نقطہ اورنکتہ

نقطہ اورنکتہ ……
"نقطہ"  اور" نکتہ" کے بارے میں اچھے خاصے پڑھے لکھے لوگ بھی غلط فہمی کا شکار رہتے ہیں، قلم کو جب ہم صفحے پر رکھ کر اٹھاتے ہیں، تو ایک نقطہ بنتا ہے، یعنی ڈاٹ۔نقطہ (۰) ،یہ کسی جگہ کے لیے بھی استعمال ہوتا ہے، اس کے علاوہ مرکز کے معنوں میں بھی استعمال ہوتا ہے،مثال کے طور پر نقطۂ نظر،یعنی کسی کا مرکزِ نگاہ یا دیکھنے کا ڈھنگ۔ نقطہ کی جمع نِقاط ہے،جبکہ" نکتہ" کسی باریک بات کو کہتے ہیں۔ مثال کے طور پر فلاں شعر میں غالب نے بہت اہم نکتہ بیان کیا ہے یااس جملے میں مصنف نے فلاں نکتے کی طرف اشارہ کیاھے وغیرہ ـ نکتہ کی جمع نِکات ہے۔ یہ کہنا کہ آپ کا بیان کردہ "نقطہ" قابلِ غور ہے ، غلط ہے۔اسی طرح "میرانکتۂ نظر "بھی کہنایالکھناغلط ھوگا.

نکتہ
نُکْتَہ {نُک + تَہ} (عربی)
اسم نکرہ (مذکر – واحد)
واحد غیر ندائی: نُکتے {نُک + تے} 
جمع: نُکْتے {نُک + تے} 
جمع غیر ندائی: نُکْتوں {نُک + توں (و مجہول)} 
معانی
11. کنہ، باریکی، سخن، دقیق و بلیغ اور پاکیزہ جسے ہر ایک نہ سمجھ سکے، باریک بات، راز، بھیجد، عقدہ، سترخفی۔
2. عل کی بات، دقیق بات، سمجھ کی بات۔
3. لطیفہ، چٹکلہ۔
4. سربند، وہ چمڑا جو گھوڑے کے منہ پر رہتا ہے، تلہاری۔
5. کام کی بات، دور کی بات۔
6. رخنہ، عیب، مین میکھ، خردہ۔۔
انگریزی ترجمہ
((orig.) Apoint; a point (of wit); a quaint saying; a pithy sentence; a subtle or quaint conceit; a nice or metaphysical distinction; a mythical signigication; head stall (of a horse)

مترادفات 
دَقِیق، رَمْز، دَقِیقَہ، بارِیکی، وَقْت، لَطِیفَہ، عَیب، بھید، 
مرکبات
 نُکْتَہ آرا، نُکْتَہ آرائی، نُکْتَہ آفْرِینی، نُکْتَہ آفْرِیں، نُکْتَہ آموزی، نُکْتَہ بَہ نُکْتَہ، نُکْتَہ بِین، نُکْتَہ بِینی، نُکْتَہ پَرْداز، نُکْتَہ پَرْدازی، نُکْتَہ پَرْوَر، نُکْتَہ پَرْوَری، نُکْتَہ پَیرائی، نُکْتَہ پَیما، نُکْتَہ جُو، نُکْتَہ چِینی، نُکْتَہ چِیں، نُکْتَہ دانی، نُکْتَہ داں، نُکْتَہ رانی، نُکْتَہ راں، نُکْتَہ رَس، نُکْتَہ رَسی، نُکْتَہ سَرا، نُکْتَہ سَرائی، نُکْتَہ سَرایان، نُکْتَہ سَنْج، نُکْتَہ سَنْجی، نُکْتَہ شَناس، نُکْتَہ شَناسی، نُکْتَہ طَراز، نُکْتَہ طَرازی، نُکْتَہ فَروش، نُکْتَہ فِشانی، نُکْتَہ فِشاں، نُکْتَہ فَہْمی، نُکْتَہ کُشا، نُکْتَہ گِیر، نُکْتَہ گِیری، نُکْتَہ نِگار، نُکْتَہ نَواز، نُکْتَہ نَوازی، نُکْتَہ وَر، نُکْتَہ وَرانَہ، نُکْتَہ وَری، نُکْتَہ ہا، نُکْتَہ ہائے دَقِیق، نُکْتَہ ہائے لُقْمانی، نُکْتَہ ہائے مُعتَرِضَہ، نُکْتَہ یاب، نُکْتَۂِ اِیماں، نُکْتَۂِ بَعْدَالْوَقُوع، نُکْتَۂِ پیچِیدَہ، نُکْتَۂِ غَبِییَّہ، نُکْتَۂِ فَہْم
مزید دیکھیں
* نکتہ آرا
* نکتہ آرائی
* نکتہ آفرینی
* نکتہ آفریں
* نکتہ آموزی
* نکتہ بہ نکتہ
* نکتہ بین
* نکتہ بینی
* نکتہ پرداز
* نکتہ پردازی
 * نکتہ پرور

