کتابیں

کتابوں سے رکھو الفت
کتابوں سے ملے راحت
کتابیں علم کا مخزن
کتابیں علم کا گلشن
کتابوں میں چُھپاہرفن
چھپا ہےان میں گویادَھن
کتابیں قائد و رہبر
کتابیں علم کی مظہر
کتابیں مہرباں بھی ہیں
کتابیں رازداں بھی ہیں
کتابوں میں کہانی بھی
کتابوں میں ریاضی بھی
کتابیں گیت نظموں کی
ہے دنیا ان میں سپنوں کی
کتابوں سے ملے منزل
کتابوں سے ہوحل مشکل
کتابیں مونس و ہمدم
پڑھو ان کو مٹے ہر غم
کتابیں تم پڑھو بچّو
بلندی سر کرو بچّو