(Last Updated On: )
بس اک جھلک دے بھکھے گنہگار آ گئے
مجرم ترے سی ترے ای دربار آ گئے
رَدّے ہوئے جہان دے ایتھے قبول نیں
دل داغدار طیبہ دے بازار آ گئے
جد وی خیال آکھدا معراج کر لواں
اقصیٰ کہیا، براق دے اسوار آ گئے
گھت واسطے وچھوڑے دے ڈاڈھے حکیم توں
نبضاں چھڑا کے آپ دے بیمار آ گئے
ساہواں دے ورقیاں تے میں والیل لکھ لیا
لوں لوں دے باغ زلف دے مہکار آ گئے
اکھیاں دے شیشے آپ دا روضہ اے آ گیا
چھم چھم کریندے عرش توں انوار آ گئے
میرے نمانے نین مینوں کہن گے کدوں
اعجاز ویکھ او ، ترے سرکار آ گئے
