روایت و جدیدیت کے حسین امتزاج کا پر لطف شاعر
نئی نسل کے چند عمدہ نمائندہ شاعروں میں غالبا توقیر عباس وہ واحد شاعر ہے ۔جس کا وسیع مطالعہ اس کے اشعار میں انتہائی دلکش اور معنی خیز انداز میں بولتا نظر آتا ہے ۔اُس نے روایت اور جدیدیت سے اکتساب ہی نہیں کیا بلکہ ان کے مغز کو پوری طرح ہضم کرنے کی کوشش بھی کی ہے ۔
وہ کم لکھتا ہے ۔مگر جتنا لکھتا ہے ۔کوئی صاحب نظر اس سے اعراض نہیں کر سکتا لیکن اس کے باوجود ابھی تک اس پر کچھ نہیں لکھا گیا۔یہ اعراض ہے یا تغافل ۔۔جو بھی ہو ۔اس کی شاعری کو کسی سرد خانے کی نذر کرنا محال ہے
۔۔ایسے میں جب کہ محبت گلیوں سے اٹھ کر موبائل فون میں سما گئی ہے اور عالمی گاؤں کی پگڈنڈیوں پر معنی کے التوا کے مباحث میں نئی و پرانی تنقید کے مقدمات فراموش کیے جارہے ہیں۔۔۔وہ ایک بڑے کینوس کا شاعر ہے ۔اس کی نظم وغزل خدا، زمین ،انسان اور کائناتی مسائل سے نئے اور پرانے دونوں مکاتیب فکر کے مطابق معاملہ کرنے کی اہلیت سے متصف ہیں ۔ازل سے ابد تک پھیلی ہوئی ایک محرومی ،جبر کی مسلط کردہ بے بسی کے نتیجے میں جنم لیتی تلملاہٹ اور جینے کی خواہش میں اسطوری سہاروں کی بنیاد پر اپنی بقا کی کشمکش کاجیسا اظہار اس کے یہاں موجود ہے ۔شاید ہی کسی اور کے یہاں نظر آئے۔
اس کی شاعری میں جدلیاتی الفاظ سے ڈھلے پیکروں ،معنی خیز استعاروں اور حسی تشبیہات کا ایک سیل رواں ہے ۔جو اپنے قاری کو اپنے ساتھ بہانے کی بے پناہ طاقت رکھتا ہے ۔انسانی نفسیات پر اس کی باکمال دسترس اور رشتوں کے جوہر کو سمجھنے کی صلاحیت نے اگر ایک طرف اسے سماجی اور معاشرتی عوامل سے جڑا شاعر ہونے کی سند دی ہے تو دوسری طرف ۔روشنی اور رنگ و آواز سے دھلا اُس کا مسائل حیات سے نبرد آزما لا ابالی مگر بے نیاز رویہ اور لہجہ اس کی شاعری کو ایک ایسی للک اور کشش عطا کرتا ہے ۔۔جو اسے اپنے ہم عصروں سے ممتازکرتی ہے۔
…………………
ہم تو لہریں ہیں۔۔۔۔۔۔۔۔۔ نظم
ہم تو جیسے لہریں ہیں
آسمان کو
چھونے کی خواہش میں
ہم جست لگائیں
تو لگتا ہے
پانی سے شاخیں پھوٹ پڑی ہیں
ہم تو پل چھن میں
اپنے ہونے کا مظاہرہ کر کے
اس ہیئت میں کھو جاتے ہیں
