(Last Updated On: )
فدا جس توں زمانہ اے نظر تیری نظر ہے
طغیٰ دا مست ہر ڈورا تجلی دا نگر ہے
مِری بے چین ہستی نوں ادا تیری بتیری
فدا میری نظر آقا فدا میرا جگر ہے
نبی دے عشق ویہڑے نوں مِرے دل ٹر کے دسیا
قدم ہر تے ای منزل اے جدا جگ توں سفر ہے
فضا کہڑی دا واسی ہاں غماں توں کیوں جدا ہاں
مِرے دل وچ مدینہ اے ایہ جگ نوں کی خبر ہے
نبی دے سوہنے مڑھکے دا تصور مست رکھدا
بھلا جگ دے خیالاں دا میں کی کرنا عطر ہے
زمیں چمدا اے شعراں دی فلک آ کے سخن دا
ثنا دے شہر سوچاں دی بوہاری دا اجر ہے
دیہاڑے حشر دے وی مست ہے اعجاز رہنا
نظر مازاغ دے ایہ جام دا سارا اثر ہے
