کوہ پیماوں کا ایک اجتماع

” پاپا کہتے ہیں بڑا نام کرےگا ۔۔۔۔ بیٹا ہمارا ایسا کام کرےگا ” ۔۔۔ باسط گٹار ہاتھ میں لئے اپنی ہی دھن میں گانا گنگنائے جا رہا تھا ۔۔۔۔۔۔
ائوے بس کردے اب ۔۔۔۔ زکی گیلے بالوں میں جیل سپرے کرتے ہنستا ہوا بولا ۔۔۔۔۔
“مگر یہ تو کوئی نہ جانے کے میری منزل ہے کہااااں” ۔۔۔۔ باسط نے زکی کے منع کرنے پر پہلے سے کئی زیادہ اونچی آواز میں ناچتے ہوئے گایا ۔۔۔۔
او بدتمیز انسان ۔۔۔ بس کردے ۔۔۔۔۔ زکی جھنجھلا کر بولا ۔۔۔۔۔
ایک گھنٹے میں ہمارا کنسرٹ شروع ہوجانا ہے اور تجھے مزاق سوج رہا ہے ۔۔۔۔ جلدی سے تیار ہو جا کر ۔۔۔۔ زکی نے کنگھا رکھ دیا ۔۔۔
جو آپ کا حکم ۔۔۔ ہم ابھی تیار ہوجاتے ہیں ۔۔۔۔ باسط نے فورا سے گٹار بیڈ پر پھینکا اور ہاتھ جوڑ کر کہا تو زکی ہنس دیا ۔۔۔۔
زکی ویسے ایک بات تو بتا ۔۔۔ ؟ باسط شیو کرتا ہوا واشروم سے باہر آیا ۔۔۔
ہاں بول ۔۔۔ میز پر پائوں رکھے شوز کے تسمے باندھتے ہوئے زکی مڑا ۔۔۔
کنسرٹ کے بعد تو پہلے اپنے چچا کے گھر جائے گا یا پھر اُس لڑکی کو ڈھونڈے گا ۔۔۔۔ ؟ باسط نے منہ دھویا ۔۔۔
پہلے چچا کے گھر جائوں گا ۔۔۔ تاکہ دادو کو تھوڑی تسلی ہو ۔۔۔ میری دادو کی خواہش پوری ہو جائے پھر میں ۔۔۔۔ ائوے تو پھر باتوں میں لگ گیا ۔۔۔ جلدی کر نا یار ۔۔۔۔ زکی نے دوسرا تسمہ باندھا ۔۔۔۔
*************
13 فروری کی رات ۔۔۔۔ قریباً 9 بجے ان کا کنسرٹ تھا ۔۔۔ آج زکی نے سفید جینز کے اوپر سفید شرٹ اور سیاہ رنگ کی جیکٹ پہنی تھی ۔۔۔۔۔ سردی بہت زیادہ تھی یہی وجہ تھی کہ دونوں اپنی طرف سے فل پیک ہوکر آئے تھے اس کے باوجود ہوٹل سے باہر نکلتے ہی ٹھر ٹھر کانپنے لگے ۔۔۔ اس وقت زکی جو واحد چیز محسوس کر رہا تھا وہ صرف یہ کہ اسے بےتحاشہ سردی لگ رہی ہے ۔۔۔
ہلکی ہلکی برفباری ہو رہی تھی ۔۔۔ ایسا لگتا تھا کہ جیسے فرش پر برف کی سفید چادر سی بچھی ہوئی ہے ۔۔۔ زکی کو بارش بہت پسند تھی یہی وجہ تھی کہ وہ برفباری سے بھی خاصا لطف اندوز ہوتا تھا ۔۔۔ وہ اس منظر کو کھل کر انجوائے کرنا چاہ رہا تھا اِس وقت زکی کا دل چاہا کہ وہ زیادہ سی برف لے کر اس کو اکٹھا کر کہ باسط کے منہ پر دےمارے مگر سردی کی شدت اتنی تھی کہ وہ جینز کی جیبوں سے اپنے ہاتھ تک نہیں نکال پا رہا تھا ۔۔۔ برف اٹھانا تو دور کی بات تھی ۔۔۔
اسکیبورڈز کی برف پر پھسلنے والی آواز ، شوقیہ کوہ پیماوں کا ایک اجتماع اور برف کے انسانوں کے بکھرے ہوئے مجسمے۔ یہ سب ترکی کی کم معروف شخصیت ہیں۔ ترکی کی سردیاں یقیناً قابلِ ذکر ہیں ۔۔۔۔ وہاں کے خوبصورت منظر ہر کسی کو اپنا گرویدہ بنا دیتے ہیں ۔۔۔۔ کچھ تو یہاں تک کہتے ہیں کہ سرد مہینوں میں ترکی کا زیادہ بہتر دورہ کیا جاتا ہے۔
_____________
اتنے خاموش کیوں ہو بھائی ۔۔۔ کتھے سردی نال جم تے نہیں گئے ۔۔۔ زکی نے باسط کو مخاطب کیا ۔۔۔
تمہیں کیا لگتا ہے زکی کہ ۔۔۔ ابھی باسط بات کر ہی رہا تھا کہ زکی نے اس کو ٹوکتے ہوئے کہا ۔۔۔
مجھے تو سردی لگ رہی ہے ۔۔۔۔ زکی ہنستے ہوئے بولا ۔۔۔
ہاہا ۔۔۔ دونوں ہنسے ۔۔۔
****************
زکی اور باسط اس وقت اپنے کنسرٹ کے لئے نکلے تھے جو کہ استقلال سٹریٹ میں ہی موجود ایک کلب ہیل کاہویسی میں ہونا تھا ۔۔۔۔
ہیل کاہویسی بسٹرو ، استنبول کے معروف تفریحی مقام حائل کہوسی کی نئی شاخ ہے جو پیرا کی استقلال اسٹریٹ پر واقع ہے ، جس میں مختلف قسم کے موسیقی اور تفریحی محبت کرنے والوں کا خیرمقدم کیا جاتا ہے اور مختلف مقامی اور غیر ملکی براہ راست بینڈ کی میزبانی ہوتی ہے۔
