(Last Updated On: )
انوار کون ویکھے اُس پار مصطفی دے
جلوے نہ جد جھلیندے اِس پار مصطفی دے
خود وی کرم کمائو نیں اکھیو نجھا کے ویکھو
مہکار آ گئے جو سرکار مصطفی دے
عرشاں توں نور آ کے اُس دی نظر نوں چمدا
جس نوں وی ہو گئے نیں دیدار مصطفی دے
ساتھوں کسے وی قیمت نئیں جگ دی سیپ ہوندی
کمی اسیں آں کمی سردار مصطفی دے
دنیا! اوہ فیر کیویں لشکارے تیرے ویکھن
جو نین ویکھدے نیں انوار مصطفی دے
حق دے مسافراں نوں توحید باغ اندر
انگلی پکڑ لے جاون مہکار مصطفی دے
اعجاز ولّے انگلی کر کے زمانہ آکھے
ایہ نین ای کھڑے سی دربار مصطفی دے
