لوری

منا میرا تو ہے پیارا
تو ہے میرا راج دلارا
میرے جینے کا تو سہارا
تو ہے سارے جگ سے نیارا
میری سانسوں میں تو بسا ہے
میری آنکھوں میں تو چھپا ہے
منا ایسا کام تو کرنا
جگ میں روشن نام تو کرنا
تو ہے میرے دل کا ٹکڑا
چاند کے جیسا تیرا مکھڑا
للا تیری بولی جیسا
راگ نہیں ہے کوئی دوجا
تو مسکائے جگ مسکائے
تو ہی میرے دل کو بھائے
اے میری آنکھوں کے تارے
سو جا میرے راج دلارے
تیرا ہنسنا میرا ہنسنا
تیرا رونا میرا رونا
چندا جیسی صورت تیری
پوری ہو ہر حسرت تیری
سب سے پیارا للا میرا
للا تو ہے جان سے پیارا
تو ہے میری دلکش دولت
رب نے کردی پوری حسرت