80 لوگوں کی گنجائش والا ایک ریستوراں ، بہت سارے فیوژن والے کھانے کا مینو ، اور 200 کی گنجائش والا ایک کلب۔ وہاں سارا دن یا ساری رات کھایا پیا جا سکتا ہے اور براہِ راست بینڈ کے گانوں سے لطف اندوز ہوا جا سکتا ہے ۔
***********
ہر کنسرٹ کی طرح ان دونوں کا یہ کنسرٹ بھی شاندار رہا ۔۔۔ شو کے اختتام پر ہال تالیوں اور سیٹیوں سے گونج اُٹھا ۔۔۔ دور دور سے لوگ ان کے پاس آٹوگراف اور سیلفی لینے کے لئے آ رہے تھے ۔۔۔۔ اس وقت تقریباً 11 بج چکے تھے ۔۔۔ اب وہ دونوں آرام کرنے ہوٹل کی طرف جا رہے تھے ۔۔۔ کہ راستے میں ایک جگہ کافی پینے کے لئے رُک گئے ۔۔۔۔
_____________
تو نے اس لڑکی کو دیکھا تھا کیسے پاگل ہو رہی تھی ۔۔۔۔ باسط نے قہقہ لگایا ۔۔۔
ہیم ۔۔۔ زکی دھیمے سے بولا ۔۔۔
کافی پلیز ۔۔۔ باسط نے ریسٹورینٹ میں بیٹھے ہوئے ویٹر کو کافی لانے کا کہا ۔۔۔
کیا ہوا یار ۔۔۔ ؟ تو خوش نہیں ہے اتنا اچھا کنسرٹ کرکے بھی تیرا منہ لٹکا ہوا ہے ۔۔۔ باسط نے زکی کے چہرے کے تاثرات دیکھتے ہوئے پوچھا ۔۔۔
اب مجھے کنسرٹ کرکے وہ خوشی نہیں ملتی ۔۔۔ جو پہلے ملا کرتی تھی ۔۔۔ وہ سکون نہیں ملتا ۔۔۔ دل بےچین رہنے لگا ہے ۔۔۔ زکی نے میز پر پڑے کانٹے سے کھیلتے ہوئے کہا ۔۔۔
مجھے تیری سمجھ نہیں لگتی بھائی ۔۔۔ پہلے تو کنسرٹ کے لئے مر رہا ہوتا تھا ۔۔۔ اب جب ہم کامیابی کی سیڑھیاں چڑھ رہے ہیں تو اب تُو خوش نہیں ہے ۔۔۔ تھینکس ۔۔۔ باسط نے کافی رکھتے ویٹر کو کہا ۔۔۔
یار چھوڑ نا کوئی اور بات کر ۔۔۔ زکی جھنجھلایا ۔۔۔
اچھا یہ بتا ۔۔۔ اب آگے کا کیا پلان ہے ۔۔۔ ؟ باسط نے تجسس بھری نظروں سے دیکھا ۔۔۔
سوچتے ہیں کچھ ۔۔۔ ایسا کرتے ہیں کہ کل ہم نیلی مسجد جاتے ہیں ۔۔۔ اُس کے بعد گوہر کو فون کروں گا ۔۔ وہ کہہ رہی تھی کہ میں لینے آ جائوں گی ۔۔۔ اس سے پوچھ لیتا ہوں وہ لوگ کہاں رہتے ہیں ۔۔۔ زکی سوچتا ہوا بولا ۔۔۔
ہاں یہ ٹھیک رہے گا ۔۔۔ باسط نے جیب سے موبائل نکالتے ہوئے کہا ۔۔۔
اوو یار ۔۔۔ 12 ہوگئے ہیں ۔۔۔ موبائل اون کرتے ہی سب سے پہلے اُس کی نظر ٹائم پر پڑی ۔۔۔
ہاں تو ۔۔۔ کیا ہوا ۔۔۔ زکی نے باسط کی خوشی پر حیرت کا اظہار کیا ۔۔۔
آج 14 فروری ہے ۔۔ زکی تُجھے کیسے بھول گیا ۔۔۔
کل 13 فروری تھی ۔۔۔ تو ظاہر ہے آج 14 فروری ہی ہوگی ۔۔۔۔ زکی نے کافی کا گھونٹ لیا ۔۔۔
اُف یار ۔۔۔ ویلنٹائن ڈے ہے آج ۔۔۔ عجیب بندا ہے تُو بھی ۔۔۔ پچھلے سال پورا ہفتہ تُو نے اس دن کا انتظار کیا تھا ۔۔۔۔ اور ۔۔۔ زکی نے باسط کی بات کاٹتے ہوئے کہا ۔۔۔۔
اور میں نے بہت سی لڑکیوں کو پھول اور چاکلیٹس دی تھیں ۔۔۔ اُن میں سے کئیوں کے ساتھ شادی کے وعدے بھی کئے تھے ۔۔۔۔ سب یاد ہے مجھے ۔۔۔ کچھ نہیں بھولا میں ۔۔۔ مجھے یہ بھی معلوم تھا کہ آج 14 فروری ہے ۔۔۔ اور بارہ بج چکے ہیں ۔۔۔۔ میں آج کا دن کبھی نہیں بھول سکتا ۔۔۔ میں نے ساری تیاری بھی کر رکھی ہے ۔۔۔ زکی پُرسکون سا بیٹھا کافی پیتے ہوئے بولا ۔۔۔۔
ارے واہ ۔۔۔ چل کسی پارٹی میں چلتے ہیں ۔۔۔ میں نے سنا ہے کہ تُرک لوگ ویلنٹائن ڈے بڑے جوش و خروش سے مناتے ہیں ۔۔۔ اب تو سہی مزہ آنے والا ہے ۔۔۔
ہیم ۔۔۔ زکی بس اتنا ہی بولا ۔۔۔۔
یہ دیکھ ۔۔۔ میں نے سرچ بھی کر لیا ۔۔۔ یہاں سے کچھ منٹوں کے فاصلے پر بڑی فٹ سی ایک جگہ ہے ۔۔۔ کلینگڑتیں ۔۔۔۔ چل اُٹھ چلتے ہیں ۔۔۔۔