جو ہمیں بے ہیئت کر دیتی ہے
دھرتی کے تہ در تہ رازوں میں رقصاں
اس موجود میں جو موجود ہے
سب کو اپنے جال میں جکڑے ہوئے ہے
ہم سب لاکھوں تار و پود میں گندھے ہوئے ہیں
توقیر عباس
۔۔۔۔۔۔۔۔۔۔
مسافت
آخری بار نظر جب گھر پر ڈالی
تو ہر چیز آگے بڑھ کر
میرے گلے سے لگ کر رونے لگی تھی
میرا بچپن
میری آنکھ میں تیر کے ھچکیاں لینے لگا تھا
میں خاموشی سے
انجانے سفر کوزھن میں رکھ کر
پتھرائی آنکھوں سے
سب کچھ دیکھ رہا تھا
سارا منظر
آنکھ کے رستے من میں اتر کر
مجھ کو روک رہا تھا،توڑ رھا تھا
لیکن ایک انمول الوھی مسافت
مجھ کو ریزہ ریزہ جوڑ رھی تھی
نوقیر عباس
۔۔۔۔۔۔۔۔۔۔۔۔۔۔۔
کہانی
جنم جنم کے سناٹوں کی
لا کھ الوہی صبحوں سے تہذیب ہوئ
قربتیں جاگی
ہر شے محرم حال ہوئ
دل دل محفلیں مہکیں پھول کھلے
وقت کی رو سے ابھری
چک چک کرتی گردش ابھری
جس کی اڑتی گرد نے سب کچھ بدل دیا
ٹھاؤں گراؤں کے سلسلے پھیلے
کر کر کرتے ماضی ہوتے
پل پل آسمان کو چھوتی ہیکل
اینٹیں گارا پتھر
بھاری بھر کم ایواں
چاند کا پیکر چھونے والے
آنکھ میں خواب سجا کر
اندیکھی دنیا کی تسخیر کو نکلے
آس پاس میں شور بڑھا کر
راہوں کو تاراج کیا
جن پر چلتے چلتے
تنہائ دل کو چھو لے
چہرہ چہرہ ایک نراسا
نرمل جذبے
ایک سیاہی آنکھوں آنکھوں
خود سے اجنبی گم صم
حیراں سایا
آتے دنوں کے اندیشے
آنکھوں میں ویرانی
حد نظر تک ایک ہجوم
دور دور تک تنہائ
تو قیر عباس
………….
ﮐﺮﺏ ﺗﺤﺮﯾﺮ ﺳﮯ ﻧﮑﻞ ﺁﯾﺎ…
ﺭﻧﮓ ﺗﺼﻮﯾﺮ ﺳﮯ ﻧﮑﻞ ﺁﯾﺎ
ﺑﺎﺕ ﺑﻨﯿﺎﺩ ﮐﯽ ﻧﮑﻞ ﺁﺉ…
ﻋﯿﺐ ﺗﻌﻤﯿﺮ ﺳﮯ ﻧﮑﻞ ﺁﯾﺎ
ﮐﺘﻨﺎ ﺍﭼﮭﺎ ﮨﮯ ﻧﺎﺗﻮﺍﮞ ﮨﻮﻧﺎ..
ﭘﺎﺅﮞ ﺫﻧﺠﯿﺮ ﺳﮯ ﻧﮑﻞ ﺁﯾﺎ
ﻭﺍﺭ ﺍﺗﻨﺎ ﺷﺪﯾﺪ ﺗﮭﺎ ﻣﯿﺮﺍ…
ﺫﺧﻢ ﺷﻤﺸﯿﺮ ﺳﮯ ﻧﮑﻞ ﺁﯾﺎ
ﺍﺏ ﻭﮦ ﺗﻨﮩﺎ ﮐﮭﮍﺍ ﮨﻮﺍ ﮨﮯ ﮐﮧ ﻣﯿﮟ…
ﺍﺱ ﮐﯽ ﺗﺼﻮ ﯾﺮ ﺳﮯ ﻧﮑﻞ ﺁﯾﺎ
ﺩﻭﺳﺖ ﻣﺤﻔﻞ ﺳﮯ ﺍﭨﮫ ﮔﮱ ﻣﯿﮟ ﺑﮭﯽ
ﺗﮭﻮﮌﯼ ﺗﺎﺧﯿﺮ ﺳﮯ ﻧﮑﻞ ﺁﯾﺎ
ﺣﺒﺲ ﭨﻮﭨﺎ ﺗﻮ ﯾﻮﮞ ﻟﮕﺎ ﺗﻮﻗﯿﺮ….
ﺷﮩﺮ تصویر ﺳﮯ ﻧﮑﻞ ﺁﯾﺎ
……………
ﺍﮎ ﻭﻗﺖ ﺗﻮ ﺍﯾﺴﺎ ﺗﮭﺎ ﮐﮧ ﺩﻥ ﺭﺍﺕ ﮐﮍﮮ تھے
ﭘﺎﻧﯽ ﮐﺎ ﮨﻤﯿﮟ ﺧﻮﻑ ﺗﮭﺎ ﻣﭩﯽ ﮐﮯگھڑے تھے
ﮬﻢ ﻧﯿﻨﺪ ﮐﮯ ﻋﺎﻟﻢ ﻣﯿﮟ ﮐﻮﺉ ﻣﻮﮌ ﻣﮍﮮتھے
ﺩﯾﮑﮭﺎ ﺗﻮ ﺍﺑﺪ ﮔﯿﺮ ﺯﻣﺎﻧﮯ ﻣﯿﮟ ﮐﮭﮍﮮتھے
ﻣﻌﻠﻮﻡ ﮨﮯ ﺟﺲ ﻣﻮﮌ ﭘﮧ ﺑﭽﮭﮍﮮ ﺗﮭﮯاسی جا
ﮐﭽﮫ ﮨﺎﺗﮫ ﮨﻼﺗﮯ ﮨﻮﮰ ﺍﺷﺠﺎﺭ ﮐﮭﮍﮮ تھے
ﮨﺮ ﻣﻮﮌ ﭘﮧ ﮨﻮﺗﺎ ﺗﮭﺎ ﯾﮩﺎﮞ ﻗﺘﻞ ﻭﻓﺎ ﮐﺎ..
