کائناتِ رنگ و بو عکسِ جمال مصطفی

کائناتِ رنگ و بوعکسِ جمال مصطفی،
حُسنِ عالمگیر حسن بے مثالِ مصطفی

روز وشب خوابِ مہ طیبہّ خیالِ مصطفی ،
زندگی پرور رہے مہر جمالِ مصطفی

دِل کی فرخت رُوح کی بالیدگی یادِ حضور
جانِ ایمان ونشاطِ جان خیال مصطفی

اُن کے خالی ہاتھ سے کوئی غلط فہمی نہ ہو
دوجہاں کی دولتیں ہیں پائمالِ مصطفی

ظلمتِ تہذیبِ عصر نو سے ہم خائف نہیں
ہے ہمارے سامنے روشن مثالِ مصطفی

حشر تک ہر آنے والا دور اُن کا دورہے
ماہ وسال ہر زمانہ ، ماہ وسالِ مصطفی

اُن کی شخصیت ہے ذہین عصر کا موضعِ فِکر
ہے لسانِ وقت پر ذکرِ کمال مصطفی

منکشف رُوح الامیں پر بھی نہیں اُن کا مقام
اِک بشر کیسے سمجھ سکتا ہے حالِ مصطفی

وہ ہے مسعود ومبارک نزم جس کا اختصاص ،
ذکِر اوصاف محمد قیل وقال مصطفی

جس کے نغموں سے ہے فردوسِ سماعت باغِ نعت
ہے وہ طارق بلُبلِ شیریں مقامِ مصطفی