ویسے تُو نے تیاری کیا کر رکھی ہے ۔۔۔ ؟ مجھے بھی تو پتا چلے ۔۔۔۔۔۔ باسط نے متذبذب سے انداز سے زکی کو دیکھا ۔۔۔۔
دادو کی برتھ ڈے کی تیاری ۔۔۔۔ میں نے کیک بھی آرڈر کر دیا ۔۔۔ اُن کا گفٹ بھی ان کے روم میں رکھ آیا ۔۔۔۔ اور اب میں نے اپنی پیاری دادو کو وش کرنا ہے ۔۔۔۔ اُن کی برتھ ڈے منانی ہے ۔۔۔۔۔۔ زکی نے مسکراتے ہوئے بتایا ۔۔۔۔
وہ سب تو ٹھیک ہے زکی ۔۔۔۔ مگر ہماری پارٹی ۔۔۔ باسط نے کرسی سے اُٹھتے ہوئے زکی کو مخاطب کیا ۔۔۔۔
تُو پارٹی انجوائے کر ۔۔۔ میں چلتا ہوں ۔۔۔ مجھے دیر ہو رہی ہے ۔۔۔ زکی نے جاتے ہوئے کہا ۔۔۔
چل اب واپس چلتے ہیں ۔۔۔ تُو نہیں جا رہا تو میں اکیلے جا کر کیا کروں گا ۔۔۔۔
ہاہاہا ۔۔۔ زکی ہنسا ۔۔۔۔
***************
کس سے بات کر رہی تھی گوہر ۔۔۔ ؟ آمنہ نے گوہر کو موبائل رکھتے دیکھا تو پوچھا ۔۔۔۔
آج دادو کی برتھ ڈے ہے ۔۔۔ اُن کو مبارک باد دینے کے لئے فون کیا تھا ۔۔۔ گوہر مسکراتے ہوئے بولی ۔۔۔۔
آمنہ مجھے آنٹی کی بہت فکر ہو رہی ہے ۔۔۔ ڈاکٹر تو کہہ رہے ہیں اُن کے بچنے کے چانسز بہت کم ہیں ۔۔۔
تم پریشان نہ ہو ۔۔۔ اللہ سے دعا کرو ۔۔۔ آمنہ نے گوہر کو تسلی دی ۔۔۔
آئو کچھ کھا کر آتے ہیں ۔۔۔ فریش فیل کرو گی ۔۔۔ ویٹنگ روم میں بیٹھے ہوئے آمنہ نے گوہر کو چلنے کا کہا ۔۔۔
ہاں ۔۔۔ تھوڑی دیر تک چلتے ہیں ۔۔۔
_______
یہ کونسا بینڈ ہے ۔۔۔ ؟ ساتھ والے بینچ پر بیٹھی لڑکی نے موبائل پر دیکھتے ہوئے دوسری لڑکی سے تُرک میں پوچھا ۔۔۔
پاکستانی سنگرز ہیں ۔۔۔ آج ہی کنسرٹ ہوا ان کا ۔۔۔ میری دوست بتا رہی ہے لوگوں نے ان کے شو کو بہت پسند کیا ۔۔۔ اگر مجھے یہاں ہسپتال میں نہ رُکنا پڑتا تو میں نے کنسرٹ دیکھنے ضرور جانا تھا ۔۔۔۔ دیکھو تو ان کی ویڈیو ٹرینڈنگ پر ہے ۔۔۔۔ دوسری لڑکی نے ترک میں جواب دیا ۔۔۔
یہ والا لڑکا کتنا ہینڈسم ہے نا اس کے سلکی بال ۔۔۔ ان دونوں کے نام کیا لکھے ہیں ادھر ۔۔۔ ؟ اُس لڑکی نے ویڈیو روک کر زکی کے بارے میں اپنے خیالات کا اظہار کیا ۔۔۔
یااللہ ان لڑکیوں کو اور اس سنگر کو ہدایت دے ۔۔۔ انہیں سیدھا راستہ دکھا ۔۔۔ گوہر نے ساتھ بیٹھی لڑکیوں کی بات سنی تو من ہی من میں اس نے یہ دعا کی ۔۔۔۔
اس لڑکے کا نام زلقرنین سلطان ہے ۔۔۔۔ ابھی گوہر اُٹھ کر جا ہی رہی تھی کہ اس نے یہ نام سنا تو اس کے قدم وہیں ٹھہر گئے ۔۔۔
زکی ۔۔۔ اس کے لب بےاختیار بول اُٹھے ۔۔۔
****************
ہیپی برتھ ڈے ٹو یو ۔۔۔ ہیپی برتھ ڈے ٹو یو ۔۔۔ زکی نے کیک کاٹتے ہوئے موبائل کی طرف دیکھتے ہوئے گانا گایا ۔۔۔
فرنٹ کیمرہ کر ۔۔۔ بلکہ موبائل ادھر سامنے سیٹ کرکے تو بھی آجا ۔۔۔۔ زکی نے باسط کو مخاطب کیا ۔۔۔
بہت شکریہ میری جان ۔۔۔ دادی نے مسکراتے ہوئے کہا ۔۔۔
کیسے ہو بیٹا ۔۔۔ ؟ دادی نے باسط کو مخاطب کیا ۔۔۔
آپ کی دعائیں ہیں دادو ۔۔۔ باسط نے مسکراتے ہوئے کہا ۔۔۔
اوو دادو ۔۔۔ اب میں آپ کو کیک کیسے کھلائوں گا ۔۔۔ ؟ زکی نے ہنستے ہوئے کہا ۔۔۔
ہاہا ہا ۔۔۔ دادی زکی کی بات پر مسکرائی ۔۔۔
چل باسط منہ کھول ۔۔۔ زکی نے باسط کو کیک کھلایا ۔۔۔
اور سنائو ۔۔۔ میری ویلنٹائن ۔۔۔ کیسی ہو ۔۔ ؟ میرے وہاں سے آتے ہی بھول گئ مجھے ۔۔۔ ہیں ۔۔۔ ؟ زکی نے شرارت کرتے کہا ۔۔۔
چل ہٹ بدمعاش ۔۔۔ میں ٹھیک ہوں تو بتا ۔۔۔ سب ٹھیک ہے وہاں ۔۔۔ ؟
