(Last Updated On: )
رُس گیا اے خدا سوہنیا چا منا
امتیاں تے کرم دی وسا چا گھٹا
قید گھر انج ہوئے جیل حیران اے
یا نبی اک نظر کر گدا چا رہا
ویکھ گلیاں دے وچ قہر نچدا پھرے
رحم کر کملی والے بچا چا گدا
پیر اپنے گنہگار نیں وڈھ لئے
دے طبیبا دوا کر شفا چا عطا
من گئے ہاں اسیں بھل گئے بھل گئے
درد سبھ جگ دیا دردیا چا بھلا
یا نبی ویکھ، حسنین دا واسطہ
موت بن کے پھرے ایہ وبا چا مکا
آ ، صدا رو کے اعجاز امت کرے
سوہنی انگلی ہلا ہر بلا چا نسا
