(Last Updated On: )
چن، ستارے تے ایہ سورج لشکدا، سارے چراغ
آپ دے ای نور توں جگدے سدا سارے چراغ
ماں، پیو، اولاد، بھیناں تے بھرا سارے چراغ
آپ توں جے نئیں فدا تے پھر سزا سارے چراغ
سوہنے سوہنے خَلق وچ خالق بنائے جو چراغ
خُلق تیرے دے بنیرے سوہنیا سارے چراغ
آپ دی نسبت کریما با وفا اے با وفا
تاج، شاہیاں تے خزانے بے وفا سارے چراغ
صبر دی کدھ ڈھہہ پئی دل اک پیا ، آ سوہنیا
آخری ساہواں تے آساں دے بچا سارے چراغ
شاعری کی میں ’’ا‘‘ تے ’’ب‘‘ دا جانو آں کدوں
کون ہے جو بال کے ایہ دھر گیا سارے چراغ
آپ دے اعجازؔ اک اک حرف وچ لکھ لکھ چراغ
خود تلی تے چائی رکھنے اس ہوا سارے چراغ