(Last Updated On: )
ادب دے لب تے نعت نوں سجا لوو سجا لوو
سخن دی کائنات نوں سجا لوو سجا لوو
تسیں نصیب رات وچ سدا کرو نبی نبی
نصیب نوں ، برات نوں سجا لوو سجا لوو
نبی دی آل نال دل دے شہر نوں وسائو چا
کہ سوچ دی فرات نوں سجا لوو سجا لوو
تسیں خیال شیشے وچ سجا کے نقش آپ دا
عمل دی نیچ ذات نوں سجا لوو سجا لوو
تسیں نبی دے درد لاڑے نوں سجن بناں لوو
برات دی برات نوں سجا لوو سجا لوو
پلک تے تاریاں نوں پھر سجا کے تے، حضور توں
وچھوڑے پوندی رات نوں سجا لوو سجا لوو
اعجازؔ نعت دل دے ورقے تے لکھا لکھا
تسیں قلم، دوات نوں سجا لوو سجا لوو