نقطہ

نُقْطَہ {نُق + طَہ} (عربی)
اسم نکرہ (مذکر – واحد)
واحد غیر ندائی: نُقْطے {نُق + طے} 
جمع: نُقْطے {نُق + طے} 
جمع غیر ندائی: نُقْطوں {نُق + طوں (و مجہول)} 
معانی
1. خط کی انتہا، وہ مقدار جو تقسیم نہ قبول کر سکے مگر اس کی طرف اشارہ کر سکیں۔
2. بندی، صفر، مرکز۔
3. کرن بندی، دال جو شعاع سے بندھتی ہے۔
انگریزی ترجمہ
 a point, a dot; a cypher; a geometrical poitn; centren (of a circle); a focus; a spot; a stain; a dot , pip , or spon (upon a die) 
مترادفات 
نِشانَہ، ہَدَف، مَوقَع، مَقام، تِل، 
مرکبات
 نُقْطَہ آرائی، نُقْطَہ بَہ نُقْطَہ، نُقْطَہ دار، نُقْطَہ دار لَکِیر، نُقْطَہ گاہ، نُقْطَہ وِصال، نُقْطَہ ہائے نَظَر، نُقْطَۂِ اُبال، نُقْطَۂِ اِتِّحاد، نُقَطَۂِ اِتِّصال، نُقْطَۂِ اِجْتِماع، نُقْطَۂِ اِحْتِراق، نُقْطَۂِ اِخْتِتام، نُقْطَۂِ اِخْتِلاف، نُقْطَۂِ اِشْتِراک، نُقْطَۂِ اِشْتِعال، نُقْطَۂِ اِعْتِدال، نُقْطَۂِ اِعْتِدالِ رَبِیعی، نُقْطَۂِ اِعْتِدالَین، نُقْطَۂِ اِعْتِراض، نُقْطَۂِ اَعْشارِیَہ، نُقْطَۂِ اَقْرَب، نُقْطَۂِ اِماعَت، نُقْطَۂِ اِنْتِخاب، نُقْطَۂِ اَنْجام، نُقْطَۂِ اِنْعِطاف، نُقْطَۂِ اِنْقِطاع، نُقْطَۂِ اِنْقِلاب، نُقْطَۂِ اِنْقِلاب شِتَوی، نُقْطَۂِ اِنْقِلاب صَیفی، نُقْطَۂِ اِنْقلابَین، نُقْطَۂِ اَوج، نُقْطَۂِ آخِر، نُقْطَۂِ آغاز، نُقْطَۂِ باطِل، نُقْطَۂِ پَذِیرَہ، نُقْطَۂِ پَرْکار، نُقْطَۂِ پِگھْلاؤ، نُقْطَۂِ تَعْلِق، نُقْطَۂِ تَقابُل، نُقْطَۂِ تَقاطُع، نُقْطَۂِ تَقاطُع رَبِیعی، نُقْطَۂِ تَماس، نُقْطَۂِ تَنْصِیف، نُقْطَۂِ تَوقِیَت، نُقْطَۂِ جاذِب، نُقْطَۂِ جاسُوس، نُقْطَۂِ جوش، نُقْطَۂِ چَشْم، نُقْطَۂِ حَفِیض، نُقْطَۂِ حَیات، نُقْطَۂِ خال، نُقْطَۂِ خَیال، نُقْطَۂِ دائِرہ، نُقْطَۂِ دَمعِیَّہ، نُقْطَۂِ دِید، نُقْطَۂِ ذَوب، نُقْطَۂِ راس، نُقْطَۂِ رَمٰی، نُقْطَۂِ رِہائی، نُقْطَۂِ زَوال، نُقْطَۂِ ساکِن، نُقْطَۂِ سُکُون، نُقْطَۂِ سِمْتُ الرّاس، نُقْطَۂِ سُوَیدا، نُقْطَۂِ سَہْو، نُقْطَۂِ سَہْوُ الْقَلَم، نُقْطَۂِ سیری، نُقْطَۂِ شَبْنَم، نُقْطَۂِ شَک، نُقْطَۂِ شَکِسْت، نُقْطَۂِ عُرُوج، نُقْطَۂِ غَلْیان، نُقْطَۂِ فاصِل، نُقْطَۂِ فَرْضی، نُقْطَۂِ کَمال، نُقْطَۂِ کور، نُقْطَۂِ گُداخْت، نُقْطَۂِ لایُتَجَزّا، نُقْطَۂِ ماسِکَہ، نُقْطَۂِ مائِعَگی، نُقْطَۂِ مَرْکَز، نُقْطَۂِ مَرْکَزِیَہ، نُقْطَۂِ مَغْلُوبِیَّت، نُقْطَۂِ مُقابِل، نُقْطَۂِ مُلْتَقٰی، نُقْطَۂِ مُماس، نُقْطَۂِ مُنْتَہا، نُقْطَۂِ مَوہُوم، نُقْطَۂِ نَزْف، نُقْطَۂِ نَظَر، نُقْطَۂِ نَمُو، نُقْطَۂِ نَو گُریز، نُقْطَۂِ نُوری، نُقْطَۂِ نُہ داِئَرہ
مزید دیکھیں
* مرکزی نقطہ
* زرد نقطہ
* گول نقطہ
* دل کا نقطہ
* نشان کا نقطہ
* برف کا نقطہ
* تاریک نقطہ
* نزدیک ترین نقطہ
* مکانی نقطہ
* نقطہ آرائی
 * نقطہ بہ نقطہ

