯ ﺣﯿﺮﺕ ﻧﮩﯿﮟ ﮨﻮﺗﯽ، ﮐﯿﺎ ﺑﮍﺍ ﻃﺎﻗﺘﻮﺭ ﻣﻠﮏ ﮨﮯ، ﮐﯿﺴﮯ ﮐﯿﺴﮯ ﺳﺎﻓﭧ ﻭﯾﺌﺮ، ﺟﻨﮕﯽ ﺳﺎﻣﺎﻥ، ﻣﺠﺴﻤﮧ ﺍٓﺯﺍﺩﯼ، ﺍﯾﻤﭙﺎﺋﺮ ﺍﺳﭩﯿﭧ ﺑﻠﮉﻧﮓ، ﻭﺍﻝ ﺍﺳﭩﺮﯾﭧ ﺍﯾﮏ ﻧﯿﺎ ﮨﯽ ﺟﮩﺎﻥ ﮨﮯ۔
ﺟﯽ ﺑﺎﻟﮑﻞ، ﮨﻮﺋﯽ ﮨﮯ ﻣﮕﺮ ﺻﺮﻑ ﺷﺮﻭﻉ ﻣﯿﮟ، ﺍﯾﮏ ﺩﻭ ﺑﺎﺭ، ﭘﮩﻠﯽ ﺑﺎﺭ ﻣﺠﺴﻤﮧ ﺍٓﺯﺍﺩﯼ ﮐﻮ ﺩﯾﮑﮭﺎ ﺗﻮ ﻣﺒﮩﻮﺕ ﮨﯽ ﮨﻮﮔﯿﺎ ﺗﮭﺎ۔ ﺩﻭﺳﺮﯼ ﺑﺎﺭ ﺍﭼﮭﯽ ﻟﮕﯽ، ﺗﯿﺴﺮﯼ ﺑﺎﺭ ﮐﮯ ﺑﻌﺪ ﺳﮯ ﺣﯿﺮﺕ ﺧﺘﻢ ﮨﻮﮔﺌﯽ۔ ﮐﯿﺎ ﺁﭖ ﻧﮯ ﮐﺒﮭﯽ ﮐﻮﺋﯽ ﭼﯿﺰ ﺍﯾﺴﯽ ﺑﮭﯽ ﺩﯾﮑﮭﯽ ﮨﮯ ﮐﮧ ﮨﺮ ﺑﺎﺭ ﺣﯿﺮﺕ ﻣﯿﮟ ﺍﺿﺎﻓﮧ ﮨﻮﺟﺎﺋﮯ؟ ﻋﺒﺪﺍﻟﻠﮧ ﻧﮯ ﺳﻮﺍﻝ ﮐﯿﺎ۔
ﻣﯿﮟ ﻧﮯ ﺗﻮ ﻧﮩﯿﮟ ﺩﯾﮑﮭﯽ، ﮐﯿﺎ ﺁﭖ ﻧﮯ ﺩﯾﮑﮭﯽ ﮨﮯ ﻋﺒﺪﺍﻟﻠﮧ؟
ﺟﯽ ﺑﺎﻟﮑﻞ، ﺍﻟﻠﮧ ﮐﯽ ﺫﺍﺕ ﺍﻭﺭ ﺍُﺱ ﮐﯽ ﻗﺪﺭﺕ، ﺁﺩﻣﯽ ﺟﺐ ﺳﻮﭼﺘﺎ ﮨﮯ، ﺣﯿﺮﺕ ﮐﮯ ﻣﺎﺭﮮ ﺑﻮﻝ ﺑﮭﯽ ﻧﮩﯿﮟ ﭘﺎﺗﺎ۔ ﮔﻮ ﺭﻧﺮﻧﮯ ﮐﭽﮫ ﻧﮧ ﺳﻤﺠﮭﺘﮯ ﮨﻮﺋﮯ ﺟﻮﺍﺏ ﺩﯾﺎ، ﺍﺭﮮ ﺁﭖ ﺗﻮ ﮐﻮﺋﯽ ﺻﻮﻓﯽ ﭨﺎﺋﭗ ﮐﮯ Meditation Master ﻟﮕﺘﮯ ﮨﯿﮟ۔ ﯾﮧ ﻣﺮﺍﻗﺒﺎﺕ ﮐﯿﺎ ﮨﻮﺗﮯ ﮨﯿﮟ؟