ہاں بھئی ۔۔۔ 12 بجے سے کالز کر رہا ہوں ۔۔۔ اب جا کر میرا نمبر آیا ۔۔۔ سچ سچ بتائیں ۔۔۔ میرے علاوہ بھی کوئی بوائے فرینڈ ہے کیا ۔۔۔ ؟؟
بدتمیز ۔۔۔ ہاہاہا ۔۔۔۔ ہے ایک میری بیسٹ فرینڈ اُسی کی فون آئی تھی ۔۔۔ سب سے پہلے وش کیا اُس نے مجھے ۔۔۔ دادی ہنستے ہوئے بولی ۔۔۔
اچھا تو یہ بات ہے ۔۔۔ اوو یاد آیا ۔۔۔ دادو شام کو مجھے گوہر کی فون آئی تھی ۔۔۔ کہہ رہی تھی میں گھر سے باہر ہوں ۔۔۔ ورنہ میں خود آپ کو لینے آتی ۔۔۔ زکی نے حیرت کا اظہار کرتے کہا ۔۔۔
ہاں اُس نے مجھے بتایا ۔۔۔ وہ ہسپتال میں ہے ۔۔۔ کسی مریض کی دیکھ بھال کرنے گئی ہے ۔۔۔ کل واپس آئے گی ۔۔۔ تو تجھے اپنے گھر لے کر جائے گی ۔۔۔
ہیم ۔۔۔ دادو ۔۔۔ وہ سامنے والی الماری کھولیں ۔۔۔ زکی نے اشارہ کرتے کہا ۔۔۔
کیوں ۔۔۔ ؟
کھولیں نا ۔۔۔
ارے واہ ۔۔۔ یہ میرے لئے ہے بیٹا ۔۔۔ ؟ دادی نے الماری سے تحفہ نکالتے ہوئے کہا ۔۔۔
نہیں ۔۔۔ پڑوس والی آنٹی کے لئے ۔۔۔ ہاہا ۔۔۔ دادو آپ ہی کے لئے ہے ۔۔۔ زکی ہنستے ہوئے بولا ۔۔۔
اچھا آپ یہ کھولیں ۔۔۔ کل مجھے بتانا کیسا لگا ۔۔۔۔ ابھی میں فون رکھتا ہوں ۔۔۔
*******************
آئی ایم سوری ۔۔۔ ڈاکٹر نے روم سے نکلتے ہوئے کہا ۔۔۔
گوہر ۔۔۔ سنبھالو خود کو ۔۔۔ آمنہ نے گوہر کو گلے لگایا ۔۔۔۔
اللہ اُن کی مغفرت کرے اور جنت میں جگہ دے ۔۔۔ آمین ۔۔۔۔
*********
نہیں ۔۔۔۔ نہیں ۔۔۔۔۔ یااللہ ۔۔۔ زکی بوکھلا کر اُٹھا ۔۔۔
کیا ہوگیا زکی ۔۔۔ قریب بیٹھا باسط پریشانی سے بولا ۔۔۔
یہ لے پانی پی ۔۔۔ کیا ہوا ہے کوئی بُرا خواب دیکھ لیا کیا ۔۔۔ ؟
ہاں ۔۔۔۔ زکی نے لمبے لمبے سانس لئے ۔۔۔
وہ لڑکی ۔۔۔ وہ ۔۔۔۔ یہ بتاتے ہوئے یک دم زکی کی آنکھ نم ہو گئی ۔۔۔
یار زکی بتا نا ۔۔۔ ہوا کیا ہے ۔۔۔۔ ؟ باسط اس کی حالت دیکھ کر مزید پریشان ہو گیا ۔۔۔
ضرور کچھ بہت بُرا ہونے والا ہے ۔۔۔۔ زکی تیز تیز قدم ڈالتا ہوا بولا ۔۔۔
ادھر آ کر بیٹھ ۔۔۔ ریلیکس ۔۔۔ اب بتا کیا دیکھا ۔۔۔ ؟
ہر طرف خون ہی خون ۔۔۔ اُس لڑکی کے ہاتھوں پر خون لگا ہوا تھا ۔۔۔ اور وہ رئوے جا رہی تھی ۔۔۔ بہت زیادہ رو رہی تھی ۔۔۔ جیسے کوئی انسان اپنے کسی بہت قریبی رشتہ دار، کسی عزیز کی موت پر روتا ہے ۔۔۔
تو پریشان نہ ہو ۔۔۔ سب ٹھیک ہوگا ۔۔۔ سو جا اب ۔۔۔ باسط نے زکی کو تسلی دی ۔۔۔
ازان ہو رہی ہے ۔۔۔ ؟ زکی نے باسط سے پوچھا ۔۔۔
ہاں ۔۔۔
مجھے نماز پڑھنی ہے ۔۔۔ میں نماز سے ہی سکون حاصل کر سکتا ہوں ۔۔۔ زکی اُٹھ کر نماز کی تیاری کرنے لگا ۔۔۔
****************
اے ہمارے رب ۔۔۔ آپ نے ہمیں جو ہدایت عطا فرمائی ہے اس کے بعد ہمارے دلوں میں ٹیڑھ پیدا نہ ہونے دیں اور خاص اپنے پاس سے ہمیں رحمت عطا فرما بےشک آپکی اور صرف آپکی ذات وہ ہے جو بے۔انتہائ بخشش کی خوگر ہے ۔۔۔۔ جائےنماز پر بیٹھی گوہر گڑگڑا کر اللہ سے دعا مانگ رہی تھی ۔۔۔۔
باسط ۔۔۔ تم کہیں جا رہے ہو ۔۔۔ ؟ زکی نے صبح اُٹھتے ہی باسط کو سامان باندھتے دیکھا ۔۔۔
تُو ٹھیک کہہ رہا تھا زکی ۔۔۔ کچھ بہت بُرا ہونے والا ہے ۔۔۔ باسط نے زکی کے گلے لگتے ہوئے کہا ۔۔۔۔
ہوا کیا ہے ۔۔۔ ؟ یہ تو بتا ۔۔۔۔ زکی متفکر سا بولا ۔۔۔
میرے بابا کو ہارٹ اٹیک ہوا ہے ۔۔۔ باسط نے روتے ہوئے کہا ۔۔۔
او میرے خدا ۔۔۔ انکل ٹھیک ہوجائیں گے یار ۔۔۔ انشاءاللہ ۔۔۔ تو دعا کر ۔۔۔ زکی نے باسط کو تسلی دیتے ہوئے کہا ۔۔۔۔
کب کی فلائیٹ ہے ۔۔۔ ؟
بس ابھی نکل رہا ہوں ۔۔۔
مجھے ساتھ ساتھ بتاتے رہنا ۔۔۔ میں بھی جلد ہی آجائوں گا ۔۔۔
