ھو کون، کہاں سے آئی ھو
چپ چپ سی بیٹھی ھو جیسے
کوئی بات من میں چھپائی ھو
تیری آنکھیں شعر کہتی ھیں
تم سخن دیس سے آئی ھو؟
تم حُسن شہر سے آئی ھو؟
سوغات بھی کوئی لائی ھو؟
خاموش ھو کیوں، بولو نا
کہہ دو جو کہنے آئی ھو
کیا کہا، محبت ھے ھم سے؟
تمہیں کیا نسبت ھے ھم سے
تم روپ سروپ میں اچھی ھو
ھاں لگتی من کی سچی ھو
ھم ایک جہاں کے جھوٹے ھیں
ھر عہد و پیماں کے جھوٹے ھیں
کیوں ایسی جا پہ آئی ھو
جہاں آنے میں رسوائی ھو
کیوں من کو روگ لگاتی ھو
کیوں ھم سے ملنے آئی ھو؟
نہ پالو روگ محبت کے
ھم نہیں لوگ محبت کے
ھاں باتیں اچھی کرتے ھیں
ھاں اچھا سخن کہتے ھیں
پر جیسی باتیں کرتے ھیں
ھم ویسے تو نہیں ھوتے ھیں
آنکھوں میں آنسو نہ لاؤ
اب تم اٹھو…. اور جاؤ
ھاں دکھ ھو گا دو چار دن
دو چار دن، بـے کار دن
جب گزریں گے یہ چار دن
آگے ھیں پڑے ھزار دن
تمہیں جینا ھے ھزاروں دن
اپنی دنیا میں کھو جاؤ
دیکھو، رات بہت ھو گئی
اب جاؤ ، جا کر سو جاؤ
میری محبت بھلا کے دیکھو
جیون میں کیسی راحت ھے
جسے تم "محبت" کہتی ھو
وہ ھم لوگوں کی "عادت" ھے..