ﺟﯽ ﮐﭽﮫ ﻧﮩﯿﮟ، ﻣﺮﺍﻗﺒﺎﺕ ﺍﻭﺭ ﻣﺮﺑﮧّ ﺟﺎﺕ ﻣﯿﮟ ﺯﯾﺎﺩﮦ ﻓﺮﻕ ﻧﮩﯿﮟ ﮨﻮﺗﺎ، ﺍﯾﮏ ﺭﻭﺡ ﮐﯽ ﻏﺬﺍ ﮨﮯ ﺍﯾﮏ ﺟﺴﻢ ﮐﯽ۔
ﭼﻠﯿﮟ ﻣﯿﮟ ﺁﭖ ﮐﻮ ﺣﯿﺮﺕ ﺍﻧﮕﯿﺰ ﻣﺜﺎﻝ ﺩﯾﺘﺎ ﮨﻮﮞ ﺁﺳﺎﻥ ﺳﯽ۔
ﻗﺮﺁﻥ ﭘﺎﮎ ﮐﯽ ﻏﺎﻟﺒﺎً ﺁﭨﮭﻮﯾﮟ ﺳﻮﺭۃ (Chapter) ﮨﮯ۔ ﺳﻮﺭۃ ﺍﻻﻧﻔﺎﻝ۔ ﺍﺱ ﮐﯽ 73 ﻭﯾﮟ ﺁﯾﺖ ﺑﮍﯼ ﺣﯿﺮﺕ ﺍﻧﮕﯿﺰ ﮨﮯ، ﺳﻤﺠﮫ ﻣﯿﮟ ﮨﯽ ﻧﮩﯿﮟ ﺁﺗﯽ، ﺟﺐ ﭘﮍﮬﺘﺎ ﮨﻮﮞ ﺳﺮ ﺩﮬﻨﺘﺎ ﮨﻮﮞ۔
ﺍﻟﻠﮧ ﻓﺮﻣﺎﺗﮯ ﮨﯿﮟ۔
’’ ﺍﻭﺭ ﺟﻮ ﻟﻮﮒ ﮐﺎﻓﺮ ﮨﯿﮟ ‏( ﻭﮦ ﺑﮭﯽ ‏) ﺍﯾﮏ ﺩﻭﺳﺮﮮ ﮐﮯ ﺭﻓﯿﻖ ﮨﯿﮟ۔ ﺗﻮ ‏( ﻣﻮﻣﻨﻮ ‏) ﺍﮔﺮ ﺗﻢ ﯾﮧ ‏( ﮐﺎﻡ ‏) ﻧﮧ ﮐﺮﻭ ﮔﮯ ﺗﻮ ﻣﻠﮏ ﻣﯿﮟ ﻓﺘﻨﮧ ﺑﺮﭘﺎ ﮨﻮﺟﺎﺋﮯ ﮔﺎ ﺍﻭﺭ ﺑﮍﺍ ﻓﺴﺎﺩ ﻣﭽﮯ ﮔﺎ۔ ‘‘ ‏( ﺁﯾﺖ 73 ‏)
ﺁﭖ ﻣﻼﺣﻈﮧ ﮐﺮﯾﮟ۔ ﻣﺪﯾﻨﮯ ﺳﮯ ﮨﺠﺮﺕ ﮐﺮﻧﮯ ﻭﺍﻟﮯ ﮈﮬﺎﺋﯽ ﺗﯿﻦ ﺳﻮ ﺍﻓﺮﺍﺩ ﮨﯿﮟ۔ ﺯﯾﺎﺩﮦ ﺳﮯ ﺯﯾﺎﺩﮦ ﮐﻞ ﻣﻼ ﮐﮯ ﮈﮬﺎﺋﯽ ﮨﺰﺍﺭ ﺍﻭﺭ ﮐﯿﺎ۔ ﺍﻟﻠﮧ ﮐﮩﺘﮯ ﮨﯿﮟ ﺗﻢ ﺍﭘﻨﯽ ﻧﺌﯽ ﻭﺣﺪﺕ ﻗﺎﺋﻢ ﮐﺮﻭ۔ ﻗﺮﺁﻥ ﻭ ﺣﺪﯾﺚ ﮐﯽ ﺭﻭﺷﻨﯽ ﻣﯿﮟ، ﺭﺳﺎﻟﺖ ﭘﻨﺎﮦ ﺻﻠﯽ ﺍﻟﻠﮧ ﻋﻠﯿﮧ ﻭﺍٓﻝ ﻭﺳﻠﻢ ﮐﯽ ﺳﺮ ﭘﺮﺳﺘﯽ ﻣﯿﮟ ﺍﻭﺭ ﺍﮔﺮ ﺍﯾﺴﺎ ﻧﮧ ﮐﯿﺎ ﺗﻮ ﺑﮍﺍ ﻓﺘﻨﮧ، ﻓﺴﺎﺩِ ﻋﻈﯿﻢ ﭘﯿﺪﺍ ﮨﻮﮔﺎ۔