****************
سالگرہ بہت بہت مبارک ہو ممی ۔۔۔ فاطمہ نے لان میں بیٹھی خورشید سلطان کو گلے لگا کر کہا ۔۔۔
بہت شکریہ میری جان ۔۔۔ انہوں نے مسکرا کر کہا ۔۔۔
آپ ٹھیک ہیں ممی ۔۔۔ ؟ فاطمہ نے ان کے چہرے پر واضح ہوتی پریشانی دیکھ کر پوچھا ۔۔۔
ٹھیک ہوں بیٹا ۔۔۔ پتا نہیں کیوں میرا دل بہت گھبرا رہا ہے ۔۔۔ شاید بی پی لو ہو گیا ہے ۔۔۔ خورشید سلطان نے فاطمہ کو تسلی دی ۔۔۔
آپ نے صبح سے کچھ کھایا بھی تو نہیں ہے ممی ۔۔۔ میں آپ کا بی پی چیک کرتی ہوں ۔۔۔ اور پھر جوس بنا کر لاتی ہوں ۔۔۔
***************
اسلام و علیکم گوہر ۔۔۔ دوسری طرف سے کال اُٹھائے جانے پر زکی نے سلام کیا ۔۔۔
وعلیکم سلام ۔۔۔ آئی ایم سو سوری زکی ۔۔۔ میں ان دنوں کچھ مصروف ہوں ۔۔۔ آپ ایسا کریں کہ میں ایک جگہ بتا رہی ہوں آپ وہ نوٹ کر لیں کل آپ یہاں آجانا میں بھی یہاں آپ کو لینے آجائوں گی ۔۔۔۔۔ گوہر خاصی مصروف سی بولی تھی جیسے وہ تیز تیز قدم ڈالتی ہوئی چل رہی ہو ۔۔۔
اوکے ٹھیک ۔۔۔ آپ بتا دیں ۔۔۔۔
بیوک ادا ۔۔۔ گوہر نے زکی کو یہاں آنے کا کہا ۔۔۔۔
*******************
باسط کے جانے کے بعد زکی بہت زیادہ اداس ہو گیا تھا ۔۔۔ ایک تو اُس کے بابا کی پریشانی اوپر سے خواب کی الگ اولجھن ۔۔۔ صبح سے اب تک ایک بھی لمحہ ایسا نہیں تھا جو اس نے سکون سے گزارا ہو ۔۔۔ وہ ہوٹل کے ایک کمرے سے اُکتا چکا تھا ۔۔۔ باہر ٹہلنے کے لئے نکل گیا ۔۔۔ آج پھر ناجانے کیسے اس کے قدم خودبخود استقلال سٹریٹ کی طرف چل پڑے ۔۔۔ ایک ہاتھ جینز کی جیب میں ڈالا ہوا تھا اور دوسرے ہاتھ سے موبائل استعمال کرتے ہوئے قدم آگے کی طرف بڑھا رہا تھا ۔۔۔۔ جیکٹ کا ہُڈ سر پر اس طرح لے رکھا تھا کہ بال ہلکے ہلکے دکھائی دے رہے تھے ۔۔۔ اسے کچھ معلوم نہ تھا کہ وہ جا کہاں رہا ہے ۔۔۔ اتنی لمبی سٹریٹ کو وہ کیسے عبور کرے گا ۔۔۔ زکی کچھ بھی سوچے سمجھے بغیر ہی چلتا جا رہا تھا ۔۔۔۔ کہ اتنے میں اُس کی نظر پھر سے اُن دو لڑکیوں پر پڑی جو تیز تیز قدم ڈالتی ہوئی استقلال سٹریٹ سے نکل رہی تھی ۔۔۔
زکی نے اُن کا پیچھا کرنا شروع کیا ۔۔۔ وہ اُن دونوں لڑکیوں کے کافی قریب پہنچ گیا تھا ۔۔۔ اُسے یوں لگا کہ جیسے آج وہ اُس لڑکی تک پہنچ ہی جائے گا ۔۔۔ ڈھیر سارے سوال جو اس کے دماغ میں ناجانے کب سے چل رہے تھے آج اس نے وہ سب سوال پوچھنے تھے ۔۔۔ بس اب چند قدم دور ۔۔۔ یہی سوچ کر زکی نے رُک کر اُن لڑکیوں کو آواز دینی چاہی مگر جب تک زکی کی پکار ان تک پہنچتی وہ دونوں سڑک پار کر چکی تھیں ۔۔۔
ابھی زکی اُن تُرک لڑکیوں کو آواز ہی دے رہا تھا کہ اچانک اُس کی آنکھوں کے آگے اندھیرا چھانے لگا ۔۔۔۔ اور اُسے ایسا محسوس ہوا جیسے اب سب ختم ۔۔۔۔
***************
گوہر اور آمنہ تھکی ہاری فیری میں سوار ہوگئیں ۔۔۔۔ سفر شروع ہونے کے بعد جلد ہی گوہر کی آنکھوں میں نیند طاری ہو گئی ۔۔۔ وہ سفر کے دوران کم ہی کبھی سوتی تھی مگر آج اُس کی آنکھ لگ گئی ۔۔۔
یااللہ ۔۔۔۔ گوہر یکدم جھٹکے سے اُٹھی ۔۔۔۔ اور لمبے لمبے سانس لینے لگی ۔۔۔
گوہر کیا ہوا ہے ۔۔۔ ؟ تم ٹھیک ہو ۔۔۔ ؟ آمنہ گوہر کے اس روے پر چونک کر بولی ۔۔۔۔
آمنہ ۔۔۔۔ مجھے ایسا لگا کہ جیسے کسی نے میری ۔۔۔۔ روح کو جھنجھوڑا ہو ۔۔۔
مجھ سے میرا کوئی قریبی چھن گیا ہو جیسے ۔۔۔۔ گوہر نے روتے ہوئے آمنہ کے کندھے پر سر رکھا ۔۔۔
