خاموش ھیں ارسُطو و فلاطُوں مرے آگے

خاموش ھیں ارسُطو و فلاطُوں مرے آگے ​
دعویٰ نہیں کرتا کوئی موزُوں مرے آگے​
​دانش پہ گُھمنڈ اپنی جو کرتا ھے بہ شِدّت​
واللہ کہ وہ شخص ھے مجنُوں مرے آگے​
​لاتا نہیں خاطر میں سُخن بیہودہ گو کا​
اعجاز مسیحا بھی ھے افسوں مرے آگے​
​میں گوز سمجھتا ھوں سدا اُس کی صدا کو​
گو بول اُٹھے ادھی کا چُوں چُوں مرے آگے​
​سب خوشہ ربا ھیں مرے خِرمن کے جہاں میں
کیا شعر پڑھے گا کوئی موزُوں مرے آگے​
​قدرت ھے خُدا کی کہ ھُوئے آج وہ شاعر​
طِفلی میں جو کل کرتے تھے غاں غُوں مرے آگے​
​اُستاد ھُوں میں مصحفؔی حِکمت کے بھی فن میں​
ھے کودک نودرس فلاطُوں مرے آگے