(Last Updated On: )
کرم بن کے عطا بن کے وفاواں دی گھٹا بن کے
خدا دی رحمت آئی اے تری آقا ادا بن کے
فرشتے وجد وچ آ کے وساون مینہ سلاماں دا
جے دل دی دھرتیوں نکلے صدا صلِّ علیٰ بن کے
کدوں سرکار سفنے وچ مِری نبضاں تے ہتھ رکھسو
کدوں میرے نصیب اوسن مِرے غم دی دوا بن کے
دھمک سن سن کے عرشاں نوں بتیرا وجد اوندا اے
دھرے جو پیر فرشاں تے مدینے دا گدا بن کے
کدی نہ ہتھ ہٹاواں میں دعا توں یا رسول اللہ
کدی جے دِس پوے بُک چوں تِرا جلوہ دعا بن کے
نظر پورا کریسی چاء کدوں نعلین چمنے دا
وفا وی آپ دے باہجھوں جگر ساڑے جفا بن کے
ترے اعجاز نوں سن کے زمانہ وجد وچ اوندا
مِرے ہوٹھاں تے جد سجدا سخن تیری ثنا بن کے
