(Last Updated On: )
جدے سرکار دی مرضی مہاراں موڑ دیوے
ہزاراں رس کے ٹر چلیاں بہاراں موڑ دیوے
کدی دل کونج وچھڑی وانگ نئیں کرلاٹ پوندا
جدوں یاداں دیاں لجپال ڈاراں موڑ دیوے
عمل دے کھیت وچ کلّر کدی نئیں فیر اُگدا
نبی دا عشق جہندے ول جھلاراں موڑ دیوے
نبی دا حوصلہ خاراں دے بدلے پھل اے دیندا
زمانہ پھل دے بدلے ویکھ خاراں موڑ دیوے
جدے محبوب چلّے نیں سجا دیوو اوہ راہواں
خدا اودے ملیکاں دی قطاراں موڑ دیوے
دلا! سرکار دے پیراں تے ڈگ رو رو کے آکھیں
خدا دے واسطے سانوں بہاراں موڑ دیوے
جدوں دا شعر دے سوہنے نگر اعجاز آیا
مِرے فن توں بلاواں ایہ ہزاراں موڑ دیوے