ﮨﺮ ﻣﻮﮌ ﭘﮧ ﭨﻮﭨﮯ ﮨﻮﮰ ﺁﺋﯿﻨﮯ ﭘﮍﮮ ﺗﮭﮯ
ﮈﺭ ﺗﮭﺎ ﮐﮧ ﭘﮑﺎﺭﺍ ﺗﮭﺎ ﺗﻤﮭﯿﮟ زﺭ ﮐﯽﭼﻤﮏ ﻧﮯ..
ﻣﯿﺪﺍﻥ ﺳﮯ ﺗﻢ ﻟﻮﮒ ﮐﮩﺎﮞ ﺑﮭﺎﮒ ﭘﮍﮮﺗﮭﮯ
ﺍﺳﻄﻮﺭﮦﺀ ﺑﻐﺪﺍﺩ ﮐﻮ ﺷﺐ ﺧﻮﺍﺏ ﻣﯿﮟﺩﯾﮑﮭﺎ..
ﻭﮦ ﺣﺴﻦ ﺗﮭﺎ ﺷﮩﺰﺍﺩﮮ ﻗﻄﺎﺭﻭﮞ ﻣﯿﮟﮐﮭﮍﮮ ﺗﮭﮯ
ﺗﻢ ﻧﮯ ﺑﮭﯽ ﺑﮩﺖ ﺍﺷﮏ ﺑﮩﺎﮰ ﺗﮭﮯﺑﭽﮭﮍ ﮐﺮ
ﭘﯿﮍﻭﮞ ﺳﮯ ﺑﮭﯽ ﺍﺱ ﺭﺍﺕ ﺑﮩﺖ ﭘﺎﺕﺟﮭﮍ ﮮ ﺗﮭﮯ
ﺍﮎ ﻗﺎﻓﻠﮧ ﺑﮭﭩﮑﺎ ﺗﮭﺎ ﮐﺴﯽ ﺧﻮﺍﺏ ﮐﮯﺍﻧﺪﺭ
ﺍﮎ ﺷﮩﺮ ﮐﮯ ﺭﺳﺘﮯ ﻣﯿﮟ ﺑﮩﺖ ﻣﻮﮌ ﭘﮍ ﮮﺗﮭﮯ
………
ﻧﺠﺎﻧﮯ ﺁﮒ ﮐﯿﺴﯽ ﺁﺋﯿﻨﻮﮞ ﻣﯿﮟ ﺳﻮ ﺭﮨﯽﺗﮭﯽ
ﺩﮬﻮﺍﮞ ﺑﮭﯽ ﺍﭨﮫ ﺭﮨﺎ ﺗﮭﺎ ﺭﻭﺷﻨﯽ ﺑﮭﯽﮨﻮ ﺭﮨﯽ ﺗﮭﯽ
ﻟﮩﻮ ﻣﯿﺮﯼ ﻧﺴﻮﮞ ﻣﯿﮟ ﺑﮭﯽ ﮐﺒﮭﯽ ﮐﺎﺟﻢ ﭼﮑﺎ ﺗﮭﺎ
ﺑﺪﻥ ﭘﺮ ﺑﺮﻑ ﮐﻮ ﺍﻭﮌﮬﮯ ﻧﺪﯼ ﺑﮭﯽ ﺳو ﺭﮨﯽ ﺗﮭﯽ
ﭼﻤﮑﺘﮯ ﺑﺮﺗﻨﻮﮞ ﻣﯿﮟ ﺧﻮﻥ ﮔﺎﺭﺍ ﮨﻮ ﺭﮨﺎ ﺗﮭﺎ
ﻣﺮﯼ ﺁﻧﮑﮭﻮﮞ ﻣﯿﮟ ﺑﯿﭩﮭﯽ ﮐﻮﺉ ﺧﻮﺍﮬﺶ ﺭﻭ ﺭﮨﯽ ﺗﮭﯽ
ﮨﻤﺎﺭﯼ ﺩﻭﺳﺘﯽ ﻣﯿﮟ ﺑﮭﯽ ﺩﺭﺍﮌﯾﮟ ﭘﮍﺭﮨﯽ ﺗﮭﯿﮟ