کچھ نہیں ہوگا میری جان ۔۔۔ تم فکر مت کرو یار ۔۔۔ آمنہ نے گوہر کو تسلی دیتے ہوئے کہا ۔۔۔
پتا نہیں کیوں مجھے ایسا لگ رہا ہے کہ مجھے واپس استنبول جانا چائیے ۔۔۔ میرا کچھ چھوٹ گیا ہے وہاں ۔۔۔ میرا دم گھٹ رہا ہے یار ۔۔۔۔ گوہر نے بےچینی سے کہا ۔۔۔
***************
ارے کوئی ایمبولینس بلوائو ۔۔۔ اس کو فوراً ہسپتال لے جانا ہوگا ۔۔۔
دیکھو تو اس قدر حسین نوجوان ہے ۔۔۔۔ کیا ظلم ہو گیا اس کے ساتھ ۔۔۔ اتنا خون بہہ گیا ۔۔۔ کیا معلوم زندہ بھی ہے یا ۔۔۔۔
بھری سڑک میں تُرک لوگوں کے چیخ و پکار کے درمیان زخمی ۔۔۔۔ بےہوش پڑا ایک خوبصورت نوجوان ۔۔۔ زلقرنین سلطان ہی تھا ۔۔۔ جس کے بارے میں قریب کھڑے لوگوں کو اس بات تک کا گمان نہیں تھا کہ یہ لڑکا زندہ بھی ہے یا نہیں ۔۔۔ بچے گا بھی یا نہیں ۔۔۔ اگر زندہ بچ بھی گیا تو پھر کبھی اپنے
پائوں پر چل سکے گا بھی یا نہیں ۔۔۔۔۔۔۔۔ ایک سیکنڈ لگتا ہے ۔۔۔ بس ایک سیکنڈ ۔۔۔ اور انسان کی زندگی بدل جاتی ہے ۔۔۔
*****************
گوہر اب تم نے اس بات پر پریشان نہیں ہونا ۔۔۔ آرام کرنا ۔۔۔ ٹھیک ہے ۔۔۔ میں بھی چلتی ہوں ۔۔۔ خداحافظ ۔۔۔ آمنہ اپنے گھر کی طرف جاتے ہوئے بولی ۔۔۔
خداحافظ ۔۔۔ گوہر کے چہرے کی مسکراہٹ استنبول میں ہی کھو گئی تھی شاید ۔۔۔
لگتا ہے گھر میں کوئی نہیں ہے ۔۔۔ اُس نے گھر پہنچتے ہی تالہ دیکھ کر اپنے پرس سے چابی نکالتے ہوئے کہا ۔۔۔
لاک کھولتے ہی سب سے پہلے اُس نے جوتے اتارے ۔۔۔ اندر جا کر عبایا اتارا ۔۔۔۔ ہاتھ منہ دھو کر جب کچن میں جانے کے لئے آگے بڑھی ۔۔۔ دروازے پر ہاتھ رکھتے ہی اس نے ایک نوٹ لگا دیکھا ۔۔۔۔۔۔ اُس کو پڑھ کر گوہر کے لب مسکرا اُٹھے ۔۔۔
سوری بیٹا مجھے ایک ضروری کام سے جانا پڑ رہا ہے میں نے تمہاری پسندیدہ سبزی بنائی ہے ۔۔۔ میں جانتی ہوں بیٹا تم بہت دُکھی ہو مگر پلیز کھانا کھائے بغیر مت سونا ۔۔۔ شام میں ملتے ہیں ۔۔۔۔۔۔۔ اوہ امی ۔۔۔ گوہر نے پیار بھرے انداز سے کہا ۔۔۔
ان کے گھر میں یہ رواج تھا کہ جب بھی کوئی آخری بندہ گھر سے نکل رہا ہوتا وہ کوئی نوٹ لکھ کر کچن کے دروازے پر چپکا دیتا ۔۔۔ کچن بلکل سامنے تھا اس طرح جو بھی گھر میں داخل ہوتا اس کی نظر اُس نوٹ پر ضرور پڑتی تھی ۔۔۔ مگر آج جب گوہر تھکی ہاری گھر واپس آئی تو اس نوٹ کو پڑھ کر اسے بےتحاشا سکون اور خوشی ملی ۔۔۔
**************
کچھ معلوم ہوا ۔۔۔ اس مریض کے بارے میں ۔۔۔ ؟ کون ہے کہاں سے آیا ہے ۔۔۔ ؟ ہم نے اسے آئی سی یو میں شفٹ تو کر دیا ہے مگر جب تک کوئی اس کے گھر سے نہیں آئے گا ہم آپریشن نہیں کر سکتے ۔۔۔ ڈاکٹرز آپس میں تُرک میں بات کرتے ہوئے بولے ۔۔۔
اس کی جیب سے موبائل کے علاوہ اور کوئی چیز نہیں ملی ۔۔۔ ایک نرس نے اندر آتے کہا ۔۔۔
یہ تو پریشانی والی بات ہوگئی ۔۔۔ اگر شناختی کارڈ ہوتا تو ۔۔۔ ایسا کرو کہ اس کے موبائل میں دیکھو ۔۔۔ اس نے آخری فون جس کو کیا تھا ۔۔۔ اُس سے رابطہ کرو ۔۔۔ ڈاکٹر نے زکی کو فوری انجیکشن دیتے ہوئے کہا ۔۔۔
******************
ٹون ۔۔۔۔ ٹون ۔۔۔۔۔ ابھی گوہر نے کھانے کا ایک لقمہ ہی لیا تھا کہ میز پر پڑا اس کا موبائل وائبریٹ ہوا ۔۔۔
اسلام و علیکم ۔۔۔ گوہر ۔۔۔ ؟ گوہر کے فون اُٹھانے پر دوسری طرف سے کسی نے انگریزی میں پوچھا ۔۔
وعلیکم سلام ۔۔۔ یس ۔۔۔
یہ نمبر جانتی ہیں آپ ۔۔۔ ؟ کیا انہوں نے ٹھیک دو گھنٹے پہلے آپ کو فون کیا تھا ۔۔۔ ؟ اس نے زکی کا نمبر بولا ۔۔۔