ﯾﺎ ﺍﻟﻠﮧ ! ﮐﯿﺎ ﻣﺎﺟﺮﺍ ﮨﮯ، ﮐﺲ ﺳﮯ ﮐﮩﺎ ﺟﺎ ﺭﮨﺎ ﮨﮯ، ﮐﯿﺎ ﮐﮩﺎ ﺟﺎ ﺭﮨﺎ ﮨﮯ، ﮐﺐ ﮐﮩﺎ ﺟﺎ ﺭﮨﺎ ﮨﮯ، ﮐﮩﺎﮞ ﮐﮩﺎ ﺭﮨﺎ ﮨﮯ۔
ﮐﭽﮫ ﻣﻔﻠﻮﮎ ﺍﻟﺤﺎﻝ ﺍﺟﻨﺒﯽ ﺳﮯ ﻟﻮﮒ ﺍﭘﻨﯽ ﻭﺣﺪﺕ ﻗﺎﺋﻢ ﮐﺮﯾﮟ۔
ﮐﺲ ﮐﮯ ﻣﻘﺎﺑﻠﮯ ﻣﯿﮟ؟ ﻗﯿﺼﺮ ﻭ ﮐﺴﺮﯼٰ ﮐﮯ ﻣﻘﺎﺑﻠﮯ ﻣﯿﮟ، ﺭﻭﻣﻦ ﺍﯾﻤﭙﺎﺋﺮ ﮐﮯ ﻣﻘﺎﺑﻠﮯ ﻣﯿﮟ، ﭘﻮﺭﯼ ﭘﻮﺭﯼ ﻓﻮﺟﯿﮟ ﮨﯿﮟ، ﺗﮩﺬﯾﺐ ﮨﮯ، ﺗﻤﺪﻥ ﮨﮯ، ﺩﻧﯿﺎ ﻓﯿﺸﻦ ﺍﻥ ﺳﮯ ﻟﯿﺘﯽ ﮨﮯ، ﮨﺘﮭﯿﺎﺭ ﺑﻨﺎﻧﺎ ﺍﻥ ﺳﮯ ﺳﯿﮑﮭﺘﯽ ﮨﮯ، ﺭﻭﻣﻦ ﻻﺀ ﮐﺎ ﻃﻮﻃﯽ ﮐُﻞ ﺟﮩﺎﻥ ﻣﯿﮟ ﺑﻮﻟﺘﺎ ﮨﮯ، ﻓﻦ ﺗﻌﻤﯿﺮ ﻭﮨﺎﮞ ﺳﮯ ﺁﺗﺎ ﮨﮯ ﺍﻭﺭ ﺍﮔﺮ ﻧﮧ ﮐﯿﺎ ﺗﻮ ﻓﺴﺎﺩ ﻋﻈﯿﻢ ﭘﯿﺪﺍ ﮨﻮﮔﺎ۔
ﯾﮧ ﺗﻮ ﺍﯾﺴﮯ ﮨﮯ ﺟﯿﺴﮯ ﮐﻮﺋﯽ ﻣﺠﮫ ﺳﮯ ﺁﮐﺮ ﮐﮩﮯ ﮐﮧ ﺗﻢ ﯾﮧ ﮐﺮﻭ ﻭﺭﻧﮧ ﺍﻣﺮﯾﮑﮧ ﻣﯿﮟ ﻓﺘﻨﮧ ﮨﻮﮔﺎ۔ ﮐﮩﺎﮞ ﻣﯿﮟ ﮐﮩﺎﮞ 320 ﻣﻠﯿﻦ ﻟﻮﮒ۔
ﻣﮕﺮ ﭘﮭﺮ ﺍﯾﺴﺎ ﮨﻮﺍ، ﺍﯾﺴﺎ ﺗﺎﺭﯾﺦ ﻧﮯ ﺩﯾﮑﮭﺎ ﮔﻮﺭﻧﺮ ﺻﺎﺣﺐ، ﻣﭩﮭﯽ ﺑﮭﺮ ﭼﻨﺪ ﻟﻮﮔﻮﮞ ﮐﯽ ﮐﺎﻭﺵ ﻟﮯ ﮈﻭﺑﯽ ﻗﯿﺼﺮ ﻭ ﮐﺴﺮﯼٰ ﮐﻮ، ﺭﻭﻣﻦ ﺍﯾﻤﭙﺎﺋﺮ ﮐﻮ۔
ﮨﮯ ﻧﺎ ﺣﯿﺮﺕ ﻭﺍﻟﯽ ﺑﺎﺕ !