ﺍﺟﺎﻟﮯ ﻣﯿﮟ ﻧﻤﺎﯾﺎﮞ ﺗﯿﺮﮔﯽ ﺑﮭﯽ ﮨﻮ ﺭﮨﯽ ﺗﮭﯽ
ﺩﺑﺎﺅ ﭘﺎﻧﯿﻮﮞ ﮐﺎ ﺍﯾﮏ ﺟﺎﻧﺐ ﺑﮍﮪ ﺭﮨﺎ ﺗﮭﺎ
ﻧﺠﺎﻧﮯ ﺳﺎﺣﻠﻮﮞ ﭘﺮ ﮐﻮﻥ ﮐﭙﮍﮮ ﺩﮬﻮ ﺭﮨﯽﺗﮭﯽ
ﮐﺴﯽ ﮐﮯ ﻟﻤﺲ ﮐﺎ ﺍﺣﺴﺎﺱ ﭘﯿﮩﻢ ﮨﻮ ﺭﮨﺎ ﺗﮭﺎ
ﮐﮧ ﺟﯿﺴﮯ ﭘﮭﻮﻝ ﭘﺮ ﻣﻌﺼﻮﻡ ﺗﺘﻠﯽ ﺳﻮﺭﮨﯽ ﺗﮭﯽ
ﺗﻮﻗﯿﺮ ﻋﺒﺎﺱ
ﻭﮦ ﺣﻮﺭ ﻧﮧ ﺗﮭﯽ ﺑﺼﺮﮦ ﻭ ﺑﻐﺪﺍﺩ ﺳﮯﺁﺉ….
ﺍﮎ ﮨﺠﺮ ﺯﺩﮦ ﯾﺎﺩ ﺗﮭﯽ ﺟﻮ ﯾﺎﺩ ﺳﮯ ﺁﺉ
ﯾﮧ ﺷﻮﺭ ﻧﮩﯿﮟ ﻧﻮﺣﮧ ﻭ ﻣﺎﺗﻢ ﮐﯽ ﺻﺪﺍﮨﮯ….
ﻟﮕﺘﺎ ﮨﮯ ﮨﻮﺍ ﻗﺮﯾﺌﮧ ﺑﺮﺑﺎﺩ ﺳﮯ ﺁﺉ
ﺑﮭﯿﮕﯽ ﮨﻮﺉ ﺁﻧﮑﮭﯿﮟ ﮨﯿﮟ ﺩﺭﻭﺩ ﺍﺱ ﮐﮯﻟﺒﻮﮞ ﭘﺮ …..
ﻟﮕﺘﺎ ﮨﮯ ﺍﺑﮭﯽ ﺍﭨﮫ ﮐﮯ ﻭﮦ ﻣﯿﻼﺩ ﺳﮯ ﺁﺉ
ﺁﯾﺎ ﮨﮯ ﺳﻠﯿﻘﮧ ﺑﮭﯽ ﻣﺠﮭﮯ ﺑﮯ ﮨﻨﺮﯼﺳﮯ …..
ﺷﻌﺮﻭﮞ ﭘﮧ ﻣﺠﮭﮯ ﺩﺍﺩ ﺑﮭﯽ ﺑﮯ ﺩﺍﺩ ﺳﮯﺁﺉ
ﺍﺷﯿﺎ ﮐﺎ ﺗﺤﺮﮎ ﮐﺴﯽ ﺣﺮﮐﺖ ﮐﮯ ﺳﺒﺐ ﮨﮯ …..
ﺍﻓﺘﺎﺩ ﮨﻤﯿﺸﮧ ﮐﺴﯽ ﺍﻓﺘﺎﺩ ﺳﮯ ﺁﺉ
ﺗﻮﻗﯿﺮ ﮨﺮﺍﮎ ﺷﺨﺺ ﮐﻮ ﻣﺠﺮﻡ ﻧﮧﺳﻤﺠﮭﻨﺎ . . . . . . . . . . .
