(Last Updated On: )
زندگی کا نشان ہے پانی
جان دارونکی جان ہے پانی
سب کوحاصل قرار پانی سے
زندگی میں بہار پانی سے
اہمیت بھی بڑی ہے پانی کی
یہ ضرورت ہے زندگانی کی
اس سے سرسبز کھیتیاں، جنگل
اس سے حاصل اناج، سبزی پھل
ہے خدا کی صفت کرم والی
بھیجتا ہے زمین پر پانی
اک نصیحت ہے یہ سنو بچّو
گھر کے پانی کو صاف تم رکّھو
گندا پانی اگر پیو گے تم
جَلد بیمار پھر پڑو گے تم
قیمتی ہے بہت بچاؤ اسے
یونہی بے کار مت بہاؤ اسے
واقعی یہ خدا کی ہے نعمت
پانی ہم سب کے واسطے رحمت