ایک سیکنڈ ۔۔۔ گوہر نے رسیو کی گئی کالز میں چیک کیا ۔۔۔ دو گھنٹے پہلے اس کو زکی کی فون آئی تھی اور اس کے بعد اس کی کسی سے بات نہیں ہوئی ۔۔۔۔
جی ۔۔۔ انہوں نے مجھے کال کی تھی ۔۔۔ گوہر نے انگریزی میں جواب دیا ۔۔۔
آپ مجھے ان کا نام اور کچھ معلومات بتا سکتی ہیں ۔۔۔ ؟ اور آپ سے ان کا کیا رشتہ ہے ۔۔۔ ؟
آپ ہیں کون ۔۔۔ اور یہ سب کیوں پوچھ رہے ہیں ۔۔۔ ؟ گوہر نے حیرت کا اظہار کیا ۔۔۔
میں ایکیبیڈیم ہسپتال سے بات کر رہا ہوں ۔۔۔ آپ مجھے یہ ضروری معلومات دے دیں پلیز ۔۔۔ تبھی میں آپ کو صورتِحال سے آگاہ کر سکوں گا ۔۔۔ وہ منت کے انداز سے بولا ۔۔۔
اُن کا نام زلقرنین سلطان ہے ۔۔۔ اور میں زلقرنین کی چچازاد ہوں ۔۔۔ اب بتائیے ۔۔۔ ؟ گوہر متفکر سی بولی ۔۔۔۔۔
نہایت افسوس کے ساتھ کہنا پڑ رہا ہے کہ ۔۔۔۔۔ گوہر نے آنکھیں بند کر کے من ہی من میں کہا ۔۔۔ یااللہ ۔۔۔۔
زلقرنین صاحب کا بہت سوئیر ایکسیڈنٹ ہو گیا ہے ۔۔۔ اور اُن کی حالت بہت نازک ہے ۔۔۔ آپ جلد از جلد ہسپتال پہنچ جائیں ۔۔۔ ابھی وہ بات کر ہی رہا تھا کہ ۔۔۔ گوہر کے ہاتھ سے موبائل پھسل کر زمین پر جاگرا ۔۔۔ اُس کی بند آنکھوں سے آنسو نکل کر رخساروں پر گرنے لگے ۔۔۔ اس نے قریب رکھی کرسی کا سہارا لیا ۔۔۔ اور زمین پر بیٹھ گئی ۔۔۔ وہ ایک لمحہ اُس پر جیسے بجلی کی طرح گرا تھا ۔۔۔ اس وقت گوہر کو بہت سی سوچوں نے آنگھیرا۔۔۔
یہ کونسا بینڈ ہے ۔۔۔۔۔۔۔ پاکستانی سنگرز ہیں ۔۔۔۔۔ یہ والا لڑکا کتنا ہینڈسم ہے نا اس کے سلکی بال ۔۔۔۔۔۔۔۔۔۔ یااللہ اس سنگر کو ہدایت دے ۔۔۔۔
۔۔۔۔۔۔۔۔ یااللہ ۔۔۔۔۔ گوہر گڑگڑاتے ہوئے بولی ۔۔۔۔
__________
دس پندرہ منٹ بعد جب گوہر ہوش میں آئی ۔۔۔۔ اُس نے ایک سیکنڈ بھی ضائع نہ کرنا چاہا ۔۔۔ فوراً سے عبایا پہنا سکارف لپیٹا ۔۔۔ نقاب کیا اور گھر لاک کر کے نکل گئی ۔۔۔ وہ کسی کو پریشان نہیں کرنا چایتی تھی اسی وجہ سے اُس نے کسی کو بھی زکی کے ایکسیڈنٹ کی خبر نہیں دی ۔۔۔۔
فیری میں سوار ہوتے ہی سب سے پہلے اسے اپنا خواب یاد آیا ۔۔۔۔۔۔۔۔ آمنہ ۔۔۔۔ مجھے ایسا لگا کہ جیسے کسی نے میری ۔۔۔۔ روح کو جھنجھوڑا ہو ۔۔۔ مجھ سے میرا کوئی قریبی چھن گیا ہو جیسے ۔۔۔۔ پتا نہیں کیوں مجھے ایسا لگ رہا ہے کہ مجھے واپس استنبول جانا چائیے ۔۔۔ میرا کچھ چھوٹ گیا ہے وہاں ۔۔۔ میرا دم گھٹ رہا ہے یار ۔۔۔۔
*************
زلقرنین سلطان کا بتا دیں پلیز ۔۔۔ ریسپشن پر پہنچتے ہی گوہر نے پوچھا ۔۔۔
وہ آئی سی یو میں ہیں ۔۔۔۔ وہاں بیٹھی لڑکی نے کہا ۔۔۔
اوکے تھینکس ۔۔۔ گوہر نے اپنے آنسو پیتے ہوئے کہا ۔۔۔
سنئے ۔۔۔ ڈاکٹر ۔۔۔۔ آئی سی یو سے نکلتے ڈاکٹر کو گوہر نے روک کر کہا ۔۔۔
زلقرنین کیسا ہے اب ۔۔۔ ؟؟ وہ ٹھیک تو ہو جائے گا نا ۔۔۔ یہ پوچھتے ہوئے گوہر کے آنسو بےاختیار گر پڑے ۔۔۔
میں گوہر ہوں ۔۔۔ زلقرنین کی کزن ۔۔۔۔
آپ میرے ساتھ آئیے ۔۔۔ ڈاکٹر نے گوہر کو چلنے کا کہا ۔۔۔
زلقرنین کی حالت بہت زیادہ خراب ہے ۔۔۔ ابھی ہم کچھ نہیں کہہ سکتے ۔۔۔ آپ دعا کریں ۔۔۔ ڈاکٹر نے گوہر کو تسلی دیتے ہوئے کہا ۔۔۔
ہوا کیا ہے ۔۔۔ مطلب ایکسیڈنٹ کہاں ہوا ۔۔۔ کیسے ۔۔۔ ؟؟ گوہر نے متذبذب سے انداز میں پوچھا ۔۔۔
دیکھئے مس گوہر ۔۔۔ میں کچھ زیادہ تو نہیں جانتا ۔۔۔ مگر اتنا معلوم ہے کہ یہ حادثہ استقلال سٹریٹ کے قریب ہوا ہے ۔۔۔ جس طرح وہاں آس پاس کے لوگوں نے بتایا ۔۔۔ زلقرنین بنا آگے پیچھے دیکھے اپنی ہی دُھن میں استقلال سٹریٹ سے نکل رہا تھا ۔۔۔ کوئی گاڑی آئی اور اس کے بعد جو ہوا وہ ہمارے سامنے ہے ۔۔۔۔۔