ﺍﺱ ﺷﮩﺮ ﭘﮧ ﺍﻓﺘﺎﺩ ﺗﻮ ﺍﮎ ﺁﺩﮪ ﺳﮯ ﺁﺉ
۔۔۔۔۔۔۔۔۔۔۔۔۔۔۔۔۔۔۔۔۔۔
ﮐﯿﺎ ﺁﺧﺮﺕ ﮐﺎ ﺭﻧﺞ ﮐﮧ ﺑﮭﻮﮐﮯ ﮨﯿﮟ ﭘﯿﭧ ﮐﮯ…
ﮨﻢ ﻟﻮﮒ ﺧﻮﺵ ﮨﯿﮟ ﺁﺝ ﺑﮭﯽ ﺩﻧﯿﺎ ﺳﻤﯿﭧ ﮐﮯ
ﮐﺘﻨﯽ ﺗﮭﯽ ﺍﺣﺘﯿﺎﺝ ﮨﻤﯿﮟ ﺁﻓﺘﺎﺏ ﮐﯽ….
ﺑﯿﭩﮭﮯ ﺗﮭﮯ ﮐﭽﮫ ﭘﮩﺎﮌ ﺑﮭﯽ ﺑﺮﻓﯿﮟ ﻟﭙﯿﭧ ﮐﮯ
ﻣﮩﮑﺎ ﮨﻮﺍ ﺗﮭﺎ ﺭﻭﺣﻮﮞ ﻣﯿﮟ ﺑﺎﺭﺩ ﺷﺒﻮﮞ ﮐﺎ ﻏﻢ…
ﮨﻢ ﻟﻮﮒ ﮐﺎﭨﺘﮯ ﺭﮨﮯ ﺩﻥ ﮨﺎﮌ ﺟﯿﭩﮫ ﮐﮯ
ﮨﻢ ﺳﺎﻣﻨﮯ ﺗﮭﮯ ﻣﯿﺰ ﭘﮧ ﺍﮎ ﺩﮐﮫ ﮐﮯﺳﺎﮰ ﺗﮭﮯ….
ﺑﺲ ﻧﻘﺶ ﺩﯾﮑﮭﺘﮯ ﺭﮨﮯ ﺧﺎﻟﯽ ﭘﻠﯿﭧ ﮐﮯ
ﭨﮭﻮﮐﺮ ﻟﮕﯽ ﺗﻮ ﺻﻒ ﮐﯽ ﻃﺮﺡ ﺟﺴﻢ ﮐﮭﻞ ﮔﮱ….
ﺍﮎ ﺳﻤﺖ ﺭﮐﮫ ﺩﯾﮯ ﺗﮭﮯ ﮐﺴﯽ ﻧﮯﻟﭙﯿﭧ ﮐﮯ
ﺭﮐﮭﺎ ﺗﮭﺎ ﺭﺍﺕ ﺑﮭﺮ ﮨﻤﯿﮟ ﺑﮯ ﭼﯿﻦ ﮨﺠﺮﻧﮯ…
ﺁﺭﺍﻡ ﮨﻢ ﮐﻮ ﺑﯿﭩﮫ ﮐﮯ ﺁﯾﺎ ﻧﮧ ﻟﯿﭧ ﮐﮯ
ﺑﺮﺳﻮﮞ ﮐﺎ ﺍﯾﮏ ﺯﺧﻢ ﮐﮩﺎﮞ ﻣﻨﺪﻣﻞ ﮨﻮﺍ….
ﺑﯿﭩﮭﺎ ﺭﮨﺎ ﭘﺮﻧﺪﮦ ﭘﺮﻭﮞ ﮐﻮ ﺳﻤﯿﭧ ﮐﮯ
ﺗﻮﻗﯿﺮ ﮐﺮﭼﯿﻮﮞ ﻣﯿﮟ ﺍﺳﮯ ﮈﮬﻮﻧﮉﺗﮯﺭﮨﻮ….
