خرگوش اور کچھوا
پرانی کہانی میں خرگوش اور کچھوے میں دوڑ کا مقابلہ ۔۔۔خرگوش چند چھلانگوں میں آدھا راستہ طے کرکے مطمئن ہو کر درخت کے نیچے لیٹ جاتا ہے ۔کچھوا دھیمی رفتار سے چل کر ریس جیت جاتا ہے ۔
جدید دور کے کچھوے اور خرگوش میں ریس ہوتی ہے ۔حسبِ سابق خرگوش درخت کے نیچے لیٹنے سے پہلے یہ اندازہ قائم کرکے کہ کچھوا کتنے وقت میں پہنچے گا اپنے موبائل میں الارم سیٹ کرکے سوجاتا ہے ۔الارم کی آواز پر جاگ کر چھلانگیں مارتا ہوا ریس جیت جاتا ہے ۔
۔۔۔۔۔۔ ۔۔۔۔۔۔۔ ۔۔۔۔۔۔ ؟۔۔۔۔۔۔۔۔ ۔۔۔۔۔۔۔۔۔۔۔
کنویں کا شیر
پرانی کہانی میں شیر کی بربریت سے تنگ آکر چالاک لومڑی شیر کو کنویں کے شیر سے آگاہ کرتی ہے ۔بےوقوف شیر کنویں میں اپنا عکس اور بازگشت سن کر اس سے نبردآزما ہونے کنویں میں چھلانگ لگادیتا ہے ۔
نئی کہانی میں بھی یہی ہوتا ہے ۔لیکن دور جدید کا شیر کنویں کی منڈیر پر پنجے رکھ اپنا عکس دیکھتا ہے پھر مزید اطمینان کی لیے اپنی جیب سے عینک نکال پھینکوں دیکھتا ہے ، اس پھر حقیقت واضح کر جاتی ہے ۔۔۔ پھر ۔۔۔آپ خود نتیجہ اخذ کرلیجیے ۔
۔۔۔۔۔ ۔۔۔ ۔ ۔ ۔۔۔۔۔۔۔۔ ۔۔۔۔۔۔۔۔۔ ۔؟۔۔۔۔۔
پیاسا کوا
پیاسا کوا۔۔مٹکے میں کنکر ڈالتا ہے ۔جس کے لیے کافی وقت درکار ہوتا ہے ۔۔۔جدید کوے کی پاس اتنا وقت نہیں ۔۔۔وہ دیکھتا ہے پانی کافی تہہِ میں ہے ۔۔ جیب سے کوکا کولا پینے کا پائپ نکالتا ہے ۔۔۔جھٹ پٹ پانی پی کر ۔۔۔یا جا والے جا ۔۔
۔۔۔۔۔۔ ۔۔۔۔۔۔۔ ۔۔۔۔۔ ۔ ۔۔۔۔۔۔ ۔۔۔۔۔ ۔۔
لکڑہارے کی کلہاڑی
پرانی کہانی میں لکڑہارے کی کلہاڑی دریا میں گرجاتی ہے ۔ مہربان پری ، پہلے سونے کی پھر چاندنی کی کلہاڑی نکال کر بتاتی ہے ۔وہ انکار کرتا ہے ۔لوہے کی کلہاڑی کو اپنا بتا کر تینوں کلہاڑیاں انعام میں پاتا ہے ۔
تجدیدِ شدہ کہانی ذرا مختلف ہے ۔۔۔لکڑہارا اپنی بیوی کے ساتھ دریا کے کنارے جاتا ہے ۔ اتفاق سے اس کی بیوی پھسل کر دریا میں گرجاتی ہے ۔۔۔۔مہربان پری ۔۔۔دریا میں سے دپیکا پڈکون کو باہر نکال کر بتاتی ہے ۔
یہ تمہاری بیوی ہے ؟
ہاں ! ہاں !! لکڑہارا جلدی سے کہتا ہے ۔