ﮔﻮﺭﻧﺮ ﺻﺎﺣﺐ ﮐﭽﮫ ﻧﮧ ﺳﻤﺠﮭﺘﮯ ﮨﻮﺋﮯ ﭘﮭﯿﮑﯽ ﺳﯽ ﮨﻨﺴﯽ ﮨﻨﺲ ﮐﮯ ﭼﻠﮯ ﮔﺌﮯ۔
ﻋﺒﺪﺍﻟﻠﮧ ﯾﮧ ﺷﻌﺮ ﮔﻨﮕﻨﺎﺗﮯ ﮨﻮﺋﮯ ﻭﺍﭘﺲ ﭼﻼ ﺁﯾﺎ۔
ﺟﻮ ﺩِﮐﮫ ﺭﮨﺎ ﮨﮯ ﺍُﺳﯽ ﮐﮯ ﺍﻧﺪﺭ ﺟﻮ ﺍَﻥ ﺩﮐﮭﺎ ﮨﮯ ﻭﮦ ﺷﺎﻋﺮﯼ ﮨﮯ
ﺟﻮ ﮐﮩﮧ ﺳﮑﺎ ﺗﮭﺎ ﻭﮦ ﮐﮩﮧ ﭼﮑﺎ ﮨﻮﮞ ﺟﻮ ﺭﮦ ﮔﯿﺎ ﮨﮯ ﻭﮦ ﺷﺎﻋﺮﯼ ﮨﮯ
ﺩِﻟﻮﮞ ﮐﮯ ﻣﺎﺑﯿﻦ ﮔﻔﺘﮕﻮ ﻣﯿﮟ ﺗﻤﺎﻡ ﺑﺎﺗﯿﮟ ﺍﺿﺎﻓﺘﯿﮟ ﮨﯿﮟ
ﺗﻤﮩﺎﺭﯼ ﺑﺎﺗﻮﮞ ﮐﺎ ﮨﺮ ﺗﻮﻗﻒ ﺟﻮ ﺑﻮﻟﺘﺎ ﮨﮯ ﻭﮦ ﺷﺎﻋﺮﯼ ﮨﮯ
ﻋﺒﺪﺍﻟﻠﮧ ﮔﮭﺮ ﺁﮐﮯ ﺳﻮﮔﯿﺎ، ﺻﺒﺢ ﺍُﭨﮭﺎ ﺗﻮ ﻃﺒﯿﻌﺖ ﺑﮩﺖ ﺧﻮﺵ ﺗﮭﯽ، ﺷﺎﯾﺪ ﮐﺴﯽ ﺧﻮﺍﺏ ﮐﺎ ﺍﺛﺮ ﺗﮭﺎ ﺟﻮ ﺍِﺳﮯ ﯾﺎﺩ ﻧﮩﯿﮟ ﺭﮨﺎ ﻣﮕﺮ ﺍﺱ ﮐﺎ ﺍﻧﮓ ﺍﻧﮓ ﻣﺴﺮﺕ ﺳﮯ ﺍُﭼﮭﻞ ﺭﮨﺎ ﺗﮭﺎ۔ ﻭﮦ ﺁﺝ ﺩِﻥ ﺑﮭﺮ ﻧﺎﺯ ﺧﯿﺎﻟﻮﯼ ﮐﮯ ﯾﮧ ﻣﺼﺮﻋﮯ ﺩﮨﺮﺍﺗﺎ ﺭﮨﺎ –
ﻣﺮﮐﺰِ ﺟﺴﺘﺠﻮ، ﻋﺎﻟﻢِ ﺭﻧﮓ ﻭ ﺑﻮ
ﺩﻡ ﺑﮧ ﺩﻡ ﺟﻠﻮﮦ ﮔﺮ، ﺗﻮ ﮨﯽ ﺗﻮ ﭼﺎﺭ ﺳُﻮ