ﺍﮎ ﺁﺋﯿﻨﮯ ﻣﯿﮟ ﻋﮑﺲ ﺭﮐﮭﮯ ﺗﮭﮯﺳﻤﯿﭧ ﮐﮯ
ﺗﻮﻗﯿﺮ ﻋﺒﺎﺱ
۔۔۔۔۔۔۔۔۔۔۔۔۔۔۔
ﺍﺣﺴﺎﺱ ﺗﻮ ﮨﺮ ﺭﻭﺯ ﯾﮧ ﮨﻮﺗﺎ ﮨﮯ ﮐﮧ ﮐﭽﮫ ﮨﮯ
ﮐﯿﺎ ﺟﺎﻧﯿﮱ ﮐﭽﮫ ﮨﻮﻧﮯ ﮐﺎ ﮐﮭﭩﮑﺎ ﮨﮯ ﮐﮧ ﮐﭽﮫ ﮨﮯ
ﮐﯿﺎﭼﯿﺰ ﮨﮯ ﮐﮭﻠﺘﺎ ﻧﮩﯿﮟ ﮐﭽﮫ ﺑﮭﯿﺪ ﮐﺴﯽﭘﺮ
ﻭﺣﺸﺖ ﻣﯿﮟ ﮐﻮﺉ ﭼﯿﺨﺘﺎ ﺭﮨﺘﺎ ﮨﮯ ﮐﮧ ﮐﭽﮫ ﮨﮯ
ﺍﭘﻨﺎ ﺟﺴﮯ ﻣﻌﻠﻮﻡ ﻧﮩﯿﮟ ﻧﺎﻡ ﻭ ﻧﺴﺐ ﺗﮏ
ﻭﮦ ﺷﺨﺺ ﺑﮭﯽ ﺍﺏ ﺧﻮﺩ ﮐﻮ ﺳﻤﺠﮭﺘﺎ ﮨﮯ ﮐﮧ ﮐﭽﮫ ﮨﮯ
ﺑﮯﺗﺎﺑﺊ ﺩﻝ ﺑﮍﮬﻨﮯ ﻟﮕﯽ ﮨﮯ ﮐﮧ ﮐﺴﯽ ﻧﮯ
ﮐﭽﮫ ﺍﯾﺴﯽ ﻧﻈﺮ ﺳﮯ ﻣﺠﮭﮯ ﺩﯾﮑﮭﺎ ﮨﮯﮐﮧ ﮐﭽﮫ ﮨﮯ
ﯾﮧ ﺑﺎﺕ ﺍﻟﮓ ﮨﮯ ﮐﮧ ﺑﺘﺎﺗﮯ ﻧﮩﯿﮟ ﮐﭽﮫ ﺑﮭﯽ
ﺍﺣﺒﺎﺏ ﮐﮯ ﭼﮩﺮﻭﮞ ﺳﮯ ﺗﻮ ﻟﮕﺘﺎ ﮨﮯ ﮐﮧ ﮐﭽﮫ ﮨﮯ
ﺍﮎ ﺭﻭﺷﻨﯽ ﺭﮐﮭﺘﯽ ﮨﮯ ﺳﺪﺍ ﺍﭘﻨﯽ ﺟﻠﻮﻣﯿﮟ
ﺁﻧﮑﮭﻮﮞ ﻣﯿﮟ ﺩﯾﺎ ﺁﺱ ﮐﺎ ﺟﻠﺘﺎ ﮨﮯ ﮐﮧﮐﭽﮫ ﮨﮯ
ﺗﮭﯽ ﺗﺎﺏ ﮐﺴﮯ ﺗﯿﺮﮮ ﻣﻘﺎﺑﻞ ﮐﻮﺉ ﺁﺗﺎ
ﺗﻮﻗﯿﺮﺗﺮﮮ ﺳﺎﻣﻨﮯ ﺑﯿﭩﮭﺎ ﮨﮯ ﮐﮧ ﮐﭽﮫ ﮨﮯ
………………
تپتے ہوئے صحرا میں گھڑا ہھوڑ دیا ہے
اک شخص مری جاں تھا اسے چھوڑ دیا ہے
یہ پیڑ ۔خنک چھاوں یہ نغمے یہ پرندے
یہ کیسے زمانے سے مجھے جوڑ دیا ہے
اس بار کسی اور کو تنہا کیا میں نے
اس بار کہانی کو نیا موڑ دیا ہے
دنیا نئے بہروپ میں اس بار ملی تھی
اس سیل۔بلاخیز کا رخ موڑ دیا ہے
اس شخص کا ہر بار میاں ہوچھتے کیوں ہو
جب میں نے اسے چھوڑ دیا چھوڑ دیا ہے
یہ زیست کھلونے کی طرح میرے لئے تھی
دیوار پہ مارا ہےاسے توڑ دیاہے۔۔۔۔۔۔۔۔۔۔۔۔۔۔۔۔۔۔۔۔۔۔توقیر عباس
https://www.facebook.com/jameel.urrahman.7/posts/790859341014574