اشعار نکتہ کے استعمال میں………

نکتہ دانان رفتہ کی نہ کہو
بات وہ ہے جو ہووے اب کی بات (میر) 
صحبت رکھا کیا وہ سفیہ و ضلال سے
دل ہی میں خوں ہوا کیں مری نکتہ داریاں (میر) 
نکتہ مشتاق و یار ہے اپنا
شاعری تو شعار ہے اپنا (میر) 
سنتا نہیں ہے شعر بھی وہ حرف ناشنو
دل ہی میں خوں ہوا کیں مری نکتہ داریاں (میر) 
نکتہ چیں ہے، غمِ دل اُس کو سُنائے نہ بنے
کیا بنے بات، جہاں بات بنائے نہ بنے (غالب)
ادائے خاص سے غالبؔ ہوا ہے نکتہ سرا 
صلائے عام ہے یارانِ نکتہ داں کے لیے (غالب) 
ہے گر چہ مجھے نُکتہ سرائی میں تو غُل 
ہے گر چہ مجھے سحر طرازی میں مہارت (غالب) 
مجھ سے کیا پوچھتا ہے کیا لکھیے؟
نکتہ ہائے خرد فزا لکھیے! (غالب) 
علامہ اقبال نے 1100 سے زائد مقامات پر اپنے اشعار میں نکتہ کو استعمال کیا ہے.

اشعار نقطہ کے استعمال میں………

ہے ان بھوؤں میں خال کا نقطہ دلیل فہم 
کی ہے سمجھ کے بیت کسو نے یہ انتخاب (میر) 
سوادِ چشمِ بسمل انتخابِ نقطہ آرائی 
 یخرامِ نازِ بے پروائیِ قاتل پسند آیا (غالب)

میر و غالب کے دیوان میں صرف انہی اشعار میں نظر آیا ممکن ہے اور بھی جگہ مستعمل ہو.

نقطہ پرکار حق ، مرد خدا کا یقیں 
اور یہ عالم تمام وہم و طلسم و مجاز (اقبال) 
آہ یثرب! دیس ہے مسلم کا تو ، ماوا ہے تو 
نقطہ جاذب تاثر کی شعاعوں کا ہے تو (اقبال) 
 اس کے علاوہ شاید چار مقامات پر اور نقطہ مستعمل ہے. 
 اس میں پہلے پیراگراف کے لیے نایاب حسن کا شکریہ ادا کرتا ہوں. بقیہ تمام کو تلاش میں نے خود کیا. اور بہت ہی مختصر لمحہ میں کیا حوالات کا ذکر جان بوجھ کر نہیں کیا تاکہ بعد میں اشاعت میں پریشانی نہ آئے… شکریہ.

یہ تحریر فیس بُک کے اس پیج سے لی گئی ہے۔