ﮨُﻮ ﮐﮯ ﻣﺎﺣﻮﻝ ﻣﯿﮟ، ﮐﭽﮫ ﻧﮩﯿﮟ ﺍِﻻﮬُﻮ
ﺗﻢ ﺑﮩﺖ ﺩﻟﺮﺑﺎ، ﺗﻢ ﺑﮩﺖ ﺧُﻮﺑﺮﻭ
ﻋﺮﺵ ﮐﯽ ﻋﻈﻤﺘﯿﮟ ، ﻓﺮﺵ ﮐﯽ ﺁﺑﺮﻭ
ﺗﻢ ﮨﻮ ﮐﻮﻧﯿﻦ ﮐﺎ ﺣﺎﺻﻞِ ﺁﺭﺯﻭ
ﺁﻧﮑﮫ ﻧﮯ ﮐﺮ ﻟﯿﺎ ﺁﻧﺴﻮﺅﮞ ﺳﮯ ﻭﺿﻮ
ﺍﺏ ﺗﻮ ﮐﺮ ﺩﻭ ﻋﻄﺎ ﺩِﯾﺪ ﮐﺎ ﺍﯾﮏ ﺳﺒﻮ
ﺁﺅ ﭘﺮﺩﮮ ﺳﮯ ﺗﻢ ﺁﻧﮑﮫ ﮐﮯ ﺭﻭﺑﺮﻭ
ﭼﻨﺪ ﻟﻤﺤﮯ ﻣِﻠﻦ، ﺩﻭ ﮔﮭﮍﯼ ﮔﻔﺘﮕﻮ
ﻧﺎﺯ ﺟﭙﺘﺎ ﭘﮭﺮﮮ، ﺟﺎ ﺑﮧ ﺟﺎ ﮐﻮ ﺑﮧ ﮐﻮ
ﻭﺣﺪﮦٗ ﻭﺣﺪﮦٗ، ﻻ ﺷﺮﯾﮏ ﻟﮧ،
ﺍﻟﻠﮧ ﮨﻮ، ﺍﻟﻠﮧ ﮨﻮ، ﺍﻟﻠﮧ ﮨﻮ، ﺍﻟﻠﮧ ﮨﻮ
* ۔۔۔ * ۔۔۔ *
ﺁﺝ ﻋﺒﺪﺍﻟﻠﮧ ﺟﮩﺎﺯ ﻣﯿﮟ ﺑﯿﭩﮭﺎ ﺳِﺮﯼ ﻟﻨﮑﺎ ﮐﯽ ﻃﺮﻑ ﺟﺎ ﺭﮨﺎ ﺗﮭﺎ ﮐﮧ ﮐﻤﭙﻨﯽ ﮐﺎ ﺍﯾﮏ ﺁﻓﺲ ﻭﮨﺎﮞ ﺑﮭﯽ ﮐﮭﻮﻝ ﺳﮑﮯ ﺍﻭﺭ ﺍُﺱ ﮐﺎ ﻗﻠﻢ ﭘﮭﺮ ﺳﮯ ﺳﻮﺍﻻﺕ ﻟﮑﮫ ﺭﮨﺎ ﺗﮭﺎ۔
ﯾﺎ ﺍﻟﻠﮧ، 2 ﺳﺎﻝ ﺳﮯ ﺍﯾﮏ ﮨﯽ ﺫﮐﺮ ﭘﺮ ﮨﻮﮞ۔ ﺑﮩﺖ ﮐﺎﮨﻠﯽ ﺑﺮﺗﯽ، ﻟﮕﺘﺎ ﮨﮯ ﺗﻤﺎﻡ ﻋﻤﺮ ﺍِﺳﯽ ﭘﺮ ﺭﮨﻮﮞ ﮔﺎ۔ ﺗُﻮ ﻗﺒﻮﻝ ﻓﺮﻣﺎ ﻟﮯ۔ ﺍﮮ ﻭﮦ ﺍﻟﻠﮧ ﺟﻮ ﺯﻣﺎﻥ ﻭ ﻣﮑﺎﻥ ﮐﯽ ﻗﯿﺪ ﺳﮯ ﭘﺎﮎ ﮨﮯ۔ ﻣﯿﮟ ﻣﻨﺰﻟﻮﮞ ﮐﺎ ﻣﺴﺎﻓﺮ ﮨﻮﮞ، ﺗُﻮ ﺗﻮ ﻧﮩﯿﮟ، ﺗﻮ ﺁﮐﮯ ﻣِﻞ ﺟﺎ۔
ﺍﮮ ﺍﻟﻠﮧ ! ﺟﻦ ﮐﺎ ﻣﻮﺕ ﺳﮯ ﭘﮩﻠﮯ ﺩﻝ ﺩﻧﯿﺎ ﺳﮯ ﺍﭼﺎﭦ ﮨﻮﺟﺎﺋﮯ، ﺍُﻥ ﮐﮯ ﻟﺌﮯ ﮐﻮﺋﯽ ﺳﺮﺍﺋﮯ ﮨﮯ ﮐﯿﺎ؟
ﻭﮦ ﮐﻮﻥ ﺳﯽ ﻧﯿﮑﯽ ﮨﮯ ﺟﻮ ﮔﺎﺭﻧﭩﯽ ﺩﮮ ﮐﮧ ﺑﻨﺪﮦ ﭼﻦ ﻟﯿﺎ ﺟﺎﺋﮯ ﮔﺎ؟
ﺟﻦ ﮐﮯ ﺳﻮﺍﻝ ﮔﻢ ﮨﻮﺟﺎﺋﯿﮟ، ﺍﻥ ﺳﮯ ﮐﻮﺋﯽ ﺟﻮﺍﺏ ﻣﺎﻧﮕﮯ ﺗﻮ ﻭﮦ ﮐﯿﺎ ﮐﺮﯾﮟ؟
ﺍﮮ ﺍﻟﻠﮧ ﮐﯿﺎ ﺭﻭﺣﺎﻧﯿﺖ ﮐﺎ ﺑﮭﯽ ﮐﻮﺋﯽ ﻧﺼﺎﺏ ﺍﻭﺭ ﺍﻣﺘﺤﺎﻥ ﮐﺎ ﻃﺮﯾﻘۂ ﮐﺎﺭ ﮨﮯ۔ ﯾﺎ ﺗﯿﺮﯼ ﻣﺮﺿﯽ ﺟﺐ ﭼﺎﮨﺎ، ﺟﯿﺴﮯ ﭼﺎﮨﺎ، ﺟﺴﮯ ﭼﺎﮨﺎ ﺩﮮ ﺩﯾﺎ؟
ﺍﮮ ﺩﯾﮑﮭﻨﮯ ﻭﺍﻟﮯ، ﻣﯿﮟ ﺳﻮﺍﻟﻮﮞ ﮐﯽ ﻣﺎﻻ ﺗﻮﮌ ﺑﯿﭩﮭﺎ ﮨﻮﮞ۔
ﻣﯿﮟ ﺗﻮ ﺍﺗﻨﺎ ﺑﮭﯽ ﺳﻤﺠﮭﻨﮯ ﺳﮯ ﺭﮨﺎ ﮨﻮﮞ ﻗﺎﺻﺮ
ﺭﺍﮦ ﺗﮑﻨﮯ ﮐﮯ ﺳﻮﺍ ﺁﻧﮑﮫ ﮐﺎ ﻣﻘﺼﺪ ﮐﯿﺎ ﮨﮯ
ﺧﺘﻢ ﺷﺪﮦ