میں آپ کو اندھیرے میں نہیں رکھنا چاہتا ۔۔۔ اُس کی کنڈیشن ایسی ہے کہ ہم کچھ نہیں کہہ سکتے ہو سکتا ہے کہ وہ مکمل صحت یاب ہو جائے ۔۔۔ اللہ کرے ایسا ہی ہو ۔۔۔ مگر یہ بھی چانسز ہیں کہ وہ کبھی اپنے پائوں پر چل نہیں سکے گا ۔۔۔ اُس کو صرف دعا ہی بچا سکتی ہے ۔۔۔ ہم اپنی پوری کوشش کر رہے ہیں ۔۔۔ آپ ان پیپرز پر دستخط کر دیں ۔۔۔ تاکہ ہم جلد از جلد آپریشن شروع کریں ۔۔۔
*******************
نشاء بیٹا موبائل رکھ دو اب ۔۔۔ کھانا کھالو ۔۔۔ سحر نے نشاء کے ہاتھ سے فون لینا چاہا ۔۔۔۔
ماما زکی چاچو ۔۔۔ نشاء نے موبائل پر زکی کے کنسرٹ کی ویڈیو دیکھتے ہوئے کہا ۔۔۔
اچھا دکھائو ادھر ۔۔۔۔ قریب بیٹھی خورشید سلطان نے نشاء کی آواز سنتے ہی اس کو اپنے پاس بلایا ۔۔۔
میرا بچہ ۔۔۔۔ ماشائاللہ کتنا پیارا لگ رہا ہے ۔۔۔ انہوں نے ویڈیو میں زکی کو پیار سے دیکھا ۔۔۔
_____________
میں زرا زکی کو فون تو کروں ۔۔۔ رات کے بعد بات ہی نہیں ہوئی میری اُس سے ۔۔۔۔ زکی کی دادی اسے فون کرتے ہوئے بولی ۔۔۔
اُٹھا ہی نہیں رہا ۔۔۔ انہوں نے دوبارہ کوشش کی ۔۔۔
سحر بیٹا ۔۔۔ زکی فون نہیں اُٹھا رہا ۔۔۔ تم کر کے دیکھو ۔۔۔ خورشید سلطان نے تفکر سے کہا ۔۔
دادو آپ کیوں فکر کر رہی ہیں ۔۔۔ باسط کے ساتھ ہوگا ۔۔۔ اس لئے نہیں بات کر رہا ہوگا ۔۔۔ سحر نے نشاء کے منہ میں لقمہ ڈالا ۔۔۔۔۔۔
رکو میں باسط کو فون کر کے دیکھتی ہوں ۔۔۔ دادی نے باسط کا نمبر ڈائل کرتے کہا ۔۔۔
وعلیکم اسلام بیٹا ٹھیک ہو ۔۔۔ ؟؟ زکی فون نہیں اٹھا رہا ۔۔۔ تمہارے ساتھ ہے تو بات کروا دو ۔۔۔ دادی نے متذبذب سے انداز میں پوچھا ۔۔۔۔
نہیں دادو ۔۔۔ میں تو آج صبح ہی پاکستان واپس آ گیا تھا ۔۔۔ میرے بابا کو ہارٹ اٹیک ہوا ہے ۔۔۔
اوو میرے اللہ ۔۔۔۔ اب کیسے ہیں تمہارے بابا ۔۔۔ ؟؟
اللہ کا شکر ہے ۔۔۔ پہلے سے بہتر ہیں ۔۔۔
اللہ انہیں صحت دے ۔۔۔ آمین ۔۔۔
_____________________
باسط بھی ترکی میں نہیں ہے ۔۔۔۔ آخر یہ زکی فون کیوں نہیں اٹھا رہا ۔۔۔۔۔۔ دادی متفکر سی بولی ۔۔۔
گوہر کہہ رہی تھی کہ اسے اپنے گھر لے کر جائے گی ۔۔۔ ہو سکتا ہے اُسے کچھ معلوم ہو زکی کے بارے میں ۔۔۔۔۔ انہوں نے گوہر کو فون کرتے ہوئے کہا ۔۔۔۔
****************
اذھب الباس رب الناس اشف انت الشافی لا شفائ الا شفائک شفائ لا یغادر سقما
اے اللہ ۔۔ لوگوں کے پروردگار ۔۔۔ بیماری کو دور فرما اور شفا دے تو ہی شفا دینے والا ہے ۔۔۔ نہیں ہے شفا سوائے تیری شفا کے ایسی شفا جو کسی بیماری کو نہ چھوڑے ۔۔۔
میرے اللہ ۔۔۔ زکی کو صحت دیں ۔۔۔ اُس کو زندگی دیں ۔۔۔ آمین ۔۔۔
آئی ایم سو سوری زکی ۔۔۔ میں ان دنوں کچھ مصروف ہوں ۔۔۔ آپ ایسا کریں کہ میں ایک جگہ بتا رہی ہوں آپ وہ نوٹ کر لیں کل آپ یہاں آجانا میں بھی یہاں آپ کو لینے آجائوں گی ۔۔۔۔۔۔ آپریشن تھیٹر کے باہر بینچ پر بیٹھی گوہر کو طرح طرح کے خیال آ رہے تھے ۔۔۔
وہ ضرور مجھ سے کچھ قدم ہی دور ہوا ہوگا ۔۔۔ کیونکہ جب اس کا ایکسیڈنٹ ہوا ۔۔۔ میں تھوڑی دیر پہلے ہی تو وہاں سے نکلی تھی ۔۔۔۔
کاش میں اُسے آج ہی بیوک ادا لے جاتی ۔۔۔۔ کاش میں یہ نہ بھولتی کہ کل کبھی نہیں آتا ۔۔۔ کاش میں یہ بات نہ بھولتی کہ حادثات کل کا انتظار نہیں کیا کرتے ۔۔۔۔ وہ تو ایک لمحے میں ہو جایا کرتے ہیں ۔۔۔