دیر سے سوئی ہوئی راہ جگا لوں تو چلوں

دیر سے سوئی ہوئی راہ جگا لوں تو چلوں
پتھروں، کانٹوں کو ٹھوکر سے ہٹا لوں تو چلوں
کتنا پُر ہول سفر ٹُوٹتے رشتوں کا ہے
زخمِ دل پنجۂ درماں سے چھُڑا لوں تو چلوں
صبح کی پہلی کرن ہے مرا مقصدِ نگاہ
پیچ و خم گیسوئے شبگوں کے نکالوں تو چلوں
کہکشاں سے بھی ادھر جانا ہے آخر مجھ کو
آبلہ پائی کو صد رنگ بنا لوں تو چلوں
برہمی زیست کی ہے اس کے بھٹک جانے میں
طفلکِ وقت کو اُنگلی سے لگا لوں تو چلوں
کون جانے یہ مرے کام کہاں آ جائے
سر پہ بار غم و اندوہ اُٹھا لوں تو چلوں
نود ل صد پارہ و ویراں میں ضیا از سر
طلب منزل مقصود سجا لوں تو چلوں
٭٭٭