(Last Updated On: )
بحوالہ: کلیات نور (پنجابی شاعری)
مرتب : اظہار احمد گلزار
آ گئی کالی گھٹ مونہہ زور
بدلاں پایا ڈاہڈا شور
نیلا تنبو لگ پیا چوون
کن من ، کن من لگ پئی ہوون
بجلی چمکے بدل گجے
حبس تے گرمی دونویں بھجے
لو ہن ورھ پیا موہلے دھاری
سب پرنالے ہو گئے جاری
کنے خوش پھر دے نیں بچے
ضد دے پورے عقلوں کچے
پانی دے وچ نہاو ندے پھردے
ایویں تاریاں لاو ندے پھر دے
موٹے پتلے رنگ برنگے
چھوٹے وڈے ننگ بھڑنگے
روہی ، میرا ، ٹویا ،ٹلا
سارا مینہ نال ہو گیا گلا
سکی دھرتی پے گئی جان
راضی ہویا ، اج کرسان
رزق دا ہن نہیں رہنا گھاٹا
کل توں سستا ہو جاؤ ' آٹا
( نور محمّد نور کپور تھلوی)
“
